ລິ້ງ ສຳຫລັບເຂົ້າຫາ

ວັນອັງຄານ, ໑໙ ມີນາ ໒໐໒໔

ຊາວເຄນຢາ ​ໄດ້​ຊະນະ ​ການ​ແລ່ນມາລາ​ທອນ ຄັ້ງ​ທີ 121 ​ຢູ່​ນະຄອນ Boston


ທ້າວ Geoffrey Kirui ຈາກປະເທດເຄນຢາ ນຳໜ້າທ້າວ Galen Rupp ຈາກສະຫະລັດ ໃນການແຂ່ງຂັນ ແລ່ນມາລາທອນ ຄັ້ງທີ 121 ທີ່ນະຄອນ Boaston.
ທ້າວ Geoffrey Kirui ຈາກປະເທດເຄນຢາ ນຳໜ້າທ້າວ Galen Rupp ຈາກສະຫະລັດ ໃນການແຂ່ງຂັນ ແລ່ນມາລາທອນ ຄັ້ງທີ 121 ທີ່ນະຄອນ Boaston.

ທ້າວ Geoffrey Kirui ຈາກ​ Kenya ​ໄດ້​ຊະນະ​ການ​ແລ່ນມາລາ​ທອນ ຢູ່​ນະຄອນ
Boston ຄັ້ງ​ທີ 121 ​ໃນ​ວັນ​ຈັນ​ວານ​ນີ້ ນຳພາປະ​ເທດ​ຂອງ​ທ່ານ ​ໃນ​ການ​ຄວ້າ​ເອົາ​
ໄຊຊະນະທັງ​ປະ​ເພດຊາຍແລະຍິງມາຄອບຄອງ.

ທ້າວ Kirui ​ໄດ້ແລ່ນ​ອອກ​ໜ້າ​ ທ້າວ Galen Rupp ​ນັກ​ກິລາໂອ​ລິ​ມປິກ​ສະ ຫະລັດ​
ສາມ​ສະ​ໄ​ໝ​ໃນ​ໄລຍະ ​3 ກິ​ໂລ​ແມັດຂອງ​ໄລຍະ​ທາງ​ທັງ​ໝົດ 42 ກິ​ໂລ​ແມັດ ​ເພື່ອຄວ້າ
​ເອົາ​ຕຳ​ແໜ່​ງມາ​ຄອງ ​ໃນ​ເວລາ 2 ຊົ່ວ​ໂມງ 9 ນາທີກັບ 37 ວິນາ​ທີ. ທ້າວ Rupp ​ໄດ້​
ນຳ​ຫລັງມາ 21 ວິ​ນາ​ທີ ​ແລະ ທ້າວ Suguru Osako ຈາກ​ຍີ່ປຸ່ນ ​ໄດ້​ເປັນ​ທີ​ສາມ 51
ວິນາທີ​ ຢູ່​ຫລັງ​ຂອງ​ຜູ້​ຊະນະ​ເລີດ.

ນາງ Edna Kiplagat ຈາກເຄນຢາ ໄດ້ຊະນະປະເພດຍິງ ຂອງການແລ່ນມາລາທອນ ຄັ້ງທີ 121.
ນາງ Edna Kiplagat ຈາກເຄນຢາ ໄດ້ຊະນະປະເພດຍິງ ຂອງການແລ່ນມາລາທອນ ຄັ້ງທີ 121.

ທ້າວ Kirui ອາຍຸ 25 ປີ ​ເຂົ້າແຂ່ງຂັນ​ແລ່ນມາລາ​ທອນ​ ພຽງ​ແຕ່​ເປັນເທື່ອ​ທີ​ສາມ ກ່າວ
​ວ່າ “​ໃນ​ຈິດ​ໃຈ​ຂ້າ​ພະ​ເຈົ້າ​ແລ້ວ ຂ້າ​ພະ​ເຈົ້າ​ເຊື່ອ​ແນ່​ວ່າ ວັນ​ນຶ່ງ​ຂ້າພະ​ເຈົ້າ​ຈະໄດ້​ຊະນະ.
ມານະ​ຄອນ Boston ທີ່​ນີ້ ຂ້າພະ​ເຈົ້າ​ຮູ້​ວ່າ ຂ້າພະ​ເຈົ້າ​ຈະປະ​ເຊີ​ນໜ້າ​ກັບ​ບັນດາ​ຄູ່​ແຂ່​ງ
ຂັນ​ຕ່າງໆ ຜູ້​ທີ່​ໄດ້​ແລ່ນ​ຢູ່​ທີ່​ນີ້​ຫລາ​ຍຄັ້ງ. ຂ້າພະ​ເຈົ້າ​ຮູ້​ວ່າ ຂ້າພະ​ເຈົ້າ​ຈະ​ຖືກທ້າ​ທາຍ​
ຈາກ​ແຊມ​ປຽນ​ຈຳນວນ​ນຶ່ງ ຜູ້​ທີ່​ໄດ້​ເຂົ້າ​ແຂ່ງ ຂັນ​ຢູ່​ທີ່​ນີ້.”

ທ້າວ Yemane Tsegay ຈາກເອທິໂອເປຍ ທີ່ສີ່ຈາກຊ້າຍ ນຳໜ້າໆໝູ່ ທີ່ການແຂ່ງຂັນແລ່ນມາລາທອນ ຄັ້ງທີ 121 ທີ່ນະຄອນ Boston.
ທ້າວ Yemane Tsegay ຈາກເອທິໂອເປຍ ທີ່ສີ່ຈາກຊ້າຍ ນຳໜ້າໆໝູ່ ທີ່ການແຂ່ງຂັນແລ່ນມາລາທອນ ຄັ້ງທີ 121 ທີ່ນະຄອນ Boston.

ນາງ Edna Kipagat ​ໄດ້​ຊະນະ​ການ​ແຂ່ງຂັນ​ເພດ​ຍິງ ໂດຍ​ໃຊ້​ເວລາ 2 ຊົ່ວ​ໂມງ 21
ນາທີກັບ 52 ວິນາທີ ໃຫ້​ແກ່​ເຄນ​ຢາ. ນາງ Rose Chemilo ຈາກ Bahrain ​ໄດ້​ເປັນ​
ທີສອງ ນຳ​ຫລັງມາ 59 ວິນາທີ​ ​ແລະ ຄົນອາ​ເມຣິກັນ ​ເຊື້ອສາຍຈໍ​ແດນ Hasay ​ນຳ
​ຫລັງມາ​ເກົ້າ​ວິນາທີ ​ເພື່ອ​ຄວ້າ​ເອົາ​ທີ​ສາມ.

ອ່ານຂ່າວນີ້ເພີ້ມເປັນພາສາອັງກິດ

Boston Marathon
please wait
Embed

No media source currently available

0:00 0:00:51 0:00

XS
SM
MD
LG