ລິ້ງ ສຳຫລັບເຂົ້າຫາ

ອົບພະຍົບຊີເຣຍ ຫລາຍພັນຄົນ ທີ່ຕົກຄ້າງ ໃກ້ຊາຍແດນຈໍແດນ ໄດ້ຮັບການຊ່ວຍເຫຼືອ


ຊາວຊີເຣຍຢ່າງຜ່ານສູນອົບພະຍົບ Ruqban ຢູ່ພາກຕາເວັນ ອອກສຽງເໜືອຂອງຈໍແດນ ທີ່ຕິດກັບຊີເຣຍ.

ຊາວຊີເຣຍຢ່າງຜ່ານສູນອົບພະຍົບ Ruqban ຢູ່ພາກຕາເວັນ ອອກສຽງເໜືອຂອງຈໍແດນ ທີ່ຕິດກັບຊີເຣຍ.

ໃນ​ຂະນະ​ທີ່ສະພາບ​ອາກາດ​ໜາວ​ຈັດ ​ເລີ້ມ​ເຂົ້າ​ມາ​ລົບ​ກວນ​ ປະ​ເທດທີ່​ເກີດ​ສົງ​ຄາມ ​ໃນ​ພາກຕາ​ເວັນ​ອອກ​ກາງອົບ​ພະຍົບຊີ​ເຣຍຫຼາຍ​ສິບ​ພັນ​ຄົນ​ໄດ້​ຕົກ​ຄ້າງ​ຢູ່ໃນ​ເຂດ​ຊາຍແດນ ຊີ​ເຣຍທີ່​ຕິດກັບ​ຈໍແດນ ກໍ​ໄດ້​ຮັບ​ການ​ຊ່ວຍ​ເຫລືອ​ຈາກ​ລາຊະ​ອານາຈັກ Hashemite.

​ໃນ​ວັນ​ອັງຄານທີ່​ຜ່ານ​ມານີ້ ບັນດາ​ເຈົ້າ​ໜ້າ​ທີ່​ຈໍແດນ ​ໄດ້​ປະກາດ​ໃຫ້ການ​ຊ່ວຍ​ເຫລືອຄືນ​ໃໝ່​ແກ່​ຫລາຍ​ສິບ​ພັນ​ຄົນ ​ເຄິ່ງນຶ່ງ​ເປັນ​ພວກ​ເດັກນ້ອຍຜູ້​ທີ່​ໄດ້​ຕົກ​ຄ້າງ ​ຢູ່​ໃນ​ສະພາບແອ​ອັດ​ທີ່​ມີ​ອາຫານ​ແຕ່​ພຽງ​ເລັກ​ນ້ອຍ ນໍ້າ​ ການ​ປິ່ນ​ປົວພະຍາບານ ​ແລະສິ່ງ​ຂອງ​ທີ່ຈຳ​ເປັນ ຕ່າງໆ ​ນັບ​ຕັ້ງແຕ່​ຈໍ​ແດນ​ໄດ້​ປິດ​ຊາຍ​ແດນ ​ໃນ​ວັນ​ທີ 21 ​ເດືອນ​ມິຖຸນາ ຕໍ່​ອົບ​ພະຍົບຊີ​ເຣຍ ທີ່​ຫລົບໜີ​ຈາກ​ປະ​ເທດ​ຂອງ​ເຂົາເຈົ້າ.

ຮູບພາບສູນອົບພະຍົບຊີເຣຍທີ່ Al-Zaatari ໃກ້ກັບຊາຍແດນຊີເຣຍ ທີ່ Mafraq ປະເທດຈໍແດນ.

ຮູບພາບສູນອົບພະຍົບຊີເຣຍທີ່ Al-Zaatari ໃກ້ກັບຊາຍແດນຊີເຣຍ ທີ່ Mafraq ປະເທດຈໍແດນ.

