ລິ້ງ ສຳຫລັບເຂົ້າຫາ

ການສະຫລອງບຸນປີໃໝ່ລາວ ທີ່ວັດລາວພຸດທະວົງ ລັດເວີຈີເນຍ


ບັນຍາກາດໃນງານສະຫລອງປີໃໝ່ລາວ 2555 ທີ່ວັດລາວພຸດທະວົງດ ເມືອງແຄັດແລັຕ, ລັດເວີຈີເນຍ, ວັນທີ 14 ເມສາ 2012.

ລາຍການຊີວິດຊາວລາວໃນຕ່າງແດນ ຂອງວີໂອເອ ແລງວັນພະຫັດ ທີ່ 19 ເດືອນ ເມສາ ປີ 2012 ມຶ້ນີ້ ກິ່ງສະຫວັນ ຈະໄດ້ນໍາເອົາລາຍງານກ່ຽວກັບ ການສະຫລອງ ບຸນປີໃໝ່ລາວ ໃນວັນເສົາ ທີ່ 14 ປີມະໂລງ ພສ 2555 ທີ່ຜ່ານມາ ຢູ່ວັດລາວ ພຸດທະວົງ ທີ່ເມືອງ Catlett ລັດ Virginia ມາສະເໜີທ່ານ ຂໍເຊິນທ່ານຕິດຕາມຮັບຟັງໄດ້ເລີຍ.

ທ່າມກາງບັນຍາກາດອັນອົບເອົ້າ ແລະ​ທ້ອງ​ຟ້າ​ອັນ​ແຈ່​ມໃສ ຂອງວັນເສົາ ທີ 14 ເມສາຜ່ານ​
ມາ​ນີ້ ຊຶ່ງກົງ​ກັບ​ວັນ​ຂື້ນບຸນປີ​ໃໝ່ລາວ ບັນດາ​ຊາວ​ລາວ​ອາ​ເລິ​ກັນ ​ຜູ້ນັບຖືພຸດທະສາສະໜາ
ຫິນະ​ຍານ ​ແລະເພື່ອນ​ມິດ​ສະຫາຍຊາວ​ຕ່າງປະ​ເທດໄດ້ໄປເຕົ້າ​ໂຮມກັນຢ່າງ​ໜາ​ແໜ້ນຢູ່ທີ່
ວັດ​ລາວ​ພຸດທະ​ວົງ ເມືອງ Cattlet ລັດ Virginia ​ອັນ​ເປັນ​ສູນ​ກາງຂອງ​ປະຊາ​ຄົມ​ລາວ ຕັ້ງ
ຢູ່​ຫ່າງ​ຈາກ​ນະ​ຄອນ​ຫລວງ ວໍ​ຊິງ​ຕັນ ດີ​.ຊີ ໄປ​ທາງ​ທິດ​ຕາ​ເວນ​ຕົກ​ ປະ​ມານ 80 ຫລັກ​ນັ້ນ
ເພື່ອ​ສະຫລອງບຸນ​ປີໃໝ່​ລາວ ປີມະໂລງ ພ.ສ 2555.

ຮ້ານຂາຍອາຫານແຫ່ງນຶ່ງ ທີ່ຜູ້ຄົນຢືນລຽນແຖວລໍຖ້າຊື້
ຮ້ານຂາຍອາຫານແຫ່ງນຶ່ງ ທີ່ຜູ້ຄົນຢືນລຽນແຖວລໍຖ້າຊື້

ດັ່ງ​ທີ່​ໄດ້​ປະຕິບັດ​ກັນ​ມາ​ແຕ່​ບູຮານ
​ນະ​ການ ປະຊາກອນລາວອາ​ເມ​ຣິ
​ກັນ ທົ່ວປະ​ເທດ ບໍ່​ໄດ້​ລົດ​ລະ​ໃນ
​ການ​ຮັກສາ​ຮີດຄອງ​ປະ​ເພ​ນີລາວ
​ເຂົາ​ເຈົ້າພາກັນ​ສະຫລອງບຸນຕ້ອນ
ຮັບປີ​ໃໝ່ຢ່າງ​ມ່ວນຊື່ນ​. ​ແຕ່​ວ່າ
ບັນຍາກາດ ການສະ​ຫລອງບຸນ
ຕ່າງໆ ​ພ້ອມ​ດ້ວຍ ຮິດຄອງ​ປະ
​ເພນີ​ລາວຫລາຍ​ຢ່າງ ​ໃນແຕ່ລະ
​ຂົງ​ເຂດຂອງປະຊາ​ຄົມລາວອາ
​ເມ​ຣິກາ ໄດ້​ຖືກ​ປັບ​ປູ​ງ​ດັດແປ​ງ​
ໃຫ້​ເຂົ້າ​ກັບສະພາບ​ແວດ​ລ້ອມ ​
ແລະການ​ເປັນ​ຢູ່​ຂອງ​ທ້ອງ​ຖິ່ນ. ໂດຍ​ສະ​ເພາະ​ຢ່າງ​ຍິ່ງ ພິທີ​ການ​ຕ່າງໆ​ຕ້ອງ​ໄດ້ແນ່ໃສ່​ວັນ​ເສົາ
ວັນອາທິດ ​ຫລື​ໃນວັນພັກການ​ເທົ່ານັ້ນ​ ​ເນື່ອງ​ຈາກ​ຄວາມ​ຮັບຜິດຊອບ​ໃນການທໍາ​ມາ​ຫາ​ກິນ.

