ລິ້ງ ສຳຫລັບເຂົ້າຫາ

ທ່ານ Kerry ຫາລືຢູ່ປາຣີ ຂະນະທີ່ ການເຈລະຈາ ນິວເຄຼຍ ກັບອີຣ່ານ ຫຍັບເຂົ້າໃກ້ ເສັ້ນຕາຍ


ພວກນັກຂ່າວ ກາງຕູບຜ້າຕັ້ງ ຢູ່ຕໍ່ໜ້າວັງ Coburg ບ່ອນທີ່ການເຈລະຈາ ແບບປິດລັບ ກ່ຽວກັບ ໂຄງການນິວເຄລຍ ຂອງອີຣ່ານ ມີຂຶ້ນທີ່ວຽນນາ (19 ພະຈິກ 2014)

ລັດຖະມົນຕີການຕ່າງປະເທດສະຫະລັດ ທ່ານ John Kerry
ກຳລັງພົບປະທີ່ນະຄອນປາຣີໃນວັນພະຫັດມື້ນີ້ກັບລັດຖະມົນ
ຕີການຕ່າງປະເທດ ຂອງຝຣັ່ງ ແລະຊາອຸດີ ອາຣາເບຍ ເພື່ອ
ປຶກສາຫາລືກ່ຽວກັບການເຈລະຈາເລື່ອງໂຄງການນິວເຄລຍ
ຂອງອີຣ່ານ ທີ່ກຳລັງດຳເນີນຢູ່ນັ້ນ.

ຄະນະເຈລະຈາຂອງອີີຣ່ານ ແລະນາໆຊາດ ທີ່ຮວມທັງສະຫະ
ລັດ ອັງກິດ ຈີນ ຝຣັ່ງ ຣັດເຊຍແລະເຢຍຣະມັນພວມເຕົ້າໂຮມ
ກັນຢູ່ທີ່ນະຄອນວຽນນາ ເພື່ອຫາທາງສະຫລຸບການເຈລະຈາ
ທີ່ດຳເນີນມາເປັນເວລານຶ່ງປີດ້ວຍການບັນລຸຂໍ້ຕົກລົງໃນຂອບ
ເຂດທີ່ກວ້າງຂວາງ. ເສັ້ນຕາຍ ຂອງພວກເຂົາເຈົ້າ ແມ່ນມື້ວັນ
ຈັນນີ້.

ໃນຕະຫຼອດໄລຍະການດຳເນີນຂັ້ນຕອນນີ້ ເຈົ້າໜ້າທີ່ຂອງທັງສອງຝ່າຍຕ່າງກໍໃຫ້ຄວາມ ຫວັງໃນລະດັບໃດລະດັບນຶ່ງ ແລະຄວາມບໍ່ແນ່ນອນ ກ່ຽວກັບວ່າ ເຂົາເຈົ້າຈະບັນລຸການ ຕົກລົງທີ່ຄ້ຳປະກັນວ່າ ໂຄງການນິວເຄລຍຂອງອີຣ່ານແມ່ນມີຈຸດປະສົງໃນທາງສັນຕິໃນ ຂະນະທີ່ໃຫ້ອີຣ່ານ ໄດ້ຮັບການຜ່ອນຜັນຕໍ່ການລົງ ໂທດຂອງນາໆຊາດທີ່ໄດ້ສ້າງຄວາມ ເສຍຫາຍ ໃຫ້ແກ່ເສດຖະກິດຂອງເຕຫະຣ່ານນັ້ນ.

ທ່ານ Kerry ມີກຳນົດທີ່ຈະໄປຮ່ວມການເຈລະຈາຢູ່ນະຄອນວຽນນາແຕ່ທ່ານ Jeff Rath
ke ຜູ້ອຳນວຍການດ້ານການຂ່າວ ຂອງກະຊວງການຕ່າງປະເທດສະຫະລັດ ກ່າວໃນວັນ ພຸດມື້ວານນີ້ວ່າ ເວລາໃນການເດີນທາງໄປຮອດຂອງທ່ານນັ້ນ ຍັງບໍ່ທັນມີການຕັດສິນໃຈ ເທື່ອ.

ການເຈລະຈາ ຕົ້ນຕໍແລ້ວ ມີກຳນົດສິ້ນສຸດລົງ ໃນເດືອນກໍລະກົດຜ່ານມາ ແຕ່ເນື່ອງຈາກ ຍັງບໍ່ສາມາດບັນລຸການຕົກລົງກັນໄດ້ທັງສອງຝ່າຍຈຶ່ງພາກັນຕັດສິນໃຈ ຕໍ່ເວລາອອກໄປ ຕື່ມອີກ 6 ເດືອນ.

ທ່ານ Rathke ກ່າວວ່າ ສະຫະລັດຍັງສືບຕໍ່ເພັ່ງເລັງໃສ່ເສັ້ນຕາຍໃນມື້ວັນຈັນນີ້ແລະຍັງບໍ່ ໄດ້ເວົ້າເຖິງ ການຕໍ່ເວລາຄັ້ງໃໝ່ເທື່ອ.

XS
SM
MD
LG