ລິ້ງ ສຳຫລັບເຂົ້າຫາ

ຜູ້ຄັດຄ້ານ ຮ່າງກົດໝາຍ ຄວາມໝັ້ນຄົງ ຍີ່ປຸ່ນ ຢາກໃຫ້ ເລື່ອນເວລາ ການລົງຄະແນນສຽງ ຂອງສະພາ


ບັນດາຜູ້ປະທ້ວງຮ້ອງ ຄຳຂວັນ ຕໍ່ຕ້ານຮ່າງກົດໝາຍ ຄວາມໝັ້ນຄົງ ໃນລະຫວ່າງການຊຸມນຸມ ກາງຝົນຕົກ ຢູ່ຕໍ່ໜ້າ ຕຶກລັດຖະສະພາ ໃນນະຄອນຫຼວງ ໂຕກຽວ. 17 ກັນຍາ, 2015.

ບັນດາຜູ້ປະທ້ວງຮ້ອງ ຄຳຂວັນ ຕໍ່ຕ້ານຮ່າງກົດໝາຍ ຄວາມໝັ້ນຄົງ ໃນລະຫວ່າງການຊຸມນຸມ ກາງຝົນຕົກ ຢູ່ຕໍ່ໜ້າ ຕຶກລັດຖະສະພາ ໃນນະຄອນຫຼວງ ໂຕກຽວ. 17 ກັນຍາ, 2015.

ສະມາຊິກ​ສະພາ ຍີ່​ປຸ່ນ ສັບປະດາ​ນີ້​ ກຽມພ້ອມ​ທີ່​ຈະ​ລົງ​ຄະ​ແນນ​ສຽງ​ກ່ຽວ​ກັບ ຮ່າງກົດໝາຍ ​ຄວາມ​ໝັ້ນຄົງ ທີ່​ກຳລັງຖົກ​ຖຽງ​ກັນ ​ເຊິ່ງຈະ​ອະນຸມັດ​ໃຫ້​ທະຫານຍີ່ປຸ່ນໄປ​ຕໍ່ສູ້​ໃນ​ຕ່າງປະ​ເທດ ​ເປັນ​ຄັ້ງ​ທຳ​ອິດ​ຕັ້ງ​ແຕ່​ສົງຄາມ​ໂລກ​ຄັ້ງ​ທີ​ສອງ, ພວກຝ່າຍ​ຄ້ານ​ຜູ້​ຮັກ ສັນຕິຫຼາຍ​ພັນ​ຄົນ​ໄດ້​ໂຮມ ຊຸມນຸມ​ເພື່ອ​ຕໍ່ຕ້ານ​ສະມາຊິກກສະພາ ໃນ​ນະຄອນຫຼວງ ​ໂຕ​ກຽວ.

ຮ່າງ​ກົດໝາຍນີ້ຄາດ​ວ່າ​ຈະ​ໄດ້ຮັບອະນຸມັດ​ໃນ​ວັນ​ສຸກ​ມື້​ອື່ນ​ນີ້, ​ແຕ່​ວ່າ​ການຄັດຄ້ານຂອງ ປະຊາຊົນ ​ໄດ້​ເພີ້ມທະວີຂຶ້ນໃນໄລຍະສອງ​ສາມ​ເດືອນ​ຜ່ານ​ມາ​ນີ້, ນຳ​ໜ້າ​ໂດ​ຍບັນດາ​ນັກຮຽນ​ທີ່​ໄດ້ໂຮມ ຊຸມນຸມ​ໃນທົ່ວ​ປະ​ເທດ.

ມີ​ຫຼາຍ​ພັນ​ຄົນ​ໄດ້​ໂຮມ​ຊຸມນຸມ​ຢູ່​ນອກ​ລັດຖະສະພາ​ຂອງ​ ຍີ່​ປຸ່ນ ​ໃນ​ວັນ​ພະຫັດ​ມື້​ນີ້, ບ່​ອນທີ່​ບັນດາ​ສະມາຊິກ​ພັກ​ຝ່າຍ​ຄ້າ​ນ ທີ່ພາຍ​ໃນ​ ໄດ້​ຮ້ອງ​ສຽງດັງ​ສະແດງການຄັດຄ້ານ ​ແລະ ​ໄດ້​ຖືກປິດ​ລ້ອມ ​ໂດຍ​ສະມາຊິກ​ຂອງ​ພັນທະມິດ​ພັກ​ເສລີປະຊາທິປັດ ທີ່​ກຳລັງ​ປົກ​ຄອງ​ປະ​ເທດ​ຢູ່ໃນເວລານີ້.

ຮ່າງ​ກົດໝາຍ​ຄວາມ​ໝັ້ນຄົງ​ຈະ​ທົບ​ທວນ 10 ກົດໝາຍ​ທີ່​ມີ​ຢູ່ ​ແລະ ​ໃຫ້​ທະຫານ​ມີ​ຄວາມ​ອິດສະຫຼະ​ເພີ່ມ​ຂຶ້ນ​ເພື່ອ​ປ້ອງ​ກັນ​ປະຊາຊົນ​ແລະຜົນປະໂຫຍດຂອງ​ຕົນ ​ເຂົ້າ​ຮ່ວມ​ໃນການ ປ້ອງ​ກັນ​ປະເທດຕ່າງໆແລະເປັນ ​ພັນທະ​ມິດ​ໃນດ້ານປ້ອງກັນປະເທດ ເຊັ່ນ ສະຫະລັດ.

ນາຍົກລັດຖະ​ມົນຕີ Shinzo Abe ​ແລະ ຜູ້​ສະໜັບສະໜູນ​ຂອງ​ທ່ານອ້າງ​ເຫດຜົນ​ວ່າ ຍີ່​ປຸ່ນ ຕ້ອງການ​ທີ່​ຈະຮັບມືກັບໄພ​ຂົ່ມ​ຂູ່​ທີ່​ອາດ​ຈະ​ເກີດ​ຂຶ້ນ​ຈາກ​ຫຼາຍ​ປະ​ເທດ​ເຊັ່ນ ຈີນ ​ແລະ ​ເກົາຫຼີ​ເໜືອ ທີ່​ກຳລັງ​ເພີ່ມຄວາມ​ສາມາດ​ທາງ​ທະຫານ ​ແລະ ນິວ​ເຄລຍຂອງ​ພວກເຂົາ.

ຜູ້​ຄັດຄ້ານ​ໄດ້ໂຕ້​ຖຽງ​ວ່າ ຮ່າງ​ກົດໝາຍນີ້​ຈະ​ເປັນ​ການລະ​ເມີດ​ມາດ​ຕາ​ທີ 9 ຂອງ​ລັດຖະທຳ​ມະນູນຫຼັງ​ສົງ​ຄາມ​ຂອງ​ປະ​ເທດ​ ທີ່​ຍົກ​ເລີກ​ການໃຊ້​ກຳລັງທະຫານ ​ເພື່ອ​ການ​ຕໍ່ສູ້​ໃນ​ສົງ​ຄາມ ​ແລະ ລະງັບ​ຄວາມ​ຂັດ​ແຍ້​ງ ສາກົນ, ​ແລະ ​ເຮັດ​ໃຫ້​ຍີ່​ປຸ່ນ ​ເຂົ້າ​ໄປ​ຫຍຸ້ງ​ກ່ຽວ​ກັບ​ຄວາມ​ຂັດ​ແຍ້ງ​ຢູ່ໃນ ຕ່າງປະເທດ.

XS
SM
MD
LG