ລິ້ງ ສຳຫລັບເຂົ້າຫາ

ລມຕ ຕ່າງປະ​ເທດ Kerry ເດີນທາງໄປ ​ຕາ​ເວັນ​ອອກ​ກາງ (ວີດິໂອ)


ທ່ານ John Kerry ລັດຖະມົນຕີຕ່າງປະເທດ ສຫລ ເດີນທາງໄປຮອດ ສະໜາມບິນນາໆຊາດ Queen Alia ທີ່ກຸງອຳມານ ປະເທດຈໍແດນ (16 ກໍລະກົດ 2013)

ທ່ານ John Kerry ລັດຖະມົນຕີຕ່າງປະເທດ ສຫລ ເດີນທາງໄປຮອດ ສະໜາມບິນນາໆຊາດ Queen Alia ທີ່ກຸງອຳມານ ປະເທດຈໍແດນ (16 ກໍລະກົດ 2013)

ລັດຖະມົນຕີຕ່າງປະ​ເທດສະຫະລັດ ທ່ານ John Kerry ກໍາລັງ​
ເດີນທາງ​ກັບ​ຄືນ​ໄປ​ຍັງຕາ​ເວັນ​ອອກ​ກາງ ທ່າມກາງ​ຄວາມເຄັ່ງ​
ຕຶງ​ທີ່​ເພີ້ມທະວີ​ຂຶ້ນໃນອີ​ຈິບ ​ແລະ​ສະ​ຖານະ​ການ​ທີ່​ຊຸດ​ໂຊມລົງ
ໃນ​ຊີເຣຍ.

ທ່ານ Kerry ​ໄດ້​ອອກ​ເດີນ​ທາງ​ໃນ​ວັນ​ຈັນ​ວານ​ນີ້ໄປ​ສູ່​ນະຄອນ
ຫຼວງ Amman ​ຂອງຈໍແດນ ບ່ອນ​ທີ່​ທ່ານ​ມີ​ກໍານົດ​ພົບ​ປະ​ກັບບັນດາ​ເຈົ້າ​ໜ້າ​ທີ່ສັນນິບາດ​
ອາຣັບ ​ເພື່ອ​ສົນທະນາ​ກ່ຽວ​ກັບສະຖານະ​ການ​ໃນ​ອີ​ຈິບນັບ​ຕັ້ງ​ແຕ່ພວກ​ທະຫານ​ໄດ້​ໂຄ່ນ​ລົ້ມ​ປະທານາທິບໍດີ Mohammed Morsi ອອກ​ຈາກ​ຕໍາແໜ່​ງ ​ໃນ​ຕົ້ນ​ເດືອນ​ນີ້.

ນອກ​ນັ້ນ​ແລ້ວ ຍັງເປັນ​ທີ່ຄາດ​ກັນວ່າ ທ່ານ​ຈະ​ສົນທະນາ​ກ່ຽວ​ກັບວິ​ກິດ​ການ ຢູ່​ໃນຊີເຣຍ.

ຍັງ​ບໍ່​ເປັນ​ທີ່​ແຈ້ງ​ຂາວ​ເທື່ອ​ວ່າ ທ່ານ Kerry ຈະ​ສົນທະນາ​ຫາລືເພື່ອ​ຫາ​ທາງ​ຟື້ນ ຟູການ​ເຈລະຈາ​ສັນຕິພາບ​ ລະຫວ່າງ​ອິສຣາ​ແອ​ລ​ແລະ​ປາ​ແລ​ສ​ຕາຍ​ນ໌​ຫລື​ບໍ່ ​ໃນ​ລະຫວ່າງ​ການ​ເດີນທາງ​ໄປ​ຕາ​ເວັນ​ອອກ​ກາງ​ເທື່ອ​ນີ້. ​ແ​ຕ່ບັນດາ​ເຈົ້າ​ໜ້າ​ທີ່ສະຫະ ລັດ ກ່າວ​ວ່າ ທ່ານ​ອາດ​ຈະ​ພົບ​ປະ​ກັບປະທານາທິບໍດີປາ​ແລ​ສຕາຍ​ນ໌ ທ່ານ Mahmoud Abbas ຢູ່​ທີ່ນະຄອນ Amman.

ນີ້​ແມ່ນ​ການ​ເດີນທາງ​ຖ້ຽວ​ທີ 6 ​ໄປຢ້ຽມຢາມ​ພາກ​ຕາ​ເວັນ​ອອກ​ກາງຂອງ​ທ່ານ Kerry ນັບ​ຕັ້ງ​ແຕ່​ໄດ້​ເຂົ້າກຳ​ຕຳ​ແໜ່​ງ​ເປັນລັດຖະມົນຕີຕ່າງປະ​ເທດສະຫະລັດ ​ໃນ​ຕົ້ນ​ປີ​ນີ້.

ເບິ່ງວີດິໂອ ກ່ຽວກັບຂ່າວນີ້:

XS
SM
MD
LG