ລິ້ງ ສຳຫລັບເຂົ້າຫາ

ທ່ານທອງລຸນ ສີສຸລິດ ນາຍົກ ສປປ ລາວ ກ່າວຄຳປາໄສ ຕໍ່ ສະມັດຊາໃຫຍ່ ສປຊ


ພະນະທ່ານທອງລຸນ ສີສຸລິດ ນາຍົກລັດຖະມົນຕີ ສປປ ລາວ ກ່າວຄຳປາໄສ ຕໍ່ກອງປະຊຸມ ສະມັດຊາໃຫຍ່ ສປຊ ໃນວັນສຸກ ທີ 23 ກັນຍາ 2016.

ພະນະທ່ານທອງລຸນ ສີສຸລິດ ນາຍົກລັດຖະມົນຕີ ສປປ ລາວ ກ່າວຄຳປາໄສ ຕໍ່ກອງປະຊຸມ ສະມັດຊາໃຫຍ່ ສປຊ ໃນວັນສຸກ ທີ 23 ກັນຍາ 2016.

ພະນະ​ທ່ານ ​ທອງ​ລຸນ ສີ​ສຸ​ລິດ ນາຍົກລັດຖະມົນຕີ ສປປ ລາວ ​ໄດ້​ກ່າວ​ເຖິງ​ບັນຫາ​ທ້າ​ທາຍ​ຫຼາຍໆ​ຢ່າງ ຮວມທັງລັດທິ​ກໍ່​ການ​ຮ້າຍ ​ແລະ​ລັດທິ​ຫົວ​ຮຸນ​ແຮງ ການ​ຫລຸດຜ່ອນຄວາ​ມທຸກ​ຍາກ​ແລະ​ໄພພິບັດ​ທຳ​ມະ​ຊາດ ການ​ຍຶດໝັ້ນ​ໃນ​ການ​ແກ້​ໄຂ​ບັນຫາໂດຍ​ສັນຕິ​ວິທີ ການດຳ​ເນີນ​ນະ​ໂຍບາຍ​ຕ່າງປະ​ເທດ​ ແບບ​ສະ​ເໝີ​ຕົ້ນສະ​ເໝີ​ປາຍ ຕະຫຼອດ​ທັງ​ເປົ້າໝາຍ​ໃນການ ​ພັດທະນາຂອງ​ສາກົນແລະການ​ພັດທະ​ນາ​ແບບ​ຍືນ​ຍົງທີ 18 ນັ້ນກໍ​ຄື​ຊີວິດ​ທີ່​ປອດ​ໄພ​ຈາກ​ລະ​ເບີດທີ່​ບໍ່​ທັນ​ແຕກ ຢູ່ໃນ​ຄຳ​ປາ​ໄສ​ຕໍ່​ກອງ​ປະ​ຊຸມ​ສະມັດຊາໃຫຍ່ ຂອງ​ອົງການ​ສະຫະປະ ຊາຊາດ ສະ​ໄໝ​ທີ 71 ​ໃນ​ວັນ​ສຸກ​ວານ​ນີ້.

ພະນະ​ທ່ານ​ທອງ​ລຸນ ​ໄດ້​ກ່າວ​ກ່ຽວ​ກັບ​ເລື້ອງນີ້ວ່າ “ນອກຈາກເປົ້າໝາຍການພັດທະນາ ແບບຍືນຍົງຂອງສາກົນແລ້ວ ລັດຖະບານລາວ ໄດ້ຍັງຮັບຮອງເອົາ ເປົ້າໝາຍພັດທະ ນາແບບຍືນຍົງ ທີ 18 ໄດ້ແກ່ຊີວິດ ທີ່ປອດໄພຈາກລະເບີດບໍ່ທັນແຕກ ຊຶ່ງຂ້າພະເຈົ້າ ພ້ອມດ້ວຍພະນະທ່ານເລຂາທີການໃຫຍ່ ບັນ ກີມູນ ໄດ້ຮ່ວມປະກາດໃນວັນທີ 7 ກັນ ຍາ ທີ່ຜ່ານມານີ້ ຢູ່ນະຄອນຫຼວງວຽງຈັນ ແຫ່ງ ສປປ ລາວ.”

ນອກ​ນັ້ນພະນະ​ທ່ານ​ທອງ​ລຸນ​ຍັງ​ໄດ້​ກ່າວ​ເຖິງ​ຄວາມ​ພາກພູມ​ໃຈ​ແລະ​ເປັນ​ກຽດ​ໃນ​ການ​ທີ່ ສປປ ລາວ​ໄດ້ເປັນ​ປະ​ທານ​ວຽນ​ຂອງ​ອາ​ຊ່ຽນ​ໃນ​ປີ 2016 ຊຶ່​ງເປັນ​ປີທຳ​ອິດຂອງ​ການ​ເປັນ​ປະຊາ​ຄົມ​ອາ​ຊ່ຽນ ​ແລະ​ໄດ້ວາງ​ຄຳ​ຂວັນ ​ຫັນ​ວິ​ໄສ​ທັດ​ໃຫ້​ເປັນ​ຮູບ​ປະ​ທຳ ​ເພື່ອ​ຄວາມ​ເຂັ້ມ​ແຂງ​ຂອງ​ປະຊາ​ຄົມ​ອາ​ຊ່ຽນ ​ແນ​ໃສ່​ຈັດຕັ້ງປະຕິບັດ​ວິ​ໄສ​ທັດ​ປະຊາ​ຄົມ​ອາ​ຊ່ຽນ 2025 ​ໃຫ້​ປາກົດ​ຜົນ​ເປັນ​ຈິງ.

ພ້ອມ​ນີ້ ພະນະ​ທ່ານ​ທອງ​ລຸນ ຍັງ​ໄດ້​ກ່າວ​ເຖິງ​ການ​ເລືອກ​ຕັ້ງ ຢູ່ ສປປ ລາວ ​ແລະການ​ຮັບ ຮອງລັດຖະບານ​ຊຸດ​ໃໝ່ ​ທີ່​ໄດ້​ສືບ​ຕໍ່​ ເສີມ​ຂະຫຍາຍ ​ນະ​ໂຍບາຍ​ການ​ພັດທະນາ​ປະ​ເທດ​ຊາດ​.

ສະແດງຄວາມເຫັນໃຫ້ເບິ່ງ

XS
SM
MD
LG