ບຸນປີ​ໃໝ່​ແມ່ນບຸ​ນ​ໃຫຍ່​ປະ​ຈໍາປີອີກ​ບຸນ​ນຶ່ງ ທີ່​ເປັນ​ໂອກາດ​ອັນ​ດີ​ງາມ ສໍາລັບສະມາຊິກຂອງ
​ປະຊາຄົມ​ລາວ​ອາ​ເມ​ລິ​ກັນ ພ້ອມ​ດ້ວຍໝູ່ຄູ່ແລະຍາດ​ຕິ​ພີ່​ນ້ອງ ທີ່ຢູ່​ໃກ້​ແລະ​ໄກ ໄດ້​ມີ​ໂອກ​າດ
ເດີນ​ທາງມາພົບ​ພໍ້​ສັງ​ສັນ​ຖາມ​ຂ່າວ​ຄວາ​ມຢູ່​ເຢັນ​ເປັນ​ສຸກ ​ຊຶ່ງ​ກັນ​ແລະກັນ.

ພະອາຈານບຸນ​ມີ ກິດ​ຕິທໍາ​ມະ​ວັນ​ໂນ ເຈົ້າອາວາດວັດລາວພຸດທະວົງ ຜູກແຂນໃຫ້ພອນປີໃໝ່
ແກ່ຍາດໂຍມ

ວັດ​ລາວ​ພຸດ​ທະ​ວົງ ທີ່​ເມືອງ Catlett ລັດ Virginia ​ເປັນ​ວັດ​ພຸດທະສາສນາ​ຫິນະຍານ
ຂອງປະຊາ​ຄົມລາວ ອາ​ເມ​ຣິກັນ ​ແຫ່ງ​ທໍາ​ອິດ ​ໃນ​ສະຫະລັດ ອາ​ເມ​ລຣິກາ ​ທີ່ໄດ້​ຕັ້ງຂື້ນ​ມາ
​ໃນ​ຂົງ​ເຂດມະຫາ​ນະຄອນຫລວງວໍ​ຊິງ​ຕັນ ດີ​.ຊີ ​ເລີ້ມ​ແຕ່​ປີ 1975. ປັດຈຸບັນ​ນີ້ ​ຢູ່ໃນ​ສ​ະຫະ
ລັດ ອາ​ເມ​ລິ​ກາ ມີ​ວັດພຸດທະ​ສາສະໜາຫິນະ​ຍານ ຂອງ​ປະຊາ​ຄົມ​ລາວ ອາ​ເມ​ຣິ​ກັນຢູ່ 100
ກວ່າ​ແຫ່ງ ທົ່ວ​ປະ​ເທດ.

ຮ້ານອາຫານແຫ່ງນຶ່ງ ທີ່ມີຄົນອຸດໜຸນຢ່າງໜາແໜ້ນ
ຮ້ານອາຫານແຫ່ງນຶ່ງ ທີ່ມີຄົນອຸດໜຸນຢ່າງໜາແໜ້ນ

ການສ​ະຫລອງ​ບຸນປີ​ໃໝ່​ ​ທີ່
​ວັດລາວພຸດ​ທະ​ວົງ ​ເມືອງ
Catlett ລັດ Virgina​ ​ກໍ​ຄື​ຢູ່ໃນ
ແຫ່ງ​ອື່ນ​ໆ ​ແມ່ນເລີ່​ມຕົ້ນ​ດ້ວຍ
ພິທີ​ທາງ​ສາສະໜາ ໄຫວ້ພະ
ຮັບ​ສີນ ຕັກບາດ ຖວາຍເພນ
ຢາດ​ນໍ້າ ​ແລະຟັງ​ທໍາ​ມະເທດ
​ສະໜາ ພາຍ​ໃຕ້​ການ​ນໍາພາ​
ຂອງ​ພະອາຈານບຸນ​ມີ ກິດ​ຕິ
ທໍາ​ມະ​ວັນ​ໂນ ​ແລະ​ພະ​ອາຈານ
ຈັນ​ດາ ມິ່ງ​ສີ​ສຸວັນ. ​ໃນ​ໂອກາດ​
ດຽວ​ກັນ​ນີ້ ກໍ​ມີ​ພະສົງ​ມາຮ່ວມ​ສະຫລອງ​ ຈາກ​ຕ່າງ​ລັດຫລາຍ​ອົງ​ດ້ວຍ​ກັນ ​ເປັນ​ຕົ້ນອາ​ຈານ
ຈັນ​ນີ ວົງ​ພະ​ຈັນ ຈາກ​ວັດ​ລາວ​ທີ່​ນິວຢອກ ທີ່​ໄດ້​ກ່າວ​ອວຍພອນ​ປີ​ໃໝ່​ເຖິງພຸດທະ​ສາສະ​ນິກ
ກະ​ຊົນ​ທັງຫລາຍ ຜ່ານ​ວີ​ໂອ​ເອ.

ພວກ​ໄປ​ຮ່ວມ​ທໍາບຸນ ຈໍານວນ​ນຶ່ງ ​ແມ່ນ​ຈະ​ຮ່ວມ​ກິນ​ເຂົ້າທ່ຽງ​ກັນ​ຢູ່​ໃນ​ສິມ. ສ່ວນ​ພວກ
ອື່ນໆ​ກໍ​ຈະ​ອອກ​ມາ​ຢ່າງ​ເລາະ​ຕາມ​ເດີ່ນ​ວັດ ຊອກ​ຊື້​ອາຫານ​ທີ່​ຕົນ​ມັກ​ແລະ​ບໍ່​ສູ້​ໄດ້​ກິນ​
ເລື້ອຍນັ້ນກິນ ພ້ອມກັບ​ຊົມ​ການສະ​ແດງ​ດົນຕີ ​ແລະ​ຟ້ອນ​ນາດຕະສິນຢູ່​ເທິງ​ເວທີແລ້ວ​
ກໍ​ຍ່າງ​ເລາະ​ຕະຫລາດນັດ ຊື້​ອາຫານ​ເມືອ​ໄວ້​ກິນ​ຢູ່​ເຮືອນ ຫລື​ບໍ່​ກໍ​ຊື້​ຜັກ​ຊື້​ໝີ່ ດອກ​ໄມ້
ຕົ້ນ​ໄມ້ ທີ່​ພໍ່ຄ້າ​ແມ່​ຄ້າ​ເອົາ​ມາ​ຂາຍ​ຈາກ​ຕ່າງ​ລັດ ເຊ່ນລັດ​ຟລໍຣິດາ ທີ່ຢູ່ໄກ​ອອກ​ໄປຮອດ ​
1000​ ​ກ່ວາ​ຫລັກ​ພຸ້ນ ​ກໍ​ມີ.​ ​ໃນ​ຕອນ​ບ່າຍ​ກໍ​ພາກັນ​ຊົມການປະ​ກວດ​ນາງ​ງາມ​ ຫລື​ນາງ
ສັງຂານ ​ແລະ​ຂະ​ບວນ​ແຫ່​ນາງ​ສັງ ຂານ​ຕາມ​ປະ​ເພນີ​. ໄປຍັງ​ດ້ານ​ໜ້າ​ຂອງ​ວັດ ບ່ອນ
ທີ່​ມີ​ການ​ເອົາ​ພະພຸດທະ​ຮູບ​ຫລາຍໆ​ ອົງ​ມາ​ວາງ​ໄວ້ ​ເພື່ອ​ໃຫ້​ຄົນ​ຫົດສົງ​ຕາມ​ປະ​ເພນີ.

ເຂົ້າຫລາມທີ່ຫາກິນຍາກ ກໍມີຂາຍ ພ້ອມດ້ວຍໄຂ່ລູກ ແລະອື່ນໆ.
ເຂົ້າຫລາມທີ່ຫາກິນຍາກ ກໍມີຂາຍ ພ້ອມດ້ວຍໄຂ່ລູກ ແລະອື່ນໆ.

