ລິ້ງ ສຳຫລັບເຂົ້າຫາ

ລັດຖະບານ​ລາວ​ໄດ້​ເອົາບາດກ້າວ​ທີ່​ບໍ່​ມີ​ປະ​ເທດ​ໃດ​ເອົາ​ມາ​ກ່ອນ ​ເພື່ອ​ໃຫ້ບັນລຸ​
ຄວາມ​ໄຝ່ຝັນ​ ໃນ​ການ​ທີ່​ຈະ​ຫຼຸດພົ້ນຈາກ​ສະຖານະພາບ ​ປະ​ເທດ​ດ້ອຍ​ພັດທະນາ
ຫຼື LDC​ ພາຍໃນ​ປີ 2020 ອີງ​ຕາມ​ລາຍ​ງານຂອງ​ຕາໜ່າງຂ່າວ IRIN.

ອີງ​ຕາມ​ອົງການ​ສະຫະ​ປະຊາ​ຊາດ​ແລ້ວ ບັນດາປະ​ເທດ​ດ້ອຍ​ພັດທະນາ​ ແມ່ນ​
ພາກສ່ວນ ທີ່​ທຸກ​ຍາກ​ທີ່​ສຸດ​ແລະ​ກໍ​ອ່ອນ​ແອທີ່​ສຸດ​ຂອງ​ປະຊາ​ຄົມ​ນາໆ​ຊາດ ​ແລະ​
ປະກອບ​ດ້ວຍ ປະຊາກອນ​ຫຼາຍກວ່າ 880 ລ້ານ​ຄົນ ​ແຕ່​ມີ​ລາຍ​ໄດ້​ໜ້ອຍ​ກວ່າ
2% ຂອງ​ຍອດ​ຜະລິດ​ຮວມຫຼືຈີ​ດີ​ພີ​ຂອງ​ໂລກ ​ແລະ​ມີການ​ຄ້າ​ປະມານ 1%.

ລາຍ​ງານ​ເວົ້າວ່າ ທ່ານ Philippe Hein ສະມາຊິກ​ຄະນະ​ກຳມະການ​ກຳກັບ​ນຳ​
ນະ​ໂຍ ບາຍ​ຍການ​ພັດທະນາ​ຂອງ​ສະຫະ​ປະຊາ​ຊາດ ທີ່​ເປັນຜູ້​ທົບ​ທວນ​ເບິ່ງ​ກຸ່ມ
​ປະ​ເທດ​ທີ່​ມີ​ສະ ຖານະ​ພາບ​ດ້ອຍ​ພັດທະນາ​ກ່າວ​ວ່າ ນີ້​ແມ່ນ​ບໍ່​ເຄີຍ​ມີ​ມາ​ກ່ອນ ​ໂດຍ​
ເວົ້າຕື່ມ​ວ່າ ປະສົບ​ພະ ການ​ຂອງ​ພວກ​ເຮົາ​ກໍ​ຄື ​ບັນດາ​ປະ​ເທດ​ທີ່​ຖືກ​ລະບຸ​ວ່າມີ
​ທາງ​ເປັນ​ໄປ​ໄດ້​ທີ່​ຈະ​ຫຼຸດພົ້ນຈາກ ຖານະ​ປະ​ເທດດ້ອຍ​ພັດທະນານັ້ນ ​ໄດ້​ຕ້ານ​ຢັນ
​ການ​ເອົາ​ບາດກ້າວ​ດັ່ງກ່າວ​ນີ້.

ທ່ານ Hein ​ເວົ້າວ່ຕື່ມາ ຄວາມ​ວິຕົກ​ກັງວົນ​ທີ່​ສຳຄັນ​ສຳຫຼັບປະ​ເທດ​ຕ່າງໆ​ທີ່​ຈະ​
ຫຼຸດພົ້ນ ຈາກ​ສະຖານະ​ພາບ​ປະ​ເທດດ້ອຍ​ພັດທະນາ​ກໍ​ຄື​ ຄວາມ​ເປັນ​ໄປ​ໄດ້​ໃນ​ການ​
ໄດ້​ຮັບ​ຄວາມ​ຊ່ອຍເຫຼືອຈາກ​ຕ່າງປະ​ເທດ​ສຳຫຼັບການ​ພັດທະນາ​ຫຼື ODA ແລະ​ສິດ​
ພິ​ເສດ​ທາງ​ດ້ານ​ການ​ຄ້າ ໜ້ອຍ​ລົງ. ​ໃນ​ປີ 2010 ລາວ​ໄດ້​ຮັບ​ການ​ຊ່ອຍ​ເຫຼືອຈາກ
​ຕ່າງປະ​ເທດ​ເປັນ​ມູນ​ຄ່າ 413 ລ້ານ 7 ​ແສນ 9 ໝື່ນ​ໂດ​ລາ ອີງ​ຕາມ​ລາຍ​ງານ​ຂອງ​
ອົງການ OECD.

ນຶ່ງ​ສ່ວນ​ສີ່​ຂອງ​ງົບປະມານ​ຈຳນວນ 15 ພັນ​ລ້ານ​ຂອງ​ແຜນການພັດທະນາ​ຂອງ
​ລັດຖະ ບານລາວ ​ແຕ່​ປີ 2011 ຫາ 2015 ​ແມ່ນ​ໄດ້​ຮັບ​ການ​ຊ່ອຍ​ເຫຼືອຈາກ​ຕ່າງ
ປະ​ເທດ​ແລະ​ພາຄີ ​ໃນ​ການ​ພັດທະນາ​ອື່ນໆ.

​ເພື່ອ​ຊ່ອຍ​ລາວ​ໃນ​ການ​ປັບ​ໂຕ​ທີ່​ວ່າ​ນີ້ ທາງ​ສະມັດຊາ​ໃຫຍ່​ອົງການ​ສະຫະ​ປະຊາ​ຊາດ​
ໄດ້ ນຳ​ສ​ະ​ເໜີ​ໄລຍະ​ຂ້າມ​ຜ່ານ​ເປັນ​ເວລາ 3 ປີ​ໃນ​ປີ 2004.

ທ່ານ Mihn Pham ຜູ້​ປະສານ​ງານ​ຂອງ​ອົງການ​ສະຫະ​ປະຊາ​ຊາດ​ ພ້ອມ​ທັງ​ເປັນຜູ້
ຕາງໜ້າ​ຂອງ​ອົງການ​ສະຫະ​ປະຊາ​ຊາດ​ເພື່ອ​ການ​ພັດທະນາປະຈຳ​ລາວ​ນຳ​ນັ້ນ ກ່າວ
ວ່າ ຄວາມ​ຈິງ​ທີ່​ວ່າ​ລາວທັງ​ໄດ້​ອາສາ​ສະມັກ​ທີ່​ຈະ​ເອົາ​ບາດກ້າວ​ເພື່ອ​ໃຫ້​ຕົນ​ເອງ​ຫຼຸດ
ພົ້ນຈາກ​ສະຖານະ​ພາບ LDC ​ແລະ​ຕັ້ງກຳນົດ​ໄວ້​ຢ່າງ​ຄັກ​ແນ່​ໃນ​ເລື່ອງ​ນີ້ ​ແມ່ນ​ເນັ້ນ​
ໃຫ້​ເຫັນ​ເຖິງ​ຄວາມ​ໄຝ່ຝັນ​ຂອງ​ລາວ ທີ່​ຢາກຈະກາຍ​ເປັນປະ​ເທດທີ່​ມີ​ລາຍ​ໄດ້ປານ​ກາງ.

​ພວກ​ນັກ​ຊ່ຽວຊານ​ເວົ້າວ່າ ແຕ່​ການ​ກະທຳ​ດັ່ງກ່າວ​ຈະ​ພິສູດ​ໃຫ້​ເຫັນ​ວ່າ​ເປັນ​ບັນຫາ​
ທ້າ​ທາຍຢ່າງ​ໃຫຍ່. ທະ​ນາຄາ​ນ​ໂລກ​ໃຫ້​ຂໍ້​ສັງ​ເກດ​ວ່າ 27.6% ຂອງ​ປະຊາຊົນ​ລາວ​ຈຳ
ນວນ 6 ລ້ານ 5 ​ແສນ​ຄົນ ​ແມ່ນ​ດຳລົງ​ຊີວິດ​ຕໍ່າ​ກວ່າ​ລະດັບ​ກຳນົດຄວາມທຸກ​ຍາກ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG