ລິ້ງ ສຳຫລັບເຂົ້າຫາ

ການສະຫລອງບຸນປີໃໝ່ລາວ ຢູ່ ສະຖານທູດ ສປປ ລາວ ທີ່ ວໍຊິງຕັນ ດີ.ຊີ (ສະໄລດ໌)


ພະນະທ່ານ ເອກອັກຄະລັດຖະທູດ ແສງ ສຸກຂະທິວົງ ແລະ ພະນະທ່ານ ດຣ. ຂຽນ ພັນສຸຣິວົງ ເອກອັກຄະລັດຖະທູດ ສປປ ລາວ ປະຈຳອົງການສະຫະປະຊາຊາດ ພ້ອມດ້ວຍ ພັນລະຍາ ຂະນະກ່າວເປີດງານສະຫລອງປີໃໝ່ລາວ, ວັນທີ 26 ເມສາ 2014.

ພະນະທ່ານ ເອກອັກຄະລັດຖະທູດ ແສງ ສຸກຂະທິວົງ ແລະ ພະນະທ່ານ ດຣ. ຂຽນ ພັນສຸຣິວົງ ເອກອັກຄະລັດຖະທູດ ສປປ ລາວ ປະຈຳອົງການສະຫະປະຊາຊາດ ພ້ອມດ້ວຍ ພັນລະຍາ ຂະນະກ່າວເປີດງານສະຫລອງປີໃໝ່ລາວ, ວັນທີ 26 ເມສາ 2014.

ທ່ານ​ຜູ້​ຟັງ​ທີ່​ເຄົາລົບ ລາຍການ​ຊີວິດ​ຊາວ​ລາວ ​ໃນ​ແລງວັນ​
ພະຫັດ​ມື້​ນີ້ ​ເຮົາ​ຈະ​ນຳພາ​ທ່ານໄປຊົມ​ບັນຍາກາດການ​ສະ
ຫລອງ​ບຸນປີ​ໃໝ່ ພ.ສ 2557 ທີ່ ສະຖານ​ເອກອັກຄະລັດຖະ
ທູດ​ ສປປ ລາວ ທີ່​ນະຄອນຫລວງ ວໍຊິ​ງຕັນ ດີ​.ຊີ ຊຶ່ງໄດ້​ຈັດ​
ຂື້ນ​ໃນ​ວັນ​ເສົາ ທີ 26 ​ເມສາ ທີ່​ຜ່ານ​ນີ້. ພິທີສະ​ຫລອງ​ບຸນ​ດັ່ງ
ກ່າວ​ນີ້ ​ໄດ້​ປະຕິບັດ​ກັນ​ມາ​ທຸກໆ​ປີ ຊຶ່ງມີ​ບັນດາ​ຊາວ​ລາວ-
ອາເມຣິກັນ ທີ່ຢູ່ໃກ້ແລະ​ໄກ ພ້ອມດ້ວຍ​ບັນດາ​ທູດ​ຕາ​ນຸທູດ ​
ແລະແຂກຜູ້​ມີ​ກຽດ ເຂົ້າ​ຮ່ວມຢ່າງ​ຄັບ​ຄັ່ງ ຊຶ່ງ ກິ່ງ​ສະຫວັນ
ຈະ​ນຳ​ມາສະ​ເໜີ​ທ່ານ.​

ສະ​ບາຍ​ດີ ທ່ານ​ຜູ້​ຟັງ​ທີ່​ເຄົາລົບ ທ່າ​ມກາງດິນ​ຟ້າ​ອາກາດ​ອັນ​ແຈ່​ມ​ໃສ ​ຂອງລະດູບານ
ໃໝ່ ​ວັນ​ເສົາ ​ທີ 26 ເດືອນ​ເມສາ ພ.ສ 2557 ຢູ່​ທີ່ສະຖານທູດ ສປປ ລາວ ປະ​ຈຳ ນະຄອນຫລວງ ວໍ​ຊິງ​ຕັນ ດີີ​.ຊີ ​ໄດ້​ມີ​ພິທີຈັດ​ງານ​ກິນ​ລ້ຽງສັງ​ສັນ ບຸນປີ​ໃໝ່ລາວ ຕາມ​ຮິດຄອງ​ປະ​ເພນີ ດັ່ງ​ທີ່​ໄດ້​ປະຕິບັດ​ກັນ​ມາ​ແຕ່ລະ​ປີ.

ໃນ​ວັນສິລິ​ມົງຄຸນດັ່ງກ່າວ​ນີ້ ໄດ້​ມີ​ບັນດາ​ທູຕາ​ນຸ​ທູດ ປະຊາ​ຄົມ​ລາວ-ອາ​ເມຣິກັນແລະ
ແຂກ​ຕ່າງປະ​ເທດ ທີ່​ເດີນທາງ​ມາ​ຈາກ ​ທັງໃກ້​ແລະ​ໄກ ເຂົ້າ​ຮ່ວມ​ຢ່າງ​ຄັບຄັ່ງດ້ວຍໃບ
ໜ້າ​ອັນ​ຍິ້ມແຍ້ມ​ແຈ່ມ​ໃສ.

