ລິ້ງ ສຳຫລັບເຂົ້າຫາ

ລາວຈະຜະລິດ ໄຟຟ້າເພີ້ມຂຶ້ນ ເປັນ 12,500 ເມກາວັດ ໃນປີ 2020

  • ຊົງຣິດ ໂພນເງິນ

ພິທີເຊັນສັນຍາສ້າງເຂື່ອນນໍ້າອູທີ່ລະຫວ່າງ ກຸ່ມລົງທຶນຈາກຈີນ ແລະລັດຖະບານລາວ ທີ່ຈັດຂຶ້ນໃນ ປີ 2011.

ພິທີເຊັນສັນຍາສ້າງເຂື່ອນນໍ້າອູທີ່ລະຫວ່າງ ກຸ່ມລົງທຶນຈາກຈີນ ແລະລັດຖະບານລາວ ທີ່ຈັດຂຶ້ນໃນ ປີ 2011.

ລັດຖະບານລາວວາງແຜນການທີ່ຈະເພີ່ມຜົນຜະລິດພະລັງ

ງານໄຟຟ້າຂຶ້ນເປັນ 12,500 ເມກາວັດ ພາຍໃນປີ 2020

ດ້ວຍການຊຸກຍູ້ການກໍ່ສ້າງ 8 ໂຄງການເຂື່ອນແລະ 1 ໂຮງ

ງານໄຟຟ້າຖ່ານຫິນ ໃຫ້ສໍາເລັດຕາມແຜນການ.

ກົມນະໂຍບາຍ ແລະແຜນການພະລັງງານໃນສັງກັດກະຊວງ

ພະລັງງານ ແລະບໍ່ແຮ່ ລາຍງານວ່າ ຄວາມອາດສາມາດໃນ

ການຜະລິດພະລັງງານໄຟຟ້າຂອງລາວຈະເພີ່ມຂຶ້ນຈາກ

3,200 ເມກາວັດ ໃນປັດຈຸບັນນີ້ ເປັນບໍ່ໜ້ອຍກວ່າ 12,500

ເມກາວັດພາຍໃນປີ 2020 ຖ້າຫາກວ່າການດໍາເນີນການກໍ່

ສ້າງເຂື່ອນ ແລະໂຮງງານຜະລິດກະແສໄຟຟ້າທີ່ກໍາລັງດໍາ

ເນີນການຢູ່ໃນເວລານີ້ເປັນໄປຕາມແຜນການທີ່ວາງໄວ້ ກໍຄືການກໍ່ສ້າງເຂື່ອນ 8 ໂຄງ

ການ ແລະໂຮງງານຜະລິດກະແສໄຟຟ້າ ຈາກຖ່ານລິກໄນ້ຕ໌ 1 ແຫ່ງໃຫ້ສໍາເລັດ.

ສະຖານທີ່ສ້າງໂຮງໄຟຟ້າ ຫົງສາລິກໄນ

ສະຖານທີ່ສ້າງໂຮງໄຟຟ້າ ຫົງສາລິກໄນ

ສໍາລັບໂຄງການທີ່ຄາດໝາຍວ່າ ຈະກໍ່ສ້າງແລ້ວສໍາເລັດ

ພາຍໃນປີ 2015 ກໍມີຢູ່ 3 ໂຄງການດ້ວຍການ ກໍຄືໂຄງ

ການເຂື່ອນຫ້ວຍລໍາພັນຂະໜາດ 88​ ເມກາວັດ ໃນແຂວງ

ຫຼວງນໍ້າທາ. ໂຄງການເຂື່ອນນໍ້າຄານ 2 ຂະໜາດ 130

ເມກາວັດໃນແຂວງຫຼວງພະບາງ ແລະໂຮງຜະລິດພະລັງ

ງານໄຟຟ້າຈາກຖ່ານລິກໄນ້ຕ໌ ຫຼືໂຄງການຫົງສາລິກໄນຕ໌

ຂະໜາດ 1,800 ເມກາວັດ ໃນແຂວງໄຊຍະບູລີ.

ສ່ວນທີ່ຈະກໍ່ສ້າງແລ້ວສໍາເລັດ ພາຍໃນປີ 2016 ກໍປະກອບ

ດ້ວຍ 3 ໂຄງການ ກໍຄືໂຄງການເຂື່ອນນໍ້າອູ່ 5 ຂະໜາດ 240 ເມກາວັດ ກັບໂຄງການ

ເຂື່ອນນໍ້າອູ 6 ຂະໜາດ 180 ເມກາວັດ ໃນແຂວງຫຼວງພະບາງ ແລະໂຄງການເຂື່ອນ

ນໍ້າງຽບ 1 ຂະໜາດ 180 ເມກາວັດ ໃນແຂວງວຽງຈັນ ແລະອີກ 3 ໂຄງການທີ່ເຫຼືອນັ້ນ ກໍຄື ໂຄງການເຂື່ອນນໍ້າອູ່ 2 ຂະໜາດ 120 ເມກາວັດ ກັບໂຄງການເຂື່ອນນໍ້າຄານ 3

ຂະໜາດ 60 ເມກາວັດ ໃນເຂດແຂວງຫຼວງພະບາງນັ້ນ ຈະກໍ່ສ້າງແລ້ວສໍາເລັດໃນປີ

2017 ແລະໂຄງການເຂື່ອນໄຊຍະບຸລີ ທີ່ຈະຜະລິດພະລັງງານໄຟຟ້າໄດ້ເຖິງ 1,280

ເມກາວັດນັ້ນ ກໍມີກໍານົດຈະກໍ່ສ້າງໃຫ້ສໍາເລັດພາຍໃນປີ 2019 ໂດຍຈະສົ່ງກະແສໄຟ

ຟ້າໄປຂາຍໃຫ້ໄທ ໃນສັດສ່ວນ 85% ຂອງພະລັງງານໄຟຟ້າ ທີ່ຜະລິດໄດ້ທັງໝົດເຖິງ

6 ໝື່ນລ້ານກິໂລວັດ/ໂມງຕໍ່ປີ.

ໃນປັດຈຸບັນ ເຂື່ອນທີ່ກໍ່ສ້າງສໍາເລັດແລະໄດ້ຜະລິດກະແສໄຟຟ້າແລ້ວມີຢູ່ 18 ໂຄງການ

ທີ່ຜະລິດພະລັງງານໄຟຟ້າໄດ້ລວມກັນ 3,200 ເມກາວັດ ຫຼື 12,039.67 ລ້ານກິໂລວັດ/

ໂມງຕໍ່ປີ ແລະກໍໄດ້ສົ່ງຂາຍໃຫ້ການໄຟຟ້າຝ່າຍຜະລິດແຫ່ງປະເທດໄທ (EGAT) ໃນປະ

ລິມານລວມ 11,178.5 ລ້ານກິໂລວັດ/ໂມງ ຄິດເປັນມູນຄ່າເກີນກວ່າ 470 ລ້ານໂດລາ

ໃນປີທີ່ຜ່ານມາ.

ລາວແລະຈີນຈະຮ່ວມກັນລົງທຶນສ້າງເຂື່ອນຫ້ວຍລໍາພັນ

ລາວແລະຈີນຈະຮ່ວມກັນລົງທຶນສ້າງເຂື່ອນຫ້ວຍລໍາພັນ

ການດໍາເນີນແຜນການດັ່ງກ່າວນີ້ຂອງກະຊວງພະລັງງານ

ແລະບໍ່ແຮ່ ກໍຄືການ ຕອບສະໜອງຕໍ່ເປົ້າໝາຍຂອງພັກ ແລະລັດຖະບານລາວທີ່ຈະພັດທະນາລາວເປັນໝໍ້ໄຟຂອງ

ເອເຊຍ (Battery of Asia) ໃຫ້ໄດ້ດ້ວຍການສົ່ງເສີມການ

ລົງທຶນເພື່ອ ກໍ່ສ້າງເຂື່ອນຢູ່ໃນລາວໃຫ້ຫຼາຍຂຶ້ນຢ່າງບໍ່ຢຸດຍັ້ງ ແລະກໍຄືວ່າເປັນການນໍາໃຊ້ປະໂຫຍດຈາກທ່າແຮງບົ່ມຊ້ອນ

ໃນດ້ານຊັບພະຍາກອນນໍ້າຂອງລາວໄດ້ເປັນຢ່າງດີອີກດ້ວຍ

ດັ່ງທີ່ທ່ານຈູມມາລີ ໄຊຍະສອນ ປະທານປະເທດ ເຄີຍໄດ້ໃຫ້

ການເນັ້ນຢໍ້າວ່າ:

ສປປ.ລາວເປັນປະເທດທີ່ມີທ່າແຮງບົ່ມຊ້ອນໃນການຜະລິດໄຟຟ້ານໍ້າຕົກ

ຢ່າງຫຼວງຫຼາຍ ຊຶ່ງກໍເປັນໂອກາດດີໃຫ້ກັບການນໍາໃຊ້ຊັບພະຍາກອນນໍ້າ

ເພື່ອເປັນທຶນຮອນໃນການສ້າງສາພັດທະນາປະເທດຊາດ. ສະນັ້ນ ລັດຖະ

ບານລາວຈຶ່ງໄດ້ສຸມທຸກຄວາມພະຍາຍາມຂອງຕົນບວກກັບການສະໜັບ

ສະໜຸນທາງດ້ານວັດຖຸເທັກນິກ ແລະທຶນຮອນຈາກສາກົນ ເພື່ອພັດທະນາ

ແຫຼ່ງພະລັງງານທີ່ສະອາດດັ່ງກ່າວ ໃຫ້ສາມາດຕອບສະໜອງໄດ້ກັບຄວາມ

ຕ້ອງການທາງດ້ານພະລັງງານຢູ່ພາຍໃນປະເທດ ແລະເພື່ອສົ່ງອອກໄປ

ປະເທດເພື່ອນບ້ານ.”

ຫາກແຕ່ວ່າບັນຫາໃນເວລານີ້ ກໍຄືບັນດາອົງການອະນຸລັກສະພາບແວດລ້ອມທໍາມະ ຊາດ

ໃນລະດັບສາກົນໄດ້ປະກາດທ່າທີຢ່າງຊັດເຈນວ່າຈະຄັດຄ້ານການກໍ່ສ້າງເຂື່ອນ ທັງໃນ

ລາວ ແລະເທິງແມ່ນໍ້າຂອງຢ່າງເຖິງທີ່ສຸດ ເພາະເຊື່ອວ່າຈະສົ່ງຜົນກະທົບຕໍ່ສະພາບແວດ

ລ້ອມທໍາມະຊາດແລະສັດນໍ້າຢ່າງກວ້າງຂວາງ ໂດຍໃນປັດຈຸບັນກໍໄດ້ພາກັນເຄື່ອນໄຫວ

ເພື່ອຄັດຄ້ານການກໍ່ສ້າງເຂື່ອນໄຊຍະບຸລີເທິງແນວແມ່ນໍ້າຂອງ ໃນແຂວງໄຊຍະບູລີ ດ້ວຍການຄັດຄ້ານແຜນການຂອງລັດຖະບານໄທທີ່ ຈະຮັບຊື້ກະແສໄຟຟ້າໃນປະລິມານ

7,000 ເມກາວັດ ຈາກລາວ.

ສະແດງຄວາມເຫັນໃຫ້ເບິ່ງ

XS
SM
MD
LG