ລັດຖະມົນຕີຕ່າງປະເທດ ສະຫະລັດ ທ່ານ John Kerry ແລະ
ລັດຖະມົນຕີ ຕ່າງປະເທດ ອີຣ່ານ ທ່ານ Javad Zarif ຈະພົບ
ປະກັນທີ່ ນະຄອນ Munich ໃນວັນສຸກມື້ນີ້ ເພື່ອເຈລະຈາຫາ
ລືກ່ຽວກັບໂຄງການນິວເຄລຍຂອງອີຣ່ານ.
ການເຈລະຈາຄັ້ງນີ້ ຈະຈັດຂື້ນຢູ່ນອກກອງປະຊຸມຄວາມປອດ
ໄພ ລຸນຫລັງການ ພົບປະຂອງພວກນັກການທູດ ທີ່ຈັດຂື້ນ
ກ່ຽວກັບຫົວຂໍ້ດັ່ງກ່າວໃນເດືອນແລ້ວນີ້.
ກະຊວງຕ່າງປະເທດສະຫະລັດ ໄດ້ກ່າວໃນຕອນຕົ້ນວ່າ ການ
ພົບປະຂອງທ່ານ Kerry ແລະທ່ານ zarif ຈະມີຂຶ້ນໃນວັນເສົາ. ແຕ່ເຈົ້າໜ້າທີ່ຂັ້ນສູງສະ ຫະລັດ ຄົນນຶ່ງຕໍ່ມາໄດ້ຢືນຢັນວ່າ ຈະມີຂື້ນໃນວັນສຸກມື້ນີ້.
ອີຣ່ານ ແລະປະເທດທີ່ຮວມທັງສະຫະລັດ ອັງກິດ ຈີນ ຝຣັ່ງ ຣັດເຊຍ ແລະເຢຍຣະມັນ
ກຳລັງພະຍາຍາມຫາທາງໃຫ້ບັນລຸຂອບຂອງຂໍ້ຕົກລົງ ພາຍໃນວັນທີ 24 ເດືອນມີນາ
ອັນເປັນພາກສ່ວນນຶ່ງ ໃນຄວາມພະຍາຍາມທີ່ມີມາເປັນເວລານຶ່ງປີ ເພື່ອແກ້ໄຂຄຳຖາມຕ່າງໆກ່ຽວກັບກິດຈະການນິວເຄລຍຂອງອີຣ່ານ. ເຂົາເຈົ້າໄດ້ໃຫ້ເວລາແກ່ຕົນເອງ ຈົນ
ເຖິງວັນທີ 1 ກໍລະກົດ ເພື່ອຕົກລົງກັນຂັ້ນ ສຸດທ້າຍ.
ອັນທີ່ຮ້ອງວ່າກຸ່ມ P5+1 ຕ້ອງການໃຫ້ອີຣ່ານ ຫລຸດຜ່ອນກິດຈະການນິວເຄລຍ ຂອງຕົນ
ລົງ ແລະຮັບປະກັນວ່າ ຕົນບໍ່ໄດ້ພັດທະນາອາວຸດນິວເຄລຍ. ອີຣ່ານ ໄດ້ຢືນຢັດວ່າ ໂຄງ
ການນິວເຄລຍຂອງຕົນ ມີຈຸດປະສົງໃນທາງສັນຕິ ແລະຕ້ອງ ການຢາກໃຫ້ຍົກເລີກການ
ລົງໂທດ ທີ່ເຮັດໃຫ້ເສດຖະກິດຂອງຕົນໄດ້ຮັບຄວາມ ເສຍຫາຍຢ່າງຮ້າຍແຮງນັ້ນ.