ການ​ປິດ​ຊາຍ​ແດນ​ມີ​ຂຶ້ນຫລັງ​ຈາກ​ການ​ສັງຫານ​ທະຫານ​ຈໍ​ແດນ​ເຈັດ​ຄົນທີ່​ມີລາຍ​ງານວ່າ ​ໂດຍ​ພວກ​ຫົວ​ຮຸນ​ແຮງລັດ​ອິສລາມ. ນັບ​ແຕ່​ນັ້ນ​ມາຈໍແດນ​ໄດ້​ອະນຸຍາດ​ ​ໃຫ້​ຈັດສົ່ງການ ຊ່ວຍ​ເຫລືອ​ແຕ່​ພຽງເທື່ອ​ດຽວ ​ໃນ​ເດືອນ​ສິງຫາຜ່ານ ຊຶ່ງ​ໄດ້ບັງຄັບ​ໃຫ້​ອົບ​ພະຍົບຢູ່​ໃນ​ເຂດ​ໂດດດ່ຽວ ບ່ອນ​ທີ່​ບໍ່​ມີ​ຄົນ​ອາ​ໄສ​ຢູ່.

ທ່ານ Jen Laerke ​ໂຄສົກ ຂອງ​ອົງການປະສານ​ງານ​ດ້ານ​ມະນຸດສະທໍາ​ຂອງ ສະຫະ​ປະ ຊາ​ຊາດ ກ່າວ​ວ່່າ “ພວກ​ເຮົາ​ດີ​ໃຈ​ຫລາຍ​ທີ່​ພວກ​ເຮົາ​ບັດ​ນີ້ສາມາດ​ເລີ້ມ ປະຕິບັດ​ງານ​ໄດ້​. ມັນ​ເປັນ​ເສັ້ນ​ຊີວິດ​ ສຳລັບ 85,000 ຄົນ​. ຂ້າພ​ະ​ເຈົ້າ​ເຊື່ອວ່າ ສາມ​ສ່ວນ​ສີ່ຂອງ​ເຂົາ​ເຈົ້າ​ແມ່ນ​ແມ່ຍິງ ​ແລະ​ພວກ​ເດັກ​ນ້ອຍ ຜູ້ຕົກຄ້າງ​ຢູ່​ທີ່​ນັ້ນຊຶ່ງ​ເປັນບ່ອນໂດດດ່ຽວ ​ເປັນ​ເຂດ​ແຫ້ງ​ແລ້ງ.

ທ່ານ Laerke ກ່າວ​ຕໍ່​ວີ​ໂອ​ເອວ່າ ອາຫານ​ແລະ​ເຄື່ອງ​ໃຊ້​ທີ່​ຈຳ​ເປັນ​ຕ່າງໆ​ໄດ້ຈັດ ສົ່ງ​ໃນ​ວັນ​ອັງຄານ​ທີ່​ຜ່ານ​ມາໃຫ້​ແກ່ 170 ຄອບຄົວ ​ຢູ່​ໃນ​ປະຊາຄົມ Rukban ​ໃນ​ການ​ກະກຽມ​ສາ​ລັບ​ເດືອນ​ລະດູ​ໜາວ. ທ່ານ​ໄດ້​ໃຫ້​ຂໍ້​ສັງ​ເກດ​ວ່າ ​ນີ້​ໄດ້​ເປັນ​ຂັ້ນ​ເລີ້ມ​ຕົ້ນຂອງ​ແຜນ​ແຈກ​ຢາ​ຍໝູນວຽນສອງ​ອາທິດແລະໃນ​ຫລາຍ​ມື້​ຕໍ່ໜ້າ​ໃນ​ການ ບັນເ​ທົາທຸກ​ອື່ນໆ ພ້ອມ​ທັງ​ການ​ບໍລິການປິ່ນປົວ​ສຸຂະພາບ ທີ່​ຈະ​ສະໜອງ​ໃຫ້.

ອ່ານຂ່າວນີ້ເພີ້ມເປັນພາສາອັງກິດ

ສະແດງຄວາມເຫັນໃຫ້ເບິ່ງ

XS
SM
MD
LG