ລິ້ງ ສຳຫລັບເຂົ້າຫາ

ທາງການລາວ ນໍາພາຄະນະ MRC ໄປກວດເບິ່ງ ສະຖານທີ່ກໍ່ສ້າງ ເຂື່ອນໄຊຍະບູລີ

  • ຊົງຣິດ ໂພນເງິນ

ສະຖານທີ່ກໍ່ສ້າງເຂື່ອນໄຊຍະບູລີທີ່ແຄມຝັ່ງແມ່ນໍ້າຂອງຝ່າຍລາວ

ທາງ​ການ​ລາວ​ນໍາພາ​ຄະນະ​ຜູ້​ແທນ​ຂອງ​ປະ​ເທດ​ສະມາຊິກ​ໃນ​ຄະນະ​ກໍາມາ​ທິການ​ແມ່ນໍ້າຂອງ ​ພ້ອມ​ດ້ວຍ​ສື່​ມວນ​ຊົນ​ລາວ​ ແລະ​ຕ່າງ​ຊາດ​ຈໍານວນ​ນຶ່ງ​ ເດີນທາງ​ໄປ​ກວດ​ເບິ່ງສະຖານ​ທີ່​ກໍ່ສ້າງ​ ເຂື່ອນ​ໄຊ​ຍະ​ບູລີ.

ສືບ​ເນຶ່ອງຈາກ​ກຸ່ມ​ເຄືອ​ຂ່າຍ​ອະນຸລັກ​ແມ່​ນໍ້າ​ສາກົນ ​ແລະ​ໃນ​ປະ​ເທດ​ໄທ​ໄດ້​ສະ​ເໜີ​ລາຍ
ງານ​ໃນ​ທ້າຍ​ເດືອນ​ມິຖຸນາ​ທີ່​ຜ່ານ​ມາ​ວ່າ ບໍ​ລິ​ສັດ ຊ. ການ​ຊ່າງ​ແຫ່ງ​ປະ​ເທດ​ໄທ ​ຊຶ່ງ​ເປັນ
​ກຸ່ມ​ຜູ້​ລົງທຶນ​ໃນ​ການ​ກໍ່ສ້າງ​ເຂື່ຶອນ​ໄຊ​ຍະ​ບູລີ​ເທິງ​ແນວ​ແມ່ນໍ້າຂອງ​ໃນ​ເຂດ​ປະ​ເທດລາວ
​ນັ້ນ ຍັງ​ໄດ້​ຝ່າຝືນ​ຂໍ້​ຕົກລົງ​ວ່າ​ດ້ວຍ​ການ​ໃຊ້​ປະໂຫຍ​ດຈາກ​ແມ່​ນໍ້າ​ຂອງ ​ທີ່​ເປັນການ​ຕົກ
ລົງ​ລວມລະຫວ່າງ​ລັດຖະບານ​ລາວ ​ໄທ ກໍາປູ​ເຈຍ ​ແລະ​ຫວຽດນາມ ທີ່ເອີ້ນວ່າ​ ຄະນະ
​ກໍາມາ​ທິການ​ແມ່​ນໍ້າຂອງ (MRC) ດ້ວຍ​ການ​ດໍາ​ເນີນ​ການ​ກໍ່ສ້າງ​ເຂື່ອນ​ດັ່ງກ່າວ​ເລື້ອຍ​ມາ
ຈົນ​ເຖິງ​ປັດຈຸບັນ​ນີ້​ນັ້ນ ທາງ​ການ​ລາວ​ກໍ​ໄດ້​ພະຍາຍາມ​ພິສູດ​ຄວາມຈິງ ​ຕໍ່​ກໍລະນີ​ດັ່ງກ່າວ
​ນີ້​ ດ້ວຍ​ການ​ນໍາພາ​ຄະນະ​ຜູ້​ແທນ​ຂອງ​ປະ​ເທດ​ສະມາຊິກ​ໃນ MRC ພ້ອມ​ດ້ວຍ​ສື່​ມວນ
​ຊົນ​ລາວ ​ແລະ​ຕ່າງ​ຊາດ​ຈໍານວນ​ນຶ່ງ ​ເດີນທາງ​ໄປ​ກວດ​ເບິ່ງສະພາບ​ຕົວ​ຈິງ​ຢູ່​ສະຖານ​ທີ່
​ກໍ່ສ້າງ​ເຂື່ອນ​ໃນ​ວັນ​ທີ່ 16-17 ກໍລະກົດ​ນີ້.

ຜູ້ນໍາປະເທດສະມາຊິກຄະນະກໍາມາທິການແມ່ນໍ້າຂອງ ໃນປີ 2010 ​ຊຶ່ງລວມມີ (ແຕ່ຂວາຫາຊ້າຍ) ລາວ ​ໄທ ກໍາປູ​ເຈຍ ​ແລະ​ຫວຽດນາມ

ຜູ້ນໍາປະເທດສະມາຊິກຄະນະກໍາມາທິການແມ່ນໍ້າຂອງ ໃນປີ 2010 ​ຊຶ່ງລວມມີ (ແຕ່ຂວາຫາຊ້າຍ) ລາວ ​ໄທ ກໍາປູ​ເຈຍ ​ແລະ​ຫວຽດນາມ

ທັງ​ນີ້​ກໍ​ເນື່ອງ​ຈາກ​ວ່າ ​ເຄືອ​ຂ່າຍ​
ອະນຸ​ລັກ​ແມ່ນໍ້າ​ສາກົນ​ ແລະໃນ
​ໄທໄດ້​ອ້າງ​ເຖິງ​ຂໍ້​ມູນ​ທີ່​ໄດ້ຮັບ​
ຈາກການ​ເດີນທາງ​ໄປ​ສໍາ​ຫຼວດ
​ໃນ​ເຂດ​ທີ່​ຕັ້ງ​ຂອງ​ໂຄງການ​ຢູ່
​ໃນ​ລາວ​ເມື່ອ​ບໍ່​ດົນ​ມາ​ນີ້​ວ່າ ກຸ່ມ
​ຜູ້​ລົງທຶນ​ໄດ້​ຂຸດ​ ແລະ​ຂະຫຍາຍ
​ຮ່ອງ​ນໍ້າ​ໃນ​ເຂດ​ທີ່​ຕັ້ງ​ຂອງ​ໂຄງ
ການ​ໃຫ້​ເລິກ ​ແລະ​ກວ້າງຂຶ້ນ
ທັງ​ຍັງ​ໄດ້​ທໍາ​ການ​ກໍ່ສ້າງ​ກໍາ
​ແພງ​ຄອນ​ກຣີດຂະໜາດ​ໃຫຍ່
​ແລະ​ສູງ ​ເພີ່​ອອ້ອມ​ຮອບ​ເຂດ​ທີ່​ຕັ້ງ​ຂອງ​ໂຄງການ​ອີກ​ດ້ວຍ.

ຊຶ່ງ​ຈາກ​ການ​ດໍາ​ເນີນ​ງານ​ທັງ​ໝົດ​ນີ້ ກຸ່ມ​ອະນຸ​ລັກ​ແມ່​ນໍ້າ​ສາກົນ​ ໄດ້​ລະບຸ​ວ່າ​ນອກຈາກຈະ​ເປັນ
​ການ​ທີ່​ຂັດ​ແຍ້​ງກັບ​ຖະ​ແຫຼ​ງການ​ກ່ອນ​ໜ້າ​ນີ້ ກຸ່ມ​ບໍລິສັດ ຊ. ການ​ຊ່າງ​ທີ່​ຢືນຢັນ​ວ່າ ບໍ່​ໄດ້​ດໍາ
​ເນີນ​ງານ​ອື່ນ​ໃດ​ທີ່​ເກີນ​ກວ່າ​ການ​ຕຽມ​ການ​ໃນ​ຂັ້ນເບື້ອງ​ຕົ້ນເທົ່າ​ນັ້ນແລ້ວ ​ກໍ​ຍັງ​ເປັນ​ການ​ຝ່າຝືນ
​ຕໍ່​ເຈດ​ຕະນາ​ຂອງ​ລັດຖະບານ​ລາວ ​ທີ່​ໄດ້​ປະກາດ​ເລື່ອນ​ແຜນການ​ກໍ່ສ້າງ​ອອກ​ໄປ​ຈົນ​ກວ່າ​ວ່າ​
ຈະ​ໄດ້​ຮັບ​ຄວາມ​ເຫັນ​ຊອບ​ຈາກ​ປະ​ເທດ​ພາຄີ​ໃນ MRC ຮ່ວມກັນ​ເສຍ​ກ່ອນ​ອີກ​ດ້ວຍ.

​ແຕ່​ຢ່າງ​ໃດ​ກໍ​ຕາມ ທ່ານ ວີຣະພົນ ວີຣະວົງ ລັດຖະມົນຕີ​ຊ່ວຍ​ວ່າການ​ກະຊວງ​ພະລັງງານ​ແລະ
​ບໍ່​ແຮ່ ຊຶ່ງ​ໄດ້​ຮ່ວມ​ເດີນ​ທາງ​ໄປ​ຍັງ​ສະຖານ​ທີ່​ຕັ້ງ​ຂອງ​ໂຄງການ​ເຂຶ່ອນໄຊ​ຍະ​ບູລີ​ໃນ​ຄັ້ງ​ນີ້​ນໍາດ້ວຍ
ກໍໄດ້​ຖະ​ແຫຼ​ງຢືນຢັນວ່າ ທາງ​ການ​ລາວ​ບໍ່​ໄດ້​ປະຕິບັດ​ງານໃນ​ສ່ວນ​ໃດ ​ທີ່​ເປັນ​ການ​ຂັດ​ຕໍ່​ຂໍ້​ຕົກ
ລົງ​ຂອງ MRC ຫາກ​ແຕ່​ກໍ​ໄດ້​ປະຕິບັດ​ເງື່ອນ​ໄຂຕາມ​ຂໍ້​ຕົກລົງ​ດັ່ງກ່າວ​ຢ່າງ​ຄົບ​ຖ້ວນ​ແລ້ວ ຊຶ່ງ
​ກໍ​ຄື​ການ​ປຶກສາ​ຫາ​ລື​ຮ່ວມ​ກັບປະ​ເທດ​ພາຄີ​ໃນ MRC ​ເປັນ​ເວລາ​ບໍ່​ໜ້ອຍກວ່າ 6 ​ເດືອນ
​ກ່ອນ​ທີ່​ຈະ​ລົງມື​ກໍ່ສ້າງ ​ໂດຍ​ທາງການ​ລາວ​ກໍ​ໄດ້​ປະຕິບັດ​ຕາມ​ເງຶ່​ອນ​ໄຂ​ດັ່ງກ່າວ​ນີ້ ນັບ​ຕັ້ງ​ແຕ່
​ເດືອນ​ເມສາ 2011 ​ເປັນຕົ້ນ​ມາ​ແລ້ວ.

ກອງປະຊຸມບັນດາລັດຖະມົນຕີຂອງຄະນະກໍາມາທິການແມ່ນໍ້າຂອງ (MRC) ຄັ້ງທີ 18 ທີ່ກໍາປູເຈຍ ໃນທ້າຍປີ 2011

ກອງປະຊຸມບັນດາລັດຖະມົນຕີຂອງຄະນະກໍາມາທິການແມ່ນໍ້າຂອງ (MRC) ຄັ້ງທີ 18 ທີ່ກໍາປູເຈຍ ໃນທ້າຍປີ 2011

ພ້ອມ​ກັນ​ນັ້ນ ທ່ານ ວີຣະພົນ ກໍ​
ໄດ້​ຢືນຢັນອີກ​ດ້ວຍ​ວ່າ ການ​ທີ່
​ປະ​ເທດ​ພາຄີ​ໃນ MRC ຍັງ​ມີ
​ຄວາມ​ກັງວົນ​ໃຈ​ກ່ຽວ​ກັບ​ບັນຫາ
​ຜົນ​ກະທົບ ​ທີ່​ຈະ​ເກີດ​ຂຶ້ນຈາກ
​ການ​ກໍ່ສ້າງ​ເຂື່ອນ​ໄຊ​ຍະ​ບູລີ ກໍ
​ຄື​ທາງ​ການ​ກໍາປູ​ເຈຍ ກໍ​ມີ​ຄວາມ
​ກັງວົນ​ໃຈກ່ຽວ​ກັບ​ຜົນ​ກະທົບ​ຕໍ່​
ສັດ​ນໍ້າ ​ໃນ​ຂະນະ​ທີ່​ທາງ​ການ
​ຫວຽດນາມ​ນັ້ນ ກໍ​ກັງວົນ​ໃຈ
​ກ່ຽວ​ກັບ​ຜົນ​ກະທົບ​ຕໍ່​ຕະກອນ​
ດິນ ​ແລະ​ປຸຍທໍາ​ມະ​ຊາດ ທີ່​ຈະ
​ມີ​ປະລິມານຫ​ລຸດ​ລົງ​ນັ້ນ ຈຶ່ງ​ເຮັດໃຫ້​ລັດຖະບານ​ລາວ​ໄດ້ວ່າຈ້າງ​ຜູ້​ຊ່ຽວຊານ​ຕ່າງປະ​ເທດ​ໃຫ້
​ທໍ​າການ​ສຶກສາ​ປ້ອງ​ກັນ​ຜົນ​ກະທົບ​ຢ່າງ​ຮອບດ້ານ ບົນພື້ນຖານ​ໃນ​ການ​ດໍາ​ເນີນ​ງານ​ທຸກ​ຂັ້ນ​
ຕອນ​ຢ່າງ​ໂປ່​ງ​ໃສ​ອີກ​ດ້ວຍ ດັ່ງ​ທີ່​ທ່ານ​ວີ​ຣະພົນ ​ໄດ້​ຖະ​ແຫຼ​ງຊີ້​ແຈງ​ວ່າ:

“ຖ້າວ່າ​ເປັນ​ໂຄງການ​ທີ່​ມີ​ຜົນ​ກະທົບ​ຮ້າຍ​ແຮງ ​ເປັນ​ຕົ້ນ​ວ່າການ​ອ່ວຍ​ນໍ້າ​ຈາກ
​ແມ່​ນໍ້າຂອງ​ໄປ​ລົງ​ອ່າງ ຫຼື​ວ່າ​ໃຊ້​ໃນ​ຊ່ວງ​ລະດູແລ້ງ​ນັ້ນ ​ເຂົາ​ວ່າ​ຈະ​ຕ້ອງ​ມີ​ການ​
ຕົກລົງ​ເປັນ Specific Agreement ​ແຕ່​ໂຕ​ນີ້​ເປັນ​ປານ​ກາງ ສະ​ນັ້ນ​ນີ້ ລາວ
​ກໍ​ຖື​ວ່າ​ຫຼັງ​ຈາກ​ຫົກເດືອນ​ແລ້ວ ​ເຮົາ​ກໍ​ຖື​ວ່າ​ ໄດ້​ປະຕິບັດ​ຕາມ​ສັນຍາ 1995 ຫັ້ນ
ຄົບ​ຖ້ວນ”

​ແຕ່​ຢ່າງ​ໃດ​ກໍ​ຕາມ ການ​ທີ່​ຈະ​ດໍາ​ເນີນ​ໂຄງການ​ຕໍ່​ໄປ​ນັ້ນ ກໍ​ເຮັດ​ໃຫ້​ຕ້ອງ​ມີ​ການ​ເພີ່ມເງິນ​ລົງທຶນ
​ເຂົ້າ​ໃນ​ໂຄງການ​ຫຼາຍ​ຂຶ້ນ ຍ້ອນ​ວ່າການ​ທີ່​ຈະ​ປ້ອງ​ກັນ​ຜົນ​ກະທົບ​ຕໍ່​ສິ່ງ​ແວດ​ລ້ອມ​ທໍາ​ມະ​ຊາດ
​ໃນ​ເຂດ​ຕອນ​ລຸ່ມ​ຂອງ​ເຂຶ່ອນ​ໄດ້​ຢ່າງ​ມີ​ປະສິດທິ​ພົນ​ນັ້ນ ກໍ​ຈໍາ ​ເປັນ​ຢ່າງ​ຍິ່ງ​ທີ່​ຈະ​ຕ້ອງໃຊ້​ເງິນ​
ລົງທຶນຫຼາຍ​ກວ່າ 3,500 ລ້ານ​ໂດ​ລາ​ຢ່າງ​ແນ່ນອນ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG