ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

ຜູ້ໂດຍສານ ຈາກບາງປະເທດ ຫ້າມບໍ່ໃຫ້ ນຳເອົາ ເຄື່ອງອີເລັກໂຕຣນິກ ຂຶ້ນເຮືອບິນ ມາຍັງ ສະຫະລັດ


ສາຍການບິນ ຣາຊະອານາຈັກຈໍແດັນ ປະກາດຫ້າມຜູ້ໂດຍສານ ນຳເອົາຄອມພິວເຕີ laptops, iPads ກ້ອງຖ່າຍຮູບ ແລະ ເຄື່ອງໃຊ້ ອີເລັກໂຕຣນິກຕ່າງໆ ຕິດຕົວຂຶ້ນເຮືອບິນ.
ສາຍການບິນ ຣາຊະອານາຈັກຈໍແດັນ ປະກາດຫ້າມຜູ້ໂດຍສານ ນຳເອົາຄອມພິວເຕີ laptops, iPads ກ້ອງຖ່າຍຮູບ ແລະ ເຄື່ອງໃຊ້ ອີເລັກໂຕຣນິກຕ່າງໆ ຕິດຕົວຂຶ້ນເຮືອບິນ.

ບັນດາ​ຜູ້​ໂດຍສານ ​ທີ່ອອກ​ເດີນທາງ​ໂດຍສານ​ການ​ບິນ​ປະມານສິບ​ກວ່າ​ປະ​ເທດ ​ໃນ
​ພາກຕາ​ເວັນ​ອອກ​ກາງ ​ແລະອາ​ຟຣິກາ​ເໜືອ ຈະ​ຫ້າມ​ບໍ່​ໃຫ້ນຳ​ເອົາ​ຄ​ອມພິວ​ເຕີ laptop
ແລະ​ເຄື່ອງອີ​ເລັກ​ໂຕຣນິກ​ໃຫຍ່ອື່ນໆ ​ເຂົ້າໄປໃນ​ເຮືອບິນ​ທີ່​ບິນ​ມາ ສະ​ຫະລັດ​ໂດຍ​ກົງ.

ການ​ຫ້າມດັ່ງກ່າວ ​ໄດ້​ຖືກ​ເປີດ​ເຜີຍ​ ໃນ​ວັນ​ຈັນ​ວານ ຢູ່​ໃນ​ຖະ​ແຫລ​ງການສະບັບ​ນຶ່ງ ​
ຈາກສາຍ​ການບິນ​ຣາຊະອານາ​ຈັກ​ຈໍ​ແດັນ ​ແລະ​ອົງການ​ຂ່າວ​ທາງ​ການ​ຂອງ Saudi
Arabia. ​ເປັນ​ທີ່​ຄາດກັນ​ວ່າ ມາດ​ຕະການ​ນີ້ຈະ​ເລີ່​ມມີ​ຜົນບັງຄັບ​ໃຊ້​ໃນ​ວັນ​ອັງຄານ​ມື້​ນີ້.

ເຄື່ອງໝາຍ ອີຈິບ ເຫັນເວລາມາເຖິງສະໜາມບິນສາກົນ ທີ່ນະຄອນ Cairo.
ເຄື່ອງໝາຍ ອີຈິບ ເຫັນເວລາມາເຖິງສະໜາມບິນສາກົນ ທີ່ນະຄອນ Cairo.

ສາຍ​ການ​ປິ​ນ ຣາຊະອານາຈັກ​ຈໍ​ແດັນ ກ່າວ​ຢູ່​ໃນ Twitter ວ່າ ບັນດາ​ຜູ້​ໂດຍ ສານທີ່​
ເດີນທາງ​ເຂົ້າ​ມາສະ​ຫະລັດ ​ຈະ​ຖືກ​ຫ້າມບໍ່​ໃຫ້​ນຳ​ເອົາ​ເຄື່ອງ​ໃຊ້​ ທີ່​ເປັນ​ອີ​ເລັກ​ໂຕຣນິກ
ຕິດ​ໂຕ​ເຂົ້າ​ມາ​ໃນ​ເຮືອບິນ ​ໂດຍ​ການ​ຂໍ​ຮ້ອງ​ຈາກ​ເຈົ້າ​ໜ້າ​ທີ່​ສະຫະ ລັດຮວມທັງ​ພວກ​ທີ່​
ຢຸດ​ແວ່ຢູ່ປະ​ເທດ​ກາ​ນາ​ດາ. ນັບ​ແຕ່​ນັ້ນ​ມາ Twitter ດັ່ງ​ກ່າວ ​ໄດ້​ຖືກ​ລື​ບ​ໄປ​ແລ້ວ.

ການ​ຫ້າມນີ້ ແມ່ນ​ບໍ່​ຮວມທັງໂທລະ​ສັບ​ມື​ຖື ຫລື​ອຸບປະກອນ​ການ​ແພ​ດ ​ແຕ່ຈະຮວມ
laptops, tablets, ​ເຄື່ອງ​ຫລິ້ນເກ​ມອີ​ເລັກໂຕຣນິກ ​ແລະ​ກ້ອງຖ່າຍຮູບ. ສິ່ງ​ຂອງ​ເຫລົ່າ
​ນັ້ນ ເຖີງຢ່າງ​ໃດ​ກໍ​ດີ ສາມາດ​ເອົາໃສ່ໄວ້ຢູ່​ໃນ​ຫີບ​ໄດ້.

ບັນດາ​ສາຍ​ການບິນ​ສະຫະລັດ​ຈະ​ບໍ່​ມີ​ຜົນ​ກະທົບຢ່າງ​ໃດ​ ​ໃນ​ເມື່ອ​ວ່າ​ບໍ່​ມີ​ສາຍ​ການບິນ
​ໃດ ບິນ​ໂດຍ​ກົງ​ໄປ​ຍັງ​ບັນດາ​ປະ​ເທດ​ທີ່​ກຳລັງ​ຖືກ​ຫ້າມນັ້ນ.

ເຊີນອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG