ລິ້ງ ສຳຫລັບເຂົ້າຫາ

ທ່ານ Johnson​ ມີ​ກຳນົດ ຈະໄປ​ສຳ​ຫຼວດເບິ່ງ ການ​ຟື້ຶ້ນຕົວ​ຄືນ ​​ຢູ່​ລັດ Louisiana


ພວກຜູ້ຄົນທີ່ອາໄສຢູ່ໃນຖະໜົນໃຫຍ່ Old Jefferson ໃນ ເຂດ Bayou Manchac ທີ່ເມືອງ Prairieville, La., 16 ສິງຫາ, 2016.

ທ່ານ Jeh Johnson ລັດຖະມົນຕີ​ກະຊວງ​ຮັກສາ​ຄວາມ​ປອດ​ໄພ​ພາຍ​ໃນສະຫະລັດ ​ແມ່ນ​ມີ​ກຳນົດຈະ​ໄດ້​ທຳ​ການສຳ​ຫຼວດ​ເບິ່ງ​ຄວາມ​ພະຍາຍາມ​ໃນ​ການ​ຟື້ຶ້ນຕົວ​ຄືນຢູ່​ລັດ Louisiana ທາງ​ພາກ​ໃຕ້​ຂອງ​ສະຫະລັດ ​ໃນ​ວັນ​ພະຫັດ​ມື້​ນີ້ ບ່ອນ​ທີ່ໄພ​ນ້ຳ​ຖ້ວມ​ຮ້າຍ​ແຮງ​ແບບ​ບໍ່​ເຄີຍ​ມີ​ມາ​ກ່ອນ ທີ່ເຮັດໃຫ້ມີ 13 ຄົນ ເສຍ​ຊີວິດ​ນັ້ນ.

ນ້ຳ​ຖ້ວມ​ໃນບໍລິ​ເວນ​ອ້ອມແອ້ມເມືອງ Baton Rouge ​ແມ່ນ​ເນື່ອງມາ​ຈາກ​ຝົນຕົກ​ເປັນ​ປະ ຫວັດ​ການ ​ຫຼາຍ​ກວ່າ 75 ຊັງ​ຕິ​ແມັດ ຊຶ່ງ​ໄດ້​ເລີ້​ມຂຶ້ນ​ໃນ​ສັບປະດາ​ແລ້ວ​ນີ້. ມີເຮືອນປະມານ 40 ພັນ ຫຼັງແມ່ນ​ໄດ້​ຮັບ​ຄວາມ​ເສຍ​ຫາຍ.

ທ້າວ Mossie Benoit ຜູ້​ຢູ່​ອາ​ໄສ ​ໃນ​ເຂດ​ນັ້ນ ​ໄດ້​ກ່າວ​ວ່າ “ຂ້ອຍບໍ່​ໄດ້ໜີ​ໄປ​ໃສ ​ເວລາ​ເກີດ ລົມ​ພາຍຸ hurricanes. ຂ້ອຍ​ບໍ່​ໄດ້​ໄປ​ໃສ​ເວລາ​ເກີດ​ຫຼາຍ​ສິ່ງ​ຫຼາຍຢ່າງ​. ​ແຕ່ຄັ້ງ​ນີ້ ຂ້ອຍ​ວ່າ​ແມ່ນ​ເປັນ​ເຫດ​ການທີ່​ຮ້າຍ​ແຮງ​ສຸດ.”

ສ່ວນຜູ້​ຢູ່​ອາ​ໄສ ​ອີກ​ຄົນ​ນຶ່ງ ທ້າວ James Lane ​ໄດ້ກ່າວ​ວ່າ ​ໄພນ້ຳ​ຖ້ວມ​ຄັ້ງ​ນີ້ ​ໄດ້​ທຳລາຍ​ ບ້ານ​ເຮືອນ​ຂອງ​ລາວ ​ໃນເມືອງ Baton Rouge ບ່ອນ​ທີ່​ລາວ​ໄດ້​ຍ້າຍ​ໄປ​ຢູ່ ຫຼັງ​ຈາກ​ທີ່​ລາວ​ໄດ້​ສູນ​ເສຍ​ທຸກ​ສິ່ງ​ຢ່​າງ ຍ້ອນ​ລົມ hurricanes Katrina ​ໃນ​ປີ 2005.

ທ້າວ Lane ກ່າວ​ວ່າ “ຂ້າ​ບໍ່​ສາມາດ​ແມ່ນ​ແຕ່​ຈະ​ຄິດວ່າ​ຈະ​ເຮັດ​ຫຍັງ​ໄດ້ ພຽງ​ແຕ່ເຮັດໄປ​ໃນ​ແຕ່​ລະ​ມື້ ​ແລະ​ຖ້າ​ມັນ​ເຊົາ​ແລ້ວ​ເມື່ອ​ໃດ ຂ້ອຍ​ກໍ​ຈະ​ເລີ້ມ​ປັດກວາດແລະ​ເລີ້​ມຕົ້ນ​ຄືນ​ໃໝ່ອີກ.”

​ເຈົ້າໜ້າ​ທີ່​ຂອງອົງການຄຸ້ມ​ຄອງ​ເຫດການ​ສຸກ​ເສີນຂອງ​ລັດຖະບານກາງ​ສະຫະລັດຫຼື FEMA ​ແລະ​ພວກ​ອາສາ​ສະໝັກ ​ໄດ້​ລົງ​ໄປ​ໃນ​ພື້ນທີ່ດັງກ່າວມາ​ໄດ້​ຫຼາຍໆ​ມື້​ແລ້ວ ​ໃນ​ຂະນະ​ນີ້ ​ແລະ​ພວກ​ອາສາ​ໝັກ​ຂອງ​ອົງການ​ສະພາກາ​ແດງ ກໍ​ເຊັ່ນ​ກັນ.

“ຈະ​ວ່າ​ໄປ ກໍ​ແມ່ນ​ວ່າ ລັດ​ດັ່ງກ່າວ​ນີ້ ​ໂດຍ​ລວມ​ແລ້ວ ​ແມ່​ນວ່າ ຄຸ້ນ​ເຄີຍ​ກັບ​ໄພ​ທຳ​ມະ​ຊາດ ​ເຊັ່ນ ພາຍຸ hurricanes ມາ​ແລ້ວ,” ຊຶ່ງ​ນັ້ນ​ແມ່ນ​ຄຳ​ເວົ້າ​ຂອງ​ທ່ານ Craig Cooper ຈາກ ອົງການ​ສະພາກາ​ແດງ ​ໄດ້​ບອກ​ກັບ VOA “​ແຕ່​ວ່າ​ ຄັ້ງນີ້ຝົນຕົກ​ໜັກ​ຫຼາຍ ​ແລະ​ສິ່ງ​ທີ່​ພວກ​ເຮົາ​ຮຽນ​ຮູ້​ນັ້ນ​ແມ່ນ​ວ່າ ​ໃນຫຼາຍໆ​ເຂດ ບັນດາ​ປະຊາ​ຄົມ​ພວກ​ນີ້ ​ແມ່ນ​ບໍ່​ເຄີຍ​ໄດ້​ປະສົບ​ກັບ​ໄພ​ນ້ຳ​ຖ້ວມ​ມາ​ກ່ອນ ຫຼື​ແມ່ນ​ແຕ່​ຈະ​ຈົດ​ຈຳ​ໄດ້ວ່າ​ເມື່ອ​ໃດ ຊຶ່ງ​ນັ້ນ​ແມ່ນ​ໃນ​ຮອບ 30 ປີ ຄືນ​ຫຼັງ.”

​ເຈົ້າໜ້າ​ທີ່​ໄດ້​ໃຫ້ການ​ຊ່ອຍ​ເຫລືອ​ແກ່​ຜູ້​ຄົນຫຼາຍ​ກວ່າ 30 ພັນ​ຄົນ ນັບ​ຕັ້ງ​ແຕ່​ວັນ​ສຸກ​ຜ່ານ​ມານີ້. ສ່ວນ​ໃຫຍ່​ຂອງ​ພວກ​ທີ່​ຊ່ອຍ​ມາ​ໄດ້​ນັ້ນ ​ແມ່ນໂດຍ​ກຳລັງ​ພິທັກແຫ່ງຊາດ ​ແລະ​ເຈົ້າ​ໜ້າທີ່ລະ​ດັບລັດ ​ແຕ່​ວ່າ​ພວກ​ປະຊາ​ຊົນ​ທີ່​ອາ​ໄສ​ຢູ່​ໃນເມືອງດັ່ງກ່າວ ທີ່​ມີ​ເຮືອ ລົດ​ບັນທຸກ ​ ແລ​ະ ​ເຮືອ Kayak ​ກໍໄດ້​ໄປ​ຊ່ອຍຜູ້​ຄົນ​ເຊັ່ນ​ດຽວ​ກັນ.

ອ່ານ​ຂ່າວ​ນີ້​ເພີ້​ມຕື່ມ​ເປັນ​ພາສາ​ອັງກິດ

XS
SM
MD
LG