ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

ອາກາດຮ້ອນ ມໍລະນະ ອາດກາຍເປັນ ມາດຕະຖານ ໃນເຂດ ອ່າວເປີເຊຍ


ຊາຍຄົນໜຶ່ງກຳລັງນັ່ງພັກຜ່ອນ ໃນຍາມຕາເວັນຕົກ ຫຼັງຈາກມື້ທີ່
ມີອາກາດຣ້ອນຍາວ ຢູ່ຫາດຊາຍ Jumeirah ທີ່ມີຊື່ສຽງ ຂອງນະຄອນ ດູໄບ.
ຊາຍຄົນໜຶ່ງກຳລັງນັ່ງພັກຜ່ອນ ໃນຍາມຕາເວັນຕົກ ຫຼັງຈາກມື້ທີ່ ມີອາກາດຣ້ອນຍາວ ຢູ່ຫາດຊາຍ Jumeirah ທີ່ມີຊື່ສຽງ ຂອງນະຄອນ ດູໄບ.

ອຸນຫະພູມ​ທີ່ສູງ​ຫຼາຍ ​ທີ່​ໄດ້​ສົ່ງ​ດັດ​ຊະ​ນີຄວາມຮ້ອນເຊິ່ງເປັນ​ການ​ປະສົມ ​ປະສານ​ລະຫວ່າງ ອຸນຫະພູມ​ແລະຄວາມ​ຊຸ່ມໄດ້​ຖີບ​ຂຶ້ນ​ເຖິງ 73 ອົງສາ ​ເຊ​ລຊຽສ໌​ໃນ​ປະ​ເທດ ອີຣ່ານ ​ໃນ​ລະດູ​ຮ້ອນ​ທີ່​ຜ່ານ​ມາ ອາດຈະກາຍ​ເປັນ​ກົດ​ລະບຽບ ​ໃນ​ຕອນ​ທ້າຍ​ຂອງ​ສັດຕະວັດ ນີ້ແທນ​ທີ່​ຈະ​ເປັນຂໍ້​ຍົກ​ເວັ້ນ, ອີງ​ຕາມ​ການ​ຄົ້ນຄວ້າ​ໃໝ່.

​ເຫດຜົນ​ນັ້ນແມ່ນ​ຍ້ອນ​ຫຍັງ? ມັນ​ແມ່ນສະ​ພາບ​ອາກາດ​ປ່ຽນ​ແປງ, ກ່າວ​ໂດຍ​ທີ​ມງານ​ຂອງ​ບັນດາ​ນັກວິທະຍາສາດ​ ຈາກ​ສະ​ຖາ​ບັນ ເທັກ​ໂນ​ໂລ​ຈີ​ແຫ່ງ​ລັດ Massachusettes ຫຼື MIT ​ແລະ ມະຫາວິ ທະຍາ​ໄລ Marymount Layola ​ໄດ້​ຂຽນ​ໃນ​ວາລະສານ Nature Climate Change.

ນັກ​ຄົ້ນ​ຄວ້າໄດ້​ຂຽນ​ວ່າ ການ​ປະສົມ​ປະສານ​ກັນ​ຂອງ​ແສງຕາ​ເວັນ​ທີ່​ຮຸນ​ແຮງ ​ແລະ ນ້ຳ​ທີ່​ມີ​ລະ​ດັບ​ຕື້ນ​ເຮັດ​ໃຫ້​ເຂດ​ອ່າວ​ເປີ​ເຊ​ຍ “​ເປັນ​ພາກ​ພື້ນ​ສະ​ເພາະ​ທີ່​ສະພາບ​ອາກາດ​ປ່ຽນ​ແປງ, ຍ້ອນ​ບໍ່​ມີ​ກາ​ນຫຼຸດຜ່ອນ​ຢ່າງ​ຈິງ​ຈັງ, ເບິ່ງ​ຄື​ວ່າຈະ​ສົ່ງ​ຜົນ​ກະທົບຢ່າງ​ຮຸນ​ແຮງ ​ຕໍ່​ຄຸນ​ນະພາ​ບການ​ດຳລົງ​ຊີວິດຂອງ​ມະນຸດ​ໃນ​ອະນາຄົດນີ້.”

ຄວາມ​ຮ້ອນ​ອາດ​ຈະ​ຮຸນ​ແຮງ​ຫຼາຍ ​ເຊິ່ງ​ໃນ​ຫຼາຍ​ຕົວ​ເມືອງ, ອຸນຫະພູມ “ອາດ​ເພີ່ມ​ຂຶ້ນ​ກາຍ​ຈຸດ​ສູງ​ສຸດ​ສຳລັບ​ການ​ມີ​ຊີວິດລອດ​ຂອງມະນຸດ, ​ເຖິງ​ແມ່ນ​ວ່າ​ຢູ່​ໃນ​ພື້ນ​ທີ່​ຮົ່ມ ​ແລະ ມີການ​ລະບາຍ​ອາກາດ​ເປັນ​ຢ່າງ​ດີ,” ​ແລະ ​ແມ່ນ​ກະ​ທັ້ງສຳລັບ​ຜູ້​ໃຫຍ່​ທີ່​ມີ​ສຸຂະ ພາບ​ແຂງ​ແຮງ.

ຈຸດ​ສູງ​ສຸດໝາຍ​ເຖິງ​ການ​ປະສົ​ມຂ​ອງອຸນຫະ​ພູມ 35 ອົງສາເຊ​ລຊຽສ໌ ກັບ​ຄວາມຊຸ່ມ​ທີ່​ພຽງພໍ​ ເຊິ່ງຈະ​ເຮັດ​ໃຫ້​ມັນ​ຍາກ​ສຳລັບ​ມະນຸດ​ທີ່​ຈະ​ມີ​ຊີວິດ​ຢູ່​ລອດ​ກາຍ​ກວ່າ 6 ຊົ່ວ​ໂມງ.

ນັກ​ຄົ້ນ​ຄ​ວ້າ MIT ທ່ານ Elfatih Eltahir ​ໄດ້​ກ່າວ​ຕໍ່​ບັນດາ​ນັກ​ຂ່າ​ວ​ໃນ​ກອງ​ປະຊຸມ​ຖະ​ແຫຼ​ງ ຂ່າວ ເຊິ່ງ​ໄດ້​ມີ​ຂຶ້ນ​ເພື່ອ​ປຶກສາ​ຫາລື ​ກ່ຽວ​ກັບ​ການ​ຄົ້ນ​ພົບວ່າ “ມັນ​ແມ່ນ​ຂີ​ດຈຳກັດ​ສູງສຸດ​ຕໍ່​ຄວາມ​ສາມາດ​ໃນ​ການ​ປັບ​ຕົວ ຕໍ່​ກັບ​ສະພາບ​ອາກາດ​ປ່ຽນ​ແປງ ເນື່ອງ​ຈາກ​ຜົນ​ກະທົບຂອງຄວາມ​ຮ້ອນ.”

XS
SM
MD
LG