ລິ້ງ ສຳຫລັບເຂົ້າຫາ

ການກໍ່ສ້າງທາງລົດໄຟ ຄວາມໄວສູງ ເຊື່ອມຕໍ່ລາວ-ຈີນ ມີການຊັກຊ້າ

  • ຊົງຣິດ ໂພນເງິນ

ການສຳຫລວດດິນ ແລະສຶກສາຄວາມເປັນໄປໄດ້ ເພື່ອຈະສ້າງທາງລົດໄຟຄວາມໄວສູງ ເຊື່ອມຕໍ່ຈາກມົນທົນ ຢຸນນານຂອງຈີນ ມາຫານະຄອນຫລວງວຽງຈັນ ທີ່ໄດ້ສຳເລັດໄປແລ້ວ ເມື່ອໝໍ່ໆມານີ້

ທາງ​ການ​ລາວກັບ​ຈີນ​ໄດ້​ສຶກສາ​ຄວາມ​ເປັນ​ໄປ​ໄດ້​ຂອງ​ການ​ກໍ່​ສ້າງທາງລົດ​ໄຟ​ຄວາມ​ໄວສູງ​ ສໍາ​ເລັດແລ້ວ ຫາກ​ແຕ່​ຍັງ​ບໍ່​ມີ​ຄວາມ​ຊັດ​ເຈນ​ວ່າ ຈະ​ມີ​ການ​ລົງມື​ກໍ່​ສ້າງ​ແທ້​ເມື່ອ​ໃດ.

ເຈົ້າ​ໜ້າ​ທີ່ຂັ້ນສູງ​ໃນ​ກະຊວງ​ແຜນການ ​ແລະ ການ​ລົງທຶນ​
ຂອງ​ລາວ ​ໄດ້​ໃຫ້ການ​ຢືນຢັນ​ວ່າ ການ​ສຶກສາ​ສຳ​ຫຼວດ
ຄວາມ​ເປັນ​ໄປ​ໄດ້​ຂອງ​ໂຄງການ​ກໍ່ສ້າງ​ທາງ​ລົດ​ໄຟ​ຄວາມ​
ໄວ​ສູງທີ່​ເຊື່ອມ​ຕໍ່​ລະຫວ່າງ​ລາວກັບຈີນ ​ໄດ້​ດຳ​ເນີນ​ການ
ສໍາ​ເລັດ​ຮຽບຮ້ອຍ​ແລ້ວໃນ​ຂະນະ​ນີ້ ​ທັງ​ໃນ​ດ້ານ​ການ​ກໍາ
ໜົດ​ເສັ້ນທາງ, ການ​ກໍາໜົດ​ທີ່​ຕັ້ງ​ຂອງ​ສະຖານີ​ລົດ​ໄຟ
ແລະການ​ປ້ອງ​ກັນຜົນ​ກະທົບ​ຕໍ່​ສັງຄົມ ​ແລະສິ່ງ​ແວດ
ລ້ອມ​ທໍາມະ​ຊາດ,ລວມ​ເຖິງ​ແຜນການ​ຍົກຍ້າຍ​ປະຊາ​ຊົນ
ອອກ​ໄປ​ຈາກ​ເຂດ​ກໍ່ສ້າງ​ທາງ​ລົດ​ໄຟ ​ແລະການ​ຊົດ​ເຊີຍ
ຄວາມ​ເສຍ​ຫາຍ​ໃຫ້​ກັບ​ປະຊາຊົນລາວ​ ທີ່​ຈະ​ຖືກ​ຍົກ
ຍ້າຍ​ອອກ​ຈາກ​ເຂດ​ກໍ່​ສ້າງ​ດັ່ງກ່າວ​ອີກດ້ວຍ.

ພ້ອມ​ດຽວ​ກັນ​ນີ້ ທາງ​ການ​ລາວ​ກໍ່​ຍັງ​ໄດ້​ພິຈາລະນາ​ທີ່​ຈະ​ຈັດ​ສົ່ງ​ເຈົ້າ​ໜ້າ​ທີ່​ຂັ້ນ​ສູງ​ໃນ​ກະຊວງ​ໂຍທາ​ທິການ ​ແລະ ຂົນ​ສົ່ງຈໍານ​ວນ 30 ກວ່າ​ຄົນ ​ໃຫ້​ເດີນທາງ​ໄປ​ສຶກສາ​ກ່ຽວ​ກັບ​ການ​ຄຸ້ມ​ຄອງ​ບໍລິຫານ ​ແລະພັດທະນາ​ການ​ລົດ​ໄຟ​ຢູ່​ທີ່​ປະ​ເທດຈີນ ​ໃນ​ໝໍ່ໆ​ນີ້​ອີກ​ດ້ວຍ.

ຫົວລົດໄຟຄວາມໄວສູງຂອງຈີນ ທີ່ໃຊ້ຢູ່ນະຄອນຫລວງປັກກິ່ງ. (file photo)
ຫົວລົດໄຟຄວາມໄວສູງຂອງຈີນ ທີ່ໃຊ້ຢູ່ນະຄອນຫລວງປັກກິ່ງ. (file photo)

ຫາກ​ແຕ່​ວ່າ ບັນຫາ​ຂອງ​ໂຄງ
ການ​ໃນ​ເວລາ​ນີ້ ກໍ່​ຄື​ການ​ທີ່​ຍັງ​
ຄົງ​ບໍ່​ມີ​ຄວາມ​ຊັດ​ເຈນ​ວ່າການ
ກໍ່ສ້າງ​ໃນ​ພາກ​ຕົວ​ຈິງ​ນັ້ນ ​ຈະ​
ເລີ່ມລົງມື​ໄດ້​ເມື່ອ​ໃດ​ແທ້, ​ເນື່ອງ
ຈາກ​ວ່າ ຕາມ​ແຜນການ​ເດີມ
ນັ້ນ​ ທາງ​ການ​ລາວແລະຈີນໄດ້​
ກຳໜົດຮ່ວມ​ກັນ​ວາງ​ສີ​ລາ​ເລີກ
ເພື່ອ​ເລີ້ມລົງມື​ດຳ​ເນີນການກໍ່ສ້າງ​
ໃນພາກຕົວຈິງ ໃນວັນ​ທີ 25
ເດືອນເມສາທີ່​ຜ່ານ​ມາແລ້ວ ​ແຕ່
ກໍບໍ່ສາມາດ​ປະຕິບັດ​ໄດ້​ຕາມ​
ແຜນການ​ດັ່ງກ່າວ. ດ້ວຍ​ເຫດ​ນີ້
ຈຶ່ງ​ເຮັດ​ໃຫ້​ມີ​ກະແສ​ຂ່າວ​ລື​ອອກ​
ມາ​ຢ່າງ​ໜາຫູວ່າ ທາງ​ການ​ລາວ​
ກັບ​ຈີນ​ໄດ້​ຍົກ​ເລີກ​ໂຄງການ​ດັ່ງ ກ່າວ​ນີ້​ແລ້ວ.

ແຕ່​ຢ່າງ​ໃດ​ກໍ​ຕາມ ​ໂດຍ​ອີງ​ຕາມ​ການຈັດຕັ້ງປະຕິບັດ​ແຜນການ​ພັດທະນາ​ປະ​ຈໍາປີ 2010
-2011 ​ໃນ​ໄລຍະ 6 ​ເດືອນ​ທຳ​ອິດທີ່​ຜ່ານ​ມານັ້ນ ທາງ​ການ​ລາວ​ກໍ​ໄດ້​ລະບຸໃນ​ລາຍ​ງານວ່າ
ການ​ຮ່ວມ​ມື​ໃນ​ການກໍ່ສ້າງ​ທາງ​ລົດ​ໄຟ​ຄວາມ​ໄວ​ສູງ​ລະຫວ່າງ​ລາວ​ກັບ​ຈີນຈະ​ຍັງ​ຄົງ​ດຳ​ເນີນ​
ຕໍ່​ໄປ ຊຶ່ງ​ກໍ​ສອດຄ່ອງ​ກັບ​ການຖະແຫຼງຂອງທ່ານ ສົມສະຫວາດ ເລັ່ງສະຫວັດຮອງນາຍົກ
ລັດຖະມົນຕີ, ຜູ້ປະຈໍາການຄະນະລັດຖະບານລາວກໍໄດ້ ຢືນຢັນວ່າ ໂຄງການເຊື່ອມຕໍ່ທາງ
ລົດໄຟຄວາມໄວສູງລະຫວ່າງລາວກັບຈີນດັ່ງກ່າວນີ້ ຈະສົ່ງຜົນດີຕໍ່ການພັດທະນາເສດຖະ
ກິດຂອງລາວ​ໃນຫຼາຍໆດ້ານ.

ທັງນີ້ກໍ່ເນື່ອງຈາກວ່າ ໂຄງການເຊື່ອມຕໍ່ທາງລົດໄຟຄວາມໄວສູງກັບຈີນດັ່ງກ່າວນີ້ ບໍ່ພຽງ
ແຕ່ຈະເປັນການຕອບສະໜອງຕໍ່ແຜນການພັດທະນາໃຫ້ລາວໄປເປັນສູນກາງຂອງການ
ເຊື່ອມຕໍ່ທາງດ້ານຄົມມະນາຄົມ-ຂົນສົ່ງໃນເຂດລຸ່ມແມ່ນໍ້າຂອງເທົ່ານັ້ນ ຫາກແຕ່ຍັງຈະເຮັດ
ໃຫ້ລາວເປັນປະເທດທໍາອິດໃນພູມີພາກເອເຊຍຕະເວັນອອກສຽງໃຕ້ ທີ່ມີລະບົບລົດໄຟ
ຄວາມໄວສູງທໍາອິດດ້ວຍ ດັ່ງທີ່ທ່ານ ສົມສະຫວາດ ໄດ້ກ່າວວ່າ:

ທ່ານ ສົມສະຫວາດ ເລັ່ງສະຫວັດ ຮອງນາຍົກລັດຖະມົນຕີລາວ
ທ່ານ ສົມສະຫວາດ ເລັ່ງສະຫວັດ ຮອງນາຍົກລັດຖະມົນຕີລາວ

“ໂຄງການສ້າງທາງລົດໄຟເຊື່ອມຕໍ່ລາວ-ຈີນນີ້
ເປັນເສັ້ນທາງທີ່ມີຄວາມໝາຍປະວັດສາດ ອັນ
ຈະນໍາເອົາຜົນປະໂຫຍດມາສູ່ປະເທດເຮົາຢ່າງ
ມະຫາສານ. ພ້ອມກັນນັ້ນ ກະເປັນການເຮັດໃຫ້
ປະເທດລາວເປັນໃຈກາງເຊື່ອມຕໍ່ກັບບັນດາປະ
ເທດໃນອະນຸພາກພື້ນປະກົດເປັນຈິງ, ດ້ານນຶ່ງ
ອີກ ກະເປັນການຍົກສູງບົດບາດອິດທິພົນຂອງ
ປະເທດເຮົາ ເພາະວ່າປະເທດເຮົາຈະເປັນປະ
ເທດທໍາອິດຢູ່ໃນເອເຊຍອາຄະເນ ທີ່ມີລົດໄຟ
ຄວາມໄວສູງຕາມມາດຕະຖານສາກົນ.”

ກ່ອນໜ້ານີ້ ທາງ​ການ​ລາວ​ແລະ​ຈີນ ​ໄດ້​ຕົກລົງ​ໃນ​ບົດ​ບັນ
ທຶກຄວາມເຂົ້າໃຈຮ່ວມກັນວ່າຈະຮ່ວມກັນຈັດຕັ້ງບໍລິສັດຮ່ວມທຶນຂຶ້ນມາເພື່ອຮັບຜິດຊອບ
ໃນການກໍ່ສ້າງທາງລົດໄຟຄວາມໄວສູງ ທີ່ເຊື່ອມຕໍ່ຈາກຈີນມາຍັງລາວໂດຍລັດຖະບານລາວ
ແລະ​ຈີນຈະຖືຫຸ້ນລົງທຶນໃນສັດສ່ວນ 30% ​ແລະ 70% ຕາມ​ລໍາດັບ.

ທ່ານ ຈູມມະລີ ໄຊຍະສອນ (ເຄິ່ງກາງ), ປະທານປະເທດລາວຖ່າຍຮູບ ຮ່ວມກັບຄະນະຜູ້ແທນທະນາຄານພັດທະນາຈີນໃນວັນທີ 20 ເມສາ 2011 ຜ່ານມານີ້ທີ່ຫໍຄໍາ, ສໍານັກງານປະທານປະເທດ, ນະຄອນວຽງຈັນ
ທ່ານ ຈູມມະລີ ໄຊຍະສອນ (ເຄິ່ງກາງ), ປະທານປະເທດລາວຖ່າຍຮູບ ຮ່ວມກັບຄະນະຜູ້ແທນທະນາຄານພັດທະນາຈີນໃນວັນທີ 20 ເມສາ 2011 ຜ່ານມານີ້ທີ່ຫໍຄໍາ, ສໍານັກງານປະທານປະເທດ, ນະຄອນວຽງຈັນ

ຄາດວ່າການກໍ່ສ້າງທາງລົດ
ໄຟສະເພາະໃນເຂດລາວທີ່
ມີໄລຍະທາງຍາວເຖິງ 421
ກິໂລແມັດນັ້ນ ​ແລະຈະມີ
ການກໍ່ສ້າງສະຖານີໃຫຍ່ 5
ແຫ່ງ ຄືຢູ່ດ່ານບໍ່ເຕັນ, ອຸດົມ
ໄຊ, ຫຼວງພະບາງ, ວັງວຽງ
ແລະນະຄອນວຽງຈັນ. ນອກ
ຈາກນັ້ນ ກໍ່ຈະມີສະຖານີນ້ອຍ
ອີກ 16 ແຫ່ງ ທີ່ຢູ່ລະຫວ່າງ
ສະຖານີໃຫຍ່ທັງ 5 ແຫ່ງດັ່ງ
ກ່າວ ພາຍ​ໃຕ້​ເປົ້າໝາຍຂະ
ຫຍາຍການ​ກໍ່ສ້າງ​ໃຫ້ສໍາເລັດ
ຕະຫຼອດເສັ້ນທາງພາຍໃນປີ
2015 ດ້ວຍທຶນກໍ່ສ້າງ​ລວ​ມ
ເຖິງ 7,000 ລ້ານໂດລາ ທີ່​ຈະ​ກູ້​ຢືມ​ຈາກ​ທະນາຄານ​ພັດທະນາ​ແຫ່ງຊາດ​ຈີນເປັນ​ສ່ວນ​ໃຫຍ່.

XS
SM
MD
LG