ລັດຖະມົນຕີການຕ່າງປະເທດສະຫະລັດ ທ່ານ John Kerry
ກຳລັງຢູ່ໃນລະຫວ່າງການເດີນທາງຢ້ຽມຢາມເຂດເອເຊຍໃນ
ວັນອາທິດມື້ນີ້ ໂດຍຈະຢຸດແວ່ທີ່ປະເທດລາວ ກຳປູເຈຍແລະ
ຈີນ.
ບ່ອນຢຸດແວ່ແຫ່ງທຳອິດ ຈະແມ່ນການຢ້ຽມຢາມລາວເປັນເວ
ລາສອງມື້ ຊຶ່ງໃນ ປັດຈຸບັນນີ້ເປັນປະທານຂອງສະມາຄົມບັນ
ດາປະຊາຊາດໃນເຂດເອເຊຍຕາເວັນອອກສຽງໃຕ້ຫຼືອາຊ່ຽນ.
ບັນດາປະເທດສະມາຊິກຂອງກຸ່ມດັ່ງກ່າວ ມີຄວາມວິຕົກກັງ
ວົນກ່ຽວກັບການມີ ຄວາມໝັ້ນໃຈເພີ້ມຂຶ້ນຂອງຈີນ ໃນການ
ອ້າງເອົາກຳມະສິດກວມກັນຢູ່ໃນທະເລຈີນໃຕ້ບ່ອນທີ່ຈີນກຳ
ລັງສ້າງເກາະທຽມຂຶ້ນນັ້ນ.
ປະທານາທິບໍດີບາຣັກ ໂອບາມາ ຈະເປັນເຈົ້າພາບຕ້ອນຮັບບັນດາປະເທດສະມາຊິກອາ
ຊ່ຽນທີ່ລັດຄາລີຟໍເນຍໃນເດືອນໜ້ານີ້.
ເປັນທີີ່ຄາດກັນວ່າ ໃນການເດີນທາງ ຢ້ຽມຢາມລາວຄັ້ງນີ້ ທ່ານ Kerry ຈະກ່າວຢ້ຳເຖິງ
ຄວາມສຳຄັນຂອງອາຊ່ຽນທີ່ມີຄວາມປຸ້ມລຸມສາມັກຄີກັນເພື່ອຕອບຮັບຕໍ່ການອ້າງກຳມະ
ສິດຂອງຈີນ.
ສະຫະລັດແລະລັດຖະບານຂອງປະເທດຕ່າງໆທີ່ອ້າງກຳມະສິດກວມກັນກັບຈີນຢູ່ໃນທະ
ເລຈີນໃຕ້ກ່າວວ່າ ການກະທຳຂອງຈີນເປັນໄພຂົ່ມຂູ່ຕໍ່ສະຖຽນລະພາບ.
ທ່ານ Kerry ຈະອອກເດີນທາງຕໍ່ໄປຍັງກຳປູເຈຍ ໃນແລງວັນຈັນ ບ່ອນທີ່ທ່ານຈະໄດ້ພົບ
ປະກັບທ່ານຮຸນເຊນ ນາຍົກລັດຖະມົນຕີທີ່ກຳອຳນາດດົນທີ່ສຸດໃນເອເຊຍ.
ຫລັງຈາກທ່ານລັດຖະມົນຕີ Kerry ກໍຈະອອກເດີນທາງໄປຈີນ ບ່ອນທີ່ທ່ານມີແຜນຈະກົດ
ດັນຈີນໃຫ້ໃຊ້ອິດທິພົນຂອງຕົນຫຼາຍຂຶ້ນບີບໃຫ້ເກົາຫຼີເໜືອເຊົາທົດລອງນິວເຄລຍ.