ພິ​ທີ​ໄດ້​ເລີ້ມ​ຂື້ນແຕ່​ເວ​ລາ​ສາມ​ໂມງ​ແລງ ໂດຍ​ການ​ຊົມ​ຮູບ​ເງົາ​ເອກະ​ສານກ່ຽວ​ກັບ​ ພາ
​ລະ​ກິດຕ່າງໆ ສຳ​ພັນ​ທະ​ໄມ​ຕີທາງ​ການ​ທູດ ລະ​ຫ​ວ່າງ ລັດ​ຖະ​ບານ ສ​ປ​ປ ລ​າວ ແລະ
​ບັນ​ດາ​ປະ​ເທດ​ຕ່າງໆ​ທົ່ວ​ໂລກ. ​ຫລັງ​ຈາກ​ນັ້ນ ​ກໍ​ມີ​ການຟັງລາຍ​ງານ​ຈາກ ເອກ​ອັກ​ຄະ
ລັດ​ຖະ​ທູດ ສ​ປ​ປ ລາວ ປະ​ຈຳ ສະ​ຫະ​ລັດ ພະ​ນະທ່ານ ແສງ ສຸ​ຂະ​ທິ​ວົງ ຊຶ່ງທ່ານ​ໄດ້​ລາຍ​ງານ​ຕໍ່​ບັນ​ດາ​ແຂກ​ທີ່​ເຂົ້າ​ຮ່ວ​ມ​ຮັບ​ຟັງ​ດັ່ງ​ນີ້ :
ພະນະທ່ານ ເອກອັກຄະລັດຖະທູດ ແສງ ສຸກຂະທິວົງ ແລະ ພະນະທ່ານ ເອກອັກຄະລັດຖະທູດ ຂຽນ ພັນສຸລິວົງ

ພະນະທ່ານ ເອກອັກຄະລັດຖະທູດ ແສງ ສຸກຂະທິວົງ ແລະ ພະນະທ່ານ ເອກອັກຄະລັດຖະທູດ ຂຽນ ພັນສຸລິວົງ




ຫລັງ​ຈາກ​ນັ້ນ ​ພະ​ນະ​ທ່ານ​ ດຣ. ຂຽນ ພັນ​ສຸ​ລິ​ວົງ ​ເອກ​ອັກຄະ​ລັດຖະທູດ ສ​ປ​ປ ລາວ
ປະ​ຈຳ​ ອົງການ ສະ​ຫະ​ປະ​ຊາ​ດ ຜູ້ທີ່​ຫາ​ກໍ​ເດີນທາງ​ມາ​ຮັບ​ຕຳ​ແໜ່ງ​ໃໝ່ໄດ້​ແນະນຳ​ໂຕ​
ເອງ ​ແລະກ່າວອວຍພອນ​ໃຫ້​ແກ່ ​ຕໍ່​ບັນ​ດາ​ແຂກ​ທີ່​ເຂົ້າ​ຮ່ວມ​. ກ່ອນ​ເລີ້ມ​ພິທີ​ພາກຄຳ່
ນັ້ນພະນະ​ທ່ານ ​ແສງ ​ໄດ້​ນຳພາ​ທຳ​ພິທີ່​ບາສີ ​ແບບ​ກັນເອງ​ອວຍພອນ​ໄຊ​ໃຫ້​ແກ່​ບັນ
ດາ​ທູຕານຸທູດ ຈາກ​ເພື່ອນປະ​ເທດ​ສະມາຊິກ​ອາ​ຊ່ຽນ.

