ນາຍົກລັດຖະມົນຕີລາວ ມີຄໍາສັ່ງໃຫ້ໂຈະບັນດາໂຄງການກໍ່ສ້າງ
ອາຄານສໍານັກງານຂອງ ລັດຖະບານໃນທົ່ວໄປເທດ ເນື່ອງຈາກ
ລັດຖະບານກໍາລັງປະເຊີນບັນຫາຂາດແຄນງົບປະມານຢ່າງໜັກ
ໜ່ວງ.
ທ່ານສົມດີ ດວງດີ ລັດຖະມົນຕີວ່າການກະຊວງແຜນການແລະການລົງທຶນ ໄດ້ຖະແຫຼງ ຢືນຢັນວ່າ ທ່ານທອງສິງ ທໍາມະວົງ ນາຍົກລັດຖະມົນຕີ ໄດ້ມີຄໍາສັ່ງໄປທຸກໆໜ່ວຍງານຂອງລັດຖະບານໃນທົ່ວປະເທດ ເພື່ອໃຫ້ໂຈະຫຼືຢຸດເຊົາການດໍາເນີນໂຄງ ການກໍ່ສ້າງອາຄານສໍານັກງານແລະສິ່ງປຸກສ້າງທຸກໂຄງການທີ່ຢູ່ພາຍໃຕ້ແຜນການແປງຊັບສິນເປັນທຶນຢ່າງເປັນທາງການແລ້ວໃນຂະນະນີ້.
ໂດຍສາເຫດສໍາຄັນ ທີ່ເຮັດໃຫ້ນາຍົກລັດຖະມົນຕີລາວຕ້ອງອອກຄໍາສັ່ງດັ່ງກ່າວ ກໍຍ້ອນວ່າ ລັດຖະບານລາວກໍາລັງປະເຊີນກັບບັນຫາຂາດແຄນທາງດ້ານງົບປະມານລາຍຈ່າຍຢ່າງໜັກ ໜ່ວງ ຊຶ່ງກໍເປັນຜົນທີ່ສືບເນື່ອງມາຈາກການຈັດເກັບລາຍຮັບບໍ່ໄດ້ຕາມເປົ້າ ໝາຍທີ່ວາງໄວ້ ໃນຂະນະທີ່ໃນດ້ານລາຍຈ່າຍກັບເພີ່ມຂຶ້ນນັບມື້ ເພາະສະນັ້ນ ເພື່ອປ້ອງກັນບໍ່ໃຫ້ເກີດເປັນ ບັນຫາວິກິດການ ດ້ານງົບປະມານໃນລະຍະຕໍ່ໄປ ຈຶ່ງຈໍາເປັນຕ້ອງມີການປະຕິບັດຕາມຄໍາສັ່ງ ດັ່ງກ່າວຢ່າງເຂັ້ມງວດ ດັ່ງທີ່ທ່ານສົມດີ ດວງດີ ໄດ້ໃຫ້ ການຊີ້ແຈງວ່າ:
“ໂຄງການໃດທີ່ບໍ່ທັນໄດ້ຕົກລົງ ທີ່ບໍ່ທັນໄດ້ດໍາເນີນການ ຊຶ່ງຕາມລະບຽບການນີ້ ກະຍັງບໍ່ທັນໄດ້ເຮັດ ແລ້ວກະການສ້າງເທດສະບານນີ້ ກະຕ້ອງໄດ້ສ້າງ ແຕ່ວ່າກະຕ້ອງໄດ້ອິງໃສ່ຄວາມສາມາດທາງດ້ານທຶນຮອນຂອງພວກເຮົາ ວ່າມີຄວາມສາມາດສໍ່າໃດ ອິງໃສ່ວ່າທຶນ ຮອນຂອງລັດເຮົານີ້ ມັນກະບໍ່ຫຼວງຫຼາຍ ເຮົາສິສ້າງໄປຫຼາຍນີ້ ກະລັດຖະບານ ກະຍັງມີ ພັນທະໃນການໃຊ້ຈ່າຍແນວອື່ນໆອີກ ບໍ່ແມ່ນພຽງແຕ່ການລົງທຶນເທົ່ານັ້ນ.”
ກ່ອນໜ້ານີ້ ທ່ານທອງສິງ ກໍໄດ້ເນັ້ນຢໍ້າຕໍ່ກອງປະຊຸມວ່າດ້ວຍແຜນການພັດທະນາເສດ ຖະກິດ ແລະສັງຄົມ ໃນສົກປີ 2013-2014 ທີ່ມີບັນດາລັດຖະມົນຕີ ແລະເຈົ້າໜ້າທີ່ຂັ້ນສູງຂອງລັດຖະບານທົ່ວປະເທດເຂົ້າຮ່ວມໃນກອງປະຊຸມ ເມື່ອບໍ່ດົນມານີ້ ວ່າທຸກພາກ ສ່ວນຈະຕ້ອງຮ່ວມກັນດໍາເນີນມາດຕະການຄວບຄຸມການໃຊ້ຈ່າຍງົບປະມານຢ່າງເຂັ້ມງວດ ທັງຍັງຈະຕ້ອງໃຊ້ຈ່າຍງົບປະມານຢ່າງມີປະສິດທິຜົນຕາມແຜນການເປົ້າໝາຍທີ່ວາງເອົາໄວ້ ອີກດ້ວຍ.
ທັງນີ້ ກໍເນື່ອງຈາກວ່າການໃຊ້ຈ່າຍງົບປະມານທີ່ບໍ່ເປັນໄປຕາມ
ແຜນການທີ່ວາງໄວ້ໃນລະຍະທີ່ຜ່ານມານັ້ນ ໄດ້ເປັນຜົນເຮັດໃຫ້
ພາລະໜີ້ສິນຂອງລັດຖະບານລາວເພີ່ມຂຶ້ນຢ່າງຕໍ່ເນື່ອງແລະໃນ
ຂະນະດຽວກັນ ກໍຍັງປາກົດວ່າການຈັດເກັບລາຍຮັບເຂົ້າງົບປະ
ມານກໍບໍ່ເປັນ ໄປຕາມເປົ້າໝາຍ ທີ່ວາງໄວ້ດ້ວຍນັ້ນ ກໍເຮັດໃຫ້
ລັດຖະບານລາວມີຄວາມສ່ຽງຫຼາຍຂຶ້ນ ທີ່ຈະຕ້ອງປະເຊີນກັບວິ
ກິດການດ້ານງົບປະມານໄດ້ທຸກເມື່ອ ຖ້າຫາກວ່າທຸກພາກສ່ວນ
ຂອງລັດຖະບານ ບໍ່ເຂັ້ມງວດ ໃນການໃຊ້ຈ່າຍງົບປະມານ ຢ່າງ
ຈິງຈັງ.
ໂດຍສໍາລັບມາດຕະການທີ່ນາຍົກລັດຖະມົນຕີລາວໄດ້ເນັ້ນຢໍ້າເປັນພິເສດທີ່ທຸກພາກ ສ່ວນຂອງລັດຖະບານຈະຕ້ອງປະຕິບັດຢ່າງເຂັ້ມງວດໃນລະຍະຕໍ່ໄປນີ້ ກໍຄືການບໍ່ສ້າງໜີ້ສິນໃໝ່ ແລະໂຈະການຊໍາລະໜີ້ ທີ່ເກີດຈາກໂຄງການພັດທະນາຕ່າງໆ ທີ່ພາກເອກກະຊົນລົງທຶນໃຫ້ກ່ອນເປັນການຊົ່ວຄາວ ແລະພ້ອມກັນນັ້ນ ທຸກພາກສ່ວນຂອງລັດຖະ ບານກໍຍັງຈະຕ້ອງ ເລັ່ງການຈັດເກັບລາຍຮັບໃຫ້ໄດ້ຕາມແຜນການອີກດ້ວຍ.
ໂດຍໃນແຜນການປີ 2013-2014 ນີ້ ລັດຖະບານລາວໄດ້ວາງເປົ້າໝາຍຈະຊຸກຍູ້ໃຫ້ເສດຖະກິດແຫ່ງຊາດຂະຫຍາຍຕົວ ເພີ່ມຂຶ້ນໃນອັດຕາສະເລ່ຍບໍ່ຕໍ່າກວ່າ 8.3% ທຽບກັບແຜນ ການປີ 2012-2013 ແຕ່ວ່າການທີ່ຈະບັນລຸເປົ້າໝາຍດັ່ງກ່າວໄດ້ຢ່າງແທ້ຈິງນັ້ນ ກໍຈໍາເປັນ ຈະຕ້ອງລະດົມການລົງທຶນໃຫ້ໄດ້ໃນມູນຄ່າລວມບໍ່ໜ້ອຍກວ່າ 30,100 ຕື້ກີບ ຫຼືປະມານ 3,760 ລ້ານໂດລ່າ.
ຫາກແຕ່ລັດຖະບານລາວກໍຄາດວ່າຈະສາມາດປະກອບສ່ວນໄດ້ພຽງ 10.9% ຂອງເງິນທຶນທັງໝົດດັ່ງກ່າວເທົ່ານັ້ນ ໝາຍຄວາມວ່າໃນສ່ວນທີ່ເຫຼືອເຖິງ 89.1% ນັ້ນ ກໍຈະຕ້ອງລະດົມ ຈາກພາກເອກກະຊົນ ທັງພາຍໃນ ແລະຕ່າງປະເທດເປັນຫຼັກ ຊຶ່ງກໍລວມເຖິງການຂໍການຊ່ວຍເຫຼືອລ້າຈາກຕ່າງປະເທດໃຫ້ໄດ້ບໍ່ໜ້ອຍກວ່ 600 ລ້ານໂດລ່າ ດ້ວຍ.
ອາຄານສໍານັກງານຂອງ ລັດຖະບານໃນທົ່ວໄປເທດ ເນື່ອງຈາກ
ລັດຖະບານກໍາລັງປະເຊີນບັນຫາຂາດແຄນງົບປະມານຢ່າງໜັກ
ໜ່ວງ.
ທ່ານສົມດີ ດວງດີ ລັດຖະມົນຕີວ່າການກະຊວງແຜນການແລະການລົງທຶນ ໄດ້ຖະແຫຼງ ຢືນຢັນວ່າ ທ່ານທອງສິງ ທໍາມະວົງ ນາຍົກລັດຖະມົນຕີ ໄດ້ມີຄໍາສັ່ງໄປທຸກໆໜ່ວຍງານຂອງລັດຖະບານໃນທົ່ວປະເທດ ເພື່ອໃຫ້ໂຈະຫຼືຢຸດເຊົາການດໍາເນີນໂຄງ ການກໍ່ສ້າງອາຄານສໍານັກງານແລະສິ່ງປຸກສ້າງທຸກໂຄງການທີ່ຢູ່ພາຍໃຕ້ແຜນການແປງຊັບສິນເປັນທຶນຢ່າງເປັນທາງການແລ້ວໃນຂະນະນີ້.
ໂດຍສາເຫດສໍາຄັນ ທີ່ເຮັດໃຫ້ນາຍົກລັດຖະມົນຕີລາວຕ້ອງອອກຄໍາສັ່ງດັ່ງກ່າວ ກໍຍ້ອນວ່າ ລັດຖະບານລາວກໍາລັງປະເຊີນກັບບັນຫາຂາດແຄນທາງດ້ານງົບປະມານລາຍຈ່າຍຢ່າງໜັກ ໜ່ວງ ຊຶ່ງກໍເປັນຜົນທີ່ສືບເນື່ອງມາຈາກການຈັດເກັບລາຍຮັບບໍ່ໄດ້ຕາມເປົ້າ ໝາຍທີ່ວາງໄວ້ ໃນຂະນະທີ່ໃນດ້ານລາຍຈ່າຍກັບເພີ່ມຂຶ້ນນັບມື້ ເພາະສະນັ້ນ ເພື່ອປ້ອງກັນບໍ່ໃຫ້ເກີດເປັນ ບັນຫາວິກິດການ ດ້ານງົບປະມານໃນລະຍະຕໍ່ໄປ ຈຶ່ງຈໍາເປັນຕ້ອງມີການປະຕິບັດຕາມຄໍາສັ່ງ ດັ່ງກ່າວຢ່າງເຂັ້ມງວດ ດັ່ງທີ່ທ່ານສົມດີ ດວງດີ ໄດ້ໃຫ້ ການຊີ້ແຈງວ່າ:
“ໂຄງການໃດທີ່ບໍ່ທັນໄດ້ຕົກລົງ ທີ່ບໍ່ທັນໄດ້ດໍາເນີນການ ຊຶ່ງຕາມລະບຽບການນີ້ ກະຍັງບໍ່ທັນໄດ້ເຮັດ ແລ້ວກະການສ້າງເທດສະບານນີ້ ກະຕ້ອງໄດ້ສ້າງ ແຕ່ວ່າກະຕ້ອງໄດ້ອິງໃສ່ຄວາມສາມາດທາງດ້ານທຶນຮອນຂອງພວກເຮົາ ວ່າມີຄວາມສາມາດສໍ່າໃດ ອິງໃສ່ວ່າທຶນ ຮອນຂອງລັດເຮົານີ້ ມັນກະບໍ່ຫຼວງຫຼາຍ ເຮົາສິສ້າງໄປຫຼາຍນີ້ ກະລັດຖະບານ ກະຍັງມີ ພັນທະໃນການໃຊ້ຈ່າຍແນວອື່ນໆອີກ ບໍ່ແມ່ນພຽງແຕ່ການລົງທຶນເທົ່ານັ້ນ.”
ກ່ອນໜ້ານີ້ ທ່ານທອງສິງ ກໍໄດ້ເນັ້ນຢໍ້າຕໍ່ກອງປະຊຸມວ່າດ້ວຍແຜນການພັດທະນາເສດ ຖະກິດ ແລະສັງຄົມ ໃນສົກປີ 2013-2014 ທີ່ມີບັນດາລັດຖະມົນຕີ ແລະເຈົ້າໜ້າທີ່ຂັ້ນສູງຂອງລັດຖະບານທົ່ວປະເທດເຂົ້າຮ່ວມໃນກອງປະຊຸມ ເມື່ອບໍ່ດົນມານີ້ ວ່າທຸກພາກ ສ່ວນຈະຕ້ອງຮ່ວມກັນດໍາເນີນມາດຕະການຄວບຄຸມການໃຊ້ຈ່າຍງົບປະມານຢ່າງເຂັ້ມງວດ ທັງຍັງຈະຕ້ອງໃຊ້ຈ່າຍງົບປະມານຢ່າງມີປະສິດທິຜົນຕາມແຜນການເປົ້າໝາຍທີ່ວາງເອົາໄວ້ ອີກດ້ວຍ.
ທັງນີ້ ກໍເນື່ອງຈາກວ່າການໃຊ້ຈ່າຍງົບປະມານທີ່ບໍ່ເປັນໄປຕາມ
ແຜນການທີ່ວາງໄວ້ໃນລະຍະທີ່ຜ່ານມານັ້ນ ໄດ້ເປັນຜົນເຮັດໃຫ້
ພາລະໜີ້ສິນຂອງລັດຖະບານລາວເພີ່ມຂຶ້ນຢ່າງຕໍ່ເນື່ອງແລະໃນ
ຂະນະດຽວກັນ ກໍຍັງປາກົດວ່າການຈັດເກັບລາຍຮັບເຂົ້າງົບປະ
ມານກໍບໍ່ເປັນ ໄປຕາມເປົ້າໝາຍ ທີ່ວາງໄວ້ດ້ວຍນັ້ນ ກໍເຮັດໃຫ້
ລັດຖະບານລາວມີຄວາມສ່ຽງຫຼາຍຂຶ້ນ ທີ່ຈະຕ້ອງປະເຊີນກັບວິ
ກິດການດ້ານງົບປະມານໄດ້ທຸກເມື່ອ ຖ້າຫາກວ່າທຸກພາກສ່ວນ
ຂອງລັດຖະບານ ບໍ່ເຂັ້ມງວດ ໃນການໃຊ້ຈ່າຍງົບປະມານ ຢ່າງ
ຈິງຈັງ.
ໂດຍສໍາລັບມາດຕະການທີ່ນາຍົກລັດຖະມົນຕີລາວໄດ້ເນັ້ນຢໍ້າເປັນພິເສດທີ່ທຸກພາກ ສ່ວນຂອງລັດຖະບານຈະຕ້ອງປະຕິບັດຢ່າງເຂັ້ມງວດໃນລະຍະຕໍ່ໄປນີ້ ກໍຄືການບໍ່ສ້າງໜີ້ສິນໃໝ່ ແລະໂຈະການຊໍາລະໜີ້ ທີ່ເກີດຈາກໂຄງການພັດທະນາຕ່າງໆ ທີ່ພາກເອກກະຊົນລົງທຶນໃຫ້ກ່ອນເປັນການຊົ່ວຄາວ ແລະພ້ອມກັນນັ້ນ ທຸກພາກສ່ວນຂອງລັດຖະ ບານກໍຍັງຈະຕ້ອງ ເລັ່ງການຈັດເກັບລາຍຮັບໃຫ້ໄດ້ຕາມແຜນການອີກດ້ວຍ.
ໂດຍໃນແຜນການປີ 2013-2014 ນີ້ ລັດຖະບານລາວໄດ້ວາງເປົ້າໝາຍຈະຊຸກຍູ້ໃຫ້ເສດຖະກິດແຫ່ງຊາດຂະຫຍາຍຕົວ ເພີ່ມຂຶ້ນໃນອັດຕາສະເລ່ຍບໍ່ຕໍ່າກວ່າ 8.3% ທຽບກັບແຜນ ການປີ 2012-2013 ແຕ່ວ່າການທີ່ຈະບັນລຸເປົ້າໝາຍດັ່ງກ່າວໄດ້ຢ່າງແທ້ຈິງນັ້ນ ກໍຈໍາເປັນ ຈະຕ້ອງລະດົມການລົງທຶນໃຫ້ໄດ້ໃນມູນຄ່າລວມບໍ່ໜ້ອຍກວ່າ 30,100 ຕື້ກີບ ຫຼືປະມານ 3,760 ລ້ານໂດລ່າ.
ຫາກແຕ່ລັດຖະບານລາວກໍຄາດວ່າຈະສາມາດປະກອບສ່ວນໄດ້ພຽງ 10.9% ຂອງເງິນທຶນທັງໝົດດັ່ງກ່າວເທົ່ານັ້ນ ໝາຍຄວາມວ່າໃນສ່ວນທີ່ເຫຼືອເຖິງ 89.1% ນັ້ນ ກໍຈະຕ້ອງລະດົມ ຈາກພາກເອກກະຊົນ ທັງພາຍໃນ ແລະຕ່າງປະເທດເປັນຫຼັກ ຊຶ່ງກໍລວມເຖິງການຂໍການຊ່ວຍເຫຼືອລ້າຈາກຕ່າງປະເທດໃຫ້ໄດ້ບໍ່ໜ້ອຍກວ່ 600 ລ້ານໂດລ່າ ດ້ວຍ.