ລິ້ງ ສຳຫລັບເຂົ້າຫາ

ເຄັນຢາ ກຳລັງຕັ້ງ ກຳນົດເວລາ ເພື່ອປິດສູນ ອົບພະຍົບ Dadaab ຂອງຊາວໂຊມາເລຍ


ພາບນຶ່ງຂອງສູນອົບພະຍົບ Dadaab ທີ່ໃຫຍ່ສຸດຂອງໂລກ ຕັ້ງ ຢູ່ໃນພາກຕາເວັນອອກສຽງເໜືອ ຂອງ Kenya. ພາບຖ່າຍເມື່ອປີ 2012.

ພາບນຶ່ງຂອງສູນອົບພະຍົບ Dadaab ທີ່ໃຫຍ່ສຸດຂອງໂລກ ຕັ້ງ ຢູ່ໃນພາກຕາເວັນອອກສຽງເໜືອ ຂອງ Kenya. ພາບຖ່າຍເມື່ອປີ 2012.

ລັດຖະມົນຕີ ກະຊວງພາຍໃນ ຂອງ Kenya ໄດ້ປະກາດ ໃນວັນພຸດວານນີ້ ວ່າ Kenya ກຳລັງຕັ້ງກຳນົດເວລາ ສຳລັບປິດສູນອົບພະຍົບ Dadaab ຊຶ່ງເປັນທີ່ຢູ່ອາໄສ ຂອງຊາວ ອົບພະຍົບ Somalia ປະມານ 350,000 ຄົນ.

ຫຼັງຈາກທີ່ໄດ້ປະສົບກັບການໂຈມຕີຫຼາຍບັ້ນ ທີ່ອ້າງເອົາຄວາມ​ຮັບຜິດ ຊອບໂດຍກຸ່ມຫົວ ຮຸນແຮງອິສລາມ al-Shabab ຂອງ Somalia ແລ້ວ Kenya ໄດ້ຈັດຕັ້ງໜ່ວຍງານໜຶ່ງ ຂຶ້ນມາ ເພື່ອຮັບມືກັບແຜນການ ປິດສູນດັ່ງກ່າວ ອິງຕາມ ລັດຖະມົນຕີ ກະຊວງພາຍໃນ ທ່ານ Joseph Nkaissery.

ທ່ານ Nkaissery ໄດ້ກ່າວໃນກອງປະຊຸມຖະແຫລງຂ່າວ ວ່າ “ພວກເຂົາເຈົ້າຈະນຳສະ ເໜີ ກຳນົດເວລາດັ່ງກ່າວ ບົນພື້ນຖານຂອງຊັບພະ ຍາກ​ອນທີ່ຕ້ອງການ ໂດຍກ່າວຕື່ມ ວ່າ ປະເທດໄດ້ຈັດສັນທຶນຮອນ ຈຳນວນນຶ່ງຂອງລັດໄປແລ້ວ ເພື່ອດຳເນີນການ ກັບ ໂຄງການດັ່ງກ່າວ. ລັດຖະບານ ໄດ້ເລີ້ມລົງມື​ແລ້ວ ​ເພື່ອປິດສູນອົບພະຍົບ Dadaab.”

ທ່ານບໍ່ໄດ້​ໃຫ້​ລາຍ​ລະອຽດ​ໃດໆ​ວ່າ ມີ​ການ​ເອົາ​ບາດກ້າວໃໝ່ຫຼືບໍ່ ນອກເໜືອໄປຈາກ ໂຄງການສະມັກໃຈ ກັບຄືນປະເທດ ທີ່ນຳໃຊ້ຢູ່ແລ້ວນັ້ນ ຫຼືບໍ່.

Kenya ໄດ້ປະກາດໃນວັນສຸກຜ່ານມານີ້ວ່າ ຕົນຈະປິດສູນອົບພະຍົບ Dadaab ແລະ Kakuma “ພາຍໃນໄລຍະສັ້ນທີ່ສຸດ ທີ່ເປັນໄປໄດ້” ໂດຍອ້າງເຖິງຄວາມກັງວົນ ດ້ານ ຄວາມປອດໄພຕ່າງໆ ໂດຍສະເພາະ ຈາກກຸ່ມ al-Shabab ຊຶ່ງເປັນກຸ່ມຫົວຮຸນແຮງ ອິສລາມ ທີ່ໜູນຫຼັງໂດຍ Somalia ທີ່ໄດ້ປະຕິບັດການໂຈມຕີຂະໜາດໃຫຍ່ ຫຼາຍບັ້ນ ຢູ່ໃນ Kenya. Kenya ໄດ້ກ່າວວ່າ ການເປັນເຈົ້າພາບ ຮັບເອົາຊາວອົບພະຍົບ ຜູ້ທີ່ມາ ຈາກ Somalia ເປັນສ່ວນໃຫຍ່ ໄດ້ເຮັດໃຫ້ມີ “ຄວາມທ້າທາຍ​ໃນດ້ານການຮັກສາ ຄວາມປອດໄພ ຢ່າງໜັກ.”

ລັດຖະມົນຕີຕ່າງປະເທດ ສະຫະລັດ ທ່ານ John Kerry ໄດ້ອອກຖະແຫລງການ ສະບັບ ນຶ່ງ ວັນພຸດວານນີ້ ທີ່ສະແດງຄວາມເປັນຫ່ວງເປັນໃຍ ກ່ຽວກັບການຕັດສິນໃຈດັ່ງກ່າວ ໂດຍຮຽກຮ້ອງໃຫ້ Kenya “ສືບ​ຕໍ່ ບົດບາດການເປັນຜູ້ນຳ ທີ່ດຳ​ເນີນມາເປັນເວລາ ຍາວນານ ໃນການປົກປ້ອງ ແລະ ການໃຫ້ທີ່ພັກພາອາໄສ ຕໍ່ພວກເຄາະຮ້າຍ ຈາກ ຄວາມຮຸນແຮງ ແລະ ບາດແຜທາງຈິດໃຈ ແລະ ບໍ່ຄວນບັງຄັບໃຫ້ຊາວອົບພະຍົບ ກັບຄືນປະເທດ.”

ອ່ານຂ່າວນີ້ຕື່ມ ເປັນພາສາອັງກິດ

XS
SM
MD
LG