ລິ້ງ ສຳຫລັບເຂົ້າຫາ

ທ່ານ Kerry ພົບປະກັບ ທ່ານ Lavrov ທີ່ລອນດອນ (ສະໄລດ໌/ວີດີໂອ)


ລັດຖະມົນຕີການຕ່າງປະເທດ ສຫລ ທ່ານ John Kerry (ຂວາ) ແລະລັດຖະມົນຕີຕ່າງປະເທດຣັດເຊຍ ທ່ານ Sergei Lavrov ຖ່າຍຮູບຮ່ວມກັນ ກ່ອນພົບປະກັນ ຢູ່ບ້ານພັກ ເອກອັກຄະລັດຖະທູດ ສຫລ ປະຈຳກຸງລອນດອນ (14 ມີນາ 2014)

ລັດຖະມົນຕີການຕ່າງປະເທດສະຫະລັດ ທ່ານ John Kerry ແລະ
ລັດຖະມົນຕີການຕ່າງປະເທດຣັດເຊຍ ທ່ານ Sergei Lavrov ພົບ
ປະກັນຮອບໃໝ່ໃນວັນສຸກມື້ນີ້ເພື່ອຫາລືກັນກ່ຽວກັບວິກິດການໃນ
ຢູເຄຣນ ເທື່ອນີ້ແມ່ນມີຂຶ້ນທີ່ກຸງລອນດອນ.

ກ່ອນເລີ້ມການເຈລະຈາຫາລືກັນນັ້ນທ່ານ Kerry ກ່າວວ່າ ທ່ານມີ
ຄວາມຕັ້ງໃຈ ທີ່ຈະເຂົ້າຮ່ວມການປະຊຸມ ທີ່ສຳຄັນ ໃນຄັ້ງນີ້. ສ່ວນ
ທ່ານ Lavrov ເອີ້ນສະຖານະການນີ້ວ່າມີຄວາມຍຸ່ງຍາກ ໂດຍເວົ້າ
ວ່າ ມັນເຮັດໃຫ້ເສຍເວລາຢ່າງຫຼວງຫຼາຍ.

ການເຈລະຈາ ໃນວັນສຸກມື້ນີ້ ຊຶ່ງມີຂຶ້ນທີ່ບ້ານພັກຂອງເອກອັກຄະ
ລັດຖະທູດສະຫະລັດປະຈຳກຸງລອນດອນ ໄຂຂຶ້ນໃນຂະນະທີ່ເຂດໄຄຣເມຍ ຊຶ່ງເປັນຈຸດໃຈ
ກາງຂອງວິກິດການໃນຢູເຄຣນ ພວມກະກຽມຈັດການລົງປະຊາມະຕິໃນວັນອາທິດຈະມານີ້ ຊຶ່ງອາດຈະເຫັນເຂດດັ່ງກ່າວແຍກໂຕເອງອອກຈາກຢູເຄຣນ ແລະ ໄປຮ່ວມກັບຣັດເຊຍ.



ພວກຜູ້ນຳຂອງສະຫະລັດແລະຢູໂຣບເອີ້ນການລົງປະຊາມະຕິທີ່ໄດ້ຮັບການໜຸນຫຼັງຈາກຣັດ
ເຊຍດັ່ງກ່າວນີ້ວ່າບໍ່ຖືກຕ້ອງຕາມລັດຖະທຳມະນູນແລະທ່ານ Kerry ໄດ້ເຕືອນຣັດເຊຍກ່ຽວ
ກັບຜົນທີ່ຕິດຕາມມາຢ່າງຮ້າຍແຮງຖ້າຣັດເຊຍຫາກຜະໜວກຫຼືໂຮມເອົາແຫຼມໄຄຣເມຍຂອງ
ຢູເຄຣນເຂົ້າກັບຕົນ.

ແຕ່ເຈົ້າໜ້າທີ່ຣັດເຊຍກ່າວວ່າ ບັນດາຜູ້ມີສິດປ່ອນບັດໃນແຫຼມໄຄຣເມຍ ມີສິດໃນສິດໃນການ
ຊີ້ຊະຕາກຳຂອງຕົນເອງຫຼັງຈາກການພັງທະລາຍລົງໃນເດືອນແລ້ວຂອງລັດຖະບານ ທີ່ນິຍົມ
ຣັດເຊຍໃນຢູເຄຣນ. ແລະໃນວັນພະຫັດວານນີ້ ກຸງມົສກູຮັບຮູ້ວ່າ ຕົນໄດ້ສົ່ງທະຫານ ຕື່ມອີກ
ຫຼາຍພັນຄົນ ພ້ອມທັງອຸບປະກອນທາງທະຫານຈຳນວນນຶ່ງ ໄປຍັງບໍລິເວນ ໃກ້ໆຊາຍແດນຢູ
ເຄຣນເພື່ອທຳການຊ້ອມລົບທີ່ຈະດຳເນີນຕໍ່ໄປເປັນເວລາ 2 ອາທິດ.



ເຈົ້າໜ້າທີ່ອະວຸໂສທ່ານນຶ່ງຂອງກະຊວງການຕ່າງປະເທດສະຫະລັດກ່າວວ່າ ສະຫະລັດແມ່ນ
ມີຄວາມວິຕົກກັງວົນເປັນທີ່ສຸດ ກ່ຽວກັບການສົ່ງທະຫານດັ່ງກ່າວ ຂອງຣັດເຊຍ ຊຶ່ງຈະໄປສົມ
ທົບໃສ່ກຳລັງທະຫານ 20,000 ຄົນ ທີ່ທ່ານ Kerry ກະປະມານວ່າ ຣັດເຊຍມີຢູ່ໃນແຫຼມໄຄຣ
ເມຍນັ້ນ.

ເຈົ້າໜ້າທີ່ທ່ານນີ້ ກ່າວຕື່ມວ່າ ນີ້ແມ່ນເທື່ອທີ 2 ໃນຮອບນຶ່ງເດືອນ ທີ່ຣັດເຊຍໄດ້ທຳການເຕົ້າ
ໂຮມກຳລັງເປັນຈຳນວນຫລວງຫຼາຍ ພາຍໃນໄລຍະເວລາສັ້ນໆ ໂດຍປາດສະຈາກຄວາມ
ໂປ່ງໃສ ຢູ່ໃນບໍລິເວນພາກຕາເວັນອອກຂອງຢູເຄຣນ.

ເຈົ້າໜ້າທີ່ທ່ານນີ້ເວົ້າວ່າ ທ່ານ Kerry ຈະຖາມທ່ານ Lavrov ກ່ຽວກັບການເຄື່ອນໄຫວກຳລັງ
ຂອງຣັດເຊຍໂດຍເອີ້ນວ່າ ມັນເປັນການສ້າງຄວາມບໍ່ທຸ່ນທ່ຽງ ແລະກ່າວວ່າ ມັນຍັງເປັນການ
ສ້າງບັນຍາກາດແຫ່ງການຂົ່ມຂູ່.

XS
SM
MD
LG