ລິ້ງ ສຳຫລັບເຂົ້າຫາ

ທ່ານ Kerry ຈະພົບປະ ລັດຖະມົນຕີ ຕ່າງປະເທດ ອີຣ່ານ


ລັດຖະມົນຕີການຕ່າງປະເທດ ສະຫະລັດ ທ່ານ John Kerry ຈະພົບ ປະກັບ ລັດຖະມົນຕີ​ຕ່າງປະ​ເທດອີຣານ ທ່ານ Mohammad Javad Zarif

ລັດຖະມົນຕີ​ຕ່າງປະ​ເທດອີຣານ ທ່ານ Mohammad Javad
Zarif ຈະ​ພົບ​ປະ​ກັບລັດຖະມົນຕີ​ຕ່າງປະ​ເທດ ສະຫະລັດ ທ່ານ
John Kerry ເວລາ​ທ່ານ​ເຂົ້າ​ຮ່ວມ​ປະຊຸມ ກັບຫ້າປະ​ເທດ ສະ
ມາຊິກຖາວອນ​ຂອງສະພາ​ຄວາມ​ໝັ້ນຄົງ ສະຫະ​ປະຊາ​ຊາດ
ແລະ​ເຢຍລະ​ມັນ​ໃນ​ທ້າຍ​ອາທິດ​ນີ້ ​ເພື່ອ​ສົນທະນາ​ກ່ຽວ​ກັບ​ວິ​ກິດ​
ການ ຂອງ​ໂຄງການ​ອາວຸດ​ນິວ​ເຄລຍອີ​ຣ່ານ.

ການ​ປະຊຸມ ​ຊຶ່ງ​ກຳນົດ​ໃສ່​ວັນ​ພະຫັດ​ນີ້ ຈະ​ເປັນ​ການ​ພົບ​ປະ​ທາງ
​ການ​ທູດ ​ໃນ ລະດັບ​ສຸງສຸດ ລະຫວ່າງກຸງ​ວໍ​ຊິງ​ຕັນ ​ແລະ​ອີຣ່ານ
ຢ່າງ​ໜ້ອຍ ໃນ​ຮອບຫົກ​ປີ. ທັງ​ສອງ​ປະ​ເທດໄດ້​ຕັດ​ຄວາມສໍາພັນ
ທາງ​ດ້ານ​ການ​ທູດ​ມາ​ດົນ​ກວ່າ​ສາ​ມທົດ​ສະ​ວັດແລ້ວ.

ການ​ປະກາດ​ດັ່ງກ່າວ​ໄດ້​ມີຂື້ນ ຫລັງ​ຈາກ​ທ່ານ​ນາງ Catherine
Ashton ຫົວ ໜ້ານະ​ໂຍບາຍການ​ຕ່າງປະ​ເທດ​ຂອງສະຫະພັນ​
ຢູ​ໂຣບ ກ່າວ​ວ່າ ທ່ານ​ນາງໄດ້​ມີ "ການ​ໂອ້​ລົມແບບສ້າງສັນ” ກັບ
ທ່ານ Zif ​ແລະ​ຄູ່​ຕໍາແໜ່ງຝ່າຍອັງກິດ ​ແລະ​ຝຣັ່ງກ່ອນ​ໜ້າ​ກອງ​
ປະຊຸມ ​ສະມັດຊາ​ໃຫຍ່​ອົງການ​ສະຫະ​ປະຊາ​ຊາດ​ທີ່ນະຄອນ​
ນິວຢອ​ກ ​ໃນ​ອາທິດ​ນີ້.

ອົງການ​ຂ່າວ Fars ຂອງ​ອີຣ່ານ ​ໄດ້​ລາຍ​ງານວ່າທ່ານ Zarif ທີ່​ນິຍົມແນວທາງ​ ປານ​ກາງ
ຈະ​ເປັນ​ຜູ້​ນໍາພາ ການ​ເຈ​ລະ​ຈານິວ​ເຄລຍ ກັບ​ບັນດາ​ມະຫາ​ອໍານາດ​ໂລກ ຕໍ່​ຈາກທ່ານ
Saeed Jalili ທີ່​ນິຍົມ​ແນວທາງ​ເດີມ ຊຶ່ງ​ໄດ້​ກຳກັບ​ນຳ​ການ ​ເອົາ​ທ່າ​ທີ​ທີ່​ແຂງ​ກະດ້າງ​ຂຶ້ນ
ຂອງ​ເຕຫະຣ່ານນັ້ນ.
XS
SM
MD
LG