ລິ້ງ ສຳຫລັບເຂົ້າຫາ

ຊາວເຄີດ ເຜີຍແຜ່ ວີດີໂອ ການໂຈມຕີຄຸກ ຂອງພວກລັດ ອິສລາມ ໃນອີຣັກ


ພາບນີ້ ໄດ້ມາຈາກກ້ອງວີດີໂອ ທີ່ຕິດຕັ້ງໃສ່ໝວກກັນນັອກ ຂອງທະຫານໜວ່ຍພິເສດ ສະຫະລັດ ແລະ ອີຣັກ ທີ່ກຳລັງປ່ອຍຕົວພວກນັກໂທດ ທີ່ຄວບຄຸມໂດຍ ພວກຫົວຮຸນແຮງລັດອິສລາມ ໃນເມືອງ Huwija, 15 ກິໂລແມັດ ທາງກ້ຳຕາເວັນຕົກ ຂອງເມືອງ Kirkuk ຂອງອີຣັກ, ວັນທີ 22 ຕຸລາ 2015.

ພາບນີ້ ໄດ້ມາຈາກກ້ອງວີດີໂອ ທີ່ຕິດຕັ້ງໃສ່ໝວກກັນນັອກ ຂອງທະຫານໜວ່ຍພິເສດ ສະຫະລັດ ແລະ ອີຣັກ ທີ່ກຳລັງປ່ອຍຕົວພວກນັກໂທດ ທີ່ຄວບຄຸມໂດຍ ພວກຫົວຮຸນແຮງລັດອິສລາມ ໃນເມືອງ Huwija, 15 ກິໂລແມັດ ທາງກ້ຳຕາເວັນຕົກ ຂອງເມືອງ Kirkuk ຂອງອີຣັກ, ວັນທີ 22 ຕຸລາ 2015.

ວິ​ດີ​ໂອ​ທີ່​ໄດ້​ນຳ​ສະ​ເໜີ​ອອກ​ທາງ ອອນ​ໄລ​ນ໌ ​ໃນ​ວັນ​ອາ​ທິດ
​ວານ​ນີ້ ​ໄດ້​ສະ​ແດງ​ໃຫ້​ເຫັນ ​ການ​ໂຈມ​ຕີ​ຮ່ວມ​ລະຫວ່າງ
ສະຫະລັດ ​ແລະ ນັກຮົບ Peshmerga ຢູ່​ຄຸກ​ຂອງ​ພວກ
ລັດ​ອິສລາມ ​ໃນ​ພາກ​ເໜືອ​ຂອງອີ​ຣັກ ​ໃນ​ສັບປະດາ​ແລ້ວນີ້
​ເຊິ່ງ​ໄດ້​ປົດ​ປ່ອຍ​ໂຕ​ປະກັນ 69 ຄົນ.

​ໃນ​ວິ​ດີ​ໂອ​ຄວາມ​ຍາວ 2 ນາທີ​ໄດ້​ຖ່າຍ​ຈາກກ້ອງ​ທີ່​ຕິດ​ຕັ້ງ​
ຢູ່​ເທິງ​ໝວກ​ກັນ​ນັອກ ​ແລະ ​ໄດ້ຖືກ​ເຜີຍ​ແຜ່​ ໂດຍ​ສະພາ
​ຄວາມ​ໝັ້ນຄົງ​ Kurdistan ໃນ​ພາກ​ພື້ນ ຫຼື KRSC. ໜ່ວຍ
​ຈູ່​ໂຈມ​ນຸ່ງ​ເຄື່ອງແບບ​ຫຼາຍ​ຄົນ ​ໄດ້ເປັນ​ຜູ້ນຳ​ໜ້າ​ກຸ່​ມ ຂອງ​ຊາຍ
​ຫຼາຍ​ຄົນ ​ເຄື່ອນ​ຍ້າຍຈາກ​ຫ້ອງ​ໜຶ່ງ​ ຫາ​ອີກ​ຫ້ອງ​ໜຶ່ງ​ຢ່າງ​ວ່ອງ​ໄວ ​ໃນ​ຂະນະ​ທີ່​ສຽງ​ປືນ​ທີ່ດັງ​ຂຶ້ນ​ຢ່າງ​ບໍ່ຢຸດ​ຢັ້ງ​ເກີດ​ຂຶ້ນ​ຢູ່​ໃກ້​ຄຽງ.

ສຽງ​ຂອງ​ຊາຍ​ຄົນ​ໜຶ່ງ​ຮ້ອງ​ເປັນ​ພາສາ ອາຣັບ ວ່າ “​ໄວ​ແດ່ໆ” ຢ່າງ​ຊ້ຳ​ແລ້ວຊ້ຳອີກ ​ໃນ​ຂະນະ
​ທີ່​ທະຫານ​ຄຸ້ມ​ກັນ ພວກ​ນັກໂທດ ​ໄປ​ບ່ອນ​ທີ່​ປອດ​ໄພ ຢູ່​ພາ​ຍ​ໃນ​ບໍ​ລິ​ເວນ​ຂອງ​ຄຸກດັ່ງກ່າວ.

ສ​ະມາ​ຊິກທະຫານ​ຮັກສາ​ຄວາມ​ປອດ​ໄພ ອີຣັກ ​ຫຼາຍ​ຄົນແມ່ນໜຶ່ງ​ໃນ​ຈຳ​ນວນຂອງ​ໂຕ​ປະກັນ
​ທີ່​ໄດ້​ຖືກ​ຊ່ວຍ​ເຫຼືອ​ອອກ​ຈາກ​ຄຸກ Hawija, ພາກ​ຕາ​ເວັນ​ຕົກ​ຂອງ​ເມືອງ Kirkuk.

ສະພາ KRSC ​ໄດ້​ກ່າວ​ໃນ​ວັນ​ພະຫັດ​ທີ່​ຜ່ານ​ມາ​ວ່າ ພວກ​ຫົວ​ຮຸນ​ແຮງ​ລັດ​ອິສລາມ 6 ຄົນ​
ໄດ້​ຖືກ​ຈັບ​ກຸມ ​ແລະ ອີກ 20 ຄົນ​ໄດ້​ຖືກ​ຂ້າ​ຕາຍ​ໃນ​ການ​ປະຕິ​ບານ​ການ.

ພະນັກງານ​ທະຫານ ສະຫະລັດ ຄົນ​ໜຶ່ງ ​ຈ່າ​ເອກ Joshua L. Wheeler ​ໄດ້​ຖືກ​ຂ້າ​ຕາຍ​
ໃນ​ລະຫວ່າງ​ການ​ໂຈມ​ຕີ, ​ເປັນ​ການເສຍ​ຊີວິດ​ຄົນ​ທຳ​ອິດ​ສຳລັບ​ທະຫານ ອາ​ເມຣິກາ ຢູ່​
ເທິງ​ພື້ນ​ດິນ ​ໃນລະຫວ່າງ​ປະຕິບັດ​ການ​ນຳ​ໜ້າ​ໂດຍ ສະຫະລັດ ຕໍ່​ກັບ​ພວກ ລັດ​ອິສລາມ ​
ໃນ​ອີຣັກ ​ແລະ ຊີ​ເຣຍ.

​ທັງເຈົ້າ​ໜ້າ​ທີ່ສະຫະລັດ ແລະ Kurdish ​ໄດ້​ກ່າວ​ວ່າ ການປະຕິບັດ​ການ​ກູ້​ໄພ​ໄດ້​ຖືກ​ດຳ​
ເນີນ​ຂຶ້ນ ​ໃນ​ຂະນະ​ທີ່​ພວກ​ນັກ​ໂທ​ດທັງ​ຫຼາຍ​ໄດ້​ປະ​ເຊີນ​ໜ້າ​ກັບ​ການ​ປະຫານ​ຊີວິດ​ທີ່​ໃກ້​
ຈະ​ມີ​ຂຶ້ນ.

ລັດຖະມົນຕີປ້ອງ​ກັນ​ປະ​ເທດທ່ານ Ash Carter ໄດ້ກ່າວໃນວັນສຸກທີ່ ຜ່ານມາວ່າ “ຕອນນີ້ ພວກເຮົາໄດ້ຍິນຈາກບັນດາໂຕປະກັນວ່າພວກເຂົາເຈົ້າຄາດວ່າຈະຖືກປະຫານຊີວິດ
ໃນມື້ນັ້ນ ຫຼັງຈາກການສວດ ມົນຕອນເຊົ້າ. ຫຼຸມຝັງສົບຂອງພວກເຂົາເຈົ້າ ແມ່ນໄດ້ຖືກ
ກະກຽມໄວ້ແລ້ວ.”

XS
SM
MD
LG