ລິ້ງ ສຳຫລັບເຂົ້າຫາ

ຈີນຮຽກຮ້ອງໃຫ້ໃຊ້ຄວາມຍັບຍັ້ງ ໃນແຫລມເກົາຫລີ

  • ສິງ ບູຣົມມະວົງ

ທ່ານ Robert Gibbs ກ່າວໂດຍສັງເຂບກ່ຽວກັບເກົາຫລີເໜືອ ທີ່ທໍານຽບ ຂາວ. ວັນທີ 30 ພະຈິກ 2010.

ຈີ​ນກໍາລັງ​ຮຽກຮ້ອງ​ໄປ​ຍັງ​ທຸກ​ພັກ​ຝ່າຍ​ ໃຫ້​ຫລີກ​ລ່ຽງ​ຈາກ
ການເຮັດໃຫ້ຄວາມ​ເຄັ່ງ​ຕຶງ​ເພີ່ມທະວີຂຶ້ນ​ ໃນ​ຂະນະ​ທີ່​ສະຫະ
ລັດ​ແລະ​ເກົາຫລີ​ໃຕ້​ເສັດສີ້ນການ​ຊ້ອມ​ລົບ​ທາງ​ທະ​ເລຄັ້ງ​ໃຫຍ່
ຂອງ​ພວກຕົນ​ ໃນ​ທະ​ເລ​ເຫລືອງ​ນັ້ນ.

ແຕ່​ບັນດາ​ເຈົ້າ​ໜ້າ​ທີ່​ກະຊວງ​ປ້ອງ​ກັນ​ປະ​ເທດ​ເກົາຫລີ​ໃຕ້
ກ່າວ​ໃນ​ວັນ​ພຸດ​ມື້​ນີ້​ວ່າ ພວກ​ຕົນ​ກໍາລັງ​ເວົ້າ​ກັນ​ເລື່ອງ​ທີ່​
ຈະ​ທໍາ​ການ​ຊ້ອມ​ລົບຄັ້ງ​ໃຫຍ່​ບັ້ນໃໝ່​ກັບ​ສະຫະລັດ​ອີກຊຶ່ງ
ອາດ​ຈະ​ເລີ່​ມຂຶ້ນ​ໄດ້​ໃນ​ຕົ້ນ​ເດືອນ​ນີ້​ກໍ​ເປັນ​ໄດ້. ນອກ​ນັ້ນ
ເກົາຫລີ​ໃຕ້ຍັງ​ວາງ​ແຜນ​ຈະທໍາ​ການ​ຊ້ອມ​ລົບ​ຍິງ​ປືນໃຫຍ່
ໂດຍ​ໃຊ້​ລູກປືນ​ແທ້ໆ​ຂອງ​ຕົນ​ເອງເຊ່ນກັນ​ ຊຶ່ງ​ກໍານົດ​ຈະ​ມີ​ຂຶ້ນ​ໃນ​ສັບປະດາ​ໜ້າ​ນີ້.

ອົງການ​ຂ່າວ Yonhap ຂອງ​ເກົາຫລີ​ໃຕ້​ ອ້າງ​ຄໍາ​ເວົ້າ​ຂອງ​ກອງ​ບັນຊາ​ການ​ກອງທັບ​ວ່າ
ການ​ຊ້ອມ​ລົບ​ບັ້ນ​ນຶ່ງ​ໃນຫລາຍ​ໆບັ້ນ​ນັ້ນ ​ຈະ​ມີ​ຂຶ້ນ​ຢູ່ໃກ້ໆ​ກັບ​ເກາະ Dae-cheong ທີ່​
ຕັ້ງ​ຢູ່​ທາງ​ທິດ​ໃຕ້​ຂອງ​ເຂ​ດນ່ານນໍ້າ​ ທີ່​ເປັນ​ບັນຫາ​ຂັດ​ແຍ້ງກັນ​ລະຫວ່າງສອງ​ເກົາຫລີ​ ໃນ​
ທະ​ເລ​ເຫລືອງ​ນັ້ນ. ​ເກົາຫລີ​ເໜືອ​ໄດ້​ເປີດ​ສາກ​ໂຈມ​ຕີ​ດ້ວຍ​ປືນໃຫຍ່​ທີ່ເປັນ​ອັນຕະລາຍ​ເຖິງ
ຕາຍໃສ່​ອີກ​ເກາະ​ນຶ່ງ​ຂອງ​ເກົາຫລີໃຕ້​ ໃນ​ຂະນະ​ທີ່​ກໍາລັງ​ຂອງ​ເກົາຫລີ​ໃຕ້​ພວມ​ທໍາ​ການ
ຊ້ອມ​ລົບ​ໃນ​ທໍານອງ​ດຽວ​ກັນໃນ​ສັບປະດາ​ແລ້ວ​ນີ້ ​ໂດຍ​ໄດ້​ຍິງໄປ​ໃສ່​ນ່ານນໍ້າ ທີ່​ທັງ​ສອງ​
ປະ​ເທດ​ຕ່າງ​ກໍ​ອ້າງ​ເອົາ​ກໍາມະສິດ​ນັ້ນ.

ລັດຖະມົນຕີຕ່າງປະເທດຈີນ ທ່ານ Yang Jiechi (AP Photo/Franklin Reyes)
ລັດຖະມົນຕີຕ່າງປະເທດຈີນ ທ່ານ Yang Jiechi (AP Photo/Franklin Reyes)

ທີ່​ກຸງ​ປັກ​ກິ​ງ ອົງການ​ຂ່າວ​ຊິນ​ຫົວ​ທາງ​ການ​ຈີນ​ອ້າງ​ຄໍາ​ເວົ້າ​ຂອງ​ທ່ານ Yang Jiechi ລັດ
ຖະມົນຕີ​ການ​ຕ່າງປະ​ເທດ​ຈີນທີ່ກ່າວວ່າ ທຸກໆ​ພັກ​ຝ່າຍ​ຄວນ​ຈະ​ຢູ່​ໃນ​ຄວາມສະຫງົບແລະ
ໃຊ້​ຄວາມ​ຍັບ​ຍັ້ງ. ທ່ານ Jiechi ​ເປັນ​ເຈົ້າ​ໜ້າ​ທີ່​ລະດັບ​ສູງ​ສຸດຂອງ​ຈີນ ທີ່ໄດ້​ສະແດງ
ຄວາມເຫັນອອກ​ມາ ກ່ຽວ​ກັບ​ວິ​ກິດ​ການ​ດັ່ງ ກ່າວ.

ການ​ຊ້ອມ​ລົບ​ທາງ​ທະ​ເລ​ຮ່ວມ​ກັນ​ລະຫວ່າງ​ສະຫະລັດ​ແລະ​ເກົາຫລີ​ໃຕ້ທີ່​ຍຸດຕິ​ລົງ​ໃນວັນ
ພຸດ​ມື້​ນີ້ ນັບ​ວ່າ​ເປັນ​ຄັ້ງ​ໃຫຍ່​ທີ່​ສຸດ​ໃນ​ການ​ຊ້ອມ​ລົບ​ຫລາຍໆ​ຄັ້ງ​ ທີ່​ໄດ້ດໍາ​ເນີນ​ມາໂດຍ​ກໍາ
ລັງ ​ຂອງ​ເກົາຫລີ​ໃຕ້​ແລະ​ສະຫະລັດ​ ໃນ​ຫວ່າງ​ບໍ່​ເທົ່າ​ໃດ​ເດືອນ​ຜ່ານ​ມາ​ນີ້.

ການ​ຊ້ອມ​ລົບ​ຄັ້ງ​ນີ້​ ມີທະຫານ​ເຮືອ​ຫລາຍ​ພັນ​ຄົນປະກອບສ່ວນພ້ອມກັບ​ເຮືອບິນ​ລົບ 75
ລໍາ​ແລະ​ກໍາ​ປັ່ນ​ລົບ 10 ລໍາ​ ທີ່​ຮວມທັງ​ກໍາປັ່ນ​ບັນທຸກ​ເຮືອບິນ​ລົບ​ຂະໜາດ​ໃຫຍ່​ USS
George Washington ທີ່​ໃຊ້​ພະລັງ​ປະລະມະ​ນູ​ແລ່ນ​ຂອງ​ສະຫະລັດ​ນັ້ນນໍາ.

XS
SM
MD
LG