ນອກນັ້ນ​ ກໍ​ມີການສະ​ແດງວັດ​
ທະ​ນາ​ທໍາ​ລາວ ​ເຊ່ນຟ້ອນນາດ
ຕະສິນ ສະ​ແດງດົນ​ຕີ​ພື້ນ​ເມືອງ
​ແລະ​ສາກົນ ແລະການ​ແຂ່ງ​ຂັນ
​ກິລາ ສິ່ງ​ທີ່​ໜ້າ​ສົນ​ໃຈ ​ແລະ
​ເປັນ​ທີ່​ດຶງດຸດ​ປະຊາກອນ​ທີ່​ເຂົ້າ
​ມາ​ມ່ວນ​ຊື່ນ​ນັ້ນ​ກໍ​ຄື ການ​ລົງຕະ
ຫລາດນັດ. ​ນີ້​ແມ່ນໂອກາດ​ທີ່​ບັນ
ດາພໍ່​ຄ້າ​ແມ່​ຄ້າ ພາກັນ​ນໍາ​ສີນ​ຄ້າ
​ມາວ​າງຂາຍ​ຢູ່ເດີ່ນ​ວັດ. ​ສີນ​ຄ້າ
ສ່ວນ​ໃຫ່ຍແມ່ນ ​ເຄື່ອງ​ປູກ​ຂອງ
​ຝັງ ຜັກ​ສົດ ຊິ້ນ ປາ ​ເຄື່ອງ​ເອ້
ເຄື່ອງນຸ່ງຫົ່ມ ຮ້ານ​ຂາຍອາຫານລາ​ວແລະ​ໄທ​ນາໆຊະ​ນິດ​. ​ພາຍໃຕ້​ບັນຍາກາດ​ອັນແອອັດ
ຮ້ອນ​ເອົ້າ​ ຄວນ​ໄຟຈາກ​ການ​ຄົວ​ກິນ​ ແລະສຽງບັນ​ເລງ​ດົນຕີ ດັງຟົດ​ສະໜັ່ນ ມາ​ຈາກ​ເຄື່ອງ​
ໂທລະ​ໂຄ່ງນັ້ນ ບັນດາຝູງ​ຊົນທັງ​ລາວ​ແລະ​ຕ່າງ ປະ​ເທດທີ່ຫິ​ວໂຫວ ກໍພາກັນຢືນ​ລຽນ​ແຖວ
​ຢ່າງ ເປັນ​ລະບຽບ​ລໍຖ້າ​ຊຶ້ອາຫານພື້ນ​ເມຶ​ອງ​ ທີ່​ຫາ​ກິນໄດ້ຍາກ.

ຮ້ານອາຫານແຫ່ງນຶ່ງ ທີ່ມີຄົນອຸດໜຸນ ຢ່າງໜາແໜ້ນ
ຮ້ານອາຫານແຫ່ງນຶ່ງ ທີ່ມີຄົນອຸດໜຸນ ຢ່າງໜາແໜ້ນ

ການ​ຫລິ້ນ​ມ່ວນຊື່ນ ອັນ​ສໍາຄັນ​
ຫລາຍ​ຢ່າງຂອງ​ບຸນປີໃໝ່ທີ່​ຂາດ
ຫາຍໄປຈາກການສະຫລອງ
​ຂອງປະຊາ​ຄົມ​ລາວ​ໃນ​ຕ່າງປະ​
ເທດ​ນັ້ນ ​ກໍ​ຄື ການໄລ່ຫົດ​ນໍ້າ
ກັນ ການ​ເຊີ້ງກິນ​ເຫລົ້າ​ຢູ່​ຕາມ
ຖະໜົນ​ຫົນ​ທາງ ການ​ເອົາ​ຂີ້​
ໝີນໝໍ້ແລ່ນທາ​ໜ້າ​ກັນ ​ການ
​ຕົບ​ພະທາດຊາຍຢູ່​ວັດ ​ການ​ໄປ​
ຢ່າງ​ເລ​າະຫລີ້ນ​ ຢູ່​ຕາມຫາດ​
ຊາຍແຄມ​ນໍ້າ ຊຶ່ງ​ເຫດຜົນ​ກໍ​ຄື
ສະພາບການ ສະຖານ​ທີ່​ແລະ
​ດິນ​ຟ້າອາກາດ ບໍ່​ເອື້ອ​ອໍານວຍ​ນັ້ນ​ເອງ.

ງາ​ນສະຫລອງປີ​ໃໝ່​ລາວ 2555 ທີ່​ວັດ​ລາວ​ພຸດ​ທະ​ວົງ ​ເມືອງ Catlett ລັດ​ເວີ​ຈີ​ເນຍ ເມື່ອ
ວັນ​ທີ 14 ​ເມສາ ຜ່ານ​ມາ​ ​ແມ່ນດໍາ​ເນີນ​ໄປ​ຈົນ​ຮອດ​ຕອນແລງ ​ແລະ​ກໍໄດ້​ຜ່ານ​ພົ້ນ​ໄປດ້ວຍ​
ຄວາມມ່ວນຊື່​ນລື້​ນ​ເລີງ ປະສົບ​ຜົນ​ສໍາ​ເລັດ​ດີ​ແລະ​ປະ​ໄວ້​ແຫ່ງ​ຄວາມ​ຊົງ​ຈໍາ​ອັນ​ດີງາມ ພາ​ໃຫ້
​ຢາກ​ກັບ​ຄືນ​ມາ​ຮ່ວມ​ການ​ສະຫລອງ​ອີກ​ໃໝ່​ ໃນ​ປີໜ້າ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG