ລິ້ງ ສຳຫລັບເຂົ້າຫາ

ລັດຖະມົນຕີ ຕ່າງປະເທດ Kerry ເລີ້ມຢ້ຽມຢາມ ຫ້າປະເທດ ເອເຊຍກາງ


ລັດຖະມົນຕີ ຕ່າງປະເທດ ສະຫະລັດ ທ່ານ John Kerry (ຊ້າຍ) ຍີ້ມຫົວ ກັບ ລັດຖະມົນຕີ ຕ່າງປະເທດ Kyrgyztan ທ່ານ Erlan Abdyldaev (ຂວາ)

ລັດຖະມົນຕີ ຕ່າງປະເທດ ສະຫະລັດ ທ່ານ John Kerry (ຊ້າຍ) ຍີ້ມຫົວ ກັບ ລັດຖະມົນຕີ ຕ່າງປະເທດ Kyrgyztan ທ່ານ Erlan Abdyldaev (ຂວາ)

ລັດຖະມົນຕີ ຕ່າງປະ​ເທດ ສະຫະລັດ ທ່ານ​ John Kerry ​ໄດ້
​ເດີນ​ທາງໄປ ເຖິງ​ນະຄອນ Bishkek ປະ​ເທດ Kyrgystan
ບ່ອນ​ຢຸດແວ່​ທຳ​ອິດ ​ໃນການ​ຢ້ຽມ​ຢາມ​ຫ້າ​ປະ​ເທດ ​ໃນເຂດ
​ເອ​ເຊຍກາງ ​ໃນ​ຂະນະ​ທີ່​ບັນດາ​ກຸ່ມປົກ​ປ້ອງ​ສິດທິ​ມະນຸດ
”ພາກັນຮຽກຮ້ອງ​ໃຫ້​ທ່ານ ກ່າວ​ເຖິງ​ເລື້ອງສິດທິ​ມ​ະນຸດ​ ແລະ
ສິດ​ເສລີ ພາບ​ໃນ​ການ​ປາ​ກ​ເ​ວົ້າ.

ທ່ານ Kerry ​ໄດ້ໄປ​ເຖິງ​ນະຄອນຫລວງ Kyrgyztan ໃນ​ວັນ​
ເສົາ​ມື້​ນີ້ເພື່ອ​ຢ້ຽມ ຢາມ​ເປັນ​ເວລາ​ໜຶ່ງ​ມື້ ​ເປັນ​ມື້​ທຳ​ອິດ​ຂອງ​
ການ​ຢ້ຽມຢາມໜຶ່ງ​ມື້ ຕໍ່​ປະ​ເທດຕ່າງໆ ທີ່​ຮວມທັງ Uzbekistan,
Kazakhstan, Tajikistan ​ແລະ Turkmenis-tan.

ບັນດາ​ເຈົ້າ​ໜ້າ​ທີ່ສະຫະລັດ ​ເຫັນ​ວ່າ ການ​ຢ້ຽມ​ຢາມ​ຂອງ​ທ່ານ Kerry ມີ​ຄວາມ​ໝາຍເຖິງ
ການ​ຄໍ້າປະກັນ​ ຕໍ່ບັນດາ​ປະ​ເທດ​ໃນ​ເຂດ​ເອ​ເຊຍ​ກາງ ​ໃນ​ຄວາມສຳພັນ​ ​ອັນແໜ້ນ​ແຟ້ນ
ກັບສະຫະລັດ ຂອງ​ເຂົາ​ເຈົ້າ ​ໃນເວລາ​ທີ່ຄວາມສຳພັນ​ ລະຫວ່າງ ສະຫະລັດ ​ແລະ ຣັດ
​ເຊຍ ຊຶ່ງເປັນ​ເພື່ອນ​ບ້ານຂອງ​ເຂົາ​ເຈົ້າ ກຳລັງ​ເຢັນຊາ​ລົງ. ​ແຕ່​ວ່າທ່ານ Kerry ກໍ​ກຳລັງ​
ຖືກ​ກົດ​ດັນເພື່ອ​ໃຫ້ກ່າວ​ຢ່າງ​ເປີດ​ເຜີຍ​ກ່ຽວ​ກັບການ ​ຂາດ​ຕົກ​ບົກ​ຜ່ອງຫຼືຄວາມ​ລົ້ມ​ແຫຼວ
​ໂດຍ​ກຸ່ມ​ອະດີດສາທາລະນະ​ລັດ​ຂອງສະຫະ ພາບໂຊ​ຫວຽດ​ເຫຼົ່ານີ້.

ສະມາຊິກ​ສະພາ​ສູງສະຫະລັດ ທ່ານ​ Ben Cardin ທີ່​ສັງ​ກັດ​ຢູ່​ໃນຄະນະ​ກຳມະ ການ
ຄວາມສຳພັນຕ່າງປະເທດ ຂອງ​ສະພາ​ສູງ ​ໄດ້​ສົ່ງ​ໜັງ​ສື​ເປີດ​ຊອງ ​ໄປ​ຫາ ທ່ານ Kerry
​ໃນ​ວັນ​ສຸກ​ວານ​ນີ້ ຮຽກຮ້ອງ​ໃຫ້​ທ່ານຊຸກຍູ້​ ການ​ປ່ອຍ​ບັນດາ​ນັກ​ໂທ​ດການ​ເມືອງ ຢູ່​ໃນ
ປະ​ເທດຕ່າງໆທີ່​ທ່ານ​ຢ້ຽມຢາມ. ທ່ານ​ໄດ້​ຮ້ອງ​ຂໍ​ໃຫ້ທ່ານ​ Kerry ເນັ້ນ​ໜັກ​ເຖິງ​ຄວາມ
​ໝັ້ນໝາຍ​ອັນໜັກ​ແໜ້ນຂອງ​ສະຫະລັດ ຕໍ່​ຫລັກການ ​ປະຊາທິປະ​ໄຕທີ່​ສາກົນ​ຮັບຮູ້
”​ໃນ​ຂະນະ​ທີ່​ທ່ານ​ພົບ​ປະ​ກັບລັດຖະມົນຕີ ຕ່າງປະ​ເທດ ຂອງ​ປະ​ເທດ​ເຫລົ່ານີ້.

ກຸ່ມ​ປົກ​ປ້ອງ​ສິດທິ​ມະນຸດ Human Rights Watch ທີ່​ມີ​ສຳນັກງານ​ຢູ່ ​ສະຫະລັດ ຍັງ​
ຮຽກຮ້ອງ​ໃຫ້ ທ່ານ Kerry ສະ​ແດງ​ຄວາມ​ເປັນ​ຫ່ວງ​ ກ່ຽວ​ກັບປະຫວັດ ການ​ເຄົາລົບ
​ນັບຖື​ສິດທິ​ມະນຸດ​ຂອງ​ບັນດາ​ປະ​ເທດ​ເຫລົ່ານີ້ ​ໂດຍ​ຂໍຮ້ອງ​ໃຫ້​ທ່ານ Kerry ກົດ​ດັນ
ໃຫ້​ມີການ​ປ່ອຍຜູ້​ຄົນທີ່​ຈັບ​ໃສ່ຄຸກ​ຍ້ອນແບບ​ຜິ​ດພາດ ຍຸດຕິການ ​ທໍລະມານທີ່​ບໍ່​ໄດ້
ຖືກ​ໂທດແລະຍຶດ​ໝັ້ນ​ ​ໃນ​ຄວາມ​ໝັ້ນໝາຍ​ຕ່າງໆ​ກ່ຽວ​ກັບ​ການ ນັບຖື​ບັນດາ​ສິດທິສຳ
ຄັນຕ່າງໆ.

XS
SM
MD
LG