ລິ້ງ ສຳຫລັບເຂົ້າຫາ

ຄົນລາວ ຈະແລ່ນຖື ທວນໄຟ ໂອລິມປິກ ໃຫ້ອົງການ ອາຫານໂລກ


ນາງ ວາດສະໜາ ສິນທະວົງ ໃຫ້ຄວາມຮູ້ທົ່ວໄປກ່ຽວກັບໂພຊະນາການ ແກ່ບັນດາແມ່ ທີ່ຢູ່ບ້ານ ນາ, ເມືອງ ຕຸ້ມລານ, ແຂວງ ສາລະວັນ, ຂະນະປະຕິບັດໜ້າທີ່ ໃນຖານະຜູ້ຊ່ວຍໂຄງການ ໃນໂຄງການອາຫານເສີມ ຂອງອົງການອາຫານ ໂລກ ໃນ ສປປ ລາວ.

ບົດ​ຖະ​ແຫລ​ງຂ່າວ​ຈາກ​ຫ້ອງການອົງການ​ອາຫານ​ໂລກ WFP ປະ​ຈໍາ ສປປ ລາວ ທີ່
ນະຄອນຫລວງວຽງຈັນ ​ແຈ້ງວ່າ ພະນັກງານ​ອົງການ​ອາຫານ​ໂລກ ນາງ ວາດ​ສະຫນາ
ສິນ​ທະ​ວົງ ​ໄດ້ຖືກ​ຄັດ​ເລືອກ​ໃຫ້ເປັນ​ຕົວ​ແທນ​ຂອງ​ອົງກາ​ນ ​ໃນ​ການ​ແລ່ນຜັດປ່ຽນຖື​ທວນ​
ໄຟ​ໂອ​ລິ​ມປິກ ສໍາລັບ​ການ​ແຂ່ງຂັນກິລາ​ໂອ​ລິມປິກ ປີ 2012 ທີ່​ຈະ​ມີ​ຂຶ້ນ​ໃນ​ທ້າຍ​ເດືອນ​ໜ້າ
ນີ້ ຢູ່ນະຄອນຫລວງລອນ​ດອນ ປະ​ເທດ​ອັງກິດ.

ອົງການ​ອາຫານ​ໂລກຂອງ​ສະຫະ​ປະຊາ​ດ ​ໄດ້​ຄັດ​ເລືອກ​ເອົາ ນາງ ວາດ​ສະຫນາ ຈາກ
​ລາຍ​ຊື່​ ທີ່​ຖືກ​ສົ່ງ​ມາ​ຈາກ 70 ກ່ວາ ປະ​ເທດ ທີ່ທາງອົງການ​ປະຕິບັດ​ວຽກ​ງານ​ຢູ່. ອົງການ
WFP ໄດ້​ຮັບການ​ເຊື້ອ​ເຊີນ​ໃຫ້ຮ່ວມ​ແລ່ນ​ຖື​ທວນ​ໄຟ​ໂອ​ລິ​ມປິກໃນ​ຄັ້ງ​ນີ້​ ​ໂດຍຄະນະ​ກຳມະ
ການ​ໂອ​ລິ​ມປິກ​ສາກົນ ເພື່ອໃຫ້ເຜີຍ​ແຜ່​ຂໍ້ຄວາ​ມກ່ຽວ​ກັບສັນຕິພາບ ຄວາມ​ສາມັກຄີ ​ແລະ
ມິດຕະພາບ ໃນ​ຖານະທີ່​ເປັນ​ອົງການ​ຊ່ວຍ​ເຫລືອ​ດ້ານ​ມະນຸດສະທຳ ​ເພື່ອ​ຕໍ່ສູ້​ຕ້ານຄວາມ
​ອຶດຫິວ ທີ່​ໃຫຍ່​ທີ່​ສຸດ​ໃນ​ໂລກ.

ນາງ ວາດສະໜາ ສິນທະວົງ ທີ່ຈະໄປແລ່ນ ຜັດປ່ຽນຖືທວນໄຟໂອລິມປິກ 2012 ໃຫ້ອົງ ການອາຫານໂລກ ທີ່ເມືອງເບີມິງແຮມ, ອັງກິດ, ວັນທີ 1 ກໍລະກົດ 2012.
ນາງ ວາດສະໜາ ສິນທະວົງ ທີ່ຈະໄປແລ່ນ ຜັດປ່ຽນຖືທວນໄຟໂອລິມປິກ 2012 ໃຫ້ອົງ ການອາຫານໂລກ ທີ່ເມືອງເບີມິງແຮມ, ອັງກິດ, ວັນທີ 1 ກໍລະກົດ 2012.

ເມື່ອຮູ້ວ່າ ຕົນ​ໄດ້​ຖືກຄັດ​ເລືອກນັ້ນ
ນາງ ວາດ​ສະຫນາ ສິນ​ທະ​ວົງ​ ກ່າວວ່າ​
“ຂ້າພະ​ເຈົ້າ​ຮູ້ສຶກ​ຕື່ນ​ເຕັ້ນ ດີ​ໃຈ​ຫລາຍ.
ການ​ຖື​ທວນ​ໄຟ​ໂອ​ລິ​ມປິກ​ນີ້​ເປັນ​ກຽດ
​ຢ່າງ​ສູງ​ສົ່ງ ​ໃຫ້​ແກ່ຄອບຄົວແລະປະ​ເທດ
ຊາດ ​ຂອງ​ຂ້າພະ​ເຈົ້າ ​ແລະເພື່ອເປັນ​ຕົວ
​ແທນ​ຂອງ​ອົງການ​ອາຫານ​ໂລກ ພ້ອມ​
ກັບວຽກ​ງານ​ທີ່ຍິ່ງ​ໃຫຍ່ ​ໃນ​ເວທີ​ສາກົນ”.

