ລິ້ງ ສຳຫລັບເຂົ້າຫາ

ການກັບຄືນມາ ປາກົດຕົວ ຂອງໂປລິໂອ ຢູ່ລາວ ໃນຮອບ 20 ປີ


ການຢອດວັກຊີນ ກັນໂປລີໂອ ໃຫ້ແກ່ເດັກ ດັ່ງທີ່ເຫັນໃນຮູບນີ້ ແມ່ນຢູ່ທີ່ປາກິສຖານ.

ການຢອດວັກຊີນ ກັນໂປລີໂອ ໃຫ້ແກ່ເດັກ ດັ່ງທີ່ເຫັນໃນຮູບນີ້ ແມ່ນຢູ່ທີ່ປາກິສຖານ.

ອົງການ​ອະນາ​ໄມ​ໂລກ ຫຼື WHO ​ໄດ້​ລາຍ​ງານ​ວ່າ ​ເດັກນ້ອຍ​ຜູ້
​ຊາຍ​ອາຍຸ​ແປດ​ປີຄົນນຶ່ງ ຢູ່​ໃນ​ປະ​ເທດ​ລາວ ​ໄດ້​ເກີດເປ້ຍ​ຫລ່ອຍ
ຈາກເຊື້ອໄວ​ຣັສ​ໂປ​ລິ​ໂອໃນ​ຕົ້ນ​ເດືອນ​ກັນຍາ​ແລະເສຍຊີວິດຫ້າ
ມື້ຕໍ່ມາ.

ກໍລະນີ​ດັ່ງກ່າວ​ເຊື່ອວ່າ ​ເປັນ​ການ​ຕິດ​ແປດເທື່ອ​ທຳ​ອິດ​ຢູ່​ໃນ
​ປະ​ເທດ ນັບ​ຕັ້ງ​ແຕ່ປີ 1993 ເປັນຕົ້ນມາ ແລະ​ເປັນ​ສ່ວນນຶ່ງທີ່ສ້າງຄວາມຕື່ນ​ຕົກ​ໃຈ ໃນ
ການຟື້ນ​ກັບ​ຄືນມາ​ຂອງໂປ​ລິ​ໂອຢູ່ໃນ​ທົ່ວ​ໂລກ​ເມື່ອ​ບໍ່​ເທົ່າໃດ​ເດືອນ​ທີ່​ຜ່ານ​ມາ​ນີ້. ປະ​ເທດ
ຢູ​ເຄຣນ ແລະມາລີ ​ແລະ​ອີກ​ສອງ​ປະ​ເທດ ບ່ອນ​ທີ່ເຊື່ອກັນວ່າເຊື້ອ​ໄວຣັສ ໄດ້ກຳຈັດໄປ
ແລ້ວ​ນັ້ນ ຍັງ​ມີ​ລາຍ​ງານ​ວ່າ ມີກໍລະນີໂປ​ລິ​ໂອໃໝ່ເກີດ​ຂຶ້ນ.

ບັນດາ​ເຈົ້າ​ໜ້າ​ທີ່ອົງການ WHO ກ່າວ​ວ່າ ຄວາມ​ເປັນ​ມາ​ຂອງ​ເຊື້ອ​ສະ​ແດງ​ໃຫ້​ເຫັນ​ວ່າ
​ໄວຣັສນີ້ ​ໄດ້ເກີດ​ມາ​ຈາກວັກ​ຊີີ​ນທີ່ຢອດທາງ​ປາກ ​ແລະ​ນັ້ນ ອາດ​ເຮັດໃຫ້​ມີການວົນວຽນ
​ຢູ່​ໃນ​ແຂວງບໍລິ​ຄຳ​ໄຊຂອງລາວ ມາດົນກວ່າ​ສອງ​ປີ. ວັກ​ຊີ​ນ ທີ່ຢອດທາງ​ປາກ ບັນ​ຈຸ​
ໄວຣັສ ທີ່​ບໍ່ແຂງແຮງ ​ແລະ​ເວລາ​ເດັກ​ນ້ອຍ​ໄດ້​ຮັບການຢອດຢາ ເຊື້ອໄວຣັສ ກໍຈະຂະ
ຫຍາຍ​ຕົວ​ຢູ່​ໃນ​ລຳ​ໃສ້ ​ແລະ​ຂັບ​ຖ່າຍ​ອອກ​ໂດຍ​ສ່ວນ​ບຸກຄົນ. ຢູ່​ບ່ອນ​ທີ​ມີ​ບັນຫາ​ດ້ານ
​ອະນາ​ໄມ ​ໄວ​ຣັສດັ່ງກ່າວ​ສາ​ມາດ​ຕິດ​ຕໍ່ໄປ​ຫາ​ຄົນ​ອື່ນ​ຢູ່ໃນ​ປະຊາ​ຄົ​ມ ກ່ອນ​ທີ່ຈະ​ດັບ​ສູນ​
ໄປ. ກໍລະນີ​ຂອງ ປະ​ເທດ​ລາວ​ໄດ້​ພົບ​ເຫັນ​ວ່າ​ ເກີດ​ມາ​ຈາກວັກ​ຊິນ​ທີ່ຢອດທາງ​ປາກ ທີ່​
ບັນ​ຈຸ​ເຊື້ອໄວຣັສ ​ທີ່ບໍ່ແຂງ ແຮງ.

​ເວລາໃດ​ທີ່​ປະຊາຊົນບໍໄດ້ຮັບການຢອດຢາຕ້ານເຊື້ອຢ່າງພຽງພໍ ເຊື້ອ​ໄວຣັສດັ່ງ​ກ່າວ
ສາມາດ​ວົນວຽນ​ຢູ່​ເປັນ​ເວລາ​ດົນນານ ​ແລະປັບຕົວເປັນຮູບແບບ​ທີ່​ສາມາດ​ເຮັດ​ໃຫ້ເປັນ
​ເປ້ຍ​ຫລ່ອຍ. ​ເຂດ​ເມືອງບ່ອນທີ່​ເດັກນ້ອຍ​ຄົນນີ້ອາໄສ​ຢູ່​ໃນ​ລາວນັ້ນ ​ໄດ້​ມີຢອດຢາຕ້ານ
ເຊື້ອໃນອັດ​ຕາຕໍ່າ 40 ​ເປີ​ເຊັນ ຫາ 66 ​ເປີ​ເຊັນ ລະຫວ່າງ​ປີ 2009 ​ຫາ 2014 ​ແລະ 44 ​
ເປີ​ເຊັນ​ ໃນ​ປີ 2015 ​ເຖິງ​ປັດ​ຈຸ​ບັນ ໂດຍມີການຢອດຢາໂປ​ລິ​ໂອທາງ​ປາກສາມຢອດ.

ກ່ອນ​ເກີດ​ການ​ຕິ​ດແປດ​ຫວ່າງ​ມໍ່ໆ​ມາ​ນີ້ ປະ​ເທດ​ລາວ​ໄດ້​ປອດໂຣດໂປ​ລິ​ໂອ ຕັ້ງແຕ່​ປີ
1993 ເປັນຕົ້ນມາ ຊຶ່ງ​ເປັນ​ເວລາ​ກໍລະນີ​ສຸດທ້າຍ​ຂອງເຊື້ອໄວ​ຣັສ​ໂປ​ລິ​ໂອ ​ມີລາຍ​ງານ
​ເກີດ​ຂຶ້ນ​ຢູ່ກັບ​ຄົນທ້ອງຖິ່ນ​.

ສະແດງຄວາມເຫັນໃຫ້ເບິ່ງ

XS
SM
MD
LG