ລິ້ງ ສຳຫລັບເຂົ້າຫາ

ຄົບຮອບ 48 ປີ ແຫ່ງການລອບສັງຫານ ມື້ລາງ ປ. Kennedy ໃນວັນອັງຄານວານນີ້ (ເບິ່ງວີດິໂອ)

  • ຊົງຣິດ ໂພນເງິນ

ປະທານາທິບໍດີ ຈອນເຄເນດີ (ຂວາ) ກໍາລັງນັ່ງລົດໄປກັບພັນລະຍາ
ຂອງເພິ່ນ (ຊ້າຍ) ແລະຜູ້ວ່າການລັດເທັກຊັສ ໃນລົດທີ່ເປີດຫລັງຄາ
ໃນເວລາທີ່ທ່ານຖືກລອບສັງຫານທີ່ເມືອງ ດາລາສ ລັດເທັກຊັສ
ໃນວັນທີ 22 ພະຈິກ, 1963 (AP Photo, file)

ປະທານາທິບໍດີ ຈອນເຄເນດີ (ຂວາ) ກໍາລັງນັ່ງລົດໄປກັບພັນລະຍາ ຂອງເພິ່ນ (ຊ້າຍ) ແລະຜູ້ວ່າການລັດເທັກຊັສ ໃນລົດທີ່ເປີດຫລັງຄາ ໃນເວລາທີ່ທ່ານຖືກລອບສັງຫານທີ່ເມືອງ ດາລາສ ລັດເທັກຊັສ ໃນວັນທີ 22 ພະຈິກ, 1963 (AP Photo, file)

ໃນ​ຂະນະ​ທີ່​ພົນລະ​ເມືອງ​ສະຫະລັດ​ລະນຶກ​ເຖິງ​ວັນ​ຄົບຮອບ 48 ປີ​ ແຫ່ງ​ການ​ລອບ​ສັງຫານ
ມື້​ລາງ​ປະທານາທິບໍດີ John F. Kennedy ອະດີດ​ສະມາຊິກ​ຄົນ​ນຶ່ງ​ຂອງ​ອົງການ​ຮັບຜິດ
ຊອບ​ເພື່ອ​ອາລັກຂາປະທານາທິບໍດີ​ສະຫະລັດກ່າວ​ຕໍ່​ວີ​ໂອ​ເອວ່າ ການ​ຍິງ​ສັງຫານດັ່ງກ່າວ​
ໄດ້​ເຜີຍ​ແບ​ໃຫ້​ເຫັນ​ເຖິງ​ຄວາມ​ອ່ອນ​ແອ​ກ່ຽວກັບ​ລາຍ​ລະອຽດໃນ​ການຮັກສາ​ຄວາມ​ປອດ​ໄພ​ ນັ້ນ.

ອະດີດ​ເຈົ້າ​ໜ້າ​ທີ່​ພະ​ແນ​ກສືບ​ລັບ​ສະຫະລັດ ທ່ານ Gerald Blaine ກ່າວ​ວ່າ ການ​ຂາດ​ພະ
ນັກງານສືບລັບ ແມ່ນເປັນ​ພາກສ່ວນ​ນຶ່ງ ​ທີ່ພາໃຫ້ມີການ​ລອບ​ສັງຫານ​ທ່ານ Kennedy ໃນ​
ລະຫວ່າງ​ການແຫ່​ຂະ​ບວນລົດ​ຂອງປະທານາທິບໍດີ​ໃນ​ວັນ​ທີ 22 ພະຈິກ ປີ 1962 ນັ້ນ.
ທ່ານ Blaine ກ່າວ​ຕື່ມ​ວ່າ ພວກເຈົ້າ​ໜ້າ​ທີ່​ສືບ​ລັບ 34 ຄົນ​ ທີ່​ຕິດຕາມ​ປະທານາ​ທິບໍດີ​ໄປ​
ເມືອງ Dallas ລັດ Texas ຊຶ່ງ​ໃນ​ມື້​ນັ້ນ ​ໄດ້​ມີ​ການ​ຕິດ​ຕໍ່ກັນ​ດ້ວຍ​ສັນຍານ​ມື ​ແທນ​ທີ່​ຈະ​
ທໍາການ​ຕິດ​ຕໍ່ກັນ​ທາງວິທະຍຸ​ ​ໃນ​ຂະນະ​ທີ່​ປະທານາທິບໍດີ​ກໍາລັງ​ນັ່ງລົດໄປ​ກັບ​ພັນ​ລະ​ຍາ​
ຂອງ​ເພິ່ນ ​ແລະ​ຜູ້​ວ່າການ​ລັດ Texasໃນ​ລົດ​ທີ່​ເປີດ​ຫລັງຄານັ້ນ.

ຫ້ອງ​ເກັບ​ມ້ຽນ​ປຶ້ມ​ໂຮງຮຽນ​ຂອງ​ລັດ Texas ທີ່ຢູ່​ຊັ້ນ 6 ຂອງ​ຕຶກ​ອາຄານ ບ່ອນ​ທີ່​ຜູ້​ຕ້ອງ​
ສົງໄສ​ເປັນ​ຄາດ​ຕະກອນ ນາຍ Lee Harvey Oswald ທີ່​ເຊື່ອ​ກັນ​ວ່າ ​ໄດ້​ເປັນ​ຜູ້​ຍິງ​ປືນ​
ຫລາຍນັດ​ໃສ່​ປະທານາທິບໍດີນັ້ນ ບັດ​ນີ້​ໄດ້​ປ່ຽນ​ເປັນຫໍພິພິດທະພັນແລ້ວ.

ທ່ານ Blaine ກ່າວ​ວ່າ ການ​ລອບ​ສັງຫານ​ປະທານາທິບໍດີ​ທີ່​ຍັງ​ໜຸ່ມນ້ອຍ ຊຶ່ງ​ໄດ້​ສ້າງຄວາມ
ຕື່ນຕົກໃຈໃຫ້ແກ່ໂລກນັ້ນ ​ໄດ້​ພາ​ໃຫ້​ມີ​ການ​ປັບປຸງການ​ຮັກສາ​ຄວາມ​ປອດ​ໄພໃຫ້​ດີ​ຂຶ້ນ ​ເຊ່ນ
ມີ​ການໃຫ້ງົບ​ປະມານ​ຫລາຍ​ຂຶ້ນ ​ສໍາລັບ​ພະ​ແນ​ກຮັກສາ​ຄວາມ​ປອດ​ໄພ ​ແກ່​ປະທານາທິບໍດີ
ແລະ​ມີ​ຍານພາຫະນະ​ ທີ່​ປົກ​ປິດ​ຫລັງຄາ​ສໍາລັບ​ພວກ​ລົດ​ຂະ​ບວນ​ແຫ່​ນັ້ນ.

ເບິ່ງວີດິໂອລາຍງານຂ່າວເປັນພາສາອັງກິດ ທີ່ກ່ຽວຂ້ອງກັບເລື້ອງນີ້

XS
SM
MD
LG