ສວນ​ຫລັງ​ບ້ານ​ຂອງ ສະຖານທູດ ສປປ ລາວ ​ໄດ້​ກາຍ​ມາ​ເປັນ​ບ່ອນລື້ນເລິງ ສັງ​ສັນຊຸມ
​ແຊວ ເຕັ​ມ​ໄປ​ດ້ວຍ​ການ​ໂອ້​ລົມ​ພາສາ​ລາວ ​ເວົ້າ​ນົວ​ຫົວ​ມ່ວນ ປະກອບ​ດ້ວຍສຽງເພງ​
ລາວ ອັນ​ອອນຊອນຂອງ ຄະ​ນະ​ວົງ​ດີ​ຕີ ຫລວງ​ພ​ະ​ບາງ ຫ​ລື LPB ຈາກ​ເມືອງ
Philadelphia ລັດ Pennsylvania. ນອກ​ນັ້ນ​ກໍ​ມີ ການສະ​ແດງ​ຟ້ອນ​ພື້ນ​ເມືອງ ຂອງ​
ຄະ​ນະ Swan Dance ​ຈາກ​ປະ​ຊາ​ຄົມ​ລາວ ທີ່​ເຂດ​ນະ​ຄອນ​ຫລວງ ວໍ​ຊິງ​ຕັນ ດີ.ຊີ ຕິ​ດ
​ຕາມ​ດ້ວຍ​ການ​ຮ້ອງ​ເພງຂອງ ເຍົາ​ວະ​ຊົນ​ລາວ-​ອາ​ເມ​ຣິ​ກັນ ແລະ​ ກາ​ນ​ເດີນ​ແຟ​ຊັນ​ໂຊ
ນຸ່ງເຄຶ່ອງ​ພື້ນ​ເມືອງ​ຂອງ 10 ປະ​ເທດ​ສະມາຊິກ​ອາ​ຊ່ຽນ. ວີ​ໂອ​ເອ ​ໄດ້​ມີ​ໂອກາດໂອ້​ລົມ
ຖາມ​ຂ່າວ​ຄວາມສຸກ​ທຸກ ກັບບັນດາ​ແຂກ ທີ່​ເດີນທາງ​ມາ​ຈາກຕ່າງ​ລັດ. ທ່ານຕູ້ຍ ​ເຣ
ກັນ ອາຊີບ ທະນາຍ ຄວາມ ​ໄດ້​ແ​ຕ່ງງານ​ກັບ​ ສະຕີລາວ-ອາ​ເມຣິກັນ ສາມາດ​ປາກ​
ພາສາ​ລາວ​ໄດ້​ດີ ທ່ານ​ກ່າວວ່າ :
ທ່ານ ຕູ້ຍ ເຣກັນ

ທ່ານ ຕູ້ຍ ເຣກັນ






ແຂກອີກຄົນ​ນຶ່ງ​ທີ່​ເດີນ​ທາງ​ມາຮ່ວ​ມໃນ​ທຸກໆ​ປີຈາກ​ລັດ Minnesota ຕັ້ງ​ຢູ່ພາກ​ກາງຂອງ ສະຫະລັດ ທ່ານ Chache Young ​ໄດ້​ໂອ້ລົ​ມກັບ ວີ​ໂອ​ເອ ວ່າ :
ທ່ານ ຊາເຢ ຍັງ

ທ່ານ ຊາເຢ ຍັງ




ສະຕີ​ລາວ-ອາ​ເມຣິກັນ ນາງ ມີ​ມີ ອ່ອນພັນສີ ກໍ​ແມ່ນ​ຄົນ​ນຶ່ງ ທີ່​ໄດ້​ເດີນທາງ​ມາຮ່ວມ
ສະຫລອງ​ເປັນ​ຄັ້ງ​ທຳອິດ​ ຈາກນະຄອນ San Diego . ນາງໄດ້​ກ່າວ​ຕໍ່ ວີ​ໂອ​ເອ ວ່າ :

ນາງມີມີ ອ່ອນພັນສີ

ນາງມີມີ ອ່ອນພັນສີ




ບັນດາສະ​ຕີ​ລາວ-ອາ​ເມຣິກັນ ຕ່າງ​ກໍ​ພາກັນ​ນຸ່ງ​ສີ້​ນໄໝບ່ຽງ​ແພຢ່າງ​ງົດ​ງາ​ມ ອັນ​ເປັນ​ສັນຍາ​ລັກ ທີ່​ບອກ​ເຖິງ​ຄວາມ​ມັ່ງ​ຄັ່ງ​ສົມ​ບຸນ​ຂອງ ເຊື້ອ​ຊາດມູນມໍລະດົກ​ລາວ. ສິ່​ງ​ທີ່​ຂາດ​ບໍ່​ໄດ້​ນັ້ນ​ກໍ​ຄື ອາ​ຫານ​ພື້ນ​ເມືອງ​ລາວຢ່າງອຸດົມສົມບຸນ ພ້ອ​ມ​ດ້ວຍ​ເບຍ​ລາວ ແລະ​ອື່ນໆ. ພິທີ​ສະຫລອງ​ບຸນ​ປີ​ນີ້ໄດ້​ຜ່ານ​ພົ້ນ​ໄປ​ດ້ວຍຄວາມ​ເປັນ​ລະບຽບ​ຮຽບຮ້ອຍ​ດີ ​ບັນດາ​ແຂກ​ທີ່​ເຂົ້າ​ຮ່ວມ​ຕ່າງ​ ກໍໄດ້​ຮັບ​ປະທານ​ອາຫານ​ຢ່າງ​ແຊບນົວ​ ​ໄດ້ຮັບຄວາມມ່ວນຊື່ນ​ເປັນ​ພິ​ເສດ ​ແລະ​ກໍ​ຈະ​ກັບ​ມາ​ພົບ​ກັນ​ຕາມ​ນັດ​ໝາຍ​ອີກ​ ໃນ​ປີໜ້າ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG