ລິ້ງ ສຳຫລັບເຂົ້າຫາ

ປ. ອັຟການີສຖານ ຮຽກຮ້ອງໃຫ້ ຈັດຕັ້ງ ແຜນການ ຮ່ວມກັນຕໍ່ຕ້ານ ພວກກໍ່ການຮ້າຍ


ທ່ານ Hamid Karzai ປະທານາທິບໍດີ ອັຟການີສຖານ

ທ່ານ Hamid Karzai ປະທານາທິບໍດີ ອັຟການີສຖານ

ປະທານາທິບໍດີ​ອັຟກາ​ນີສຖານ​ກ່າ​ວວ່າ ທ່ານ​ຕ້ອງການ​ໃຫ້ອັຟ
ການີສຖານແລະ​ປາ​ກີ​ສຖານ ​ຈັດ​ຕັ້ງ​ແຜນການ​ນຶ່ງ​ຂຶ້ນ​ມາ ​ເພື່ອ
ຮ່ວມ​ກັນປະຕິບັດ​ການ​ຕໍ່ຕ້ານ​ພວກ​ກໍ່​ການ​ຮ້າຍ​ແລະ​ກຸ່ມ​ຫົວ​ຮຸນ ​ແຮງຈັດ.

ທ່ານ​ຮາ​ມິດ ກາ​ຊາຍ ປະທາ​ນ​າທິບໍດີ ອັຟກາ​ນີສຖານ ​ໄດ້​ສົ່ງ​
ຈົດໝາຍ ໄປ​ຍັງ​ບັນດາ​ຜູ້​ນໍາ​ການ​ເມືອງ​ແລະ​ສາສະໜາ​ຂອງ​
ປາກີ​ສຖານ ກ່ຽວ​ກັບການ​ໂຈມ​ຕີ​ຂອງພວກ​ກໍ່​ການ​ຮ້າຍ ຕໍ່​ນາງ Malala Yousafzai ນັກຮຽນ​ຍິງຊາວ​ປາ​ກີ​ສຖານ ອາຍຸ 14 ທີ່​ຖືກພວກຕາ​ລິ​ບານ​ຍິງ​ທີ່​ຫົວ ​ແລະ​ກ້ານຄໍ​ ເມື່ອອາທິດ​ຜ່ານ​ມາ.

ທ່ານປະທານາທິບໍດີ ​ກ່າວ​ຢູ່​ໃນ​ຈົດໝາຍນັ້ນ​ວ່າ ອັຟກາ​ນີສຖານແລະປາ ​ກີ​ສຖານ ຊຶ່ງ​ເປັນ​ເພື່ອ​ນບ້ານ​ກັນ​ນັ້ນ​ ກໍາລັງປະ​ເຊີນ​ກັບ​ “ສັດຕູ​ທີ່​ເປັນ​ອັນຕະລາຍ​” ​ທີ່​ພະຍາຍາມ​ຫາ​ທາງຜັກ​ດັນ ​ໄລຍະປັດຈຸບັນແລະ​ອະນາຄົດ​ຂອງ​ສອງປະ​ເທດ ​ໄປ​ສູ່​ຄວາມ​ມືດ​ມົນ​ແລະຄວາມ​ລ້າ​ຫລັງ ບໍ່​ຮູ້ຈັກ​ຫຍັງ.

​ເດັກ​ຍິງ Yousafzai ຖືກ​ໂຈມ​ຕີ​ເມື່ອ​ວັນ​ອັງຄານ​ຜ່ານ​ມາ ຂະນະ​ທີ່​ນາງ​ເລີກ​ໂຮງ​ຮຽນ. ນາງ​ໄດ້​ຖືກ​ຮັບ​ຮູ້​ຈາກ​ນານາ​ຊາດ​ສໍາລັບ​ການ​ປຸກລະດົມ​ຊຸກຍູ້​ການ​ການ​ສຶກສາ​ສໍາລັບ​ບັນດາເດັກ​ຍິງ​ທັງຫຼາຍ ​ແລະໄດ້ບັນທຶກ​ຄວາມໂຫດຮ້າຍ​ຂອງ​ພວກ​ຕາ​ລິ​ບານ​ຢູ່​ໃນ​ຂົງ​ເຂດ ​ໃກ້​ບ້ານ​ຂອງນາງ​ຢູ່​ເຂດ​ ​ຮ່ອມ​ພູ Swat ​ໃນ​ພາກ​ຕາ​ເວັນ​ຕົກ​ສຽງ​ເໜືອ​ຂອງ​ປາ​ກີ​ສຖານ​ນັ້ນ.

ຂະນະ​ນີ້​ນາງ Yousafzai ຍັງ​ບໍ່​ຮູ້​ເມື່ອ​ຄີງເທື່ອ ​ແລະຍັງ​ຕ້ອງ​ໄດ້​ໃຊ້​ອ໊ອກຊິ​ເຈັນຊ່ວຍ​ຫາຍ​ໃຈ​ຢູ່.

ວັນ​ເສົາ​ວານ​ນີ້ ​ພວກ​ເດັກນ້ອຍ​ທົ່ວ​ປາ​ກີ​ສຖານ ​ແລະ​ອັຟກາ​ນີສຖານ ​ໄດ້ພາກັນ​ສວດ​ມົນ​ພາ​ວະ ຂໍ​ໃຫ້​ນາງ​ຫາຍ​ດີ​ໄວໆ.

​ເມື່ອ​ວັນ​ສຸກ​ຜ່ານ​ມາ ຕໍາຫຼວດປາ​ກີ​ສຖານ​ໄດ້​ຈັບ​ກຸມ​ຜູ້​ຕ້ອງ​ສົງໄສ​ວ່າ​ຍິງ ນາງ Yousafzai ນັ້ນ ຫຼາຍ​ຄົນ ​ໃນ​ເຂດ​ຮ່ອມ​ພູ Swat.

ນາງ Yousafzai ​ໄດ້​ຂຽນບັນທຶກ​ຂອງ​ນາງໃນ​ເວັບໄຊ້ ທີ່ນໍາ​ອອກ​ເຜີຍ​ແຜ່​ໂດຍອົງການ​ຂ່າວ​ບີ​ບີ​ຊີ ທີ່​ພັນ​ລະນາ​ເຖິງ​ການ​ດົງ​ລົງ​ຊີວິດ​ຢູ່​ພາຍ​ໃຕ້​ກຸ່ມ​ຕາ​ລິບານ ​ໃນ​ປີ 2008 ​ແລະ 2009 ​ເວລາ​ພວກຫົວ​ຮຸນ​ແຮງຕາ​ລິ​ບານທໍາ​ການຕັດ​ຫົວຜູ້ຄົນ ​ແລະ​ກໍ່​ຄວາມ​ຮຸນ​ແຮງ​ອື່ນໆ​ ຢູ່​ໃນ​ເຂດຮ່ອມ​ພູ Swat ນັ້ນ.
XS
SM
MD
LG