ລິ້ງ ສຳຫລັບເຂົ້າຫາ

ທ່ານ Kerry ຮຽກຮ້ອງ ໃຫ້ອິນເດຍ ຮັບເອົາ ຄວາມຮັບຜິດຊອບ ຕື່ມຂຶ້ນ ໃນເວທີໂລກ


ລັດຖະມົນຕີການຕ່າງປະເທດ ສຫລ ທ່ານ John Kerry ຕອບຄຳຖາມ ພວກນັກສຶກສາ ພວກອາຈານ ແລະຜູ້ນຳ ກຸ່ມສັງຄົມພົນລະເຮືອນ ຫຼັງຈາກກ່າວຄຳປາໄສ ທີ່ສະຖາບັນ ເທັກໂນໂລຈີອິນເດຍ. (31 ສິງຫາ 2016)

ລັດຖະມົນຕີການຕ່າງປະເທດ ສຫລ ທ່ານ John Kerry ຕອບຄຳຖາມ ພວກນັກສຶກສາ ພວກອາຈານ ແລະຜູ້ນຳ ກຸ່ມສັງຄົມພົນລະເຮືອນ ຫຼັງຈາກກ່າວຄຳປາໄສ ທີ່ສະຖາບັນ ເທັກໂນໂລຈີອິນເດຍ. (31 ສິງຫາ 2016)

ລັດຖະມົນຕີ​ການ​ຕ່າງປະ​ເທດ​ສະຫະລັດ ທ່ານ John Kerry ​ໃນ​ວັນ​ພຸດ​ມື້ນີ້ ຮຽ​ກຮ້ອງ​ໃຫ້​ອິນ​ເດຍ ຮັບ​ເອົາ​ຄວາມ​ຮັບຜິດ​ຊອບ​ເພີ້ມຂຶ້ນ ຢູ່​ໃນ​ເວທີ​ໂລກ ​ໂດຍການ​ເປັນ​ພາຄີ​ຮ່ວມ​ກັບ​ສະຫະລັດ.

​ໃນ​ການ​ຖະ​ແຫຼງຕໍ່​ພວກ​ນັກຮຽນທີ່​ເກັ່ງ​ທີ່​ສຸດ​ຢູ່​ສະ​ຖາ​ບັນ​ເທັກ​ໂນໂລ​ຈີ​ອິນ​ເດຍ​ໃນ​ນະຄອນ ຫຼວງນິວ​ເດ​ລີ​ນັ້ນ ທ່ານ Kerry ​ເອີ້ນ​ອິນ​ເດຍວ່າ ​“ເປັນ​ມະຫາ​ອຳນາດ​ນຶ່ງ​ທີ່ມີ​ປະຫວັດ​ການ​ກະທຳເປັນ​ຜົນ​ກະທົບ ​ຕໍ່​ໂລກ​ມະ​ນຸດ​ເຮົາ ​ທັງ​ໂລກ.” ຫົວໜ້ານັກ​ການ​ທູດ​ສະຫະລັດ ກ່າວ​ວ່າ ການ​ຮ່ວມ​ມື​ກັນ​ເພີ້ມຂຶ້ນ ລະຫວ່າງ​ສອງ​ປະ​ເທດ ປະຊາທິປະ​ໄຕ​ທີ່​ໃຫຍ່​ທີ່​ສຸດ​ໃນ​ໂລກ ​ແມ່ນ​ມີ​ຄວາມ​ຈຳ​ເປັນ ​ເພື່ອ​ຮັບ​ມື​ກັບ​ສິ່ງ​ທ້າທາຍ​ຕ່າງໆໃນ​ໂລກ ນັບ​ແຕ່​ເລື້ອງພວກ​ກໍ່​ການ​ຮ້າຍ​ຕະຫລອດ​ເຖິງ​ການ​ປ່ຽນ​ແປງຂອງ​ດິນ​ຟ້າ​ອາກາດ.

ທ່ານ Kerry ກ່າວ​ວ່າ “​ສິ່ງ​ສຳຄັນ​ທີ່​ສຸດນັ້ນ ກໍ​ແມ່ນ​ການ​ຮ່ວມ​ມື​ກັນຢ່າງ​ເລິກ​ເຊິ່ງລະຫວ່າງ ອິນ​ເດຍ​ແລະ​ສະຫະລັດ ແມ່ນມີ​ຄວາມ​ສຳຄັນ​ຫຼາ ຍສຳລັບ​ປະ​ເທດ​ຂອງ​ພວກ​ເຮົາ​ທັງ​ສອງ ​ແລະ​ສຳລັບ​ໂລກ​ທັງ​ມວນ​ດ້ວຍ.”

ທ່ານ Kerry ກ່າວ​ວ່າ ບັນດາ​ປະ​ເທດ​ຂັ້ນນຳ​ບໍ່​ສາມາດ​ທີ່​ຈະ​ບໍ່​ເອົາ​ຫົວຊາ​ຕໍ່​ໄພ​ຂົ່ມຂູ່​ຕ່າງໆ​ທີ່ຢູ່​ນອກ​ເຂດ​ຊາຍ​ແດນ​ຂອງ​ພວກ​ເຮົາ ທັງ​ນີ້ກໍ​ຍ້ອນ​ວ່າ ​ໃນ​ໂລກ​ທີ່​ມີການ​ເຊື່ອມ​ໂຍງ​ກັນນີ້ ​ໂລກ​ແຫ່ງ​ໂລກາ​ພິວັດ ທີ່​ພວກ​ເຮົາ​ອາ​ໄສ​ຢູ່​ໃນ​ທຸກ​ມື້ນີ້ ​ໄພອັນ​ຕະລາຍ​ເຫລົ່ານັ້ນ ​ໃນ​ທີ່​ສຸດ​ກໍ​ຈະ​ຂ້າມ​ຊາຍ​ແດນ​. ດັ່ງນັ້ນ ພວກ​ເຮົາ​ຕ້ອງ​ໄດ້ຮັບ​ມື​ກັບ​ບັນຫາ​ດັ່ງກ່າວ​ຮ່ວມ​ກັນ.

ທ່ານ Kerry ກ່າວ​ເຖິງ​ການ​ຮ່ວມ​ມືລະຫວ່າງ​ອິນ​ເດຍກັບ​ສະຫະລັດ​ນັ້ນວ່າ​ໄດ້​ກ້າວ​ໄປ​ເຖິງ​ລະດັບ​ທີ່​ບໍ່​ເຄີຍ​ມີ​ມາ​ກ່ອນ ​ແຕ່​ກໍ​ກ່າວ​ຕື່ມ​ວ່າ ຍັງ​ມີ​ອີກ​ຫລາຍ​ສິ່ງ​ຫຼາຍຢ່າງ ​ທີ່​ຈຳ​ເປັນ​ຕ້ອງ​ ໄດ້​ກະທຳໃນ​ຂະນະ​ທີ່​ໃຫ້​ຂໍ້​ສັງ​ເກດ​ວ່າ ສັນຕິພາບ​ອັນ​ຖາວອນ​ແມ່ນ​ຕ້ອງການຄວາມ​ເຂັ້ມ​ແຂງ​ທາງ​ດ້ານ​ການ​ທູດ.

ອ່ານຂ່າວນີ້ຕື່ມເປັນພາສາອັງກິດ

XS
SM
MD
LG