ລິ້ງ ສຳຫລັບເຂົ້າຫາ

ຄອບຄອບຄົວ ຊາວເກົາຫລີ ພວມເຕົ້າໂຮມ ພົບພໍ້ກັນ ທີ່ພູ ກຸມກັງ


ເກົາຫລີໃຕ້ ເຂົ້າຮວມການທ້ອນໂຮມຍາດຕິພີ່ນ້ອງ ເບິ່ງຮູບ ພາບ ຢູ່ໂຮງແຮມທີ່ໃຊ້ເ່ປັນບ່ອນລໍຖ້າ ທີ່ເມືອງ Sokcho, ເກົາຫລີໃຕ້.

ເກົາຫລີໃຕ້ ເຂົ້າຮວມການທ້ອນໂຮມຍາດຕິພີ່ນ້ອງ ເບິ່ງຮູບ ພາບ ຢູ່ໂຮງແຮມທີ່ໃຊ້ເ່ປັນບ່ອນລໍຖ້າ ທີ່ເມືອງ Sokcho, ເກົາຫລີໃຕ້.

ເກືອບ 400 ຄົນ ສ່ວນ​ໃຫຍ່ ແມ່ນພວກ​ຜູ້​ເຖົ້າ ຊາວ​ເກົາຫລີ​ໃຕ້
ໄດ້​ໄປເຖິງ​ເກົາຫລີ​ເໜືອ​ໃນ​ວັນ​ອັງຄານ​ມື້​ນີ້ ​ເພື່ອພົບ​ພໍ້​ເຕົ້າ​ໂຮມ
​ທີ່ມີການ​ລໍຖ້າມາ​ເປັນ​ເວລາ​ດົນ​ນານກັບ​ບັນດາ​ຍາດຕິ​ພີ່ນ້ອງ ທີ່​
ເຂົາ​ເຈົ້າ​ໄດ້​ພັດ​ພາກ​ຈາກ​ກັນ​ ມາ​ຕັ້ງ​ແຕ່​ສະ​ໄໝ​ ສົງຄາມ​ເກົາຫລີ.

ລົດ​ບັດຂະ​ບວນໜຶ່ງ ຊຶ່ງຕິດຕາມ​ດ້ວຍ​ຂະບວນລົດ​ສີດຳ ຕິດ​ທຸງ​
ສະພາກາ​ແດງ ໄດ້ຢຸດ​ຢູ່​ປ້ອມຍາມຮັກສາ​ຄວາມ​ປອດ​ໄພ ​ໃນ
​ເມືອງ Goseong ຂອງ​ເກົາຫລີໃຕ້ ກ່ອນ​ຈະຂ້າມ​ຊາຍ​ແດນທີ່​ມີ
​ການ​ຍາມຮັກສາການຢ່າງໜາ​ແໜ້ນເພື່ອເດີນທາງໄປ​ສູ່​ພູ Kum-
gang ສະຖານ​ທີ່ຕາກ​ອາກາດ ຂອງ​ເກົາຫລີ​ເໜືອ ບ່ອນ​ທີ່​ຄອບຄົວຈະ​ເຕົ້າ​ໂຮມ​ກັນນັ້ນ.

ຊາວ​ເກົາຫລີ​ໃຕ້​ພາກັນ​ຖື​ຂອງຂວັນ ​ເປັນ​ເຄື່ອງ​ນຸ່ງ​ຫົ່ມທີ່ອົບ​ອຸ່ນແລະ​ເງິນສົດໄປ ​ໃຫ້​ແກ່​
ບັນດາ​ຍາດຕິ​ພີ່ນ້ອງຊາ​ວ​ເກົາຫລີ​ເໜືອ ​ໃນ​ຂະນະ​ທີ່​ເຂົາ​ເຈົ້າ​ເຕົ້າ​ໂຮມ​ກັນ ທີ່​ຈະ​ສິ້ນສຸດ​
ລົງ​ໃນ​ວັນ​ພະຫັດ​ຈະ​ມາ​ເຖິງ​ນີ້. ກຸ່່ມ​ທີ່ສອງ​ຂອງ​ຊາວ​ເກົາຫລີ​ໃຕ້ ມີ​ຢູ່​ປະມານ 250 ຄົນ
ຈະ​ໄປ​ເຖິງ​ພູ Kumgang ​ໃນ​ວັນ​ເສົາ​ຈະ​ມາ​ນີ້ເພື່ອ​ເຕົ້າ​ໂຮມ​ກັນ​ເປັນ​ເວລາ​ສາມ​ມື້.

ຜູ້ຍິງເຖົ້າ ຊາວເກົາຫລີໃຕ້ຄົນນຶ່ງ ສະແດງປະຕິກິລິຍາອອກມາ ເວລາເຫັນຍາດຕິພີ່ນ້ອງ.

ຜູ້ຍິງເຖົ້າ ຊາວເກົາຫລີໃຕ້ຄົນນຶ່ງ ສະແດງປະຕິກິລິຍາອອກມາ ເວລາເຫັນຍາດຕິພີ່ນ້ອງ.

ຊາວ​ເກົາຫລີ​ຫລາຍ​ລ້ານ​ຄົນ​ ໄດ້ອົບພະຍົບຫລົບໄພ​ ແລະໄດ້ພັດ​ພາກ​ຈາກ​ສະມາຊິກ​ຄອບຄົວ ລະຫວ່າງສົງຄາມ ແຕ່​ປີ 1950 ຫາ 53 ທີ່ໄດ້​ສິ້ນ​ສຸດ​ລົງໂດຍການຢຸດຍິງ
ລະຫວ່າງຄອມ​ມິ​ວນິສ ​ເກົາຫລີ​ເໜືອ ​ແລະເກົາຫລີໃຕ້ທີ່ເປັນ​ປະຊາ ທິປະ​ໄຕ​.

ກາ ​ນ​ເຕົ້າ​ໂຮມ​ກັນ​ໃນອາທິດ​ນີ້ ແມ່ນເປັນການເຕົ້າໂຮມ​ຄັ້ງ​ທີ 20 ນັບ​ແຕ່​ໄດ້​ມີ ການ​ປະຊຸມ
​ສຸດ​ຍອດໃນປີ 2000 ​ລະຫວ່າງ​ເກົາຫລີ​ເປັນ​ຄັ້ງປະຫວັດສາດແຕ່​ເປັນ​ຄັ້ງ​ທີ​ສອງ​ໃນໄລຍະ
​ຫ້າ​ປີ ​ແລະ​ພຽງ​ແຕ່​ຫລັງ​ຈາກ​ທີ່ທັງ​ສອງ​ຝ່າຍ​ ໄດ້​ບັນລຸ ການຕົກລົງ ໃນ​ເດືອນ​ສິງຫາເພື່ອ​ຫລຸດຜ່ອນ​ຄວາມ​ເຄັ່ງ​ຕຶງ ທີ່​ໄດ້ເຮັ​ດໃຫ້ປະເທດທັງສອງ ເກືອບກ້າວເຂົ້າສູ່ບັນຫາຂັດແຍ້​ງ
ດ້ານ​ອາ​ວຸດອີກຄັ້ງນຶ່ງ.

XS
SM
MD
LG