ລິ້ງ ສຳຫລັບເຂົ້າຫາ

ການລັກພາໂຕ ພວກນັກຮຽນ ຢູ່ໄນຈີເຣຍ ເປັນການກະທຳ ທີ່ໄຮ້ຈິດສຳນຶກ (ສະໄລດ໌/ວີດີໂອ)


ທ່ານ John Kerry ລັດຖະມົນຕີກະຊວງການຕ່າງປະເທດ ສຫລ
ນັກ​ການ​ທູດ​ສູ​ງສຸດຂອງສະຫະລັດ ກ່າວ​ວ່າ ການ​ລັກພາ​
ໂຕ​ເດັກນ້ອຍ​ນັກຮຽນ​ຍິງ​ໄນ​ຈີ​ເຣຍ ຫຼາຍ​ຮ້ອຍ​ຄົນ “​ເປັນ
ອາຊະຍາກຳ ທີ່ໄຮ້ຈິດສຳນຶກ.”

ລັດຖະມົນຕີ​ກະຊວງ​ການຕ່າງປະ​ເທດສະຫະລັດ ທ່ານ
John Kerry ກ່າວ​ໃນ​ວັນ​ເສົາມື້ນີ້ ​ທີ່ນະຄອນ Addis
Ababa ວ່າ ສະຫະລັດ ຈະ​ທຳ “ທຸກ​ວິທີ​ທາງທີ່ເປັນ​ໄປ​
ໄດ້" ​ເພື່ອ​ສະໜັບສະ​ໜູນລັດຖະບານ​ໄນ​ຈີ​ເຣຍ ເພື່ອ​
ນຳ​ເອົາ​ພວກເດັກ ນັກຮຽນຍິງ​ເຫລົ່າ​ນີ້​ ກັບ​ຄືນ​ມາສູ່​
ບ້ານ​ເຮືອນ​ຂອງ​ເຂົາ​ເຈົ້າ.

​ເອທິ​ໂອ​ເປຍ ​ເປັນ​ບ່ອນ​ຢຸດແວ່​ຫລ້າສຸດ ໃນການ​ຢ້ຽມຢາມບັນດາ​ປະ​ເທດໃນອາ​ຟຣິ
ກາຂອງທ່ານ Kerry. ການ​ຢ້ຽມຢາມຂອງ​ທ່ານ ສ່ວນ​ໃຫຍ່ແລ້ວ​ແມ່ນ​ເນັ້ນ​ໜັກ​ໃສ່
ດ້ານ​ຄວາມ​ປອດ​ໄພ ​ແລະ​ບັນຫາ​ດ້ານສິດທິ​ມະນຸດ.

ຢູ່​ທີ່ນະຄອນຫລວງ​ຂອງເອທິ​ໂອ​ເປຍ ທ່ານ Kerry ​ໄດ້​ພົບ​ປະ​ກັບປະທານ​າທິບໍ ດີ​ໂຊ​
ມາເລຍ ທ່ານ Hassan Sheikh Mohamud ​ເພື່ອ​ສົນທະນາຫາລືກ່ຽວ ກັບຄວາມ
ພະຍາຍາ​ມຂອງໂຊ​ມາເລຍ ໃນການຕໍ່ສູ້​ກັບ​ກຸ່ມ al-Shabab ທີ່ເປັນ ເຄືອຂ່າຍຂອງ
ພວກ​ກໍ່​ການ​ຮ້າຍ al-Qaida ນັ້ນ.

ການ​ເດີນທາງ​ຂອງທ່ານ Kerry ບ່ອນຕໍ່​ໄປ​ໃນ​ວັນ​ເສົາ​ມື້​ນີ້ ​ແມ່ນນະຄອນ​ຫລວງ ສາ
ທາລະນະ​ລັດປະຊາທິປະໄຕຄອງ​ໂກ ​ເພື່ອ​ພົບ​ປະ​ກັບປະທານາທິບໍດີ Joseph
Kabila. ທັງ​ສອງ​ຈະ​ສົນທະນາ​ກັນ ກ່ຽວ​ກັບຄວາມກ້າວໜ້າໃນດ້ານ ຄວາມ​ປອດ​ໄພ
ທີ່ໄດ້ຮັບຫວ່າງ​ມໍ່ໆ​ມາ​ນີ້​ຕໍ່ບັນດາ​ກຸ່ມ​ກະບົດໃນພາກ​ຕາ​ເວັນ​ອອກ ຂອງ​ຄອງ​ໂກ.

ຫລັງ​ຈາກ​ການ​ຢຸດ​ແວ່ທີ່ອັງ​ໂກລາແລ້ວ ທ່ານ Kerry ກໍຈະເດີນທາງກັບຄືນສູ່ ນະຄອນຫລວງວໍຊິງຕັນ ໃນວັນຈັນຈະມາເຖິງນີ້.










XS
SM
MD
LG