ພັກຄອມມີວນີສລາວ ຊຶ່ງເປັນພັກທີ່ປົກຄອງປະເທດຢູ່ໃນເວລານີ້ ພ້ອມແລ້ວທີ່ໄຂ
ກອງປະຊຸມໃຫຍ່ຄັ້ງທີ 9 ຂອງພັກໃນວັນພະຫັດມື້ອື່ນນີ້ເພື່ອເລືອກເອົາຄະນະກໍາ
ມະການກົມການເມືອງສູນກາງພັກແລະກຳນົດນະໂຍບາຍສໍາລັບໄລຍະ 5 ປີ ຕໍ່ໜ້າ.
ໃນກອງປະຊຸມຊຶ່ງມີກໍານົດ 5 ວັນດັ່ງກ່າວທີ່ນະຄອນຫລວງວຽງຈັນຄັ້ງນີ້ ມີຜູ້ແທນ
ຫລາຍກວ່າ 500 ຄົນ ຈະສຸມໃສ່ດ້ານນະໂຍບາຍເສດຖະກິດໃນະນະທີ່ປະເທດລາວ
ກໍາລັງດີ້ນຮົນເພື່ອໃຫ້ພົ້ນຈາກການເປັນປະເທດທີ່ຍັງ ດ້ອຍພັດທະນາໃຫ້ໄດ້ໃນປີ
2020 ນອກນີ້ແລ້ວບັນດາຜູ້ແທນຍັງຈະໄດ້ຮັບຟັງການທົບທວນຄວາມກ້າວໜ້າທີ່
ໄດ້ຮັບໃນໄລຍະຫ້າປີຜ່ານມາ.
ກອງປະຊຸມດັ່ງກ່າວນີ້ ຍັງເປັນການເປີດເວທີການເລືອກຕັ້ງທົ່ວປະເທດ ທີ່ຈະຈັດຂຶ້ນ
ໃນທ້າຍເດືອນເມສານີ້ ໃນປະເທດລາວທີ່ມີພັກການເມືອງແຕ່ພັກດຽວນັ້ນ.
ພັກປະຕິວັດປະຊາຊົນລາວ ເປັນພັກການເມືອງພັກດຽວເທົ່ານັ້ນທີ່ຖືກຕ້ອງຕາມກົດ
ໝາຍໃນລາວນັບຕັ້ງແຕ່ພັກໄດ້ພັກດັ່ງກ່າວໄດ້ເຂົ້າກໍາອໍານາດບໍລິຫານປະເທດໃນປີ
1975 ເປັນຕົ້ນມາໃນຕອນທ້າຍຂອງສົງຄາມຫວຽດນາມ.
