ລິ້ງ ສຳຫລັບເຂົ້າຫາ

ທ່ານ Kerry ຢ້ຽມຢາມ ເອທິໂອເປຍ ເພື່ອຫາລື ເລື່ອງ ຄວາມໝັ້ນຄົງ (ວີດີໂອ)


ລັດຖະມົນຕີ ການຕ່າງປະເທດ ສະຫະລັດ ທ່ານ John Kerry ພວມຍ່າງລົງຈາກເຮືອບິນ.
ທ່ານ John Kerry ລັດຖະມົນຕີກະຊວງການຕ່າງປະເທດສະຫະ
ລັດ ອອກເດີນທາງໄປຢ້ຽມຢາມປະເທດເອທິໂອເປຍ ເພື່ອເຈລະ
ຈາຫາລືເລື່ອງຄວາມໝັ້ນຄົງກັບພວກເຈົ້າໜ້າທີ່ຢູ່ໃນຂົງເຂດແລະ
ເຂົ້າຮ່ວມສະເຫຼີມສະຫຼອງ ການສ້າງຕັ້ງສະຫະພາບອາຟຣິກາຄົບ
ຮອບ 50 ປີ.

ການຢ້ຽມຢາມ ເປັນເວລາ 3 ມື້ ຂອງທ່ານ Kerry ເລີ້ມຂຶ້ນທີ່ນະ
ຄອນຫຼວງ Addis Ababa ໃນວັນສຸກມື້ນີ້ ບ່ອນທີ່ກະຊວງການ ຕ່າງປະເທດສະຫະລັດເວົ້າວ່າທ່ານຈະໄດ້ພົບປະກັບບັນດາເຈົ້າ
ໜ້າທີ່ອະວຸໂສ ຂອງເອທິໂອເປຍ ເພື່ອໂອ້ລົມກັນກ່ຽວກັບບັນຫາ
ສອງຝ່າຍ.

ໃນວັນເສົາ ມື້ອື່ນນີ້ ທ່ານ Kerry ຈະໄປຮ່ວມກອງປະຊຸມສຸດຍອດ ສະຫະພາບອາຟຣິກາ
ພ້ອມດ້ວຍບັນດາຜູ້ນຳຂອງປະເທດຕ່າງໆຈາກອາຟຣິກາແລະແຂກຜູ້ມີກຽດເພື່ອສະເຫຼີມ ສະຫຼອງຄົບຮອບ 50 ປີໃນການສ້າງຕັ້ງອົງການດັ່ງກ່າວຊຶ່ງໃນເມື່ອກ່ອນເຄີຍມີການອ້າງ ອີງເຖິງ ໃນນາມອົງການເອກກະພາບອາຟຣິການັ້ນ.

ເປັນທີ່ຄາດກັນວ່າ ການເດີນທາງໄປຢ້ຽມຢາມຂອງທ່ານ Kerry ແມ່ນຈະຮວມທັງການເຈ ລະຈາຫາລື ກ່ຽວກັບການດຳເນີນຄວາມພະຍາຍາມ ເພື່ອຕໍ່ສູ້ປາບປາມພວກອິສລາມຫົວ ຮຸນແຮງຢູ່ໃນປະເທດຕ່າງໆ ເຊັ່ນໃນປະເທດມາລີ ແລະພາກເໜືອຂອງໄນຈີເຣຍ. ໃນລະ ຫວ່າງການເຈລະຈາກັບຄູ່ຕຳແໜ່ງຝ່າຍໄນຈີເຣຍ ເມື່ອໄວໆມານີ້.

ທ່ານ Kerry ໄດ້ໃຫ້ການຢືນຢັນອີກຄັ້ງນຶ່ງເຖິງການໃຫ້ຄວາມສະໜັບສະໜຸນຂອງສະຫະ ລັດຕໍ່ການປາບປາມກຸ່ມຫົວຮຸນແຮງ Boko Haram ຂອງໄນຈີເຣຍຢູ່ໃນພາກເໜືອຂອງ ປະເທດ ທີ່ໄດ້ມີການປະກາດພາວະສຸກເສີນໃນເວລານີ້.

ທີ່ປະເທດມາລີ ທະຫານຝຣັ່ງພວມສຳເລັດເສັດສິ້ນການບຸກໂຈມຕີພວກນັກລົບອິສລາມ ຫົວຮຸນແຮງທີ່ໄດ້ເຂົ້າຢຶດເອົາພາກເໜືອຂອງປະເທດ. ພວກນັກວິເຄາະກ່າວວ່າ ສະຫະ ລັດມີຄວາມກະຕືລືລົ້ນ ທີ່ຈະຊ່ອຍສະໜອງ ໃນການຝຶກແອບຕໍ່ ຕ້ານພວກກໍ່ການຮ້າຍ ໃຫ້ແກ່ກຳລັງຂອງຂົງເຂດ ຊຶ່ງຈະເຂົ້າຮັບໜ້າທີ່ແທນທະຫານຝຣັ່ງ.

ນອກນັ້ນຍັງມີທ່າທາງວ່າ ທ່ານ Kerry ຍັງຈະສົນທະນາໂອ້ລົມກ່ຽວກັບຄວາມຮຸນແຮງຢູ່ ຕາມບໍລິເວນຊາຍແດນ ທີ່ຍັງມີຄວາມຫຼໍ່ແຫຼມແລະຕົກລົງກັນບໍ່ໄດ້ລະຫວ່າງຊູດານແລະ ຊູດານໃຕ້ບ່ອນທີ່ກຸ່ມປົກປ້ອງສິດທິມະນຸດເຕືອນວ່າ ກຸ່ມຫົວຮຸນແຮງນອກກົດໝາຍພວມ ສວຍໂອກາດໃນຂະນະທີ່ເກີດຄວາມວຸ້ນວາຍຂຶ້ນນີ້.

XS
SM
MD
LG