ນາງ ວາດ​ສະຫນາ ຈະ​ອອກ​ເດີນທາງ​
ໄປ ​ເມືອງ​ເບີ​ມິ​ງ​ແຮມ ສະຫະ​ລາຊະ​ອາ
ນາ​ຈັກ​ອັງກິດ ​ເພື່ອ​ແລ່ນ​ຜັດປ່ຽນ​ທວນ
​ໄຟ​ໂອ​ລິ​ມປິກ ໃນ​ວັນທີ 1 ກໍລະກົດ ຄື
ວັນ​ອາທິດຈະ​ມາ​ນີ້ ຊຶ່ງ​ນາງ​ຈະ​ແລ່ນ​ໄລ
ຍະ​ປະມານ 400 ​ແມດ ຫລື ¼ ຂອງ
​ນຶ່ງ​ໄມ​ລ໌ ຢູ່​ຖະໜົນ Digbeth ຈຸດ A34
​ເລິ່ມ​ແຕ່​ເວລາປະມານ 6 ​ໂມງ​ກັບ 15
ນາທີ ຕອນ​ເຊົ້າ ຕາມ​ເວລາ​ ​ທ້ອງ​ຖິ່​ນ.

ທວນ​ໄຟ​ໂອ​ລິ​ມປິກ ​ໄດ້​ອອກ​ເດີນທາງຈາກ​ປະ​ເທດ​ກຣີສ ​ໄປຮອດ​ອັງກິດ ​ໃນ​ວັນ​ທີ 18
ພຶດສະພາ ຜ່ານ​ມາ ຊຶ່ງ​ໃນ​ຊ່ວງ​ເວລາ 70 ວັນ ຈາກນັ້ນ ຈົນ​ເຖິງ ວັນ​ທີ 27 ກໍລະກົດ
ມື້​ເປີດ​ການ​ແຂ່ງຂັນ​ນັ້ນ ທວນ​ໄຟໂອ​ລິ​ມປິກ​ຈະ​ໄດ້​ຮັບ​ການ​ຜັດປ່ຽນ​ມື ເຖິງ 8,000 ຄົນ
ໂດຍ​ຜ່ານ 1,000 ກ່ວາຕົວ​ເມືອງ ​ແລະ ຫມູ່​ບ້ານຕ່າງໆ ​ໃນປະ​ເທດອັງກິດ ກ່ອນ​ໄປ
​ເຖິງນະຄອນຫລວງລອນ​ດອນ​.

ທ່ານນາງ ​ເອ​ຣິ ຄູ​ໂດະ ຜູ້ຕາງຫນ້າ ອົງການ​ WFP ປະຈຳ​ລາວ ກ່າວ​ວ່າ “ນາງ ວາດ
​ສະນາ ​ແມ່ນນຶ່ງ​ໃນ​ພະນັກງານ​ທີ່​ດີ​ເດັ່ນ ປະຈຳ​ຢູ່ ສປປ ລາວ ທີ່​ມີຄວາມ​ກະຕືລື​ລົ້ນ
ແລະ​ຕັ້ງ​ໃຈ​ຕໍ່ຫນ້າ​ທີ່​ວຽກ​ງານຂອງ​ຕົນ ໃນ​ຖານະ​ເປັນຜູ້​ຊ່ວຍ​ໂຄງການ​ ​ໃນໂຄງການ​
ອາຫານເສີມ ຂອງອົງການ​ອາຫານ​ໂລກ ​ໃນປະ​ເທດ​ລາວ.”

​ໃນ ສປປ ລາວ ​ອົງການ​ອາຫານ​ໂລກ​ແມ່ນ​ສຸມ​ໃສ່​ ຫລຸດ​ຜ່ອນ​ສະພາບ​ການ​ຂາດ​ໂພຊະ​
ນາ​ການ ທີ່​ສົ່ງ​ຜົນກະທົບ​ຕໍ່​ການ​ພັດທະນາ ແລະການຈະ​ເລີ​ນ​ເຕີບ​ໃຫຍ່​ຢ່າງ​ເຕັມ​ສ່ວນ
ຂອງ​ເດັກນ້ອຍ ຈຳນວນ​ເຄິ່ງນຶ່ງ​ຢູ່​ເຂດ​ຊົນນະບົດ. ໃນ​ປີ 2011 ອົງການ WFP ປະ​ຈໍາ
ສປປ ລາວ ​ໄດ້​ສະໜອງ​ອາຫານ 8,800 ​ໂຕນ ​ແກ່​ປະຊາຊົນລາວ​ຫລາຍ​ກ່ວາ 610,000
ຄົນ ​ໃນ​ທົ່ວ​ປະ​ເທດ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG