ລິ້ງ ສຳຫລັບເຂົ້າຫາ

ຖ້າສະພາ ອອກສຽງ ‘ບໍ່’ ຕໍ່ຂໍ້ຕົກລົງກັບອີຣ່ານ ມັນກໍອາດ ສ້າງຄວາມບໍ່ ທຸ່ນທ່ຽງ ກັບພັນທະມິດ


ລັດຖະມົນຕີ​ຕ່າງປະ​ເທດ ສະຫະລັດ​ ທ່ານ John Kerry ກ່າວ
​ວ່າ ການ​ທີ່ສະຫະລັດປະຕິ​ເສດ​ ຕໍ່​ຂໍ້​ຕົກລົງ​ດ້ານ​ນິວ​ເຄລຍກັບ
​ອີຣ່ານ ອາດ​ຈະ​ເຮັດ​ໃຫ້ການ​ພົວພັນ​ຕ່າງໆ ກັບ​ບັນດາ​ພັນທະ​ມິດ
​ກ່ຽວ​ກັບ​ບັນຫາ​ທີ່​ສຳຄັນ​ອື່ນໆ​ນັ້ນ ປັ່ນ​ປ່ວນ.

ທ່ານ Kerry ກ່າວ​ວ່າ “​ເພື່ອນໆ​ເອີ້ຍ ອັນ​ນັ້ນ ​ເປັນ​ສູດ​ທີ່​ຈະ​
ເຮັດ​ໃຫ້​ ພວກ​ເຂົາ​ເຈົ້າ ກ້າວ​ອອກ​ໄປ​ ຢ່າງໄວວາ ຈາກ​
ຢູ​ເຄຣນ ບ່ອນ​ທີ່​ພວກ​ເຂົາ​ເຈົ້າ ​ແມ່ນ​ບໍ່​ແນ່​ໃຈ​ຢູ່​ແລ້ວ ​ແລະ​
ພ້ອມ​ແລ້ວ​ທີ່​ຈະ​ກ່າວ​ວ່າ ພວກ​ເຮົາໄດ້​ທຳ​ໜ້າ​ທີ່​ ຂອງ​ພວກ
​ເຮົາ​ແລ້ວ”
ທີ່​ໝາຍ​ເຖິງ​ຄວາມ​ພະຍາ​ຍາມ ​ເພື່ອສະໜັບສະໜູູນ
ລັດຖະບານ​ຢູ​ເຄຣນ ​ໃນ​ການ​ຕໍ່ສູ້​ຕ້ານ​ຢັນ​ກັບ​ພວກ​ກະບົດ​ທີ່​ໜູນຫຼັງ​ໂດຍຣັດ​ເຊຍ.

ບັນດາທະຫານ ຢູເຄຣນ ຢູ່ເທິງລົດຫຸ້ມເກາະ APC ກຳລັງຊົມການເຝິກຊ້ອມລົບ ພາຍໃຕ້ການຊີ້ນຳ ຂອງບັນດາຄູເຝິກສອນຊາວອັງກິດ ຢູ່ທີ່ຄ້າຍທະຫານ ນອກເມືອງ Zhitomir ຂອງຢູເຄຣນ, ວັນທີ 11 ສິງຫາ 2015.

ບັນດາທະຫານ ຢູເຄຣນ ຢູ່ເທິງລົດຫຸ້ມເກາະ APC ກຳລັງຊົມການເຝິກຊ້ອມລົບ ພາຍໃຕ້ການຊີ້ນຳ ຂອງບັນດາຄູເຝິກສອນຊາວອັງກິດ ຢູ່ທີ່ຄ້າຍທະຫານ ນອກເມືອງ Zhitomir ຂອງຢູເຄຣນ, ວັນທີ 11 ສິງຫາ 2015.

ທ່ານ Kerry ​ໄດ້​ສະ​ແດງ​ຄວາມ​ເຫັນ ​ໃນ​ວັນ​ອັງຄານ​ວານ​ນີ້ ​ໃນ​ລະຫວ່າງ ການ​ປຶກສາ​ຫາ​ລື ​ໂຄງການ​ນິວ​ເຄລຍອີຣ່ານ ທີ່​ຈັດ​ຂຶ້ນ​ໂດຍ ບໍລິສັດ​ສື່ມວນ​ຊົນ Thompson Reuters.

ລັດຖະສະພາ​ສະຫະລັດ ມີ ​ເວລາ 60 ມື້ ​ເພື່ອ​ທົບ​ທວນ​ຄືນ ຂໍ້​ຕົກລົງ​ນິວ​ເຄລຍກັບອີຣ່ານ ທີ່​ຮູ້
ຈັກ​ກັນວ່າ ​ ​ແຜນ​ປະຕິບັດ​ການ​ຮ່ວມຮອບດ້ານ ຫຼື JCPOA.

ບັນດາ ​ສະມາຊິກ​ສະພາ ສາມາດ​ຜ່ານ​ຍັດຕິ​ດ້ວຍ​ການ​ເຫັນ​ດີ ຫຼື ບໍ່​ເຫັນ​ດີ ຫຼື ບໍ່​ມີ​ຄຳ​ເຫັນ​ໄດ້. ປະທານາທິບໍດີ ສະຫະລັດ ທ່ານບາຣັກ​ ​ໂອ​ບາ​ມາ ​ໄດ້​ກ່າວ​ວ່າ ທ່ານ​ຈະ​ໃຊ້​ສິດ​ຍັບຍັ້ງ ການ​ລົງ​ຄະ​ແນນ​ສຽງ​ໃດໆ ທີ່​ບໍ່​ເຫັນ​ດີ​ເຫັນ​ພ້ອມ ​ແຕ່​ການ​ໃຊ້​ສິດ​ຍັບຍັ້ງຂອງ​ທ່ານ ອາດ​ຖືກ​ລົບ​ລ້າງ​ໄດ້​ໂດຍ ການ​ລົງ​ຄະ​ແນນ​ສຽງ 2 ສ່ວນ 3 ​ໃນ​ລັດຖະສະພາ.

​ ໃນ​ຂະນະ​ທີ່ ບັນດາ​ເຈົ້າໜ້າ​ທີ່ ລັດຖະບານ ຂອງທ່ານ​ໂອ​ບາ​ມາ ກຳລັງ​ໂຄສະ​ນາ​ກ່ຽວ​ກັບ​ຂໍ້​ຕົກລົງດັ່ງກ່າວ ​ສະ​ມາ​ຊິກ​ພັກ​ຣີພັບ​ບລີ​ກັນ ແລະ ສະ​ມາ​ຊິກພັກ​ເດ​ໂມ​ແຄຣັດ ຈຳນວນ​ໜຶ່ງ ກໍ​ໄດ້​ພາກັນອອກສຽງ ຄວາມ​ກັງວົນ​ຕ່າງໆ ກ່ຽວ​ກັບແຜນດັ່ງກ່າວ​ນັ້ນ ລວມທັງ ສະມາຊິກ​ສະພາ​ສູງ ສັງກັດ​ພັກເດ​ໂມ​ແຄຣັດ ທ່ານ Chuck Schumer ນຳ​ດ້ວຍ.

​ເມື່ອ​ອາທິດ​ ແລ້ວ​ນີ້ ທ່ານ Schumer ​ໄດ້​ປະກາດ​ວ່າ ທ່ານ ຈະ​ລົງຄະ​ແນນສຽງ ບໍ່​ເຫັນ​ດີ. ທ່ານ ກ່າວ​ວ່າ JCPOA ນັ້ນ ຈະ​ອະນຸຍາດໃຫ້ ອີຣ່ານບັນລຸ “​ສອງເປົ້າ​ໝາຍ” ຂອງ​ຕົນ ດ້ວຍ​ການ​ກຳຈັດ​ມາດ​ຕະການ​ລົງ​ໂທດ​ຕ່າງໆ ​ໃນ​ຂະນະ​ດຽວ​ກັນ ກໍ​ຈະສາມາດ​ຮັກສາໄວ້​ ພະ​ລັງງານ​ທີ່​ເປັນນິວ​ເຄລຍ ​ແລະ ບໍ່ເປັນນິວ​ເຄລຍ.

​ແຕ່​ທ່ານ Kerry ກ່າວ​ວ່າ ໃນ​ທີ່​ສຸດ​ແລ້ວ ຖ້າລັດຖະສະພາບໍ່​ຮັບຮອງ​ເອົາ​ຂໍ້​ຕົກລົງ ທີ່​ສະໜັບສະ​ໜູນ ​ໂດຍ ສະມາຊິກ​ຖາ​ວອນ​ປະຈຳ​ສະພາ​ຄວາມ​ໝັ້ນຄົງ​ຂອງ​ອົງການ​ສະຫະ​ປະຊາ​ຊາດ ຄົນ​ອື່ນໆ ​ແລະ ​ເຢຍຣະມັນ ທີ່​ຢູ່​ໃນບັນດາ​ປະ​ເທດກຸ່ມ P5 + 1, ມັນ​ກໍ​ອາດ​ຈະເປັນ​ຜົນ​ເສຍ​ຫາຍ​ ຕໍ່ນະ​ໂຍບາຍ​ຕ່າງປະ​ເທດ​ຂອງ​ສະຫະລັດ.

XS
SM
MD
LG