ລິ້ງ ສຳຫລັບເຂົ້າຫາ

ທ່ານ Kerry ແລະ ທ່ານ Zarif ພົບປະກັນທີ່ນີວຢອກ ເລື້ອງນີວເຄລຍຂອງອີຣ່ານ


ທ່ານ John Kerry ລັດຖະມົນຕີ​ການ​ຕ່າງປະ​ເທດ​ສະຫະລັດ
​ແລະທ່ານ Mohammad Javad Zarif ລັດຖະມົນຕີ​ຕ່າງປະ
​ເທດ​ອີຣ່ານຈະ​ພົບ​ປະກັນ​ໃນ​ວັນ​ຈັນ​ມື້​ນີ້ ​ທີ່​ນະຄອນ​ນີວຢອກ
​ເປັນ​ຄັ້ງ​ທຳ​ອິດ ນັບ​ແຕ່​ໄດ້​ປະກາດໃຫ້​ຮູ້ ​ ​ຂໍ້​ຕົກລົງກ່ຽວ​ກັບໂຄງ
​ຮ່າງ​ສັນຍາ​ນິວ​ເຄລຍທີ່​ຈະ​ເຮັດ​ກັນ ​ເພື່ອ​ຍັບ​ຍັ້ງ​ໂຄງການ​ນິວ​
ເຄລຍຂອງ​ອີຣ່ານ ​ເພື່ອ​ແລກປ່ຽນ​ກັບ​ການ​ຍົກ​ເລີກ​ການ​ລົງ​
ໂທດ​ດ້ານ​ເສດຖະກິດ​ຕໍ່​ອີຣ່ານນັ້ນ.

​ເຈົ້າ​ໜ້າ​ທີ່​ຂັ້ນ​ອາວຸ​ໂສທ່ານ​ນຶ່ງ​ຈາ​ກະຊວງ​ການ​ຕ່າງປະ​ເທດ ກ່າວ​
ໃນ​ວັນອາທິດ​ວານ​ນີ້​ວ່າ ການ​ພົບ​ປະກັນ​ດັ່ງກ່າວ​ຈະ​ມີ​ຂຶ້ນ​ ຢູ່​ຂ້າງ​
ນອກ​ກອງປະຊຸມ​ສະຫະ​ປະຊາ​ຊາດ ວ່າ​ດ້ວຍ​ສົນທິສັນຍາ​ຫ້າມ​ແຜ່ຜາຍ​ນີວ​ເຄລຍ.

ບັນດາ​ນັກ​ເຈລະຈາ ຈາກ​ອີຣ່ານ ​ແລະ​ກຸ່ມ 6 ປະ​ເທດ​ມະຫາ​ອຳນາດ​ໄດ້ໃຫ້​ເວລາ​ຕົນ​ເອງ ຈົນ​ຮອດ​ວັນ​ທີ 30 ມິຖຸນາ​ ປີ​ນີ້ ​ເພື່ອ​ຕົກລົງ​ກັນ​ກ່ຽວ​ກັບຂໍ້​ຕົກລົງ​ບັ້ນ​ສຸດ​ທ້າຍ ​ເພື່ອ​ແກ້​ໄຂ​ເລື້ອງ​ໂຄງການ​ນິວເຄລຍ ຂອງອີຣ່ານ ແລະ​ຄວາມ​ເປັນ​ຫ່ວງທີ່ວ່າ ອິຣ່ານຈະ​ສາມາດ​ນຳ
ໃຊ້​ເພື່ອ​ພັດທະນາ​ອາວຸດ​ນີວ​ເຄລຍນັ້ນ. ອີຣ່ານ​ໄດ້​ຢືນ​ຢັດ​ມາ​ເປັນ​ເວລາ​ດົນ​ແລ້ວ​ວ່າ ການ​ເຄື່ອນ​ໄຫວ​ດ້ານ​ນີວ​ເຄລຍຂອງ​ຕົນ​ແມ່ນ​ມີ​ເປົ້າ​ໝາຍ​ທາງ​ດ້ານ​ສັນຕິ ​ແຕ່​ຢາກ​ໃຫ້​ມີ​ການ​ຍົກ​ເລີກ​ການ​ລົງ​ໂທດ​ທັງ​ໝົດ​ ທີ່​ໄດ້​ສ້າງ​ຄວາມ​ເສຍ​ຫາຍ​ຢ່າງ​ຮ້າຍ​ແຮງ ​ຕໍ່ເສດຖະກິດ​ຂອງ​ຕົນ​ນັ້ນ.

ພວກ​ຕຳ​ໜິຕິຕຽນ​ການ​ເຈລະຈາ​ດັ່ງກ່າວ ຮວມທັງ​ທ່ານ​ Benjamin Netanyahu ນາຍົກລັດຖະມົນຕີອິສຣາ​ແອ​ລ ກ່າວ​ວ່າ ສະຫະລັດ​ແລະ​ພວກ​ຄູ່​ພາຄີ​ ອັນ​ມີ ອັງກິດ ຈີນ ຝຣັ່ງ ຣັດ​ເຊຍ ​ແລະ​ເຢຍຣະມັນ ​ແມ່ນ​ເອົາ​ທ່າ​ທີອ່ອນ​ແອ​ໂພດ​ຕໍ່​ອີຣ່ານ ​ແລະ​ຈະ​ປ່ອຍ​ໃຫ້​ມີການ​ເຄື່ອນ​ ໄຫວ​ດ້ານ​ນີວ​ເຄລຍດຳ​ເນີນ​ສືບ​ຕໍ່​ໄປຫຼາຍ​ໂພດ ​ໃນ​ຂະນະ​ດຽວ​ທີ່ຍົກ​ເລີກ​ການ​ລົງ​ໂທດ​ຕ່າງໆ​ນັ້ນ.

ປະທານາທິບໍດີ ບາຣັກ ​ໂອ​ບາ​ມາ ​ໄດ້​ປ້ອງ​ກັນເງື່ອນ​ໄຂ​ຕ່າງໆ​ຢູ່​ໃນ​ຂໍ້​ຕົກລົງກ່ຽວ​ກັບ​ໂຄງຮ່າງນັ້ນ ​ໂດຍ​ກ່າວ​ເນັ້ນ​ວ່າການ​ລົງ​ໂທດ​ສາມາດ​ດຳ​ເນີນ​ຄືນ​ອີກ​ໄດ້ ຖ້າ​ອີຣ່ານບໍ່​ປະຕິບັດ​ຕາມ​ພາກສ່ວນ​ຂອງ​ຕົນ​ໃນ​ຂໍ້​ຕົກລົງ​ກັນ​ນັ້ນ.

XS
SM
MD
LG