ລິ້ງ ສຳຫລັບເຂົ້າຫາ

ມີຄົນຕາຍ 175 ຄົນ​ແລ້ວ​ ໃນ​ເຫດ ຕຶກ​ການ​ຄ້າ​ພັງ​ ຢູ່ Bangladesh ​(ສະໄລດ໌/ວີດີໂອ)


ຈໍ​ານວນຄົນຕາຍ ​ໃນ​ເຫດຕຶກ​ການ​ຄ້າ​ພັງ​ລົງ ຊຶ່ງ​ເປັນ​ອາຄານ
​ທີ່​ຕັ້ງ​ຂອງໂຮງງານຕັດຫຍິບ​ເສື້ອ​ຜ້າຫຼາຍ​ໂຮງງານ ໃນ
Bangladesh​ ​ໄດ້​ມີສູງ​ເຖິງ 175 ຄົນ​ແລ້ວ ​ໃນ​ຂະນະ​ທີ່
ພວກ​ພະນັກງາ​ນສຸກ​ເສີນ​ຍັງ​ສືບ​ຕໍ່​ ​ຄົ້ນຫາ​ຜູ້​ທີ່​ອາດ​ລອດ​ຊີວິດ​
ມາ​ໄດ້. ມີປະມານ1,000 ຄົນ​ ໄດ້​ຮັບ​ບາດ​ເຈັບ.

ພວກ​ຄົນ​ງ​ນທີ່ຍັງຕິດຄ້າງຢູ່ໃນຕຶກທີ່​ພັງລົງ ແມ່ນໄດ້ລໍຖ້າ
ການ​ຊ່ວຍ​ເຫລືອກູ້ໄພ ມາຕັ້ງແຕ່ວັນພຸດວານນີ້ ຫລັງ​ຈາກ
ທີ່ຕຶກການຄ້າໃນ​ເມືອງ Savar ​ໃນ​ເຂດ​ຊານ​ເມືອງ​ຫລວງ
Dhaka ນັ້ນ ໄດ້ພັງລົງ. ພວກ​ທີ່​ລອດ​ມາ​ໄດ້​ກ່າວ​ວ່າ
ຕຶກ​ດັ່ງກ່າວ​ໄດ້​ພັງ​ລົງ​ມາ​ ພາຍ​ໃນ​ພິບ​ຕາແບບ​ບໍ່​ເທົ່າ​ໃດ​ນາທີ.

ຕໍາຫຼວດ​ກ່າວ​ວ່າ​ ພວກ​ເຈົ້າ​ຂອງ​ໂຮງງານ​ທັງຫຼາຍ​ ​ບໍ່​ໄດ້​ເອົາ​ຫົວຊາ​ຕໍ່​ການ​ເຕືອນ​ທີ່​ບໍ່​ໃຫ້​
ປ່ອຍໃຫ້ພວກ​ຄົນ​ງານເຂົ້າ​ໄປ​ໃນຕຶກ ຫຼັງ​ຈາກ​ທີ່​ພວກເຈົ້າ​ໜ້າ​ທີ່​ກວດກາ​ໄດ້​ພົບ​ເຫັນ​ຮອຍ​
​ແຕກ​ແຫງ​ຢູ່​ໃນ​ຕຶກ​ ໃນ​ມື້ວັນ​ອັງຄານນັ້ນ.

ເຈົ້າໜ້າທີ່ກ່າວວ່າ ໄດ້ມີການຟ້ອງຮ້ອງ ຕໍ່ເຈົ້າຂອງຕຶກແລ້ວ ແລະກໍ​ຄາດ​ວ່າ ຈະ​ມີ​ການ​
ຢື່ນຟ້ອງ​ຕໍ່ເຈົ້າຂອງໂຮງງານ ເຊັ່ນກັນ.

ເຫດໄຟໄດ້​ ໂຮງງານຕັດຫຍິບແຫ່ງ​ນຶ່ງ ໃນ​ເດືອນ​ພະ​ຈິກປີ​ຜ່ານ​ມາ​ນີ້ ​ກໍເຮັດ​ໃຫ້​ພວກ​ຄົນ​
ງານ ​ຫຼາຍ​ກວ່າ100 ຄົນ ເສຍ​ຊີວິດ ​ຊຶ່ງ​ກະ​ຕຸ້ນໃຫ້ການ​ຮ້ອງ​ໂຮ​ປະ​ທ້ວງ​ກ່ຽວ​ກັບຄວາມ
​ປອດ​ໄພຢູ່ ​ໃນ​ວົງ​ການອຸດສາຫະກໍາ​ເສື້ອ​ຜ້າຂອງ​ປະ​ເທດ.

​Bangladesh ​ມີອຸດສາຫະກໍາ​ຕັດຫຍິບເສື້ອ​ຜ້າທີ່​ໃຫຍ່ອັນ​ດັບ 2 ຂອງ​ໂລກ ທີ່​ສະໜອງ
​ເສື້ອ​ຜ້າລາຄາ​ຖືກ ໃຫ້​ພວກບລິສັດ​ຜະລິດ​ເສື້ອ​ຜ້າຍີ່​ຫໍ້ແພງໆ​ຂອງ​ບັນດາ​ປະ​ເທດ​ຕາເວັນ
​ຕົກ ​ແລະພວກ​ຕະຫຼາດ​ປີກ​ຍ່ອຍ​ ຊຶ່ງ​ໄດ້​ຮັບ​ຜົນ​ປະໂຫຍ​ດຈາກຄ່າ​ແຮງ​ງານ​ຖືກໆຂອງປະ​ເທດ
ໃນເອ​ເຊຍ​ໃຕ້​ແຫ່ງ​ນີ້.



XS
SM
MD
LG