ຄະນະນັກກິລາທີມຊາດລາວ ຍາດມາໄດ້ 79 ຫຼຽນລາງວັນຈາກ
ການແຂ່ງຂັນໃນ 24 ປະເພດກິລາ ແລະຢູ່ໃນອັນດັບ 8 ໃນງານ
ມະຫະກໍາການແຂ່ງຂັນກິລາຊີເກມສ໌ຄັ້ງທີ 27 ຢູ່ສະຫະພາບ
ມຽນມາ
ມະຫະກໍາການແຂ່ງຂັນກິລາຊີເກມສ໌ຄັ້ງທີ 27 ທີ່ລັດຖະບານມຽນມາເປັນເຈົ້າພາບຈັດ ການແຂ່ງຂັນຢ່າງເປັນທາງການໃນລະຫວ່າງ ວັນທີ 11-22 ທັນວາ 2013 ທີ່ຜ່ານມານັ້ນ ຄະນະນັກກິລາທີມຊາດລາວ ສາມາດຍາດຫຼຽນລາງວັນມາໄດ້ ທັງໝົດ 79 ຫຼຽນດ້ວຍກັນ ຊຶ່ງໃນນີ້ ກໍແບ່ງເປັນ 13 ຫຼຽນຄໍາ 17 ຫຼຽນເງິນ 49 ຫຼຽນທອງແດງຈາກການແຂ່ງຂັນໃນ 24 ປະເພດກິລາແລະມີນັກກິລາທີມຊາດລາວ 336 ຄົນເຂົ້າຮ່ວມການແຂ່ງຂັນ ໂດຍປະເພດກິລາທີ່ຍາດໄດ້ຫຼຽນຄໍານັ້ນ ກໍຄື ເປຕັງ ເຕກວັນ
ໂດ ວູູຊູ ຢູໂດ ໂວວີນາມ ມວຍລາວ ມວຍປໍ້າ ຍິງທະນູ ແລະລົດຖີບທາງໄກ.
ໂດຍຈາກຜົນງານທີ່ຄະນະນັກກິລາທີມຊາດລາວສາມາດຍາດມາໄດ້ດັ່ງກ່າວນີ້ ເຖິງແມ່ນວ່າ ຈະຈັດຢູ່ໃນອັນດັບທີ 8 ຈາກທັງໝົດ 11 ປະເທດທີ່ຮ່ວມການແຂ່ງຂັນກິລາຊີເກມສ໌ຄັ້ງລ່າ
ສຸດນີ້ກໍຕາມ ຫາກແຕ່ກໍຖືວ່າເປັນຜົນງານທີ່ເກີນເປົ້າໝາຍ ທີ່ທາງການລາວໄດ້ວາງເອົາໄວ້
ກ່ອນໜ້ານີ້ ກໍຄືການຍາດໃຫ້ໄດ້ບໍ່ໜ້ອຍກວ່າ 10 ຫຼຽນຄໍານັ້ນເອງ.
ມະຫະກໍາ ການແຂ່ງຂັນກິລາຊີເກມສ໌ຄັ້ງທີ່ 27 ຢູ່ສາທາລະນະ
ລັດ ແຫ່ງສະຫະພາບມຽນມາ ໄດ້ຈັດໃຫ້ມີການແຂ່ງຂັນໃນ 33
ປະເພດກິລາ ເພື່ອຍາດເອົາ 1,557 ຫຼຽນລາງ ວັນ ທີ່ແບ່ງເປັນ
460 ຫຼຽນຄໍາ ກັບ 460 ຫຼຽນເງິນ ແລະ 637 ຫຼຽນທອງແດງ
ໂດຍປະເທດ ທີ່ໄດ້ອັນດັບ 1 ໃນການແຂ່ງຂັນຄັ້ງນີ້ ກໍຄືໄທ ທີ່
ຍາດໄດ້ 107 ຫຼຽນຄໍາ 94 ຫຼຽນເງິນ 81 ຫຼຽນທອງແດງ ສ່ວນ
ມຽນມານັ້ນ ໄດ້ອັນດັບສອງ ໂດຍຍາດໄດ້ 86 ຫຼຽນຄໍາ 62
ຫຼຽນເງິນ 85 ຫຼຽນທອງແດງ ຕາມດ້ວຍຫວຽດນາມທີ່ຍາດໄດ້
73 ຫຼຽນຄໍາ 86 ຫຼຽນເງິນ 86 ຫຼຽນທອງແດ ສ່ວນອີກ 3 ປະ
ເທດທີ່ຕາມຫຼັງລາວກໍຄືທີມຊາດກໍາປູເຈຍ ຕິມໍຕາເວັນອອກ
ແລະປະເທດບຣູໄນ ຕາມລໍາດັບ.
ສໍາລັບມະຫະກໍາການແຂ່ງຂັນກິລາຊີເກມສ໌ຄັ້ງທີ 28 ຈະຈັດຂຶ້ນໃນທ້າຍປີ 2015 ຢູ່ທີ່ສິງ
ຄະໂປ ຊຶ່ງທາງການລາວກໍຄາດຫວັງວ່າຄະນະນັກກິລາ ທີມຊາດລາວຈະສາມາດສ້າງ
ຜົນງານໄດ້ດີຂຶ້ນກວ່າເກົ່າ ເນື່ອງຈາກວ່າລັດຖະບານລາວໄດ້ ໃຫ້ຄວາມສໍາຄັນເປັນພິເສດ
ກັບການພັດທະນາດ້ານການກິລາຫຼາຍຂຶ້ນນັບມື້ ໂດຍຖືວ່າເປັນການພັດທະນາກິລາ
ກໍຄືການພັດທະນາຊັບພະຍາກອນມະນຸດໃນລາວ ໃຫ້ມີຄຸນນະພາບສູງ ດັ່ງທີ່ທ່ານທອງ
ສິງ ທໍາມະວົງ ນາຍົກລັດຖະມົນຕີລາວ ໄດ້ຖະແຫຼງຢືນຢັນວ່າ:
“ລັດຖະບານລາວ ໄດ້ຖືເອົາວຽກງານກິລາກາຍະກໍາເປັນວຽກງານນຶ່ງທີ່ສໍາຄັນ
ຫຼາຍຕໍ່ການພັດທະນາຊັບພະຍາກອນມະນຸດຂອງຊາດ ແລະຖືເອົາການເຄື່ອນ
ໄຫວວຽກງານກິລາກາຍະ ກໍາເປັນການສ້າງຄວາມສາມັກຄີ ມິດຕະພາບແລະ
ການເຊື່ອມໂຍງກັບບັນດາປະເທດເພື່ອນມິດທັງໃນພາກພື້ນ ແລະສາກົນ.”
ແຕ່ຢ່າງໃດກໍຕາມ ຄະນະນັກກິລາທີມຊາດລາວກໍເຄີຍໄດ້ອັນດັບທີ 7 ເມື່ອປີ 2009 ຊຶ່ງລາວເປັນເຈົ້າພາບຈັດການແຂ່ງຂັນມະຫະກໍາກິລາ ຊີເກມສ໌ຄັ້ງທີ່ 25 ຢູ່ນະຄອນວຽງຈັນ ໂດຍຄະນະນັກກິລາທີມຊາດລາວສາມາດຍາດມາໄດ້ ເຖິງ 33 ຫຼຽນຄໍາ 25 ຫຼຽນເງິນ 52 ຫຼຽນທອງແດງ ຈາກການແຂ່ງຂັນໃນ 25 ປະເພດກິລາ ຊຶ່ງຫຼຽນລາງວັນສ່ວນໃຫຍ່ນັ້ນ ກໍ ໄດ້ມາຈາກກິລາເປຕັງ ແລະສິນລະປະການປ້ອງກັນຕົວ ເຊັ່ນ ເຕກວັນໂດ ວູຊູ ແລະມວຍ ເປັນຕົ້ນ.
ສ່ວນງານມະຫະກໍາການແຂ່ງຂັນກິລາຊີເກມສ໌ຄັ້ງທີ່ 26 ເມື່ອປີ 2011 ຢູ່ທີ່ປະເທດອິນໂດເນເຊຍນັ້ນ ຄະນະນັກກິລາທີມຊາດລາວ ກໍຢູ່ອັນດັບທີ່ 8 ເຊັ່ນດຽວກັນກັບໃນຄັ້ງລ່າສຸດນີ້ ແຕ່ວ່າກໍສາມາດຍາດມາໄດ້ພຽງ 9 ຫຼຽນຄໍາ 12 ຫຼຽນເງິນ 36 ຫຼຽນທອງແດງເທົ່ານັ້ນ ໃນຂະນະທີ່ອິນໂດນີເຊຍທີ່ເປັນເຈົ້າພາບນັ້ນຍາດໄດ້ເຖິງ 182 ຫຼຽນຄໍາ 151 ຫຼຽນເງິນ ແລະ 143 ຫຼຽນທອງແດງ ໝາຍຄວາມວ່າ ອິນໂດນີເຊຍໄດ້ເສຍແຊມປ໌ໃຫ້ໄທ ໃນຊີເກມສ໌ຄັ້ງລ່າສຸດນີ້ ໂດຍຄະນະນັກກິລາ ທີມຊາດອິນໂດນີເຊຍ ຍາດໄດ້ 65 ຫຼຽນຄໍາ 84 ຫຼຽນເງິນ 111 ຫຼຽນທອງແດງ ແລະຢູ່ໃນອັນດັບທີ 4
ການແຂ່ງຂັນໃນ 24 ປະເພດກິລາ ແລະຢູ່ໃນອັນດັບ 8 ໃນງານ
ມະຫະກໍາການແຂ່ງຂັນກິລາຊີເກມສ໌ຄັ້ງທີ 27 ຢູ່ສະຫະພາບ
ມຽນມາ
ມະຫະກໍາການແຂ່ງຂັນກິລາຊີເກມສ໌ຄັ້ງທີ 27 ທີ່ລັດຖະບານມຽນມາເປັນເຈົ້າພາບຈັດ ການແຂ່ງຂັນຢ່າງເປັນທາງການໃນລະຫວ່າງ ວັນທີ 11-22 ທັນວາ 2013 ທີ່ຜ່ານມານັ້ນ ຄະນະນັກກິລາທີມຊາດລາວ ສາມາດຍາດຫຼຽນລາງວັນມາໄດ້ ທັງໝົດ 79 ຫຼຽນດ້ວຍກັນ ຊຶ່ງໃນນີ້ ກໍແບ່ງເປັນ 13 ຫຼຽນຄໍາ 17 ຫຼຽນເງິນ 49 ຫຼຽນທອງແດງຈາກການແຂ່ງຂັນໃນ 24 ປະເພດກິລາແລະມີນັກກິລາທີມຊາດລາວ 336 ຄົນເຂົ້າຮ່ວມການແຂ່ງຂັນ ໂດຍປະເພດກິລາທີ່ຍາດໄດ້ຫຼຽນຄໍານັ້ນ ກໍຄື ເປຕັງ ເຕກວັນ
ໂດ ວູູຊູ ຢູໂດ ໂວວີນາມ ມວຍລາວ ມວຍປໍ້າ ຍິງທະນູ ແລະລົດຖີບທາງໄກ.
ໂດຍຈາກຜົນງານທີ່ຄະນະນັກກິລາທີມຊາດລາວສາມາດຍາດມາໄດ້ດັ່ງກ່າວນີ້ ເຖິງແມ່ນວ່າ ຈະຈັດຢູ່ໃນອັນດັບທີ 8 ຈາກທັງໝົດ 11 ປະເທດທີ່ຮ່ວມການແຂ່ງຂັນກິລາຊີເກມສ໌ຄັ້ງລ່າ
ສຸດນີ້ກໍຕາມ ຫາກແຕ່ກໍຖືວ່າເປັນຜົນງານທີ່ເກີນເປົ້າໝາຍ ທີ່ທາງການລາວໄດ້ວາງເອົາໄວ້
ກ່ອນໜ້ານີ້ ກໍຄືການຍາດໃຫ້ໄດ້ບໍ່ໜ້ອຍກວ່າ 10 ຫຼຽນຄໍານັ້ນເອງ.
ມະຫະກໍາ ການແຂ່ງຂັນກິລາຊີເກມສ໌ຄັ້ງທີ່ 27 ຢູ່ສາທາລະນະ
ລັດ ແຫ່ງສະຫະພາບມຽນມາ ໄດ້ຈັດໃຫ້ມີການແຂ່ງຂັນໃນ 33
ປະເພດກິລາ ເພື່ອຍາດເອົາ 1,557 ຫຼຽນລາງ ວັນ ທີ່ແບ່ງເປັນ
460 ຫຼຽນຄໍາ ກັບ 460 ຫຼຽນເງິນ ແລະ 637 ຫຼຽນທອງແດງ
ໂດຍປະເທດ ທີ່ໄດ້ອັນດັບ 1 ໃນການແຂ່ງຂັນຄັ້ງນີ້ ກໍຄືໄທ ທີ່
ຍາດໄດ້ 107 ຫຼຽນຄໍາ 94 ຫຼຽນເງິນ 81 ຫຼຽນທອງແດງ ສ່ວນ
ມຽນມານັ້ນ ໄດ້ອັນດັບສອງ ໂດຍຍາດໄດ້ 86 ຫຼຽນຄໍາ 62
ຫຼຽນເງິນ 85 ຫຼຽນທອງແດງ ຕາມດ້ວຍຫວຽດນາມທີ່ຍາດໄດ້
73 ຫຼຽນຄໍາ 86 ຫຼຽນເງິນ 86 ຫຼຽນທອງແດ ສ່ວນອີກ 3 ປະ
ເທດທີ່ຕາມຫຼັງລາວກໍຄືທີມຊາດກໍາປູເຈຍ ຕິມໍຕາເວັນອອກ
ແລະປະເທດບຣູໄນ ຕາມລໍາດັບ.
ສໍາລັບມະຫະກໍາການແຂ່ງຂັນກິລາຊີເກມສ໌ຄັ້ງທີ 28 ຈະຈັດຂຶ້ນໃນທ້າຍປີ 2015 ຢູ່ທີ່ສິງ
ຄະໂປ ຊຶ່ງທາງການລາວກໍຄາດຫວັງວ່າຄະນະນັກກິລາ ທີມຊາດລາວຈະສາມາດສ້າງ
ຜົນງານໄດ້ດີຂຶ້ນກວ່າເກົ່າ ເນື່ອງຈາກວ່າລັດຖະບານລາວໄດ້ ໃຫ້ຄວາມສໍາຄັນເປັນພິເສດ
ກັບການພັດທະນາດ້ານການກິລາຫຼາຍຂຶ້ນນັບມື້ ໂດຍຖືວ່າເປັນການພັດທະນາກິລາ
ກໍຄືການພັດທະນາຊັບພະຍາກອນມະນຸດໃນລາວ ໃຫ້ມີຄຸນນະພາບສູງ ດັ່ງທີ່ທ່ານທອງ
ສິງ ທໍາມະວົງ ນາຍົກລັດຖະມົນຕີລາວ ໄດ້ຖະແຫຼງຢືນຢັນວ່າ:
“ລັດຖະບານລາວ ໄດ້ຖືເອົາວຽກງານກິລາກາຍະກໍາເປັນວຽກງານນຶ່ງທີ່ສໍາຄັນ
ຫຼາຍຕໍ່ການພັດທະນາຊັບພະຍາກອນມະນຸດຂອງຊາດ ແລະຖືເອົາການເຄື່ອນ
ໄຫວວຽກງານກິລາກາຍະ ກໍາເປັນການສ້າງຄວາມສາມັກຄີ ມິດຕະພາບແລະ
ການເຊື່ອມໂຍງກັບບັນດາປະເທດເພື່ອນມິດທັງໃນພາກພື້ນ ແລະສາກົນ.”
ແຕ່ຢ່າງໃດກໍຕາມ ຄະນະນັກກິລາທີມຊາດລາວກໍເຄີຍໄດ້ອັນດັບທີ 7 ເມື່ອປີ 2009 ຊຶ່ງລາວເປັນເຈົ້າພາບຈັດການແຂ່ງຂັນມະຫະກໍາກິລາ ຊີເກມສ໌ຄັ້ງທີ່ 25 ຢູ່ນະຄອນວຽງຈັນ ໂດຍຄະນະນັກກິລາທີມຊາດລາວສາມາດຍາດມາໄດ້ ເຖິງ 33 ຫຼຽນຄໍາ 25 ຫຼຽນເງິນ 52 ຫຼຽນທອງແດງ ຈາກການແຂ່ງຂັນໃນ 25 ປະເພດກິລາ ຊຶ່ງຫຼຽນລາງວັນສ່ວນໃຫຍ່ນັ້ນ ກໍ ໄດ້ມາຈາກກິລາເປຕັງ ແລະສິນລະປະການປ້ອງກັນຕົວ ເຊັ່ນ ເຕກວັນໂດ ວູຊູ ແລະມວຍ ເປັນຕົ້ນ.
ສ່ວນງານມະຫະກໍາການແຂ່ງຂັນກິລາຊີເກມສ໌ຄັ້ງທີ່ 26 ເມື່ອປີ 2011 ຢູ່ທີ່ປະເທດອິນໂດເນເຊຍນັ້ນ ຄະນະນັກກິລາທີມຊາດລາວ ກໍຢູ່ອັນດັບທີ່ 8 ເຊັ່ນດຽວກັນກັບໃນຄັ້ງລ່າສຸດນີ້ ແຕ່ວ່າກໍສາມາດຍາດມາໄດ້ພຽງ 9 ຫຼຽນຄໍາ 12 ຫຼຽນເງິນ 36 ຫຼຽນທອງແດງເທົ່ານັ້ນ ໃນຂະນະທີ່ອິນໂດນີເຊຍທີ່ເປັນເຈົ້າພາບນັ້ນຍາດໄດ້ເຖິງ 182 ຫຼຽນຄໍາ 151 ຫຼຽນເງິນ ແລະ 143 ຫຼຽນທອງແດງ ໝາຍຄວາມວ່າ ອິນໂດນີເຊຍໄດ້ເສຍແຊມປ໌ໃຫ້ໄທ ໃນຊີເກມສ໌ຄັ້ງລ່າສຸດນີ້ ໂດຍຄະນະນັກກິລາ ທີມຊາດອິນໂດນີເຊຍ ຍາດໄດ້ 65 ຫຼຽນຄໍາ 84 ຫຼຽນເງິນ 111 ຫຼຽນທອງແດງ ແລະຢູ່ໃນອັນດັບທີ 4