ລິ້ງ ສຳຫລັບເຂົ້າຫາ

​ສະຖານທູດລາວ ປະຈໍາສະຫະລັດ ​ ຈັ​ດງານ ສະຫຼອງ​ປີ​ໃໝ່​

  • ວັນນະສອນ​ ແກ້ວດາຣາ

ທ່ານ ​ແສງ ສຸກຂະ​ທິວົງ ເອກ​ອັກຄະ​ລັດຖະທູດລາວ​​ປະຈໍາສະຫະລັດ (ຊ້າຍ) ພ້ອມກັບພັນລະຍາ, ພະນະທ່ານ ​ພົງ​ສະຫວັດ ບຸບຜາ ລັດຖະມົນຕີປະ​ຈໍາ​ສໍານັກງານ​ປະທານ​ປະ​ເທດ (ກາງ), ທ່ານ ສະ​ເຫຼີມ​ໄຊ ກົມມະ​ສິດ ​ເອກ​ອັກຄະ​ລັດຖະທູດລາວປະ​ຈໍາ​ສະຫະ​ປະຊາ​ຊາດ ພ້ອມດ້ວຍພັນລະຍາ.

ລາຍການຊີວິດຊາວລາວໃນຕ່າງແດນມື້ນີ້ ວັນນະສອນໄດ້ນຳບົດສຳພາດ ທ່ານແສງ ສຸກຂະທິວົງ ເອກອັກຄະລັດຖະທູດລາວປະຈໍາສະຫະລັດ ການາດາ ແລະເມັກຊິໂກ, ພະນະທ່ານ ພົງສະຫວັດ ບຸບຜາ ລັດຖະມົນຕີປະຈໍາສໍານັກງານປະທານປະເທດ ພ້ອມທັງຫຼາຍໆບຸກຄົນ ທີ່ປະກອບສ່ວນໃນການສະຫຼອງກຸດສົງການປີໃໝ່ ທີ່ທາງ ສະຖານທູດລາວປະຈໍາສະຫະລັດອາເມຣິກາໄດ້ຈັດຂຶ້ນ ຊຶ່ງວັນນະສອນ ມີລາຍລະອຽດ ມາສະເໜີທ່ານ.

ການ​ສະຫຼອງກຸດ​ສົງການ​ປີ​ໃໝ່​ລາວ​ໃນ​ຕ່າງ​ແດນ ກໍ​ແມ່ນ​ຖື​ວ່າ​ໄດ້​ຈັດ​ສະຫຼ​ອງກັນ​ເກືອບ
​ວ່າຕະຫຼອດ​ທັງ​ເດືອນ​ເມສາ ຊຶ່ງ​ສ່ວນ​ໃຫຍ່​ແລ້ວ ​ຈະ​ຈັດ​ໃຫ້​ຖືກ​ວັນ​ຢຸດ​ສຸດ​ສັບປະດາ
ວັນ​ເສົາ​ແລະ​ອາທິດ​ ແລ້ວ​ແຕ່​ຄວາມ​ສະດວກຕາມ​ເຂດ​ທ້ອງຖິ່ນ​ຂອງ​ໃຜລາວ ຊຶ່ງໃນວັນ
​ເສົາ ທີ 28 ​ເມສາ​ຜ່ານ​ມາ​ນີ້ ທາງ​ສະຖານ​ເອກ​ອັກຄະ​ລັດຖະທູດ​ລາວປະ​ຈໍາ​ສະຫະລັດ
ອາ​ເມຣິກາ ທີ່​ນະຄອນຫຼວງ Washington DC​ ​ໄດ້​ຈັດ​ງານ​ລ້ຽງສະຫຼອງ​ປີ​ໃໝ່​ລາວ​ຂຶ້ນ
ຊຶ່ງ​ກໍ​ໄດ້ມີ​ແຂກ​ເຂົ້າ​ຮ່ວ​ມທັງ​ທີ່​ເປັນ​ຄົນ​ລາວ ​ແລະ​ຊາວ​ຕ່າ​ງຊາ​ດ ​ເກືອບ 300 ຄົນ ທີ່​ໄດ້
​ເດີນທາງ​ມາ​ຈາກ ຫຼາຍ​ໆລັດ​ໃນ​ສະຫະລັດ​ແລະ​ໄກ​ເຖິງປະ​ເທດ​ກາ​ນາ​ດາ ກໍ​ມີ. ​ພິທີ
​ທາງ​ສາ​ສະ​ນາ​ຕັກບາດຢາດ​ນໍ້າ​ນັ້ນ​ແມ່ນ​ໄດ້​ຈັດ​ຂຶ້ນ​ກ່ອນ​ໜ້າອາທິດນຶ່ງ​ແລ້ວ ​ເພື່ອ​ຄວາມ
​ສະດວກ​ແລະ​ເໝາະ​ສົມ.

​ເອກ​ອັກຄະ​ລັດຖະທູດ ທ່ານ ​ແສງ ສຸກຂະ​ທິວົງ
​ເອກ​ອັກຄະ​ລັດຖະທູດ ທ່ານ ​ແສງ ສຸກຂະ​ທິວົງ

ກ່ອນ​ເປີດງານ​ລ້ຽງ​ຕ້ອນຮັບ​
ປີ​ໃໝ່ຢ່າງ​ເປັນ​ທາງ​ການ
ສະຖານ​ທູດ​ກໍ​ໄດ້​ເຊີນ​ ພະນະ
ທ່ານ​ພົງ​ສະຫວັດ ບຸບຜາ
ລັດຖະມົນຕີປະ​ຈໍາ​ສໍານັກງານ​
ປະທານ​ປະ​ເທດ ມາ​ໂອ້ລົມ​
ກັບ​ບັນດາ​ແຂກ​ທີ່​ເຂົ້າ​ຮ່ວມ
ພ້ອມ​ທັງ​ໃຫ້​ຂໍ້​ມູນ​ກະຈ່າ​ງ​ແຈ້ງ​
ກ່ຽວ​ກັບສະພາບການ​ຂອງ​
ສປປ ລາວ​ ໃນ​ປັດຈຸ​ບັນ​ແລະ
​ເປີດໂອກາດ​ໃຫ້​ຄົນ​ລາວ​
ໃນ​ຕ່າງ​ແດນ​ໄດ້​ສອບ​ຖາມ
​ລາຍ​ລະອຽດ​ຕ່າງໆ​ເຊັ່ນ​ກັນ.



ຫຼັງ​ຈາກ​ທີ່​ເປີດ​ງານ​ລ້ຽງກ່າວ​ຕ້ອນຮັບ​ແຂກ​ຢ່າງ​ເປັນ​ທາງ​ການ​ແລ້ວ ກໍໄດ້ມີ​ການສະ​ແດງ
ສິນ​ລະ​ປະ​ວັນນະຄະດີຈາກປະຊາຄົມລາວ-ອາ​ເມຣິກັນ​ໃນ​ຂົງ​ເຂດ Washington DC ​
ແລະ​ຫຼາຍໆ​ເຂດ​ໃນ​ທ້ອງ​ຖິ່ນ ​ແລະ​ສະ​ມາ​ຄົມ​ສະ​ຕີ​ລາວ​ຈາກແຂວງ Quebec, Canada
ພ້ອມ​ທັງ​ຄະນະ​ວົງ​ດົນຕີ​ຫຼວງ​ພະ​ບາງ​ຈາກ ລັດ Pensynvania ນໍາ​ອີ​ກ ຊຶ່ງ​ເອກ​ອັກຄະ
​ລັດຖະທູດ ທ່ານ ​ແສງ ສຸກຂະ​ທິວົງ ​ໄດ້​ກ່າວ​ເຖິງ​ຈຸດປະສົງ ​ໃນ​ການຈັດ​ສະຫຼອງ​ປີ​ໃໝ່​
ປີຄ.ສ. 2555 ວ່າ:


/ກົດປຸ່ມນີ້ເພື່ອຮັບຟັງສຽງຂອງທ່ານ ​ແສງ ສຸກຂະ​ທິວົງ/

ພ້ອມ​ດຽວ​ກັນ​ນີ້ ພະນະທ່ານ ພົງ​ສະຫວັດ ບຸບຜາ ກໍ​ໄດ້​ກ່າວ​ອວຍພອນ​ໃຫ້​ກັບ​ແຂກ​ທີ່​ເຂົ້າ​ຮ່ວ​ມ​ໃນ​ງານ​ສະຫຼອງ​ຄັ້ງນີ້ ​ເຊັ່ນກັນ ຊຶ່ງ​ທ່ານ​ກ່າວ​ວ່າ:

ພະນະທ່ານ ​ພົງ​ສະຫວັດ ບຸບຜາ ລັດຖະມົນຕີປະ​ຈໍາ​ສໍານັກງານ​ປະທານ​ປະ​ເທດ
ພະນະທ່ານ ​ພົງ​ສະຫວັດ ບຸບຜາ ລັດຖະມົນຕີປະ​ຈໍາ​ສໍານັກງານ​ປະທານ​ປະ​ເທດ


/ກົດປຸ່ມນີ້ເພື່ອຮັບຟັງສຽງຂອງ
ທ່ານ ພົງ​ສະຫວັດ ບຸບຜາ/

ທ່ານ ສະ​ເຫຼີມ​ໄຊ ກົມມະ​ສິດ ​ເອກ​ອັກຄະ​ລັດຖະທູດປະ​ຈໍາ​ສະຫະ​ປະຊາ​ຊາດຜູ້ມີອໍານາດເຕັມ ສໍານັກງານ​ຜູ້ຕາງໜ້າ ສປປລາວ
ທ່ານ ສະ​ເຫຼີມ​ໄຊ ກົມມະ​ສິດ ​ເອກ​ອັກຄະ​ລັດຖະທູດປະ​ຈໍາ​ສະຫະ​ປະຊາ​ຊາດຜູ້ມີອໍານາດເຕັມ ສໍານັກງານ​ຜູ້ຕາງໜ້າ ສປປລາວ
ບຸກຄົນ​ສໍາຄັນ​ອີກ​ທ່ານ​ນຶ່ງ​
ທີ່​ມີໜ້າ​ໃນ​ການ​ສະ​ຫຼອງນີ້​ກໍ​ຄື
ທ່ານ ສະ​ເຫຼີມ​ໄຊ ກົມມະ​ສິດ
ຊຶ່ງ​ເປັນ​ເອກ​ອັກຄະ​ລັດຖະທູດ
ປະ​ຈໍາ​ສະຫະ​ປະຊາ​ຊາດຜູ້ມີ
ອໍານາດເຕັມ ສໍານັກງານ​ຜູ້
ຕາງໜ້າ ສປປລາວ ພ້ອມດ້ວຍ
ພັນລະຍາ ທີ່​ເດີນທາງ​ມາ​ຈາກ
​ນະ​ຄອນ New York ກໍ​ໄດ້​
ກ່າວ​ອວຍພອນ​ໃຫ້​ຊາວ​ລາວ​
ໃນ​ໂອກາດ​ເຣີກງາມ​ຍາມ​ດີ​ນີ້
​ເຊັ່ນ​ກັນ ຊຶ່ງ​ທ່ານ​ໄດ້​ກ່າວດັ່ງ​ນີ້:


/ກົດປຸ່ມນີ້ເພື່ອຮັບຟັງສຽງຂອງທ່ານສະ​ເຫຼີມ​ໄຊ ກົມມະ​ສິດ/

ນາງ​ສາວ ນິຕະຍາ ປານ​ມະ​ໄລ​ທອງ Miss Minnesota USA 2012
ນາງ​ສາວ ນິຕະຍາ ປານ​ມະ​ໄລ​ທອງ Miss Minnesota USA 2012
ມາຮ່ວມສ້າງສີສັນແລະຄວາມຕື່ນ
ເຕັ້ນໃຫ້ເເກ່ງານນີ້ ກໍຄົງເປັນການ
ປາກົດຕົວຂອງນາງສາວ
ນິຕະຍາ ປານມາໄລທອງ ຜູ້ທີ່
ໄດ້ຮັບຕໍາແໜ່ງອັນມີກຽດສູງ
ສຸດ​ໃນເວທີນາງງາມ​ ເປັນເຖິງ
Miss Minnesota USA 2012
ຊຶ່ງກໍເປັນສາວ ອາເມຣິກັນເຊື້ອ
ສາຍລາວ ຜູ້ທໍາອິດທີ່ໄດ້ຮັບ
ຕໍາແໜ່ງນີ້ ແລະກໍຈະເປັນຕົວ
ແທນຂອງລັດ Minnesota
ເພື່ອເຂົ້າປະກວດຮ່ວມກັບ
ສາວງາມທັງໝົດຈາກ 50 ລັດ
ໃນເວທີການປະກວດ
Miss USA 2012 ໃນເດືອນ
ມິຖຸນາຈະມານີ້ທີ່ Las Vegas.
ນາງສາວນິຕະຍາ ກໍໄດ້ຂຶ້ນ
ກ່າວຂອບໃຈປະຊາຄົມລາວ
ຂອບໃຈຜູ້ອຸບປະຖໍາແລະສື່
ມວນຊົນ ໂດຍສະເພາະ
ຍາເອຶ້ອຍ ດາຣາ ບັກຄໍາ​
ຫົວໜ້າພະແນກພາສາລາວ
ຂອງ​ສຽງ​ອາ​ເມຣິກາ ທີ່ໄດ້
ໃຫ້ການສໜັບສະໜູນມາຕະຫຼອດ ຊຶ່ງນາງກ່າວດັ່ງນີ້:


/ກົດປຸ່ມນີ້ເພື່ອຮັບຟັງສຽງຂອງ
ນາງສາວ ນິຕະຍາ/

ວິໄລຈັນ ສະເວດວົງ
ວິໄລຈັນ ສະເວດວົງ
ທຸກໆ​ງານ​ລ້ຽງ​ສະຫຼອງ​ຂອງ
​ລາວນັ້ນ ຈະ​ຕ້ອງ​ມີ​ການ​ເປີດ​
ລໍາວົງ ທີ່​ຈັດໃຫ້​ເປັນ​ຮອບ​ປະ
ຖົມມະ​ເລີກ ທັງ​ແຂກ​ແລະ​ເຈົ້າ
ພາບ ກໍ​ໄດ້​ມ່ວນ​ຊື່ນ ອີ່ມ​ໜໍາ
ສໍາລານ ດ້ວຍ​ອາຫານ​ລາວ​
ເລີດຣົດ ທັງ​ຄາວ​ຫວານ​ທີ່ມາ
ສົມທົບ​ຈາກ​ປະ​ຊາ​ຄົມລາວ​ໃນ
​ຂົງ​ເຂດ​ແລະ​ຕ່າງລັດ. ສິນລະ
ປິນ​ທີ່​ເດີນທາງ​ມາ​ຮ່ວມຈາກ
ປະ​ຊາ​ຄົມ​ລາວ​ກາ​ນາ​ດາ
ວິ​ໄລຈັນ ສະ​ເວດ​ວົງ ກໍ​ໄດ້​ກ່າວ
​ໃຫ້​ຄວາມ​ເຫັນ​ໃນ​ການ​ມາ​ປະ
ກອບ​ສ່ວນ​ໃນ​ຄັ້ງ​ນີ້ວ່າ:


/ກົດປຸ່ມນີ້ເພື່ອຮັບຟັງສຽງຂອງ ວິ​ໄລຈັນ ສະ​ເວດ​ວົງ/


ສ່ວນ Molly Yang ພັນ​ລະ​ຍາ​ຄົນ​ງາມ​ຂອງທ່ານ Dr. Yang Dao ກໍ​ໄດ້​ມາ​ສົມທົບ
ແຕ່ງ​ກາຍ​ຊຸດ​ຊົນ​ເຜົ່າ​ມົ້ງທີ່​ສວຍ​ງາມ ສ້າງ​ຄວາມ​ຕື່ນ​ຕາ​ຕື່ນ​ໃຈ​ໃຫ້​ແຂກ​ໃນ​ງານ
ຊຶ່ງ​ເພິ່ນ​ກໍ​ໄດ້​ກ່າວ​ເຖິງ​ການ​ມາ​ຮ່ວ​ມສະຫຼອງ​ຄັ້ງ​ດັ່ງກ່າວນີ້ວ່າ:


/ກົດປຸ່ມນີ້ເພື່ອຮັບຟັງສຽງຂອງ
Molly Yang/

ທ່ານ​ເອກ​ອັກຄະ​ລັດ​ຖະທູດ ​ແລະບັນດາແຂກພິ​ເສດ
ທ່ານ​ເອກ​ອັກຄະ​ລັດ​ຖະທູດ ​ແລະບັນດາແຂກພິ​ເສດ

ປະທານ​ສະຕຣີ ລາວ​ ກາ​ນາ​ດາ
ກໍ​ໄດ້​ນໍາພາ​ທັງ​ຄະນະ​ຫຼາຍ​ກວ່າ
35 ຄົນ ມາສະ​ແດງ​ສິນລະປະ
​ຟ້ອນ​ລໍາ​ ຊຶ່ງ​ກໍ​ເປັນ​ຄັ້ງທໍາ​ອິດທີ່​
ທາງ​ຄະນະ​ໄດ້​ມາ​ຮ່ວມ​ສະຫຼອງ
ຊຶ່ງ​ທ່ານ​ນາງ ​ສະຫວັນ ຕັນ​ເສຣີ
ກໍ​ໄດ້​ກ່າວ​ກັບ VOA ວ່າ:


/ກົດປຸ່ມນີ້ເພື່ອຮັບຟັງສຽງຂອງ
ສະຫວັນ ຕັນ​ເສຣີ/

ສະມາຄົມ​ສະຕຣີລາວ-ກາ​ນາ​ດາ
ສະມາຄົມ​ສະຕຣີລາວ-ກາ​ນາ​ດາ


ນັກທຸລະກິດ ເຈົ້າຂອງຮ້ານອາຫານ ສີສົງຄາມ ປັນຍານຸວົງ​ ຈາກ Calgary,
Canada ກໍໄດ້ສະແດງອອກເຖິງຄວາມຮູ້ສຶກດີໃຈທີ່ໄດ້ມາຮ່ວມ ຊຶ່ງລາວກ່າວດັ່ງນີ້:

/ກົດປຸ່ມນີ້ເພື່ອຮັບຟັງສຽງຂອງ ສີສົງຄາມ ປັນຍານຸວົງ​/

ການສະແດງ​ແບບເຄື່ອງ​ແຕ່ງ​ກາຍ​ຂອງ​ປະຊາ​ຄົມ​ລາວ-ອ​າ​ເມຣິກັນ ​ໃນຂົງ​ເຂດ ວໍ​ຊິງ​ຕັນ ດີ​ຊີ
ການສະແດງ​ແບບເຄື່ອງ​ແຕ່ງ​ກາຍ​ຂອງ​ປະຊາ​ຄົມ​ລາວ-ອ​າ​ເມຣິກັນ ​ໃນຂົງ​ເຂດ ວໍ​ຊິງ​ຕັນ ດີ​ຊີ


ຈຸດປະສົງຫຼັກຂອງການຈັດງານທີ່ທາງສະຖານທູດເປັນເຈົ້າພາບສະຫຼອງກຸດສົງການ
ປີໃໝ່ລາວຄັ້ງນີ້ ກໍແມ່ນເພື່ອຢາກຈະໃຫ້ຊາວລາວທົ່ວທຸກສາລະທິດໄດ້ມາພົບໜ້າພໍ້
ຕາກັນ ແລະຮັກສາສືບທອດ ຮີດຄອງປະເພນີຂອງລາວ ຊຶ່ງເຮັດໃຫ້ຫຼາຍໆທ່ານຢາກ
ຈະກັບມາຮ່ວມສະຫຼອງໃໝ່ອີກຕື່ມໃນແໜ້າ​ກໍຖືວ່າເປັນການສະຫຼອງທີ່ຈົບລົງດ້ວຍ
ຄວາມມ່ວນຊື່ນເບີກບານ ຕາມປະເພນີ ແລະລາຍການຊີວິດຊາວລາວໃນຕ່າງແດນ
ຂອງ VOA​ຈະກັບມາພົບທ່ານຜູ້ຟັງອີກໃນທຸກໆວັນພະຫັດ. ໂປດຄອຍຕິດຕາມຟັງ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG