ລິ້ງ ສຳຫລັບເຂົ້າຫາ

ລາວຈະບໍ່ປັບ ຄ່າເຊົ່າ ທີ່ດິນສຳປະທານຂຶ້ນ ເພາະຢ້ານວ່າ ຈະກະທົບ ຕໍ່ການລົງທຶນ ຂອງຕ່າງປະເທດ


ລັດຖະບານ​ລາວ​ໄດ້​ອະນຸຍາດ ​ໃຫ້​ສຳ​ປະທານ ທີ່​ດິນ​ເພື່ອ​ປູກ​ພືດ​ເສດຖະກິດ​ຕ່າງໆ ໄປແລ້ວຄິດ​ເປັນ​ພື້ນ​ທີ່​ລວມກັນ ກວ້າງ​ກວ່າ 570,000 ​ເຮັກຕາ.

ລັດຖະບານ​ລາວ​ຍັງ​ຈະ​ບໍ່​ມີ​ການ​ປັບ​ຂຶ້ນຄ່າ​ເຊົ່າ​ທີ່​ດິນ ​ໃນ​ເຂດ
​ສຳ​ປະທານ​ທົ່ວ​ປະ​ເທດ ​ໃນ​ລະຍະ​ນີ້ ​ເນື່ອງ​ຈາກ​ຢ້ານ​ກົວ​ວ່າ​
ຈະ​ສົ່ງ​ຜົນ​ເຮັດ​ໃຫ້​ບັນ​ດາບໍລິສັດ​ຕ່າງປະ​ເທດ ພາກັນ​ຖອນ
​ການ​ລົງທຶນ​ໄປ​ຈາ​ກລາວ.

​ເຈົ້າໜ້າ​ທີ່​ຂັ້ນສູງ​ໃນ​ກະຊວງ​ແຜນການ ​ແລະ​ການ​ລົງທຶນ​ເປີດ​ເຜີຍ​ວ່າ ລັດຖະບານ​ລາວ​
ພາຍ​ໄຕ້​ການ​ນຳ​ຂອງ​ນາ​ຍົກ​ລັດຖະມົນຕີ ທ່ານທອງສິງ ທຳ​ມະ​ວົງ ຍັງ​ບໍ່​ສາມາດ​ຫາ​ຂໍ້​ສະ
​ລຸບ​ໄດ້​ວ່າ ມີ​ການ​ປັບ​ຂຶ້ນອັດຕາ​ຄ່າ​ເຊົ່າ​ທີ່​ດິນ​ໃນເຂດ​ສຳ​ປະທານ​ທີ່​ໄດ້​ອະນຸມັດ​ໃຫ້​ກັບ​
ບັນດາ​ບໍລິສັດ​ເອກະ​ຊົນ​ລາວ ​ແລະ​ຕ່າງ​ຊາດ​ໄປ​ແລ້ວ​ໃນ​ທົ່ວ​ປະ​ເທດຫຼືບໍ່?

ທັງ​ນີ້​ກໍ​ເນື່ອງ​ຈາກ​ຢ້ານ​ວ່າ ການ​ປັບ​ຂຶ້ນອັດຕາ​ຄ່າ​ເ​ຊົ່ານັ້ນ ຈະ​ສົ່ງ​ຜົນ​ກະທົບ​ຕໍ່​ການລົງທຶນ ​ໂດຍ​ລວມ​ໃນ​ລາວ ​ໂດຍ​ສະ​ເພາະ​ແມ່ນ​ການ​ຢ້ານ​ກົວ​ວ່າ ບັນດາ​ບໍລິສັດ​ຕ່າງ​ຊາດ​ທີ່​ໄດ້​ຮັບ​ອະນຸຍາດ​ສຳ​ປະທານ ທີ່​ດິນ​ຈາກ​ທາງ​ການ​ລາວ​ຢ່າງ​ຖືກຕ້ອງ​ແລ້ວນັ້ນ ຈະ​ພາກັນ​ຖອນ​ການ​ລົງທຶນ​ໄປ​ຈາກ​ລາວ ​ໃນ​ລະຍະ​ຕໍ່​ໄປ​ອີກດ້ວຍ ດັ່ງ​ທີ່​ເຈົ້າໜ້າ​ທີ່​ຂັ້ນສູງ ​ໄດ້​ໃຫ້ການ​ຢືນຢັນ​ວ່າ:

“ກາ​ນສຳ​ປະທານ​ທີ່​ດິນຂອງ​ລັດ​ນີ້ ກໍ​ມີ​ການ​ຖົກ​ຖຽງ​ກັນ ຖ້າ​ເຮົາ​ມີ​ການ​ປັບ​ປ່ຽນ​ໄປ​
ໃນ​ທາງ​ທີ່​ກະທົບ​ຕໍ່​ຜູ້​ລົງທຶນ​ນີ້ ພວກ​ເຮົາ​ຈະ​ໄດ້​ຮັບ​ຜົນ​ສະທ້ອນ​ໄວ​ໂລດ ຖ້າ​ຫາກ​
ວ່າ​ເຮົາ​ປັບ​ປ່ຽນ​ໄປ​ໃນ​ທາງ​ທີ່​ດີ​ຂອງ​ເຂົາ​ເຈົ້າຫັ້ນ ສິ​ໄຄ​ແນ່ ຕົວຢ່າງ​ເຮົາ​ຂຽນ​ກົດ
ໝາຍ​ແຕ່ລະ​ເທື່ອ ຄັນວ່າ​ໄປ​ຢ້ອນຫຼັງ ຫຼືວ່າ ອັນ​ນັ້ນ ອັນ​ນີ້ຫັ້ນ ພວກ​ເຮົາ​ສິ​ເສຍ​ຫາຍ.”

ລັດຖະບານ​ລາວ​ ພາຍ​ໄຕ້​ການ​ນຳ​ຂອງ​ນາ​ຍົກ​ລັດຖະມົນຕີ ທ່ານທອງສິງ ທຳ​ມະ​ວົງ ຍັງ​ບໍ່​ສາມາດ​ຫາ​ຂໍ້​ສະ ​ລຸບ​ໄດ້​ວ່າ ມີ​ການ​ປັບ​ຂຶ້ນອັດຕາ​ຄ່າ​ເຊົ່າ​ທີ່​ດິນ​ໃນເຂດ​ສຳ​ປະທານ​ທີ່​ໄດ້​ອະນຸມັດ​ໃຫ້​ກັບ​ ບັນດາ​ບໍລິສັດ​ເອກະ​ຊົນ​ລາວ ​ແລະ​ຕ່າງ​ຊາດ​ໄປ​ແລ້ວ​ໃນ​ທົ່ວ​ປະ​ເທດ ຫຼືບໍ່?
ລັດຖະບານ​ລາວ​ ພາຍ​ໄຕ້​ການ​ນຳ​ຂອງ​ນາ​ຍົກ​ລັດຖະມົນຕີ ທ່ານທອງສິງ ທຳ​ມະ​ວົງ ຍັງ​ບໍ່​ສາມາດ​ຫາ​ຂໍ້​ສະ ​ລຸບ​ໄດ້​ວ່າ ມີ​ການ​ປັບ​ຂຶ້ນອັດຕາ​ຄ່າ​ເຊົ່າ​ທີ່​ດິນ​ໃນເຂດ​ສຳ​ປະທານ​ທີ່​ໄດ້​ອະນຸມັດ​ໃຫ້​ກັບ​ ບັນດາ​ບໍລິສັດ​ເອກະ​ຊົນ​ລາວ ​ແລະ​ຕ່າງ​ຊາດ​ໄປ​ແລ້ວ​ໃນ​ທົ່ວ​ປະ​ເທດ ຫຼືບໍ່?

ລັດຖະບານ​ລາວ​ໄດ້​ອະນຸຍາດ ​ໃຫ້​ສຳ​ປະທານ ທີ່​ດິນ​ເພື່ອ​ປູກ​ພືດ
​ເສດຖະກິດ​ຕ່າງໆ ​ເຊັ່ນ​ຢາງພາລາ ​ໄມ້​ວິກ ອ້ອຍ ສາລີ ​ແລະ​ມັນຕົ້ນ
ຄິດ​ເປັນ​ພື້ນ​ທີ່​ລວມກັນ ກວ້າງ​ກວ່າ 570,000 ​ເຮັກຕາ ຫາກ​ແຕ່
​ຈາກ​ການ​ກວດກາ​ໃນ​ພາກ​ຕົວ​ຈິງ​ກໍ​ພົບວ່າ ​ໄດ້​ມີ​ການ​ບຸກລຸກ​ເຂົ້າ​
ໄປ​ໃນ​ເຂດ​ປ່າ​ສະ​ງວນ ​ແລະ​ປ່າ​ປ້ອງ​ກັນ​ຂອງລັດຖະບານ ທັງ​ກໍ​ຍັງ​
ໄດ້​ມີ​ການ​ລັກລອບ​ຕັດ​ໄມ້​ໃນ​ເຂດ​ດັ່ງກ່າວ​ເປັນ​ພື້ນ​ທີ່​ກວ້າງ​ກວ່າ
1 ລ້ານ​ເຮັກຕາ​ແລ້ວ​ອີກ​ດ້ວຍ.

ທາງ​ດ້ານ​ກະຊວງ​ກະສິກຳ-ປ່າ​ໄມ້ ລາຍ​ງານ​ວ່າ​ໜ່ວຍ​ສະ​ເພາະ​ກິດ
​ສາມາດ​ຍຶດ​ໄມ້​ທີ່​ລັກລອບ​ຕັດ​ໂດ​ຍຜິດ​ກົດໝາຍ​ໄດ້ ຫຼາຍກວ່າ 8 ​
ແສນແມັດ​ກ້ອນ ​ໃນ 6 ​ເດືອນ​ທຳ​ອິດ​ຂອງ​ແຜນການ​ປີ 2013-
2014 ຂະນະ​ທີ່​ລັດຖະບານ​ໄດ້​ອະນຸມັດ​ໂຄ​ວຕາ​ການ​ຕັດ​ໄມ້​ຄິດ​ເປັນ​ປະລິມານ​ລວມ 1 ລ້ານ​ກວ່າ​ແມັດ​ກ້ອນ ​ແບ່ງ​ເປັນ​ໂຄ​ວຕ​າ​ໄມ້​ປົກກະຕິ 580,071 ​ແມັດ​ກ້ອນ ​ແລະ​ໂຄ​ວຕາ​ໄມ້​ພິ​ເສດ 446,783 ​ແມັດ​ກ້ອນ.

​ແຕ່​ຢ່າງ​ໃດ​ກໍ​ຕາມ ລັດຖະບານ​ລາວ​ກໍ​ສາມາດ ຈັດ​ເກັບ​ລາຍ​ຮັບ​ຈາກ​ອາກອນການ​ສົ່ງ​ໄມ້​ໄປ​ຕ່າງປະ​ເທດ​ໄດ້​ຕ່ຳຫຼາຍ​ເຊັ່ນ ສາມາດ​ຈັດ​ເກັບ​ລາຍ​ຮັບ​ໄດ້​ບໍ່​ເຖິງ 20 ລ້ານ​ດອນ​ລາ ​ໃນ​ແຜນການ​ປີ 2012-2013 ທີ່​ຜ່ານ​ມາ​ໂດ​ຍມີ​ສາ​ເຫດ​ມາ​ຈາກ​ການ​ປະຕິບັດ​ໜ້າ​ທີ່ ຂອງ​ພະນັກງານລັດ ທີ່​ເຫັນ​ຜົນ​ປະ​ໂຫຍ​ດສ່ວນໂຕ ​ເປັນ​ສຳຄັນ​ດັ່ງ​ທີ່​ເຈົ້າໜ້າ​ທີ່​ຂັ້ນສູງ​ໃນ​ຄະນະ​ກຳມະການ​ກວດກາ​ແຫ່ງ​ລັດ​ໄດ້​ໃຫ້ການ​ຢືນຢັນ​ວ່າ:

“​ໄມ້​ພວກ​ເຮົາ​ນີ້​ຂຸດ​ຄົ້ນອອກ​ເປັນ​ຈຳນວນ​ມະຫາສານ​ທີ່​ສຸດ ​ແຕ່​ວ່າ​ລາຍ​ຮັບ​ຈາກ​ການ​ຂາຍ​ໄມ້​ນີ້ ກໍ​ບໍ່​ໄດ້​ພໍ​ເທົ່າ​ໃດ ​ໄມ້ແມັດ​ກ້ອນ​ໜຶ່ງ ພວກ​ເຮົາ​ຂາຍ​ນີ້ ມີ​ແຕ່​ຢູ່​ໃນ​ລະດັບ 50-60 ຫລຽນ​ຕໍ່​ແມັດ​ກ້ອນ 50-60 ຫລຽນ​ນີ້​ແລ້ວ ​ເບິ່ງ​ປ່າ​ໄມ້​ພວກ​ເຮົາ​ທີ່​ຖືກ​ບຸກລຸກ​ທຳລາຍ​ນັ້ນ ​ເປັນ​ຈຳ​ນວນ​ມະຫາສານ​ອັນ​ນີ້​ນິ ມັນໆ​ສວນ​ທາງ​ກັນ​ກັບ​ການ​ພັດທະນາ​ແບບ​ຍືນ​ຍົງ.”

​ເຈົ້າໜ້າ​ທີ່​ຂັ້ນສູງ​ໃນ​ຄະນະ​ກຳມະການ​ກວດກາ​ແຫ່ງ​ລັດ ບອກ​ວ່າການ​ປະ​ເມີນ​ດັ່ງກ່າວ ຖື​
ເປັນ​ການ​ປະ​ເມີນ​ລາຄາ​ໄມ້ ທີ່​ຕ່ຳ​ກວ່າ​ຄວາມ​ເປັນ​ຈິງ ​ໃນ​ອັດຕາ​ສະ​ເ​ລ່ຍ​ເຖິງ 50 ​ເປີ​ເຊັນ
ຊຶ່ງ​ກໍ​ເປັນ​ຜົນ​ເຮັດ​ໃຫ້​ລັດຖະບານ​ລາວ ຕ້ອງ​ສູນ​ເສຍ​ຜົນ​ປະ​ໂຫຍ​ດຄິດ​ເປັນ​ມູນ​ຄ່າຫຼາຍ
ຕື້​ກີບ​ໃນ​ແຕ່ລະ​ປີ.

ຍິ່ງ​ໄປ​ກວ່າ​ນັ້ນ ​ເຈົ້າໜ້າ​ທີ່​ຂັ້ນສູງ​ຂອງ​ລາວ ກໍ​ຍັງ​ປະ​ເມີນ​ດ້ວຍ​ວ່າ ການ​ລັກລອບ​ຕັດ​ໄມ້​ຜິດ​ກົດໝາຍ ​ໃນ​ຕະຫລອດ​ແຜນການ​ປີ 2013-2014 ທີ່​ຜ່ານ​ມາ ມີ​ປະລິມານ​ລວມຫຼາຍກວ່າ 1 ລ້ານ​ແມັດ​ກ້ອນ ​ແລະ​ພື້ນ​ທີ່ ທີ່​ມີ​ການ​ລັກລອບ​ຕັດ​ໄມ້ຫຼາຍທີ່​ສຸດ ກໍ​ແມ່ນ​ເຂດ​ຊາຍ​ແດນ​ລາວ​
ທີ່​ຕິດ​ກັບ​ຫວຽດນາມ ຈີນ ​ແລະ ​ໄທ​ ຕາມ​ລຳດັບ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG