ລິ້ງ ສຳຫລັບເຂົ້າຫາ

ສະຫະລັດຮຽກຮ້ອງ ໃຫ້ເກົາຫຼີເໜືອ ປັບປຸງ ຄວາມສຳພັນກັບເກົາຫຼີໃຕ້

  • ໄພສານ ວໍຣະຈັກ

ລັດຖະມົນຕີການຕ່າງປະເທດສະຫະລັດ ທ່ານນາງ Hillary Clinton (23 ກໍລະກົດ 2011)

ລັດຖະມົນຕີການຕ່າງປະເທດສະຫະລັດ ທ່ານນາງ Hillary Clinton ກ່າວວ່າ ເກົາຫຼີເໜືອ
ຕ້ອງໄດ້ປັບປຸງຄວາມສຳພັນກັບເກົາຫຼີໃຕ້ກ່ອນທີ່ການເຈລະຈາເພື່ອປົດອາວຸດນິວເຄລຍຈະ
ດຳເນີນຕໍ່ໄປ.

ໃນການຖະແຫຼງຢູ່ກອງປະຊຸມຂອງສະມາຄົມອາຊ່ຽນ ທີ່ເກາະບາຫຼີປະເທດອິນໂອເນເຊຍ
ໃນວັນເສົາມື້ນີ້ລັດຖະມົນຕີການຕ່າງປະເທດ Clinton ກ່າວວ່າ ສະຫະລັດແມ່ນໄດ້ຮັບກຳ
ລັງໃຈ ໃນການພົບປະລະຫວ່າງເຈົ້າໜ້າທີ່ຂອງ 2 ເກົາຫຼີ ຢູ່ນອກກອງປະຊຸມລັດຖະມົນຕີ
ການຕ່າງປະເທດຂອງສະມາຄົມອາຊ່ຽນ ແຕ່ທ່ານນາງກໍເວົ້າວ່າ ສະຫະລັດເຊື່ອວ່າເກົາຫຼີ
ເໜືອຕ້ອງໄດ້ດຳເນີນບາດກ້າວເພີ່ມຕື່ມເພື່ອສ້າງຄວາປອງດອງກັບເກົາຫຼີໃຕ້.

ນອກນັ້ນແລ້ວ ໃນວັນເສົາມື້ນີ້ລັດຖະມົນຕີການຕ່າງປະເທດເກົາຫຼີເໜືອແລະເກົາຫຼີໃຕ້ຍັງ ໄດ້ພົບປະເປັນເວລາສັ້ນໆເປັນເທື່ອທຳອິດໃນຮອບ 3 ປີຢູ່ນອກກອງປະຊຸມອາຊ່ຽນ.

ໃນມື້ວັນສຸກວານນີ້ ທູດພິເສດໃນດ້ານນິວເຄລຍຂອງ 2 ເກົາຫຼີໄດ້ພົບປະກັນເປັນເທື່ອທຳ
ອິດນັບແຕ່ການເຈລະຈາ 6 ຝ່າຍໄດ້ແຕກຫັກລົງໃນເດືອນທັນວາປີ 2008.

XS
SM
MD
LG