ລິ້ງ ສຳຫລັບເຂົ້າຫາ

ພວກ​ນັກລົບ ຊາວ​ເຄີ​ດ ​​ຂັບ​ໄ​ລ່ ກຸ່ມລັດ​ອິສລາມ ອອກ​ໄປ​ ຈາກ​ເມືອງ Kobani ໄດ້ແລ້ວ


ທະຫານເທີກີ ສອງຄົນຢືນຍາມປະຕູ ເຂດຊາຍແດນ Mursitpinar ໃກ້ໆກັບ ເມືອງ Suruc ໃນແຂວງ Sanliurfa ຂະນະທີ່ຄວັນ ພຸ້ງຂຶ້ນສູ່ທ້ອງຟ້າ ຢູ່ທີ່ເມືອງ Kobani ໃນຊີເຣຍ ຢູ່ດ້ານຫຼັງ, ວັນທີ 27 ມິຖຸນາ 2015.

ທະຫານເທີກີ ສອງຄົນຢືນຍາມປະຕູ ເຂດຊາຍແດນ Mursitpinar ໃກ້ໆກັບ ເມືອງ Suruc ໃນແຂວງ Sanliurfa ຂະນະທີ່ຄວັນ ພຸ້ງຂຶ້ນສູ່ທ້ອງຟ້າ ຢູ່ທີ່ເມືອງ Kobani ໃນຊີເຣຍ ຢູ່ດ້ານຫຼັງ, ວັນທີ 27 ມິຖຸນາ 2015.

ພວກ​ນັກລົບຊາວ​ເຄີ​ດ ​ໄດ້​ຂັບ​ໄ​ລ່ກຸ່ມລັດ​ອິສລາມ IS ອອກ​ໄປ​
ຈາກ​ເມືອງ Kobani ທີ່ຕັ້ງຢູ່ຕິດ​ກັບຊາຍ​ແດນຊີ​ເຣຍນັ້ນ​ແລ້ວ
ສອງ​ມື້ຫຼັງ ຈາກທີ່​ພວກ​ລັດ​ອິສລາມ ​ໄດ້ຍຶດ​ເອົາຫຼາຍໆ​ຄຸ້ມຂອງ
​ເມືອງດັ່ງກ່າວ ອິງ​ຕາມ ​ກຸ່ມ​ສິ້ງ​ຊອມ​ສິດທິ​ມະນຸດຊີ​ເຣຍ ​ແລະ​
ບັນດາ​ນັກ​ເຄື່ອນ​ໄຫວ.

ຢ່າງ​ນ້ອຍ ​ພົນລະ​ເຮືອນ 174 ຄົນ ຖືກ​ຂ້າ​ຕາຍ ​ໃນ​ການ​ຕໍ່ສູ້​ກັນ
ນັບ​ຕັ້ງ​ແຕ່ ກຸ່ມ IS ​ໄດ້​ແຊກ​ຊຶມ​ເຂົ້າ​ໄປ​ໃນ​ເມືອງ​ນັ້ນ ​ເມື່ອວັນ​
ພະຫັດຜ່ານ​ມາ.

ອົງການ​ຂ່າວ Associated Press ລາຍ​ງານ​ວ່າ ດຽວ​ນີ້
ກອງ​ກຳລັງ​ຊາວ​ເຄີ​ດ ກຳລັງ​ຊອກ​ຫາ​ພວກ​ນັກ​ຕໍ່ສູ້ IS ຜູ້​ທີ່​ອາດໄດ້​ປອມ​ແປງ​ຕົນ​ເຂົ້າກັບ
​ພົນລະ​ເມືອງ​ໃນ Kobani.

ຊາວເມືອງໂກບານີ ສະຫຼອງໄຊຊະນະ ຂອງພວກນັກລົບເຄີດ:

ນັກ​ຂ່າວ​ທ້ອງ​ຖິ່ນ Rudi Mohammad Amin ກ່າວ​ວ່າ ​ເມືອງ Kobani ທັງໝົດ​ແມ່ນ
“ຢູ່​ພາຍ​ໃຕ້​ການ​ຄວບ​ຄຸມ” ຂອງພວກນັກ​ຕໍ່ສູ້​ຊາວ​ເຄີ​ດ​ແລ້ວ.​

ພວກ​ນັກ​ຕໍ່ສູ້​ຊາວ​ເຄີ​ດ ທີ່ໄດ້ຮັບການສະໜັບສະໜຸນ​ ໂດຍ​ການ​ໂຈມ​ຕີ​ທາງ​ອາກາດ ພາຍໃຕ້ ການນຳພາ​ໂດຍສະຫະລັດ ໄດ້ເຂົ້າຍຶດ​ເອົາ​ເມືອງ Kobani ຢູ່​ໃກ້ໆ ກັບ​ຊາຍ​ແດນເທີ​ກີ ຄືນ​ມາ​ ​ເມື່ອ​ຕົ້ນປີ​ນີ້ ​ແລະ ນັບ​ຕັ້ງ​ແຕ່​ນັ້ນມາ ກໍ​ໄດ້​ໂຈມ​ຕີຍາດເອົາ ການ​ຄວບຄຸມ​ຈາກພວກ IS ຢູ່​ເຂດ​ອື່ນໆ ​ ​ໃນ​ບໍລິ​ເວນຊາຍ​ແດນ ເທື່ອ​ລະໜ້ອຍ.

XS
SM
MD
LG