ລິ້ງ ສຳຫລັບເຂົ້າຫາ

ການໂຮມຊຸມນຸມ ລະນຶກເຖິງ ການເດີນຂະບວນ "Million Man March" ຄົບຮອບ 20 ປີ


ຫຼາຍພັນ​ຄົນ ໄດ້​ໂບກ​ທຸງຊາດ ຖື​ປ້າຍ​ຕ່າງໆ ​ແລະ ຟັງ​ການ
​ກ່າວ​ຄຳ​ປາ​ໄສ ຈາກ​ແຂກ​ຮັບ​ເຊີນ ຫຼາຍ​ທ່ານ ​ແລະ ຟັງ​ເພງ
ຕ່າງໆ ຊຶ່ງພວກ​ເຂົາ​ເຈົ້າ​ໄດ້​ໄປ​ເຕົ້າ​ໂຮມ​ກັນ ຢູ່​ທີ່ ສະໜາມຫຼວງ
​ແຫ່ງ​ຊາດ ຫຼື National Mall ​ໃນ​ນະຄອນຫຼວງວໍ​ຊິງ​ຕັນ ​ເມື່ອ
​ວັນ​ເສົາ​ວານ​ນີ້ ສຳ​ຫລັບ ວັນ​ຄົບຮອບ 20 ປີ ​ການ​ເດີນ​ຂະບວນ
ຂອງນັກ​ສອນ​ສາສະໜາ Louis Farrakhan ທີ່​ເອີ້ນ​ວ່າ
“Million Man March” ຄົບຮອບ 20 ປີ.

ພວກ​ຮ້ານ​ຂາຍ​ເຄື່ອງ​ທີ່​ລະ​ລຶກ ມີ ​ເສື້ອຢືດ T-shirt, ປ້າຍ, ​
ເຂັມ​ຂັດ​ໂຄສະນາ ​ແລະ ​ແຜ່ນຮູບ ຕ່າງໆ​ນາໆ ສະໜອງໃຫ້​ແກ່
ພວກ​ຄົນ​ທີ່​ຍ່າງ​ຜ່ານ​ສິ່ງ​ກີດຂວາງທີ່​ວາງອ້ອມ​ລັດຖະສະພາ ​
ແລະ ອາຄານ​ອື່ນໆ ​ເພື່ອຮັກສາ​ຄວາມ​ປອດ​ໄພ ​ທີ່ໄດ້ໄປເຂົ້າຮ່ວມ ​ໃນ​ການ​ໂຮມ​ຊຸມນຸມ
​ໃນ​ຫົວ​ຂໍ້ ຄວາມ​ຍຸດຕິ​ທຳ ຫຼື ບໍ່​ດັ່ງນັ້ນ​!

ປະຊາຊົນຫຼາຍພັນຄົນ ພາກັນຮ້ອງເຊຍ ໃນລະຫວ່າງ ການໂຮມຊຸມນຸມ ເພື່ອເປັນຂີດໝາຍ ຄົບຮອບ 20 ປີ ການເດີນຂະບວນ Million Man March ໃນວໍຊິງຕັນ, ວັນທີ 10 ຕຸລາ 2015.

ປະຊາຊົນຫຼາຍພັນຄົນ ພາກັນຮ້ອງເຊຍ ໃນລະຫວ່າງ ການໂຮມຊຸມນຸມ ເພື່ອເປັນຂີດໝາຍ ຄົບຮອບ 20 ປີ ການເດີນຂະບວນ Million Man March ໃນວໍຊິງຕັນ, ວັນທີ 10 ຕຸລາ 2015.

ຜູ້ນຳ ສາສະໜາ​ອິສລາມ​ແຫ່ງ​ຊາດ ທ່ານ Farrakhan ​ໄດ້​
ກ່າວວ່າ ພວກ​ຜູ້​ຊາຍ ​ແລະຜູ້ຍິງ ຄົນ​ຜິວ​ດຳນັ້ນ ຄວນປະຖິ້ມ
​ຄຳຫ​ຍາບຄາຍ ​ແລະ ຄວາມ​ຮຸນ​ແຮງ ຕໍ່​ກັນ​ແລະ​ກັນ. ທ່ານ​
ຍັງ​ກ່າວ​ຕໍ່ຕ້ານ​ການ​ແທ້ງລູກ​ນຳ​ອີກ ​ໂດຍ​ເວົ້າວ່າ “ມັນແມ່ນ
​ຮ່າງກາຍ​ຂອງ​ເຈົ້າ​ເອງ ​ເຈົ້າສາມາດ​ເຮັດ​ແນວ​ໃດ​ນຳ​ມັນ​
ກໍ​ໄດ້.”
​ແຕ່​ທ່ານ​ກ່າວ​ຕື່ມ​ອີກວ່າ ຖ້າວ່າ ລູກ​ຜູ້ທີ່​ຖືກທຳ​ແທ້ງ​ນັ້ນ
​ເປັນນັກວິທະຍາສາດ ຫຼື ຜູ້ນຳ​ຄົນ​ນຶ່ງ ມັນກໍຈະ​ເປັນຄວາມ​ຫາຍ
ຍະນະ​ໄດ້.

ທ່ານ Farrakhan ຍັງ​ໄດ້​ຍ້ອງຍໍ​ພວກ​ຊາວ​ນຸ່ມ​ປະ​ທ້ວງ ຜູ້​ທີ່ຢູ່​
ເບື້ອງຫຼັງ ​ການ​ປະ​ທ້ວງ​ເພື່ອ ຊີວິດ​ຂອງ​ຄົນ​ຜິວ​ດຳກໍ​ມີ​ຄວາມ
​ສຳຄັນ ຫຼື Black Lives Matter. ທ່ານ​ເອີ້​ນພວກ​ເຂົາ​ເຈົ້າວ່າ
​ເປັນ​ພວກຜູ້ນຳຕໍ່​ໄປ ສຳຫລັບ ​ການ​ເຄື່ອນ​ໄຫວ ​ເພື່ອ​ສິດ​ທິພົນລະ​ເຮືອນ ​ແລະໄດ້ຮຽກຮ້ອງ​ໃຫ້​ພວກຜູ້ນຳທີ່ແກ່​ກວ່າ ​ໃຫ້​ສະໜັບສະໜູນ​ພວກ​ເຂົາ​ເຈົ້າ ​“​ເພື່ອ​ຖື​ທວນ​ໄຟ​ແຫ່ງ​ເສລີພາບ ​
ໃຫ້​ກ້າວໜ້າ​ຂັ້ນຕໍ່ໄປ​ບໍ່?”

ທ່ານ Andrew Bryant ພົນລະ​ເມືອງ​ວໍ​ຊິງ​ຕັນ ດີ​ຊີ ​ອາຍຸ 67 ປີ ​ໄດ້​ເຂົ້າຮ່ວມ​ໃນ​ການເດີນ​
ຂະ​ບວນດັ່ງກ່າວ ​ໃນ​ປີ 1995. ທ່ານ​ໄດ້​ເຂົ້າຮ່ວມ ​ໃນ​ການ​ໂຮມ​ຊຸມນຸມ​ໃນ​ວັນ​ເສົາ​ວານ​ນີ້
​ແລະ ກ່າວ​ວ່າ “​ເພື່ອ​ຢາກ​ເຫັນ​ໝົດ​ທຸກ​ຄົນ​ຢູ່​ດ້ວຍ​ຄວາມ​ສັນຕິ” ​ແລະ “​ເພື່ອ​ຮັບຟັງ
ຄຳ​ສອນ​ຂອງ​ນັກປາດ.”
ທ່ານມີ​ຄວາມ​ກະຕືລືລົ້ນ “ຢາກ​ຟັງ​ຂໍ້​ແກ້​ໄຂ​ ສຳ​ຫລັບ​ບັນຫາ​
ຕ່າງ​ໆ ທີ່​ເກີດ​ຂຶ້ນຢູ່​ໃນ​ຊຸມ​ຊົນ​ຊາວ​ຜິດ​ດຳ ທີ່​ຈິງ​ແລ້ວ​ຢູ່​ໃນ​ສະຫະລັດ ​ເທົ່າ​ນັ້ນ​ແຫຼະ.”

XS
SM
MD
LG