ລິ້ງ ສຳຫລັບເຂົ້າຫາ

ເນໂຕ້ ຮຽກຮ້ອງໃຫ້ ທ່ານກາໄຊ ລົງນາມ ໃນຂໍ້ຕົກລົງ ຄວາມປອດໄພ


ລັດຖະມົນຕີ ຕ່າງປະເທດ ສະຫະລັດ ທ່ານ John Kerry (ຊ້າຍ) ຮ່ວມກອງປະຊຸມ ບັນດາລັດຖະມົນ ຕ່າງປະເທດ ທີ່ ກຸງບຣັສເຊີລສ໌

ບັນດາ​ເຈົ້າ​ໜ້າທີ່ສະຫະລັດ ​ແລະ​ອົງການ NATO ກໍາ​ລັງ​ທຳ​
ຄວາມ​ກົດ​ດັນຄັ້ງ​ໃໝ່​ໃຫ້ບັນດາ​ຜູ້​ນໍາອັຟກາ​ນິສຖານ ອະນຸຍາດ​
ໃຫ້ທະຫານ​ນາໆ​ຊາດຫລາຍ​ພັນ​ຄົນ ​ຢູ່​ໃນອັຟກາ​ນິສຖານ​ຕໍ່​ໄປ
ກາຍທ້າຍ​ປີໜ້າ.

​ພວກ​ເຈົ້າໜ້າ​ທີ່​ເຫຼົ່ານີ້ ຕ້ອງການ​ຢາກ​ໃຫ້​ທະຫານ​ຈໍາ​ນວນ​ນຶ່ງ ຢູ່​
ໃນອັ​ຟກາ​ນິສ ຖານຕໍ່​ໄປ ​ເພື່ອ​ສືບ​ຕໍ່​ການເຝິກ​ແອບ ​ແລະ​ໃຫ້​ຄໍາ​
ແນະ​ນໍາ ​ແກ່ທະຫານ​ຂອງ​ປະ ​ເທດ​ດັ່ງກ່າວຫລັງ​ຈາກເກີດສົງ
ຄາມ​ມາ​ໄດ້ 12 ປີ​ແລ້ວ ​ແລະ​ການ​ຈາກ​ໄປ​ຂອງ ກຳລັງ​ສູ້​ລົບ​ນາໆ
​ຊາດ ​ໃນ​ທ້າຍ​ປີ 2014. ປະທານາທິບໍດີອັຟກາ​ນິສຖານທ່ານ
Hamid Karzai ​ໄດ້​ຂັດ​ຂືນ ​ບໍ່​ຍອມເຊັນ​ຂໍ້​ຕົກລົງ​ວ່າ​ດ້ວຍ​ຄວາມ
​ປອດ​ໄພ​ໃໝ່ ກັບສະຫະລັດ.

ລັດ​ທະ​ມົນຕີຕ່າງປະ​ເທດສະຫະລັດ ທ່ານ John Kerry ກ່າວ​ໃນ
​ວັນ​ອັງຄານ ວານ​ນີ້ ທີ່ສຳນັກງານ​ໃຫຍ່ ​ຂອງ​ອົງການ NATO ທີ່​
ນະຄອນບຣັສ​ເຊີ​ລສວ່າ ​ມັນ​ເປັນ​ເດີມ​ພັນ​ທີ່ຫລາຍ​ໄປ​ກວ່າຄວາມ​
ສຳພັນ ລະຫວ່າງອັຟກາ​ນິສຖານ ​ແລະ ສະຫະລັດ.

ທ່ານ Kerry ​ເວົ້າວ່າ “ນີ້​ບໍ່​ແມ່ນ​ການ​ເຮັດ​ຫລີ້ນ. ນີ້ແມ່ນ​ວຽກ​ການ​ທີ່ເອົາ​ຈິ​ງ​ເອົາ​ຈັງ. ມີ​ຢູ່ 50 ກວ່າ
ປະ​ເທດ ຊຶ່ງໄດ້​ເຂົ້າຮ່ວມ​ພົວພັນ ​ຜ່ານ​ອົງການ NATO ໃນ​ຄວາມ​ພະຍາຍາມ​ໃຫ້ການ​ຊ່ວຍ​
ເຫລືອ​ແກ່ອັຟກາ​ນິສຖານ ​ແລະ​ບັນດາ​ປະ​ເທດ​ເຫລົ່າ​ນີ້​ມີງົບປະ​ມານ​ໃນ​ແຕ່ລະ​ປີ. ປະ​ເທດເຫລົ່າ​
ນີ້ ຕ້ອງ​ໄດ້ມີ​ການວາງແຜນ​ທີ່​ຈະ​ຕ້ອງ​ໄດ້​ປະຕິບັດຕາມ. ປະ​ເທດ​ເຫລົ່າ​ນີ້ ມີ​ເຄຶ່ອງ​ໄມ້​ເຄຶ່ອງມືທີ່​
ຈຳ​ເປັນ​ຕ່າງໆ. ແລະ​ການຈັດ​ສົ່ງ​ເຄື່ອງມື​ເຫຼົ່ານີ້ ​ແລະ​ສິ່ງ​ທັງຫລາຍ​ ຕ້ອງ​ໄດ້​ມີ​ການຄຸ້ມ​ຄອງ​ຢ່າງ​
ດີ​ທີ່ສຸດ ​ດ້ວຍ​ການວາງ​ແຜນ.”

ທ່ານ Kerry ກ່າວ​ວ່າ ສ່ວນ​ໃຫຍ່​ຂອງອັຟກາ​ນິສຖານ ທີ່ຕາງໜ້າ​ດ້ວຍ​ສະພາ​ອາວຸ​ໂສ​ຂອງ​ຊົນ​
ເຜົ່າທີ່​ຮູ້​ກັນໃນ​ນາມ​ສະພາ Loya Jirga ນັ້ນ ​ໄດ້​ລົງ​ຄວາມ​ເຫັນໃຫ້​ເຊັນຂໍ້​ຕົກລົງຄວາມ​ປອດ​ໄພ
ດັ່ງກ່າວ​ເພື່ອໃຫ້ການ​ໂອນ​ການ​ຮັກສາຄວາມ ​ປອດ​ໄພ​ໃນ​ອັຟກາ​ນິສຖານດຳ​ເນີນ​ໄປ​ຢ່າງ​ມີ​ປະ
ສິດທິ​ຜົນ.
XS
SM
MD
LG