ລິ້ງ ສຳຫລັບເຂົ້າຫາ

ກອງທັບປະຊາຊົນລາວ ເສີມຂະຫຍາຍ ຄວາມຮ່ວມມື ກັບກອງທັບປົດປ່ອຍ ປະຊາຊົນຈີນ

  • ຊົງຣິດ ໂພນເງິນ

ການປະຊຸມກັນລະຫວ່າງຄະນະຜູ້ແທນລັດຖະບານ ແລະ ຄະນະລັດຖະບານຈີນທີ່ນໍາໜ້າໂດຍປະທານ ປະເທດຂອງສອງປະເທດ ໃນເດືອນພຶດສະພາ, 2011 ທີ່ຜ່ານມານີ້

ກອງທັບປະຊາຊົນລາວແລະກອງທັບປົດປ່ອຍ ແຫ່ງປະເທດຈີນຕົກລົງເສີມຂະຫຍາຍຄວາມ ຮ່ວມມືໃນດ້ານຄວາມໝັ້ນຄົງ ແລະການປ້ອງກັນຊາດລະຫວ່າງສອງປະເທດ ຢ່າງໃກ້ຊິດ ແລະຢ່າງບໍ່ຢຸດຢັ້ງ.

ການຕົກລົງເສີມຂະຫຍາຍການຮ່ວມມືໃນດ້ານການຮັກສາຄວາມໝັ້ນຄົງ ແລະການປ້ອງ
ກັນຊາດ ລະຫວ່າງກອງທັບປະຊາຊົນລາວກັບກອງທັບປົດປ່ອຍແຫ່ງປະເທດຈີນ ໄດ້ມີຂຶ້ນ
ໃນໂອກາດ ເດີນທາງມາຢ້ຽມຢາມລາວ ຢ່າງເປັນທາງການຂອງທ່ານ ໄຄ ຫຍິງຖິງ ຮອງເສ ນາທິການກອງທັບປົດປ່ອຍແຫ່ງປະເທດຈີນ ເມື່ອອາທິດທີ່ຜ່ານມານີ້ ໂດຍທີ່ມີ ພົນໂທດວງ
ໃຈ ພິຈິດ ຮອງນາຍົກລັດຖະມົນຕີ ແລະລັດຖະມົນຕີ ວ່າການກະຊວງປ້ອງກັນປະເທດ
ພ້ອມດ້ວຍ ພົນຕີ ສັນຍາຮັກ ພົມວິຫານ ລັດຖະມົນຕີຊ່ວຍວ່າການ ແລະ ຫົວໜ້າກົມ
ໃຫຍ່ເສນາທິການກອງທັບປະຊາຊົນລາວໃຫ້ການຕ້ອນຮັບຢ່າງເປັນທາງການ.

ພາຍຫຼັງຈາກການພົບປະເຈລະຈາລະຫວ່າງສອງຝ່າຍໄດ້ສິ້ນສຸດລົງ ພົນໂທ ດວງໃຈ ກໍໄດ້
ຖະແຫຼງຢືນຢັນວ່າ ກອງທັບປົດປ່ອຍແຫ່ງປະເທດຈີນໄດ້ໃຫ້ການຊ່ວຍເຫຼືອແກ່ລາວທັງໃນ
ການພັດທະນາເສດຖະກິດ ແລະການເສີມສ້າງຄວາມເຂັ້ມແຂງ ໃນການປ້ອງກັນປະເທດ
ຫຼາຍຂຶ້ນນັບມື້ ຈົນເຮັດໃຫ້ສາມາດເວົ້າໄດ້ວ່າການຮ່ວມມືລະຫວ່າງສອງລັດ ກໍຄືສອງກອງ
ທັບນັ້ນ ໄດ້ກ້າວໄປສູ່ໄລຍະໃໝ່ແລ້ວໃນເວລານີ້ ແລະກໍຍັງຈະກ້າວໄປສູ່ລະດັບທີ່ສູງຂຶ້ນຢ່າງ
ບໍ່ຢຸດຢັ້ງອີກດ້ວຍ.

