ລິ້ງ ສຳຫລັບເຂົ້າຫາ

ສອງຄົນ ເສຍຊີວິດ ໃນເຫດລະເບີດແຕກ ຢູ່ ປາກິສຖານ


ພວກຜູ້ຊາຍຊ່ອຍຍົກເອົາ ທະຫານຜູ້ໄດ້ຮັບບາດເຈັບຄົນນຶ່ງ ຈາກໜ່ວຍ ປະຕິບັດການພິເສດ ຫຼື Special Service Unit (SSU) ຢູ່ນອກ ໂຮງໝໍແຫ່ງນຶ່ງ ຫຼັງຈາກ ທີ່ໄດ້ຮັບບາດເຈັບ ພ້ອມກັນກັບ ພວກຄົນອື່ນໆ ຈາກລະເບີດ ທີ່ແຕກຂຶ້ນໃກ້ໆກັບລົດຂອງພວກເຂົາເຈົ້າ ຢູ່ທີ່ເມືອງ Karachi, ວັນທີ 27 ມີນາ 2015.

ພວກຜູ້ຊາຍຊ່ອຍຍົກເອົາ ທະຫານຜູ້ໄດ້ຮັບບາດເຈັບຄົນນຶ່ງ ຈາກໜ່ວຍ ປະຕິບັດການພິເສດ ຫຼື Special Service Unit (SSU) ຢູ່ນອກ ໂຮງໝໍແຫ່ງນຶ່ງ ຫຼັງຈາກ ທີ່ໄດ້ຮັບບາດເຈັບ ພ້ອມກັນກັບ ພວກຄົນອື່ນໆ ຈາກລະເບີດ ທີ່ແຕກຂຶ້ນໃກ້ໆກັບລົດຂອງພວກເຂົາເຈົ້າ ຢູ່ທີ່ເມືອງ Karachi, ວັນທີ 27 ມີນາ 2015.

ຕຳຫລວດ​ປາ​ກິ​ສຖານ ກ່າວ​ວ່າ ລະ​ເບີດ​ລູກ​ນຶ່ງ​ແຕກ​ຂຶ້ນ ​ເຮັດໃຫ້
​ມີ​ຜູ້​ເສຍ​ຊີວິດ 2 ຄົນ ​ແລະ ອີກຢ່າງ​ນ້ອຍ 13 ຄົນ​ໄດ້​ຮັບບາດ​ເຈັບ
​ໃນ ​ເມືອ​ງ Karachi.

ບັນດາ​ເຈົ້າໜ້າ​ທີ່ ກ່າວ​ວ່າ ເຫດລະ​ເບີດ ​ໃນຕອນ​ເ​ຊົ້າ​ວັນ​ສຸກມື້​ນີ້
​ແມ່ນ​ເກີດ​ຂຶ້ນຍ້ອນມີການຫ້າງ​ລະ​ເບີດ​ ​ໃສ່​ລົດຈັກ​ຄັນ​ນຶ່ງ.
ຕຳຫລວດ​ກ່າວ​ວ່າ ລະ​ເບີດ​ດັ່ງກ່າວ ​ໄດ້​ແຕກ​ຂຶ້ນ​ໃນ​ເວລາລົດ​ເມ​
ຂອງ​ຕຳຫລວດ ​ແລ່ນ​ຜ່ານ​ລົດຈັກ​ຄັນ​ດັ່ງກ່າວໄປ.​ ຜູ້ໄດ້​ຮັບເຄາະ
​ຮ້າຍ ສ່ວນ​ໃຫຍ່​ແມ່ນ​ເຈົ້າໜ້າ​ທີ່​ຕຳຫລວດ.

​ເຈົ້າໜ້າ​ທີ່​ຕຳຫລວດ Raza Mohammad ​ເວົ້າວ່າ “ບັນດາ​ເຈົ້າໜ້າ​ທີ່​ຕຳຫລວດ ​ແມ່ນ​ກຳລັງ​ມາ​ຈາກ ​ເມືອງ Razzaqabad ​ເພື່ອ​ເລີ້ມເຂົ້າ ປະຈຳ​ໜ້າທີ່ ຢູ່ບ້ານ​ພັກ Bilawal. ​ໃນ​ເວ​ລາ​ພວກ​ເຂົາ​ມາ​ຮອດ​ຈຸດ​ນີ້ ທີ່​ມີ​ລົດຈັກ​ຄັນ​ນຶ່ງ​ຈອດ​ຢູ່ນັ້ນ ​ແລະ ​ໃນ​ທັນທີ​ທັນ​ໃດ ລະ​ເບີດ​ກໍແຕກ​ຂຶ້ນ. ​ເຈົ້າໜ້າ​ທີ່ຕຳຫລວດ​ ສອງ​ຄົນເສຍ​ຊີວິດ ປະມານ 13 ຫາ 14 ຄົນ​ໄດ້​ຮັບ​ບາດ​ເຈັບ.”

ພວກ​ທາ​ລີ​ບານ ​ໄດ້​ອ້າງ​ເອົາ​ຄວາມ​ຮັບຜິດຊອບໃນ​ການ​ໂຈມ​ຕີ​ດັ່ງກ່າວ.

ນາຍົກລັດຖະມົນຕີ Nawaz Sharif ກ່າວໃນ​ຖະ​ແຫລ​ງການ​ສະບັບ​ນຶ່ງວ່າ “ການ​ກະທຳ​
ທີ່​ຂີ້​ຂາດ​ຕາຂາວນັ້ນ”
ຈະ​ບໍ່​ເຮັດ​ໃຫ້​ຄວາມ​ມຸ້ງ​ໝັ້ນ ຂອງລັດຖະບານ​ພວກ​ເຮົາ ທີ່​ຈະ​ລົບ
​ລ້າງການ​ກໍ່​ການ​ຮ້າຍນັ້ນ ​ ອ່ອນ​ແອ​ລົງ​ເລີຍ.

XS
SM
MD
LG