ເຈົ້າໜ້າທີ່ຈາກທັງສອງປະເທດເກົາຫລີ ບໍ່ສາມາດບັນລຸ
ການຕົກລົງກັນໄດ້ ໃນການສົນທະນາກັນຮອບທີສາມໃນ
ເດືອນນີ້ ກ່ຽວກັບວ່າ ຈະເລີ້ມເປີດເຂດສວນອຸດສາຫະກໍາ
ຮ່ວມລະຫວ່າງສອງເກົາຫລີນັ້ນ ຄືນອີກແນວໃດ.
ກະຊວງທ້ອນໂຮມຊາດຂອງກຸງໂຊລເວົ້າວ່າ ເຈົ້າໜ້າທີ່ເກົາ
ຫລີໃຕ້ຮຽກຮ້ອງໃນວັນຈັນມື້ນີ້ ໃຫ້ມີການຮັບປະກັນວ່າການ
ດໍາເນີນງານຢູ່ເຂດອຸດສະຫະກໍາດັ່ງກ່າວຈະສາມາດສືບຕໍ່
ໄປໄດ້ ເຖິງແມ່ນຈະມີຄວາມເຄັ່ງຕຶງເພີ້ມສູງຂຶ້ນອີກໃນອະ
ນາຄົດ ກໍຕາມ.
ເຈົ້າໜ້າທີ່ກະຊວງດັ່ງກ່າວຄົນນຶ່ງເວົ້າວ່າ ຝ່າຍເກົາຫລີເໜືອບໍ່ໄດ້ໃຫ້ຄໍາຕອບທີ່ໜັກ
ແໜ້ນໃດໆ ແຕ່ໄດ້ກ່າວຊໍ້າແລ້ວຊໍ້າອີກ ເຖິງທ່າທີຂອງກຸງພຽງຢາງທີ່ວ່າ ການດໍາເນີນ
ງານຂອງເຂດອຸດສະຫະກໍາຄວນຮື້ຟື້ນຄືນ ໃນເວລາໄວທີ່ສຸດ ເທົ່າທີ່ຈະໄວໄດ້.
ການເຈລະຈາກັນ ໄດ້ຈັດຂຶ້ນທີ່ເມືອງ Kaesong ຢູ່ຊາຍແດນໃນເຂດຂອງເກົາຫລີເໜືອ ຊຶ່ງເປັນບ່ອນທີ່ຄຸ້ມໂຮງງານອຸດສະກໍາຕັ້ງຢູ່. ທັງສອງຝ່າຍຈະພົບປະກັນອີກ ໃນວັນເວລາ
ທີ່ຈະກໍານົດໃຫ້ໃນພາຍຫລັງ.
ໃນການເຈລະຈາກັນຄັ້ງຜ່ານໆມານັ້ນ ທັງສອງຝ່າຍກໍໄດ້ເຫັນພ້ອມນໍາກັນ ກ່ຽວກັບຄວາມ
ປາດຖະໜາຢາກເປີດເຂດອຸດສະຫະກໍາດັ່ງກ່າວຄືນອີກ ແຕ່ວ່າ ບໍ່ສາມາດຕົກລົງກັນໄດ້
ກ່ຽວກັບວ່າ ຈະດໍາເນີນຂັ້ນຕອນການເປີດຄືນນັ້ນ ແນວໃດ.
ສວນອຸດສະຫະກໍາ Kaesong ໄດ້ຖືກປິດລົງນັບແຕ່ເດືອນເມສາຜ່ານມາ ເມື່ອເກົາຫຼີເໜືອ
ໄດ້ຍົກຍ້າຍພະນັກງານຂອງຕົນຈໍານວນ 53,000 ຄົນອອກໄປ ອັນເປັນສ່ວນນຶ່ງຂອງ
ການໂຕ້ຕອບດ້ວຍຄວາມໂມໂຫຂອງເກົາຫລີເໜືອຕໍ່ການລົງໂທດຕໍ່ຕົນຂອງສາກົນ ຍ້ອນການທົດລອງນີວເຄລຍໃນເດືອນກຸມພາຜ່ານມາ. ພວກນັກທຸລະກິດເກົາຫລີໃຕ້ ໄດ້ຖອນ
ຜູ້ຈັດການແລະພະນັກງານຂອງຕົນອອກໄປ ໃນເດືອນພຶດສະພາຜ່ານມາ.
ພວກນັກວິເຄາະຫລາຍຄົນຄາດວ່າ ຄວາມຄືບໜ້າຂອງການເຈລະຈາດັ່ງກ່າວ ຈະເປັນ
ໄປຢ່າງຊ້າໆ ຍ້ອນວ່າທັງສອງຝ່າຍ ໄດ້ສະແດງໃຫ້ເຫັນວ່າ ພວກເຂົາເຈົ້າຍັງໄກຫລາຍ
ທີ່ຈະຕົກລົງກັນໄດ້ກ່ຽວກັບຫລາຍບັນຫາ.
ສໍາລັບຝ່າຍເກົາຫລີເໜືອນັ້ນ ກໍບໍ່ຍອມຮັບເອົາຄວາມຮັບຜິດຊອບຕໍ່ການປິດເຂດອຸດສະ
ຫະກໍາ Kaesong ລົງ ແຕ່ກົງກັນຂ້າມ ກັບໄດ້ຖິ້ມໂທດໃສ່ການເກາະຜິດຂອງເກົາຫລີໃຕ້
ທີ່ບໍ່ໄດ້ລະບຸອອກມາ.
ເບິ່ງວີດິໂອກ່ຽວກັບຂ່າວນີ້:
ການຕົກລົງກັນໄດ້ ໃນການສົນທະນາກັນຮອບທີສາມໃນ
ເດືອນນີ້ ກ່ຽວກັບວ່າ ຈະເລີ້ມເປີດເຂດສວນອຸດສາຫະກໍາ
ຮ່ວມລະຫວ່າງສອງເກົາຫລີນັ້ນ ຄືນອີກແນວໃດ.
ກະຊວງທ້ອນໂຮມຊາດຂອງກຸງໂຊລເວົ້າວ່າ ເຈົ້າໜ້າທີ່ເກົາ
ຫລີໃຕ້ຮຽກຮ້ອງໃນວັນຈັນມື້ນີ້ ໃຫ້ມີການຮັບປະກັນວ່າການ
ດໍາເນີນງານຢູ່ເຂດອຸດສະຫະກໍາດັ່ງກ່າວຈະສາມາດສືບຕໍ່
ໄປໄດ້ ເຖິງແມ່ນຈະມີຄວາມເຄັ່ງຕຶງເພີ້ມສູງຂຶ້ນອີກໃນອະ
ນາຄົດ ກໍຕາມ.
ເຈົ້າໜ້າທີ່ກະຊວງດັ່ງກ່າວຄົນນຶ່ງເວົ້າວ່າ ຝ່າຍເກົາຫລີເໜືອບໍ່ໄດ້ໃຫ້ຄໍາຕອບທີ່ໜັກ
ແໜ້ນໃດໆ ແຕ່ໄດ້ກ່າວຊໍ້າແລ້ວຊໍ້າອີກ ເຖິງທ່າທີຂອງກຸງພຽງຢາງທີ່ວ່າ ການດໍາເນີນ
ງານຂອງເຂດອຸດສະຫະກໍາຄວນຮື້ຟື້ນຄືນ ໃນເວລາໄວທີ່ສຸດ ເທົ່າທີ່ຈະໄວໄດ້.
ການເຈລະຈາກັນ ໄດ້ຈັດຂຶ້ນທີ່ເມືອງ Kaesong ຢູ່ຊາຍແດນໃນເຂດຂອງເກົາຫລີເໜືອ ຊຶ່ງເປັນບ່ອນທີ່ຄຸ້ມໂຮງງານອຸດສະກໍາຕັ້ງຢູ່. ທັງສອງຝ່າຍຈະພົບປະກັນອີກ ໃນວັນເວລາ
ທີ່ຈະກໍານົດໃຫ້ໃນພາຍຫລັງ.
ໃນການເຈລະຈາກັນຄັ້ງຜ່ານໆມານັ້ນ ທັງສອງຝ່າຍກໍໄດ້ເຫັນພ້ອມນໍາກັນ ກ່ຽວກັບຄວາມ
ປາດຖະໜາຢາກເປີດເຂດອຸດສະຫະກໍາດັ່ງກ່າວຄືນອີກ ແຕ່ວ່າ ບໍ່ສາມາດຕົກລົງກັນໄດ້
ກ່ຽວກັບວ່າ ຈະດໍາເນີນຂັ້ນຕອນການເປີດຄືນນັ້ນ ແນວໃດ.
ສວນອຸດສະຫະກໍາ Kaesong ໄດ້ຖືກປິດລົງນັບແຕ່ເດືອນເມສາຜ່ານມາ ເມື່ອເກົາຫຼີເໜືອ
ໄດ້ຍົກຍ້າຍພະນັກງານຂອງຕົນຈໍານວນ 53,000 ຄົນອອກໄປ ອັນເປັນສ່ວນນຶ່ງຂອງ
ການໂຕ້ຕອບດ້ວຍຄວາມໂມໂຫຂອງເກົາຫລີເໜືອຕໍ່ການລົງໂທດຕໍ່ຕົນຂອງສາກົນ ຍ້ອນການທົດລອງນີວເຄລຍໃນເດືອນກຸມພາຜ່ານມາ. ພວກນັກທຸລະກິດເກົາຫລີໃຕ້ ໄດ້ຖອນ
ຜູ້ຈັດການແລະພະນັກງານຂອງຕົນອອກໄປ ໃນເດືອນພຶດສະພາຜ່ານມາ.
ພວກນັກວິເຄາະຫລາຍຄົນຄາດວ່າ ຄວາມຄືບໜ້າຂອງການເຈລະຈາດັ່ງກ່າວ ຈະເປັນ
ໄປຢ່າງຊ້າໆ ຍ້ອນວ່າທັງສອງຝ່າຍ ໄດ້ສະແດງໃຫ້ເຫັນວ່າ ພວກເຂົາເຈົ້າຍັງໄກຫລາຍ
ທີ່ຈະຕົກລົງກັນໄດ້ກ່ຽວກັບຫລາຍບັນຫາ.
ສໍາລັບຝ່າຍເກົາຫລີເໜືອນັ້ນ ກໍບໍ່ຍອມຮັບເອົາຄວາມຮັບຜິດຊອບຕໍ່ການປິດເຂດອຸດສະ
ຫະກໍາ Kaesong ລົງ ແຕ່ກົງກັນຂ້າມ ກັບໄດ້ຖິ້ມໂທດໃສ່ການເກາະຜິດຂອງເກົາຫລີໃຕ້
ທີ່ບໍ່ໄດ້ລະບຸອອກມາ.
ເບິ່ງວີດິໂອກ່ຽວກັບຂ່າວນີ້: