ລິ້ງ ສຳຫລັບເຂົ້າຫາ

ລາວຍອມຮັບວ່າ ການຂະຫຍາຍໂຕ ຂອງເສດຖະກິດ ໃນປີນີ້ ຈະບໍ່ໄດ້ຕາມຄາດໝາຍ

  • ຊົງຣິດ ໂພນເງິນ

ທ່ານ ສົມດີ ດວງດີ ລັດຖະມົນຕີວ່າການກະຊວງແຜນການ ແລະການລົງທຶນຂອງລາວ

ລັດຖະມົນຕີລາວຍອມຮັບວ່າ ການຂະຫຍາຍຕົວເສດຖະກິດຂອງລາວ ໃນແຜນການປະຈໍາ ປີ 2011-2012 ນີ້ ຈະປະຕິບັດໄດ້ຕໍ່າກວ່າ ລະດັບຄາດໝາຍ ຍ້ອນໄດ້ຮັບຜົນກະທົບຈາກ ທັງພາຍໃນ ແລະນອກປະເທດ.

ທ່ານ ສົມດີ ດວງດີ ລັດຖະ
ມົນຕີວ່າການກະຊວງແຜນ
ການ ແລະການລົງທຶນຖະ
ແຫຼງຍອມຮັບຕໍ່ກອງປະຊຸມ
ສະໄໝສາມັນຄັ້ງທີ 3 ຂອງ
ສະພາແຫ່ງຊາດລາວຊຸດທີ
7 ໃນວັນທີ 20 ມິຖຸນານີ້ວ່າ
ການປະຕິບັດແຜນການພັດ
ທະນາດ້ານເສດຖະກິດປະ
ຈໍາປີ 2011-2012 ທີ່ຈະສິ້ນ
ສຸດແຜນການລົງໃນທ້າຍ
ເດືອນກັນຍາປີນີ້ ຈະບໍ່ສາມາດບັນລຸຕາມເປົ້າໝາຍ ທີ່ວາງໄວ້.

ກໍຄືໃນຂະນະທີ່ລັດຖະບານລາວໄດ້ວາງຄາດໝາຍໄວ້ວ່າ ຍອດຜະລິດພັນລວມພາຍໃນ
(GDP) ໃນແຜນການປີ 2011-2012 ນີ້ຈະມີມູນຄ່າລວມເຖິງ 73,200 ຕຶ້ກີບ ຫລືຄິດ
ເປັນອັດຕາສະເລ່ຍທີ່ເພີ້ມຂຶ້ນຈາກແຜນການປີ 2010-2011 ເຖິງ 8.3% ນັ້ນ ຫາກແຕ່
ຈາກການປະຕິບັດຕົວຈິງ ໃນໄລຍະ 8 ເດືອນທໍາອິດຂອງແຜນການ ຊຶ່ງກໍຄືລະຫວ່າງ
ເດືອນຕຸລາ 2011 ຫາເດືອນພຶດສະພາ 2012 ທີ່ຜ່ານມານີ້ ກັບປາກົດວ່າ GDP ໄດ້ຂະຫຍາຍຕົວເພີ້ມຂຶ້ນພຽງ 8% ເທົ່ານັ້ນ ດັ່ງທີ່ທ່ານສົມດີ ໄດ້ຖະແຫລງຊີ້ແຈງວ່າ:

ກອງປະຊຸມສະໄໝສາມັນຂອງຄັ້ງທີ 3 ຂອງສະພາແຫ່ງຊາດລາວ ທີ່ຈັດຂຶ້ນໃນວັນທີ 20 ມິຖຸນາ, 2012
ກອງປະຊຸມສະໄໝສາມັນຂອງຄັ້ງທີ 3 ຂອງສະພາແຫ່ງຊາດລາວ ທີ່ຈັດຂຶ້ນໃນວັນທີ 20 ມິຖຸນາ, 2012

“ໝົດສົກປີ 2011-2012
ຄາດຄະເນວ່າ ຈະຂະ
ຫຍາຍຕົວປະມານ 8%
ແລະສາມາດສ້າງມູນຄ່າ
ເພີ້ມໃນລາຄາປັດຈຸບັນ
ໄດ້ປະມານ 70,600 ຕື້
ກີບ ຫລືເທົ່າກັບ 8.8 ຕື້
ໂດລາ ສະຫະລັດ ຖ້າທຽບ
ໃສ່ແຜນການ ຄາດວ່າຈະ
ບໍ່ບັນລຸໄດ້ຕາມຄາດໝາຍ
ແຜນການທີ່ວາງໄວ້ 8.3%.”

