ພວກຄົນງານທີ່ນັດຢຸດງານປະທ້ວງຫລາຍພັນຄົນ ຢູ່ທ່າເຮືອ
ຂົນສົ່ງສິນຄ້າໃຫຍ່ທີ່ສຸດຂອງ ສະຫະລັດ ພາກັນກັບຄືນໄປ
ເຮັດວຽກໃນວັນພຸດມື້ນີ້ ຫລັງຈາກໄດ້ບັນລຸຂໍ້ຕົກລົງໃນຂັ້ນຕົ້ນ
ກັບຄະນະບໍລິຫານ.
ຂໍ້ຕົກລົງເພື່ອຍຸຕິການນັດຢຸດງານ ມາເປັນເວລານານນຶ່ງອາທິດ ທີ່ທ່າກຳປັ່ນນະຄອນ Los Angeles ແລະ Long Beach ທີ່ລັດ California ໄດ້ປະກາດ ໃນຕອນແລງຂອງວັນອັງຄານວານນີ້ ໂດຍ ເຈົ້າຄອງນະຄອນ Los Angeles ທ່ານ Antonio Villaraigosa. ທັງສອງຝ່າຍ ພາກັນລົງຄະແນນສຽງຮັບເອົາການຕົກລົງ ໃນຂະນະທີ່ບັນດາເຈົ້າໜ້າທີ່ໄກ່ເກ່ຍຂອງ ລັດຖະບານກາງ ເດີນທາງໄປເຖິງຈາກ ກຸງວໍຊິງຕັນ ເພື່ອ ຊ່ວຍຍຸຕິການປະທ້ວງດັ່ງກ່າວ.
ທ່ານ Sal Chavez ແມ່ນຜູ້ນຶ່ງໃນຈໍານວນພະນັກງານສະໝຽນ 800 ຄົນ ທີ່ໄດ້ຢ່າງອອກຈາກໜ້າທີ່ ໃນວັນອັງຄານແລ້ວນີ້ ໂດຍອ້າງວ່າ ບໍລິສັດຂົນສົ່ງ ຕ້ອງການຢາກສົ່ງວຽກໄປເຮັດຢູ່ປະເທດ.
ແຕ່ກຸ່ມຜູ້ຕາງໜ້າບໍລິສັດຂົນສົ່ງກ່າວວ່າ ເຂົາເຈົ້າພຽງແຕ່ຕ້ອງການສິດ ທິທີ່ຈະຈ້າງຄົນທີ່ເຂົາເຈົ້າມີຄວາມຕ້ອງການເທົ່ານັ້ນ.
ພວກນັດຢຸດງານໄດ້ມີຈຳນວນເພີ່ມຂຶ້ນ ຫລັງຈາກພະນັກງານ 10,000 ຄົນຂອງສະຫະພັນກຳມະບານທ່າກຳປັ່ນ ພາກັນມາຮ່ວມກັບພະນັກງານ ສະໝຽນ ແລະບໍ່ຂ້າມເສັ້ນປະທ້ວງຢຸດງານເພື່ອໄປຂົນສິນຄ້າອອກ ແລະເຂົ້າເຮືອ. ບ່ອນຂົນຕູ້ຄອນເທນເນີ ສິບ ໃນຈຳ
ນວນທັງໝົດ 14 ບ່ອນ ຂອງທ່າກຳປັ່ນທັງສອງ ໃນທີ່ສຸດກໍໄດ້ຖືກປິດລົງບັງຄັບບໃຫ້ບັນດາຜູ້ສົ່ງ ຕ້ອງຂົນສົ່ງສິນຄ້າຂອງເຂົາເຈົ້າໄປທ່າເຮືອແຫ່ງອື່ນໃນລັດ California ແລະປະເທດ Mexico.
ຂົນສົ່ງສິນຄ້າໃຫຍ່ທີ່ສຸດຂອງ ສະຫະລັດ ພາກັນກັບຄືນໄປ
ເຮັດວຽກໃນວັນພຸດມື້ນີ້ ຫລັງຈາກໄດ້ບັນລຸຂໍ້ຕົກລົງໃນຂັ້ນຕົ້ນ
ກັບຄະນະບໍລິຫານ.
ຂໍ້ຕົກລົງເພື່ອຍຸຕິການນັດຢຸດງານ ມາເປັນເວລານານນຶ່ງອາທິດ ທີ່ທ່າກຳປັ່ນນະຄອນ Los Angeles ແລະ Long Beach ທີ່ລັດ California ໄດ້ປະກາດ ໃນຕອນແລງຂອງວັນອັງຄານວານນີ້ ໂດຍ ເຈົ້າຄອງນະຄອນ Los Angeles ທ່ານ Antonio Villaraigosa. ທັງສອງຝ່າຍ ພາກັນລົງຄະແນນສຽງຮັບເອົາການຕົກລົງ ໃນຂະນະທີ່ບັນດາເຈົ້າໜ້າທີ່ໄກ່ເກ່ຍຂອງ ລັດຖະບານກາງ ເດີນທາງໄປເຖິງຈາກ ກຸງວໍຊິງຕັນ ເພື່ອ ຊ່ວຍຍຸຕິການປະທ້ວງດັ່ງກ່າວ.
ທ່ານ Sal Chavez ແມ່ນຜູ້ນຶ່ງໃນຈໍານວນພະນັກງານສະໝຽນ 800 ຄົນ ທີ່ໄດ້ຢ່າງອອກຈາກໜ້າທີ່ ໃນວັນອັງຄານແລ້ວນີ້ ໂດຍອ້າງວ່າ ບໍລິສັດຂົນສົ່ງ ຕ້ອງການຢາກສົ່ງວຽກໄປເຮັດຢູ່ປະເທດ.
ແຕ່ກຸ່ມຜູ້ຕາງໜ້າບໍລິສັດຂົນສົ່ງກ່າວວ່າ ເຂົາເຈົ້າພຽງແຕ່ຕ້ອງການສິດ ທິທີ່ຈະຈ້າງຄົນທີ່ເຂົາເຈົ້າມີຄວາມຕ້ອງການເທົ່ານັ້ນ.
ພວກນັດຢຸດງານໄດ້ມີຈຳນວນເພີ່ມຂຶ້ນ ຫລັງຈາກພະນັກງານ 10,000 ຄົນຂອງສະຫະພັນກຳມະບານທ່າກຳປັ່ນ ພາກັນມາຮ່ວມກັບພະນັກງານ ສະໝຽນ ແລະບໍ່ຂ້າມເສັ້ນປະທ້ວງຢຸດງານເພື່ອໄປຂົນສິນຄ້າອອກ ແລະເຂົ້າເຮືອ. ບ່ອນຂົນຕູ້ຄອນເທນເນີ ສິບ ໃນຈຳ
ນວນທັງໝົດ 14 ບ່ອນ ຂອງທ່າກຳປັ່ນທັງສອງ ໃນທີ່ສຸດກໍໄດ້ຖືກປິດລົງບັງຄັບບໃຫ້ບັນດາຜູ້ສົ່ງ ຕ້ອງຂົນສົ່ງສິນຄ້າຂອງເຂົາເຈົ້າໄປທ່າເຮືອແຫ່ງອື່ນໃນລັດ California ແລະປະເທດ Mexico.