ນາຍພົນ ຈັນສະໝອນ ຈັນຍາລາດ (ຂວາ) ຮອງ ລັດຖະມົນຕີປ້ອງກັນປະເທດ ຮັບຕ້ອນທ່ານ ຕານ ຊາວ ເຮັງ (Tan Zhaoheng), ທູດທະຫານຈີນປະ ຈໍາລາວ
ນາຍພົນ ຈັນສະໝອນ ຈັນຍາລາດ (ຂວາ) ຮອງ ລັດຖະມົນຕີປ້ອງກັນປະເທດ ຮັບຕ້ອນທ່ານ ຕານ ຊາວ ເຮັງ (Tan Zhaoheng), ທູດທະຫານຈີນປະ ຈໍາລາວ

ທາງດ້ານພົນຕີ ສັນຍາຮັກ ກໍ
ໄດ້ຖະແຫຼງເນັ້ນຢໍ້າວ່າ ສາຍ
ພົວພັນທີ່ຮັດແໜ້ນລະຫວ່າງ
ປະຊາຊົນລາວກັບຈີນ ແລະລະ
ຫວ່າງສອງກອງທັບໃນຖານະ
ປະເທດເພື່ອນມິດນັ້ນ ຈະບໍ່ມີ
ວັນປ່ຽນແປງໄປ ເຖິງແມ່ນວ່າ
ສະຖານນະການຕ່າງໆ ທັງໃນ
ລະດັບພາກພື້ນ ແລະລະດັບ
ສາກົນຈະບໍ່ມີວັນປ່ຽນແປງໄປ
ກໍຕາມໂດຍກອງທັບປົດປ່ອຍ
ແຫ່ງປະເທດຈີນຕໍ່ໄປຢ່າງເລິກ
ເຊິ່ງອີກດ້ວຍ.

ກ່ອນໜ້ານີ້ ທ່ານ ທ​ອງລຸນ ສີ​ສຸ​ລິດ ຮອງ​ນາ​ຍົກ​ລັດຖະມົນຕີ, ລັດຖະມົນຕີ​ວ່າການ​ກະຊວງ​
ການ​ຕ່າງປະ​ເທດ​ລາວ ​ໄດ້​ກ່າວ​ຢືນຢັນ​ໃນໂອກ​າດການສະ​ເຫຼີມສະຫຼອງການ​ສະຖາປະນາ​
ຄວາມ​ສໍາພັນ​ທາງ​ການ​ທູດ​ລະ​ຫວ່າງລາວ ​ແລະຈີນຄົບຮອບ 50 ປີ ທີ່​ໄດ້​ຈັດ​ຂຶ້ນ​ໃນ​ທ້າຍ​
ເດືອນ​ເມສາທີ່​ຜ່ານ​ມາ​ນີ້​ ຢູ່​ນະຄອນຫຼວງວຽງຈັນ​ວ່າການ​ຮ່ວມ​ມື​ລະຫວ່າງລາວ​ກັບ​ຈີນ​ ໄດ້​
ມີ​ການພັ​ດທະນາ​ຂຶ້ນ​ໃນ​ທຸກໆດ້ານ ​ນັບແຕ່​ຜູ້​ນໍາ​ຂອງ​ທັງສອງ​ປະ​ເທດ​ໄດ້​ເລີ່​ມການ​ເດີນທາງ
ຢ້ຽມຢາມ​ກັນ​ຢ່າງເປັນ​ທາງ​ການໃນ​ປີ 2000 ​ເປັນ​ຕົ້ນ​ມາ. ຊຶ່ງກໍ່​ເຮັດໃຫ້​ມີ​ການ​ຕົກລົງ​ໃນຖະ
ແຫຼງການ​ຮ່ວມ ວ່າ​ດ້ວຍ​ການ​ເປັນ​ຮຸ່ນສ່ວນ​ຍຸດ​ທະ​ສາດ​ ໃນ​ການ​ພັດທະນາ​ຮ່ວມ​ກັນ​ ຢ່າງ
ຮອບດ້ານ​ເມື່ອ​ປີ 2009 ​ເຊີ່ງ​ເຮັດ​ໃຫ້ການ​ຮ່ວມ​ມື​ລະຫວ່າງ​ສອງ​ປະ​ເທດ​ ໄດ້​ຖືກ​ຍົກ​ສູງ​ຂຶ້ນ
ສູ່​ລະດັບ​ສູງ​ສຸດ​ຈົນ​ເຖິງ​ປະຈຸ​ບັນ ​ແລະ​ກໍ່ຈະ​ຍັງ​ຄົງ​ສືບ​ຕໍ່​ໄປ​ຢ່າງ​ບໍ່​ຢຸດ​ຢັ້ງ ​ແລະຍາວ​ນານ​ອີກ
ດ້ວຍດັ່ງ​ທີ່​ທ່ານ ທອງ​ລຸນ ​ໄດ້​ຖະ​ແຫຼງ​ເນັ້ນ​ຢໍ້າວ່າ:

ການສະເຫລີມສະຫລອງວັນຄົບຮອບ 50 ປີ ແຫ່ງ ການພົວພັນທາງການທູດລະຫວ່າງລາວ ແລະຈີນ ໃນທ້າຍເດືອນ ເມສາ ປີ 2011 ທີ່ນະຄອນວຽງຈັນ
ການສະເຫລີມສະຫລອງວັນຄົບຮອບ 50 ປີ ແຫ່ງ ການພົວພັນທາງການທູດລະຫວ່າງລາວ ແລະຈີນ ໃນທ້າຍເດືອນ ເມສາ ປີ 2011 ທີ່ນະຄອນວຽງຈັນ

ສາຍ​ພົວພັນ​ມິດຕະພາບ ​ແລະການ​ຮ່ວມ​ມື​ລະຫວ່າງ​ສອງ​ປະ​ເທດ​ລາວ​-ຈີນ​ໄດ້​ຮັບ​ການ​ພັດທະ​ນາ​ໃຫ້​ ເຕີບໃຫຍ່ຂະຫຍາຍຕົວ​ທັງ​ທາງ​ກວ້າງ ​ແລະທາງ​ເລິກ​ເປັນ​ກ້າວໆມາ ​ໂດຍ​ສະ​ເພາະ​ຜູ້​ນໍາ​ທັງ​ສອງ​ປະ​ເທດ​ໄດ້​ຕົກລົງ​
ກັນ​ຍົກ​ລະດັບ​ການ​ພັດທະ
ນາລາວ-ຈີນ​ໃຫ້​ມາ​ເປັນ​ຄູ່​
ຮ່ວມ​ຍຸດ​ທະ​ສາດ​ຮອບດ້ານ
ໝັ້ນຄົງ ແລະຍາວ​ນານ
.”


ປັດຈຸ​ບັນ​ນີ້​ຈີນ​ນັບ​ເປັນ​ປະ​ເທດນຶ່ງ ທີ່​ໄດ້​ໃຫ້ການ​ຊ່ວຍເຫຼືອ​ແກ່​ລາວ​ເພີ່ມຫຼາຍຂຶ້ນ​ນັບ​ມື້​ເຊິ່ງຖ້າ
ນັບ​ຈາກ​ປີ 1990 ຈົນ​ເຖິງ​ທ້າ​ຍປີ 2010 ນັ້ນ ​ກໍ່ປະກົດ​ວ່າ​ລັດຖະບານ​ຈີ​ນ​ໄດ້​ໃຫ້ການ​ຊ່ວຍ
ເຫຼືອທາງ​ດ້ານ​ງົບ​ປະມານ​ແກ່​ລັດຖະບານ​ລາວ​ຄິດ​ເປັນ​ມູນ​ຄ່າ​ລວມຫຼາຍກວ່າ 6,500 ລ້ານ
ຢວນ ຫຼື​ເທົ່າ​ກັບ 1,850 ລ້ານໂດ​ລາ ສໍາລັບ​ນໍາ​ໃຊ້​ເຂົ້າ​ໃນ​ການ​ພັດທະນາ 130 ກວ່າ​ໂຄງ
ການໃນ​ລາວ.

ນອກຈາກນັ້ນ ໃນໂອກາດການເດີນທາງໄປຢ້ຽມຢາມປະເທດຈີນຢ່າງເປັນທາງການຂອງທ່ານ
ຈູມມະລີ ໄຊຍະສອນ ປະທານປະເທດລາວໃນເດືອນພຶດສະພາປີນີ້ຜູ້ນໍາທັງສອງປະເທດ ກໍໄດ້
ຮ່ວມກັນລົງນາມ ໃນຂໍ້ຕົກລົງວ່າດ້ວຍການຮ່ວມມືລະຫວ່າງລາວກັບຈີນ ຈໍານວນເຖິງ 9 ສະ
ບັບດ້ວຍກັນ ເຊິ່ງໃນນັ້ນ ກໍລວມເຖິງການລົງນາມໃນບັນທຶກຄວາມເຂົ້າໃຈຮ່ວມ ກ່ຽວກັບ ໂຄງການດາວທຽມໃນລາວເຊິ່ງທາງການຈີນຈະລົງທຶນໃນມູນຄ່າເຖິງ 250 ລ້ານ​ໂດ​ລາເພື່ອ
ສ້າງໃຫ້ແລ້ວສໍາເລັດ ແລະ ສົ່ງຂຶ້ນສູ່ວົງໂຄຈອນພາຍໃນ 5ປີ ຂ້າງໜ້າດ້ວຍ.

XS
SM
MD
LG