ໄພນໍ້າຖ້ວມທີ່ເມືອງທຸລະຄົມ ແຂວງວຽງຈັນທີ່ເກີດຂຶນໃນປີ 2011
ໄພນໍ້າຖ້ວມທີ່ເມືອງທຸລະຄົມ ແຂວງວຽງຈັນທີ່ເກີດຂຶນໃນປີ 2011

ທັງນີ້ ມີສາເຫດມາຈາກໄພ
ນໍ້າຖ້ວມຄັ້ງໃຫຍ່ ທີ່ເກີດ
ຈາກພະຍຸໂຊນຮ້ອນ ໃນ
ທ້າຍປີ 2011 ທີ່ໄດ້ສົ່ງຜົນ
ກະທົບເຮັດໃຫ້ການຜະ
ລິດທັງໃນພາກກະສິກໍາ
ແລະພາກອຸດສາຫະກໍາ
ບໍ່ສາມາດປະຕິບັດໄດ້
ຕາມແຜນການທີ່ວາງໄວ້
ກໍຄືໃນຂະນະທີ່ລັດຖະ
ບານລາວ ໄດ້ວາງເປົ້າ
ໝາຍການຂະຫຍາຍຕົວ ໃນພາກກະສິກໍາ ແລະອຸດສະຫະກໍາໄວ້ທີ່ລະດັບ 3.5% ກັບ
16.8% ຕາມລໍາດັບ ຫາກແຕ່ໃນການປະຕິບັດຕົວຈິງ ກໍປາກົດວ່າ ພາກກະສິກໍາຂະຫຍາຍ
ຕົວພຽງ 2.7% ແລະ ພາກອຸດສາຫະກໍາກໍຂະຫຍາຍຕົວພຽງ 13% ເທົ່ານັ້ນ.

ແຕ່ຢ່າງໃດກໍຕາມ The Economist ຊຶ່ງເປັນວາລະສານທາງດ້ານເສດຖະກິດລະດັບນໍາ
ໜ້າຂອງໂລກ ໄດ້ສະເໜີລາຍງານຄາດໝາຍການເຕີບໂຕທາງເສດຖະກິດຂອງໂລກ ປະ
ຈໍາປີ 2012 ນີ້ວ່າລາວ ເປັນປະເທດທີ່ຖືກຄາດໝາຍວ່າ ຈະມີອັດຕາການຂະຫຍາຍໂຕ
ທາງເສດຖະກິດສູງສຸດໃນ 10 ອັນດັບຂອງໂລກ ໂດຍຄາດໝາຍວ່າ ເສດຖະກິດຂອງ
ລາວຈະຂະຫຍາຍໂຕໃນອັດຕາບໍ່ຕໍ່າກວ່າ 7.9%.

ຫາກແຕ່ວ່າ ການຄາດໝາຍ ຂອງ The Economist ດັ່ງ
ກ່າວນີ້ ກໍບໍ່ເປັນເອກະພາບກັນກັບທະນາຄານໂລກ ທີ່
ໄດ້ໃຫ້ການຄາດໝາຍວ່າ ເສດຖະກິດຂອງລາວຈະຂະ
ຫຍາຍຕົວໃນອັດສະເລ່ຍ 8.3% ໃນປີ 2012 ນີ້ ທັງທີ່ວ່າ
ທະນາຄານໂລກໄດ້ໃຫ້ການຄາດ ກ່ອນໜ້ານີ້ວ່າ GDP ຂອງຈະຂະຫຍາຍຕົວ ເພີ້ມຂຶ້ນພຽງ
7.5% ເທົ່ານັ້ນ ໂດຍມີສາເຫດມາຈາກວິກິດການທາງເສດຖະກິດ-ການເງິນໃນສະຫະພາບຢູ
ໂຣບ ທີ່ເຮັດໃຫ້ການລົງທຶນຂອງຕ່າງປະເທດໃນລາວ ແລະການສົ່ງອອກສິນຄ້າຂອງລາວໄປ
ຕ່າງປະເທດ ຕ້ອງຫລຸດລົງໄປດ້ວຍ ຊຶ່ງກໍໄດ້ເຮັດໃຫ້ທະນາຄານພັດທະນາເອເຊຍ (ADB)
ຄາດໝາຍວ່າ ເສດຖະກິດຂອງລາວໃນປີ 2012 ຈະມີການຂະຫຍາຍໂຕເພີ່ມຂຶ້ນພຽງບໍ່ເກີນ
7.6% ເທົ່ານັ້ນ.

ແຕ່ຢ່າງໃດກໍຕາມ ທາງການລາວກໍເຊື່ອໝັ້ນວ່າ ດ້ວຍເສດຖະກິດທີ່ມີການຂະຫຍາຍໂຕ
ເພີ້ມຂຶ້ນ ທຸກປີນັ້ນ ກໍຈະເຮັດໃຫ້ປະຊາຊົນລາວຫຼຸດພົ້ນຈາກຄວາມທຸກຍາກໄດ້ໂດຍພື້ນ
ຖານພາຍໃນປີ 2015 ແລະ ກ້າວໄປເປັນປະເທດທີ່ຫຼຸດພົ້ນຈາກສະພາບດ້ອຍພັດທະນາ
ໃນປີ 2020 ຕາມລໍາດັບ ສໍາລັບໃນປີ 2012 ນີ້ ກໍຄາດໝາຍວ່າ ລາຍໄດ້ສະເລ່ຍໄດ້ຂອງ
ປະຊາຊົນລາວ ຈະຢູ່ທີ່ລະດັບ 1,350 ໂດລາຕໍ່ຄົນຕໍ່ປີ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG