ລິ້ງ ສຳຫລັບເຂົ້າຫາ

ທ່ານ Kerry ຢ້ຽມຢາມ ບຸລກາເຣຍ ເພື່ອຫາລື ກ່ຽວກັບ ຄວາມໝັ້ນຄົງ ດ້ານພະລັງງານ ແລະອື່ນໆ


ທ່ານ John Kerry ລັດຖະມົນຕີຕ່າງປະເທດສະຫະລັດ ຍ່າງຄຽງຂ້າງ ນາຍົກລັດຖະມົນຕີ Boyko Borisov ແຫ່ງບຸລກາເຣຍ ຫລັງຈາກກ່າວຕໍ່ກອງປະຊຸມນັກຂ່າວທ່ີນະຄອນໂຊເຟຍ ວັນທີ 15 ມັງກອນ 2015

ທ່ານ John Kerry ລັດຖະມົນຕີ​ການ​ຕ່າງປະ​ເທດ​ສະຫະລັດ
​ແລະຄູ່​ຕຳ​ແໜ່​ງຈາກ Bulgaria ຄື​ລັດຖະມົນຕີ​ຕ່າງປະ​ເທດ
Daniel Mitov ​ໄດ້​ຢືນຢັນ​ການ​ເປັນ​ຄູ່​ພາຄີ​ດ້ານ​ຍຸດ​ທະ​ສາດ​
ທີ່​ແຂງ​ແຮງ​ກັນ ລະຫວ່າງປະ​ເທດຂອງ​ພວກ​ທ່ານ ຂະນະ​ທີ່​
ທ່ານ Kerry ​ເລີ້ມ​ຕົ້ນ​ການ​ພົບປະກັນ​ຫລາຍ​ບັ້ນ​ຕິດ​ຕໍ່​ກັນ​ມາ
ກັບ​ບັນດາ​ເຈົ້າ​ໜ້າ​ທີ່ Bulgaria ກ່ຽວ​ກັບ​ເລື້ອງ​ຕ່າງໆຮວມທັງ
ເລື້ອງ​ຄວາມ​ປອດ​ໄພດ້ານ​ພະລັງງານ ​ແລະ​ຄວາມ​ມັ່ງ​ຄັ່ງ​ສົມ
ບູນ​ດ້ານ​ເສດຖະກິດ.

ທ່ານ Kerry ​ແລະ​ທ່ານ Mitov ​ໄດ້​ພົບ​ປະກັນ​ໃນ​ວັນ​ພະຫັດ​ມື້​ນີ້ ທີ່​ນະຄອນ​ໂຊ​ເຟຍ ກ່ຽວ​ກັບ​ການ​ຢ້ຽມຢາມ​ຂອງ​ນັກ​ການ​ທູດ​ຂອງ​ສະຫະລັດ​ຄັ້ງ​ທຳ​ອິດ​ທີ່ Bulgaria ​ໃນ​ຖານະ​ເປັນ​ລັດຖະມົນຕີ​ການ​ຕ່າງປະ​ເທດ. ຖະ​ແຫຼ​ງການ​ຂອງ​ກະຊວງ​ການ​ຕ່າງປະ​ເທດ​ສະຫະລັດ ​ເວົ້າ​ວ່າ ພວກ​ລັດຖະມົນຕີ​ທັງ​ສອງ ​ໄດ້​ໂອ້​ລົມ​ສົນທະນາ​ກັນ​ເລື້ອງ​ສະຖານະ​ການ​ຕ່າງໆ
​ຢ່າງ​ກວ້າງຂວາງ ຮວມທັງ​ເລື້ອງ​ການ​ເມືອງ​ໃນ​ພາກ​ພື້ນ​ແລະ​ໃນ​ໂລກ ການ​ຮ່ວມ​ມື​ກັນ​ໃນ​ດ້ານ​ປ້ອງ​ກັນ​ປະ​ເທດ ​ແລະ​ຄວາມ​ປອດ​ໄພ ຄວາມຫຼາກ​ຫຼາຍ​ດ້ານ​ພະລັງງານ ​ແລະ​ການ​ປະຕິ​ຮູບ​ຕ່າງໆ​ທາງ​ດ້ານກົດໝາຍ​ທີ່​ພວມ​ດຳ​ເນີນ​ໄປ​ຂອງ Bulgaria ນັ້ນ.

ມີ​ການ​ຄາດ​ເຊັ່ນ​ກັນ​ວ່າ ທ່ານ Kerry ຈະ​ພົບ​ປະ​ກັບ​ປະທານາທິບໍດີ Rosen Plevneliev ​ແລະ​ນາຍົກລັດຖະມົນຕີ Boyko Borissov ຂອງ Bulgaria ​ໃນ​ຂະນະ​ທີ່​ທ່ານ​ພັກ​ຢູ່​ໃນ​ນະຄອນຫຼວງ​ຂອງ Bulgaria ​ໃນ​ວັນ​ພະຫັດ​ມື້​ນີ້. ທ່ານ​ຈະ​ພົບ​ປະກັນ​ຕ່າງຫາກ​ກັບ​ທ່ານ Phillip Hammond ລັດຖະມົນຕີ​ຕ່າງປະ​ເທດ​ອັງກິດ ທີ່​ກຳລັງ​ທຳ​ການຢ້ຽມຢາມ​ຢູ່​ໃນ​
ຂົງ​ເຂດ​ນັ້ນ.

​ເຈົ້າ​ໜ້າ​ທີ່​ຂັ້ນ​ອາວຸ​ໂສ​ທ່ານ​ນຶ່ງ ຂອງ​ກະຊວງ​ການ​ຕ່າງປະ​ເທດ ກ່າວມາກ່ອນ​ໜ້າ​ນີ້ ວ່າ ການ​ກາງ​ຕໍ່​ອາ​ໄສ​ໃນ​ດ້ານ​ພະລັງງານ “ຢ່າງ​ຫຼວງ​ຫຼາຍ" ​ຂອງ Bulgaria ນັ້ນ ກໍ​ຢູ່​ໃນ​
ລາຍການ​ພົບ​ປະກັນ ຫຼັງ​ຈາກ ການ​ລົບ​ລ້າງ​ໂຄງການ​ວາງ​ທໍ່​ລຳລຽງ​ນ້ຳມັນ South Stream ຂອງຣັດເຊຍ​ໃນເດືອນ​ແລ້ວ​ນີ້.

XS
SM
MD
LG