ລິ້ງ ສຳຫລັບເຂົ້າຫາ

ສານອາຟຣິກາໃຕ້ ຕັດສິນໃຫ້ ປະກັນໂຕ ທ. Pistorius (ສະໄລດ໌)


ທ້າວ Oscar Pistorius ຢືນກົ້ມໜ້າ ລໍຖ້າການຕັດສິນ ຈາກສານວ່າ ຈະໄດ້ຮັບການອະນຸຍາດ ໃຫ້ປະກັນໂຕຫລືບໍ່.

ທ້າວ Oscar Pistorius ຢືນກົ້ມໜ້າ ລໍຖ້າການຕັດສິນ ຈາກສານວ່າ ຈະໄດ້ຮັບການອະນຸຍາດ ໃຫ້ປະກັນໂຕຫລືບໍ່.

ຜູ້​ພິພາກສາ​ຄົນ​ນຶ່ງ ​ຈະ​ຕັດສິນ​ໃນ​ວັນ​ສຸກ​ມື້​ນີ້ ​ກ່ຽວ​ກັບ​ການ
ປະກັນໂຕ ຂອງດາຣານັກ​ແລ່ນ​ອາຟຣິກາ​ໃຕ້ ທ້າວ Oscar
Pistorius ຜູ້​ທີ່​ປະ​ເຊີນກັບ​ການ​ກ່າວ​ຫາວ່າວາງ​ແຜນ​ລ່ວງ​
ໜ້າ​ເພື່ອຄາດ​ຕະກໍາ​ເຖິງ​ຜູ້​ສາວ ຂອງລາວ.

ທ້າວ Pistorius ທີ່ກັ້ນ​ນໍ້າຕາ​ເອົາ​ໄວ້ ​ໄດ້ນັ່ງ​ກົ້ມ​ໜ້າ​ລົງ ​ແລະ​
ມື​ສັ່ນ​ໃນ​ຂະນະ​ທີ່​ໄອ​ຍະ​ການ​ ສະ​ລຸບການ​ໂຕ້​ຖຽງ ​ໃນ​ອັນທີ່​ມີ​
ທ່າ​ທາງຈະເປັນມື້​ສຸດ​ທ້າຍ ຂອງ​ການ​ຮັບ​ຟັງ​ຄຳ​ໃຫ້ການ ກ່ຽວ​
ກັບ​ການ​ປະກັນ​ໂຕຜູ້ກ່ຽວ​ທີ່ ນະຄອນຫຼວງ Petoria.

ຫົວໜ້າໄອ​ຍະ​ການທ່ານ Gerrie Nel ​ໄດ້ໂຕ້​ຖຽງ​ວ່າທ້າວ
Pistorius ​ໄດ້​ວາງແຜນລ່ວງ​ໜ້າ​ໃນ​ການຄາດ​ຕະກໍາ​ນາງ
Reeva Steenkamp ນາງ​ແບບອາຍຸ 29 ປີ​ ແລະ​ຮຽນຈົບ
ຈາກ​ໂຮງຮຽນ​ກົດໝາຍ ທີ່ຖືກ​ຍິງຕາຍໃນ​ເຮືອນ​ຂອງທ້າວ Pistorius ​ໃນ​ວັນ​ທີ 14 ​
ກຸມພາ ທີ່​ຜ່ານ​ມາ.


ທ້າວ Pitorius ​ໄດ້​ປະຕິ​ເສດຕໍ່​ຂໍ້​ກ່າວ​ຫາ ​ໂດຍເວົ້າ​ວ່າ ​ລາວ​ຍິງນາງ Steenkamp ຫລັງ​ຈາກເຂົ້າ​ໃຈ​ຜິດ​ຄິດວ່າ ​ເປັນ​ຜູ້​ບຸກ​ລຸກ​ເຂົ້າໄປໃນ​ເຮືອນເຂົາ​ເຈົ້າ ໃນ​ຕອນ​ກາງ​ຄືນ. ທະນາຍຄວາມ​ຂອງ​ລາວ​ ທ່ານ Barry Roux ຮັບ​ຮູ້​ວ່າ ທ້າວ Pistorius ຈະ​ປະ​ເຊີນ​ກັບຂໍ້​ຫາ​ຄາດ​ຕະກໍາ ​
ແຕ່​ຈະ​ຊອກ​ຫາ​ຊ່ອງ​ທາງ​ເພື່ອໃຫ້ເຈົ້າໜ້າ​ທີ່ຫຼຸດ​ໂທດ​ລົງມາ ເປັນການ​ຂ້າ​ຄົນ​ຕາຍທີ່​ໜ້າ​ຕຳ​ໜິ.

​ໄອ​ຍະ​ການ​ໂຕ້​ຖຽງວ່າ ທ້າວ Pistorius ​ເປັນ​ຄາດ​ຕະກອນ​ເລືອດ​ເຢັນ ​ແລະ​ສະ​ແດງ​ໃຫ້​ເຫັນວ່າ​ຜູ້ກ່ຽວ​ສ່ຽງຕໍ່​ການ​ຈະ​ຫຼົບໜີ. ທະນາຍຄວາມ​ຂອງ​ລາວກ່າວ​ວ່າ ລາວ​ບໍ່​ມີ​ທ່າ​ທາງ​ວ່າ
ຈະ​ໜີ​ອອກ​ຈາກ​ປະ​ເທດ ​ເພາະ ວ່າ ​ລາວ​ເປັນ​ຜູ້​ມີ​ຊື່​ສຽງ ​ແລະ​ຄວນຈະ​ຖືກປ່ອຍ.

ຄະ​ດີ​ດັ່ງກ່າວ​ໄດ້​ມີ​ການ​ຫັນປ່ຽນ ​ໃນ​ວັນ​ພະຫັດ​ວານ​ນີ້ ​ເວລາ​ຫົວໜ້າ​ສືບ​ສວນຄະ​ດີ ທ່ານ Hilton Botha ​ໄດ້​ຖືກ​ສັບ​ປ່ຽນ ​ຫລັງ​ຈາກ​ໄດ້​ມີ​ການເປີດ​ເຜີຍ​ວ່າ ທ່ານ​ໄດ້​ຖື​ກກ່າວ​ຫາ
ເຈັດ​ກະທົງ ​ໃນ​ຖານ​ພະຍາຍາມ​ຄາດ​ຕະກໍາ.
XS
SM
MD
LG